Morgunblaðið - 04.04.2001, Blaðsíða 28
LISTIR
28 MIÐVIKUDAGUR 4. APRÍL 2001 MORGUNBLAÐIÐ
RAGNA Sigrúnardóttir myndlist-
arkona opnaði síðastliðinn laug-
ardag málverkasýningu í Agora
Gallery í New York.
Sýningin stendur til 21. apríl
næstkomandi og ber hún heitið
„Visions From Life“. Að sögn
Rögnu eru konurnar í fjölskyldu
hennar helstu áhrifavaldarnir í lífi
hennar og hefur hún leitast við að
tjá þau áhrif í málverkum sínum. Í
málverkunum á sýningunni veltir
Ragna fyrir sér hvað felist í því að
vera kona, þegar litið er fram hjá
hlutverkunum sem hún er skil-
greind út frá. Á myndunum gefur
að líta kvenfígúrur sem tjá ólíkar
tilfinningar, s.s. gleði og duttlunga,
ýgi og tilfinninganæmi. Undir fíg-
úrumynd málverkanna liggja jafn-
framt aðrar myndir, eins konar
undirmyndir. „Undirmyndirnar
skína í gegn líkt og ör, kúlur og
mar, og má líkja þeim við þá
reynslu sem mótar okkur í lífinu og
gerir okkur að því sem við erum.
Það sem gerir þessar konur áhuga-
verðar er að þær eru mótaðar í
senn af fegurð og annmörkum.“
Ragna Sigrúnardóttir lauk BFA-
gráðu frá Listastofnun Kaliforníu
og býr nú og starfar í Seattle.
Ragna Sigrúnardóttir
sýnir í Agora Gallery
Andlit Áróru eftir Rögnu Sigrúnardóttur.
NÝJASTA myndin hans Gus Van
Sant fjallar um tvo útlaga í borg-
arhverfinu Bronx. Þótt þeir séu í
fljótu bragði jafn ólíkir og hvítt og
svart (í orðsins fyllstu merkingu),
eiga þeir enn fleira sameiginlegt.
Jamal Wallace (Rob Brown), er 16
ára, bráðskarpur, þeldökkur ung-
lingur, sem hefur ánægju af lestri
góðra bóka og ríka þörf til að tjá sig
á pappírnum. Sem hentar ekki vel í
hverfinu, sem séð hefur betri daga.
Jamal leggur því á yfirborðinu
meira kapp á sitt annað hjartans
mál, körfuboltann, sem jafnframt er
auðskildari af umhverfinu. Jamal og
félagar hans á vellinum verða oft
varir við að einn íbúanna í nágrenn-
inu fylgist grannt með því sem ger-
ist í sjónauka, en sést hinsvegar
aldrei utan veggja íbúðar sinnar.
Þeir kalla hann „gluggann“, og er
hann orðinn dularfull þjóðsagnaper-
sóna.
Jamal er manaður til að heim-
sækja „gluggann“, og kemst inn til
hans. Þar blasir óvænt við heimili
menntamanns, bækur upp um alla
veggi, í öllum hornum. Stráksa verð-
ur hverft við, flýr á braut og gleymir
bakpokanum sínum, sem inniheldur
m.a. ýmislegt sem hann hefur samið.
Daginn eftir er pokanum hent niður
til hans, handritin hafa verið yfirfar-
in, leiðrétt, með fagmannlegum
ábendingum.
Í stuttu máli hefst þar með ein-
stök vinátta. „Glugginn“ reynist
vera William Forrester (Sean Conn-
ery), frægt skáld og goðsögn í bók-
menntaheiminum – þótt hann hafi
horfið í sjálfskipaða útlegð fyrir
hálfri öld, eftir útkomu fyrstu bókar
sinnar. Hún færði Forrester frægð
og Pulitzer-verðlaun, en síðan hefur
allt hans líf verið sveipað dulúð.
Jamal fær ómetanlega hvatningu og
tilsögn hjá Forrester, sem sér frá
upphafi stórkostlegt efni í drengn-
um, sem finnur manninn Forrester
undir hrjúfum skrápnum. Þeir leiða
hvor annan á rétta braut.
