Morgunblaðið - 04.04.2001, Blaðsíða 16
HÖFUÐBORGARSVÆÐIÐ
16 MIÐVIKUDAGUR 4. APRÍL 2001 MORGUNBLAÐIÐ
MIKLAR jarðvegsfram-
kvæmdir standa nú yfir á
golfvelli Golfklúbbs Reykja-
víkur í Grafarholti. Grafinn
hefur verið djúpur og mikill
skurður niður eftir öllum
dalnum meðfram golfbraut-
unum og þar er verið að
koma fyrir holræsi fyrir
nýja hverfið sem er að rísa í
Grafarholtinu.
Það er breytt landslag
sem blasir við á golfvellin-
um. Áður voru þar einvörð-
ungu berangurslegir melar í
hæðum og bugðum en nú
blasir við myndarlegt ein-
býlishúsahverfi í austurhlíð-
inni, vissulega ennþá í smíð-
um og enginn fluttur inn, en
þegar allt verður þar frá-
gengið má búast við því að
prýði verði af nýbyggingun-
um í hlíðinni. Væntanlegir
íbúar þurfa sömuleiðis ekki
að kvíða útsýninu úr stofum
sínum því þaðan munu blasa
við iðagrænar brautir og
flatir í sumar og sundin blá í
vestri.
Reykjavíkurborg stendur
að framkvæmdinni sem mið-
ar að því að koma skólpi og
yfirborðsvatni af götum frá
hinu nýja hverfi til sjávar.
Berar klappirnar
Margeir Vilhjálmsson,
framkvæmdastjóri Golf-
klúbbs Reykjavíkur, segir
að verklok séu 15. maí næst-
komandi og allt útlit sé fyrir
að verktakar skili verkinu af
sér í tæka tíð. Blaðamaður
átti erfitt með að ímynda
sér það þegar farið var um
svæðið í gær. Þar eru stór-
virkar jarðvinnuvélar og op-
inn skurður þar sem glittir í
hrikalegar klappirnar sem
hafa verið sprengdar í sund-
ur.
Í sárinu á jörðinni má
glögglega sjá hvers konar
afrek hinir fjölmörgu unn-
endur golfíþróttarinnar sem
tengjast GR hafa unnið í
gegnum tíðina, eða allt frá
því framkvæmdir hófust
1958, með því að byggja
þarna upp einn glæsilegasta
golfvöll landsins, því ekki
verður annað sagt en að
jarðvegurinn er rýr.
Lítil reynsla komin
á sambýli golfvallar
og íbúðabyggðar
Margeir, sem er sér-
menntaður í viðhaldi og
gerð golfvalla frá Skotlandi,
segir að lítil reynsla sé kom-
in á sambýlið við nýju
byggðina í Grafarholtinu.
Húsin hafi risið í vetur en
svona sambýli sé þekkt er-
lendis. Húsin standi fyrir of-
an völlinn og engin hætta á
að bolta sé slegið í rúðurn-
ar.
Margeir segir að mikið sé
í húfi að framkvæmdunum
ljúki á réttum tíma því und-
irbúningur sé þegar hafinn
fyrir Íslandsmótið í golfi
sem haldið verður á vell-
inum dagana 9., 10., 11. og
12. ágúst næstkomandi. Lið-
ur í undirbúningnum er
einnig bygging nýrra öft-
ustu teiga á 4–5 brautum.
Margeir segir að fram-
kvæmdirnar hafi hafist í
febrúar í fyrra. Gerður var
allt að eins kílómetra langur
skurður sem er feiknarlegt
mannvirki. Þar hefur þurft
að sprengja upp klappir og
sums staðar er skurðurinn
allt að níu metrar á dýpt.
Margeir segir að það hafi
verið til happs að vegur hafi
legið í gegnum völlinn sem
hafi verið fylgt að stærstum
hluta við skurðgröftinn.
Í fyrra hafi verið mokað
upp úr skurðinum og efnið
sett til hliðar við hann og þá
hafi orðið allt að 30 metra
breitt sár í vellinum. Það er
nú að mestu leyti búið að
laga en þó er ljóst að völl-
urinn þarfnast frekari lag-
færinga á því svæði vegna
þess hve jarðvegurinn hefur
sigið.
Margeir segir að þetta
hafi sloppið vel til í fyrra og
völlurinn hafi verið opnaður
21. maí, eða um svipað leyti
og undanfarin ár. Samfara
framkvæmdinni hefði þriðja
brautin verið hækkuð.
Flóðlýstur
æfingavöllur
„Það er erfitt að koma á
hverju vori með hálfgróinn
völl. Það voru einar fjórar
brautir í hálfgerðu uppnámi
í fyrra en síðan gekk þetta
mjög vel.“ Það eru enn frek-
ari framkvæmdir í gangi við
golfvöllinn því árið 2002 er
ráðgert að taka í notkun 5
hektara æfingasvæði við
vesturenda golfvallarins.
Þar verða básar og hægt að
leigja bolta til að slá út á
flatir. Svæðið verður flóð-
lýst og segir Margeir að
stefnt verði að því að búa
það þannig úr garði að það
standist allan alþjóðlegan
samanburð. Hann segir að
þegar vel viðri á veturna sé
ekkert því til fyrirstöðu að
hafa svæðið opið.
Borgin á landið sem golf-
völlur GR stendur við, jafnt
í Grafarholtinu sem og á
Korpúlfsstöðum, en það var
eitt fyrsta verk Margeirs
sem framkvæmdastjóra
klúbbsins að ganga, ásamt
formanni klúbbsins, frá
leigusamningi til 50 ára.
Golfklúbburinn velti í
fyrra 90 milljónum króna og
skilaði reksturinn hagnaði.
