Alþýðublaðið - 05.11.1987, Blaðsíða 3

Fimmtudagur 5. nóvember 1987
3
FRETTIR
Nýja ráðhúsið:
LANDSIG VID TJ0RNINA7
Borgarverkfrœðingur gerir ráðstafanir til að mœla hugsanlegt landsig vegna ráðhúsbygg-
ingarinnar. Hús ekki talin í hœttu að sögn borgarverkfrœðings.
Er hætta á að land sigi í
nágrenni Tjarnarinnar þegar
framkvæmdir við nýja ráð-
húsið hefjast? Borgarverk-
fræðingur hefur staðfest að
mæla eigi hvort sig eigi sér
stað. Starfsmenn borgarverk
fræðings hafa farið þess á
leit við eigendur húsa við
Tjörnina, aö fá að reka 30
cm. stauta í húsin til að
mæla sigið.
Alþýðublaðið hafði sam-
band við Þórð Þ. Þorbjarnar-
son borgarverkfræðing og
spurði hann hvort gert væri
ráð fyrir sigi á svæðinu i
kringum ráðhúsbygginguna
tilvonandi.
„Við gerum ekki ráð fyrir
að það muni gerast". Hins-
vegar sagði Þórður að þegar
stálþilið væri komið niður og
vatni yrði dælt úr því, mætti
gera ráð fyrir smá sigi fáeina
metra út frá þilinu og það
hefði einhverja þýðingu fyrir
lagnir sem verið væri að
leggja núna í Tjarnargötu og
Vonarstræti. Hvað sigið yrði
mikið sagði Þórður að erfitt
væri að segja til um. En til að
svona stálþil fari að bera
þann jaröþrýsting sem á þvf
lendir þurfi það að gefa eftir
til þess að fara að bera eitt-
hvað og þá væri óhjákvæmi-
legt að smá sig yrði næst þil-
inu.
Varðandi stauta sem reka
ætti I hús við Tjarnargötu til
að mæla sigið, sagði Þórður
að væri eðlileg varúðarráð-
stöfun af hálfu borgarverk-
fræðings, þvl ef sig skyldi
eiga sér stað, þar sem grund-
un þessara húsa væri ekki
vel þekkt, vildu menn vera
vissir um hvernig ástandið
var áður og síðan á eftir, ef
sprungur eða annað slíkt
kæmu fram í húsunum.
„Gerið þið þá ekki ráð fyrir
að húsin séu í hættu?“
„Við gerum síöur ráö fyrir
þvl, en við viljum að minnsta
kosti vita hvort nokkuð ger-
ist".
„Þið reiknið ekki með þvi?“
„Nei“, sagði Þórður Þ. Þor-
bjarnarson borgarverkfræð-
ingur.
Frá þingi norrænna bankamanna sem lauk i Reykjavik í gær.
Bankamenn á Norðurlöndum:
SEX MILLJARÐAR í
VERKFALLSSJÓÐ
Sameiginlegur verkfalls-
sjóður norrænna banka-
starfsmanna telur samtals
um 6 milljarða króna. Af
þessu fé er um lO.hlutinn
eða um 600 milljónir króna,
ætlaður til að nýtast beint i
fjárhagsaðstoð hugsanlegu
verkfalli bankamanna i ein-
hverju Norðurlandanna, en
stjórn sjóðsins getur síðan
ákveðið fjárveitingar umfram
það.
Á aðalfundi Sambands nor
rænna bankamanna, sem
lauk i Reykjavík í gær var
undirritaður samningur, þar
sem þessi „skyndihjálpar-
hluti“ sjóðsins er aukinn úr
25 milljónum sænskra króna
í 100 milljónir, eða samsvar-
andi ríflega 600 milljónum ís-
lenskum.
Að því er segir í frétt frá
Sambandi íslenskra banka-
manna, lýsir þessi trygging
einstöku samstarfi stéttarfé-
laga bankastarfsmanna á
Norðurlöndum, sem alls telja
um 160 þúsund meðlimi.
„Með þessum samstöðu-
samningi hafa bankastarfs-
menn öflugt verkfallsvopn
þar sem atvinnurekendur vita
að við höfum fjárhagslega
stöðu til að fara i verkfall. Við
getum útvegað peninga fljótt
og getum staðið í löngu verk-
falli ef nauðsyn krefur," segir
formaður samtakanna, Norð-
maðurinn Fritz R Johansen.
Útvegsbankinn h.f:
MEST INN-
LÁNSAUKNING
Útibú Útvegsbankans
verða sjálfstæðar rekstrarein-
ingar og aðeins einn banka-
stjóri verður yfir bankanum.