Óneitanlega minnir efnið á ým-
islegt sem áður hefur sést, og það
oft, í kvikmyndum. Nánast beina til-
vísun er að finna í The Loneliness
Of the Long Distance Runner, hina
klassísku mynd Tony Richardson,
frá 1962. Þar hóf Tom Courteney
feril sinn svo eftirminnilega, sem
nemandinn sem mótmælir því á
áhrifaríkasta hátt sem hann kann að
vera í náðinni sakir framúrskarandi
árangurs á íþróttasviðinu en ekki
augljósra námshæfileika. Ein þekkt-
asta mynd Van Sant, Good Will
Hunting, kemur þó enn frekar upp í
hugann, samsvörunin er óvéfengj-
anlega náin.
Gus Van Sant virðist lentur á
hinni breiðu velferðarbraut hugljúfu
og hjartnæmu Hollywoodmynd-
anna, og gerir þær vissulega vel.
Bjargar reyndar Fundnum Forres-
ter frá því að verða væmin með
styrkri hjálp hins gráa og gamal-
reynda Connerys, sem er hjarta og
sál myndarinnar. Maður saknar
engu að síður hins djarfa og róttæka
og einstaka Van Sant, sem gerði
perlurnar Drugstore Cowboy og My
Own Private Idaho. Van Sant virðist
vera búinn að týna honum í rjóma-
kökubakaríi iðnaðarins.
Fundinn Forrester er vönduð af-
þreying, ein þeirra sem skilur við
mann í jákvæðu og góðu skapi, að
hætti ævintýrasagna bernskunnar.
Það er einnig dýrmætt, engu síður
en kynnin af svartnættisveröld ut-
angarðsfólksins í fyrrgreindum
klassastykkjum leikstjórans. Van
Sant er jafn hagur á melódramað og
myrkviðina, það gerir gæfumuninn.
Fundinn Forrester er vissulega fyr-
irsjáanleg og tilfinningaþrungin en á
væmnislausum nótum sem snerta
mann og hlýja um hjartaræturnar.
Rob Brown er byrjandi, einsog
Courteney í den, og er býsna góður,
en ekki réttlátt að bera hann saman
við breska snillinginn. Það kitlar að
sjá íslenskt nafn á kreditlistanum og
Valdís Óskarsdóttir og tökumað-
urinn Harris Savides eiga sannar-
lega sinn góða þátt í vönduðu útliti
myndarinnar og magnaðri undir-
strikun á bilinu á milli ríkra og fá-
tækra í stórborginni New York.
Ævintýri úr Bronx
„Fundinn Forrester er vönduð afþreying, ein þeirra sem skilur við
mann í jákvæðu og góðu skapi, að hætti ævintýrasagna bernskunnar.“
Sæbjörn Valdimarsson
KVIKMYNDIR
S t j ö r n u b í ó , B í ó h ö l l i n
Leikstjóri: Gus Van Sant. Handrits-
höfundur: Mike Rich. Tónskáld: Bill
Frisell. Kvikmyndatökustjóri:
Harris Savides. Klipping: Valdís
Óskarsdóttir. Aðalleikendur: Sean
Connery, Rob Brown, F. Murray
Abraham, Michael Nouri, Anna Pa-
quin, Busta Rhymes. Sýningartími
135 mín. Bandarísk. Columbia.
Árgerð 2000.
FORRESTER FUNDINN –
FINDING FORRESTER
Í GAMANMYNDINNI „Miss
Congeniality“, sem frumsýnd var um
síðustu helgi í hvorki fleiri né færri en
fimm kvikmyndahúsum, leikur
Sandra Bullock lögreglukonu hjá
bandarísku alríkislögreglunni sem
þvinguð er til þess að taka þátt í feg-
urðarsamkeppni svo hafa megi upp á
sprengjumanni er hótar að sprengja
hátíðina í loft upp. Hér er um að ræða
enn eina útgáfuna af sögunni um ljóta
andarungann því Sandra er jafn kyn-
þokkafull og glæsileg og vörubílstjóri
með gyllinæð þegar við kynnumst
henni fyrst en breytist svo í svan, auð-
vitað.