Félagar í klúbbnum eru
rúmlega 1.730 talsins og auk
þess eru um 1.000 manns á
biðskrá. Samþykkt var á
síðasta aðalfundi að þegar
félagatalan næði 1.800 yrði
farið að taka inn félaga á
biðlista, því klúbburinn get-
ur ekki haft fleiri virka
félaga með núverandi að-
stöðu. Árgjaldið er 43.000
kr., en 33.000 kr. fyrir kon-
ur, og inntökugjald, sem er
greitt einu sinni er 50% af
árgjaldinu.
Miklar framkvæmd-
ir í Grafarholti
Reykjavík
Margeir Vilhjálmsson, framkvæmdastjóri GR. Í baksýn eru moldarbingir þar sem ráðgert er að opna flóðlýstan æfingavöll 2002.
Miklar framkvæmdir standa yfir á golfvellinum; verið er
að koma fyrir holræsi frá nýrri byggð í Grafarholti.
Margt hefur
breyst á golfvelli
GR í Grafarholti
síðan Guðjón Guð-
mundsson vann
þar á sláttuvélum
eitt sumar í byrjun
níunda áratug-
arins. Margeir Vil-
hjálmsson, fram-
kvæmdastjóri GR,
segir frá helstu
breytingunum
framundan. Morgunblaðið/Ásdís
Á RÁÐSTEFNU um Staðar-
dagskrá 21 á Íslandi, sem
haldin var 2. apríl síðastliðinn,
voru Mosfellsbæ veitt Staðar-
dagskrárverðlaunin 2001.
Hvatningarverðlaun íslenska
Staðardagskrárverkefnisins
2001 féllu hins vegar í skaut
Hveragerðisbæjar.
Um er að ræða viðurkenn-
ingar sem veittar eru til sveit-
arfélaga fyrir góðan árangur
og virka þátttöku í Staðardag-
skrárstarfinu mars 2000 –
mars 2001.
Seint í mars á síðasta ári
voru fjórum íslenskum sveit-
arfélögum veittar sérstakar
viðurkenningar fyrir góðan
árangur í Staðardagskrár-
starfinu, sem þá hafði staðið í
tæplega eitt og hálft ár. Þess-
um viðurkenningum var ætlað
að vera hvatning til sveitar-
félaga til þess að halda ótrauð
áfram í þeirri vinnu að gera
langtímaáætlanir um það
hvernig þau hyggjast nálgast
markmiðið um sjálfbæra þró-
un á 21. öldinni, en það er ein-
mitt það sem Staðardagskrá
21 fjallar um. Sveitarfélögin
sem þannig voru verðlaunuð
fyrir ári, voru Snæfellsbær,
Akureyri, Hafnarfjörður og
Mosfellsbær.
Að þessu sinni var ákveðið
að verðlauna aðeins eitt sveit-
arfélag, og þótti þá liggja
beint við að velja það úr hópi
þeirra sem þegar hafa sam-
þykkt 1. útgáfu af Staðardag-
skrá 21, og hafa auk þess sam-
þykkt Ólafsvíkuryfirlýsing-
una um starf sveitarfélaga að
sjálfbærri þróun. Alls hafa 17
sveitarstjórnir samþykkt
Ólafsvíkuryfirlýsinguna, en
aðeins fjögur þeirra hafa jafn-
framt samþykkt 1. útgáfuna
af Staðardagskrá 21. Þar með
komu aðeins fjögur sveitar-
félög til greina við þessa verð-
launaveitingu.
Að sögn Stefáns Gísla-
sonar, verkefnisstjóra Staðar-
dagskrár 21 á Íslandi, vinna
um 30 sveitarfélög á Íslandi
að gerð Staðardagskrár, og
víða einkennist starfið af
miklum áhuga og dugnaði,
þótt tími og peningar séu
mjög af skornum skammti.
Með þetta í huga þótti rétt að
veita, auk aðalverðlaunanna,
sérstök hvatningarverðlaun
fyrir vel unnið starf eða snjall-
ar lausnir á einstökum vanda-
málum. Hvatningarverðlaun
íslenska Staðardagskrárverk-
efnisins 2001 voru veitt
Hveragerðisbæ fyrir öflugt
starf og markvisst samstarf
við skóla og stofnanir. Í
Hveragerði eru drög að fram-
kvæmdaáætlun Staðardag-
skrár 21 tilbúin til afgreiðslu í
bæjarstjórn.
Staðardagskrárverðlaunin
2001 voru hins vegar veitt
Mosfellsbæ, eins og áður er
nefnt.
Áhersla á miðlun upplýs-
inga til almennings
„Bæjarstjórn Mosfellsbæj-
ar samþykkti fyrstu útgáfu af
Staðardagskrá 21 fyrir bæjar-
félagið þann 31. janúar sl., en
það sem einkennt hefur starf-
ið í Mosfellsbæ öðru fremur
er sú mikla áhersla sem lögð
hefur verið á miðlun upplýs-
inga til almennings og á þátt-
töku almennings á öllum stig-
um starfsins,“ sagði Stefán.
„Útgáfa fréttabréfsins Sól-
argeislans hefur verið mikil-
vægur þáttur í því að treysta
tengslin við almenning, en 3.
tölublaðið er einmitt nýkomið
út. Sólargeislinn er án nokk-
urs vafa vandaðasta kynning-
arefnið fyrir almenning sem
gefið hefur verið út um þessi
mál hérlendis.“
Ráðstefnan Staðardagskrá 21 í fjórða skipti
Mosfellsbær fékk
Staðardagskrár-
verðlaunin 2001
Hér má sjá verkefnisstjórn SD21 í Mosfellsbæ með viðurkenninguna ásamt Einari Svein-
björnssyni, aðstoðarmanni umhverfisráðherra.
Mosfellsbær