Að sögn aðstandenda bank-
ans er innlánsaukning Út-
vegsbankans meiri en banka-
kerfisins í heild.
Útvegsbankinn hf. efndi til
blaðamannafundar ( gær til
að kynna skipulagsbreytingar
Guðmundur Hauksson
bankastjóri nefndi meðal
annars að útibú bankans
yrðu gerð að sjálfsstæðari
einingum og bæru fulla
ábyrgð gagnvart yfirstjórn
Útvegsbankamenn kynna nýtt skipulag bankans á blaðamannafundi í
gær. Guðmundur Hauksson bankastjóri er lengst til hægri á myndinni.
bankans og Seðlabankanum.
í máli Guðmundar kom
fram að á þeim tæpu sex
mánuðum sem bankinn hefur
starfað hefur reksturinn
gengið mjög vel. Útvegsbank-
inn hefði verið með 26,3%
innlánsaukningu á meðan
meðaltal bankakerfisins væri
24,8%.
Söluskattur á matvörur:
KAUPMENN
ÁNÆGÐIR
Eðlilegt að fækka undanþágum segir
Gunnar Snorrason kaupmaður í Hólagarði,
fyrrum formaður Kaupmannasamtakanna.
Gunnar Snorrason kaup-
maður í Hólagarði, fyrrum
formaður Kaupmannasam-
taka íslands, segir fækkun
undanþága i söluskattskerf-
inu mjög til bóta. Hann telur
því eðlilegt að leggja skatt á
þær matvörur sem fyrirhugað
er aö gera um áramót, en
segir jafnframt þurfi að gera
hliðarráðstafanir í gegnum
tryggingakerfiö svo hækkun
komi ekki hart niður á barna-
fjölskyldum og þeim efna-
minni.
í samtali við Alþýðublaðið
í gær sagöist Gunnar vera
andvígur virðisaukaskatti.
Ríkisstjórnin fyrirhugar að
taka upp virðisaukaskatt í
stað söluskatts 1989. Gunnar
sagði mun eðlilegra að
fækka undanþágum í sölu-
skattskerfinu og setja sömu
skattprósentu yfir alla linuna.
„Með því móti tel ég að
hægt verði að lækka sölu-
skattsprósentuna töluvert
niöur fyrir 20 prósent."
Gunnar sagði að fækkun
undanþága hefði í för með
sér mun betra eftirlit meö
framtölum og öll vinnavið
skattálagninguna yrði auð-
veldari.
Hann benti á að innheimt-
ur söluskattur væri yfir 40%
af tekjum rikissjóðs. „í
undanþágukerfinu hefur
þetta kostað mikla vinnu hjá
kaupmönnunum. Sú vinna
hefur öll veriö unnin I sjálf-
boðavinnu."
Gunnar sagði að það hefði
verið rangt hugsaö af rikis-
stjórninni að afnema undan-
þágur að hluta til 1. nóvem-
ber án verulegra hliðarráðstaf-
ana og stíga siöan næsta
skref um áramót. „Ríkis-
stjórnin hefði átt að láta það
verða sitt fyrsta verk að af-
nema undanþágur. Það hefði
reynst mun auðveldara við-
fangs, en þá hefði ennfremur
þurft að lækka prósentuna
og gera hliðarráðstafanir fyrir
þá efnaminni."
Þór Tuliníus og Arnar Jónsson í
hlutverkum sínum i „Kveöju-
skál.“
KVEÐJUSKÁL
OG ALASKA
Alþýðuleikhúsiö frumsýnir
tvo einþáttunga eftir Harold
Pinter i Hlaðvarpanum
laugardaginn 7. nóvember kl.
16.00.
Annað leikritið nefnist
„Einskonar Alaska" og er
kveikjan að því bók læknis-
ins Oliver Sacks, „í svefn-
rofum,“ sem kom fyrst út
1973. Þar segir frá kynlegri
farsótt er breiddist út í
Evrópu í byrjun aldarinnarog
siðan um allan heim. Ein-
kenni hennarvoru m.a.
dauðadá og óráö. Fimmtíu
árum síðar kom til sögunnar
lyf, L-DOPA er vakti sjúkling-
ana til lífs á ný. „Einskonar
Alaska“ segir frá konu sem
vaknar af dásvefni fyrir til-
stuölan lyfsins, eftir 29 ár.
„Kveðjuskál" er nafnið á
hinu leikritinu. í því er reynt
að fá áhorfendur til að horf-
ast í augu við þá staöreynd
að í yfir 90 þjóðlöndum eru
pyntingar fylgifiskur fangels-
isvistunnar.