Hún er sjálf einn af framleiðendum
myndarinnar og hefur fengið til liðs
við sig ásjálegan hóp leikara til þess
að halda uppi fjörinu í mynd sem er
ljúfmennskan uppmáluð, stundum
nokkuð fyndin og yfirleitt hin ágæt-
asta skemmtun. Michael Caine er
fínn í hlutverki einskonar Henry
Higgins, sem fær það verkefni að
gera svan úr Söndru; Benjamin Bratt
er brattur sem yfirmaður hennar í
lögreglunni; Candice Bergen er
drottning hátíðarinnar og William
Shatner er frábær sem elskulegur
kynnir á meðan allt fer í bál og brand.
Handritshöfundunum og leikstjór-
anum, Donald Petrie, tekst að skop-
ast hæfilega að fegurðarsamkeppn-
um án þess að valta yfir þær, þetta
eru bara stelpur sem reyna að láta
gott af sér leiða, eins og Sandra segir.
Og þeir finna alvöru skop í umbreyt-
ingunni sem verður á Söndru þegar
hún breytist úr löggu í fegurðardís á
nokkrum dögum. Sandra nýtur sín til
fulls í hlutverkinu, sem er það besta
sem hún hefur haft með höndum í
langan tíma. Hún fær jafnvel tæki-
færi til þess að brosa í gegnum tárin
áður en við kveðjum.
Hins vegar hefði mátt lappa tölu-
vert upp á sprengjuplottið, sem er
lapþunnt og ekki í neinu samræmi við
annað sem í myndinni gerist. „Miss
Congeniality“ er þannig að mestu
leyti hin prýðilegasta gamanmynd
sem hæðist fínlega að fegurðarsam-
keppnum en umvefur þær á endanum
ást og hlýju.
Brosað í gegnum tárin
KVIKMYNDIR
B í ó h ö l l i n , H á s k ó l a -
b í ó , K r i n g l u b í ó , N ý j a
b í ó A k u r e y r i o g N ý j a
b í ó K e f l a v í k
Leikstjóri: Donald Petrie. Handrit
og framleiðsla: Marc Lawrence.
Aðalhlutverk: Sandra Bullock, Ben-
jamin Bratt, Michael Caine, Can-
dice Bergen, William Shatner, Er-
nie Hudson og John Diresta.
Warner Bros. 116 mínútur.
„MISS CONGENIALITY“
1 ⁄2
Arnaldur Indriðason
Í TILEFNI af alþjóðlega heilbrigð-
isdeginum verður aukasýning á ein-
leiknum Háalofti í Kaffileikhúsinu
annað kvöld, fimmtudagskvöld, kl.
21.
Leiksýningin Háaloft, sem The
Icelandic Take Away Theatre vann í
samvinnu við Kaffileikhúsið síðast-
liðið haust, er þáttur í að skapa með-
vitund um eðli og ásýnd geðhvarfa-
sýki. Verkið var unnið í nánu
samstarfi við félögin Geðrækt og
Geðhjálp, Landlæknisembættið,
sjúkrastofnanir á sviði geðheilbrigð-
is, hjúkrunarfólk, aðstandendur og
síðast en ekki síst fólk sem þjáist af
þessum sjúkdómi.
The Icelandic Take Away Theatre
hefur verið boðið með sýninguna á
erlendar leiklistarhátíðir. Annars
vegar Kvennaleiklistarhátíðina í
Tornio í Finnlandi í sumar, þar sem
leikkonan Vala Þórsdóttir mun einn-
ig halda námskeið í gerð og leik ein-
leikja. Hins vegar verður Háaloft
sýnt á Festival of Alternative
Theatre í Búdapest nú í aprílmánuði.
Þetta er í fyrsta sinn sem leikhópum
frá vesturhluta Evrópu er boðin
þátttaka í hátíðinni og munu í ár hóp-
ar m.a. frá Ítalíu, Frakklandi og Pól-
landi sýna verk á hátíðinni.
Menntamálaráðuneytið og félagið
Geðrækt styrkja The Icelandic Take
Away Theatre til þessarar ferðar.
Auka-
sýning á
Háalofti