Morgunblaðið - 22.04.2001, Blaðsíða 4

FRÉTTIR
4 SUNNUDAGUR 22. APRÍL 2001 MORGUNBLAÐIÐ
VIKAN 15/4–21/4

GÍSLI Már Gíslason,
prófessor og formaður
Þjórsárveranefndar,
leggst eindregið gegn
áformum Landsvirkjunar
um Norðlingaöldulón og
sjötta áfanga Kvíslaveitu.
Hann segir virkjunarkosti
við Þjórsárver þegar full-
nýtta.

IÐNAÐARRÁÐHERRA
hefur skipað viðræðu-
nefnd sem mun ræða við
Norðurál um mögulega
stækkun verksmiðjunnar
úr 90 þúsund tonnum í 180
þúsund tonn.

ÓÁNÆGJA er meðal
margra sjúklinga með
nýja reglugerð um gerð
lyfseðla og ávísun lyfja en
ákveðnum lyfjum er ekki
lengur hægt að fá ávísað í
gegnum síma. Kvörtunum
hefur rignt yfir heilsu-
gæslustöðvar og lyfjabúðir
vegna þessa.

STEFNT er að því að
banna starfsemi nektar-
dansstaða í öllum helstu
hverfum Reykjavíkur en
hún verði þó áfram leyfð í
iðnaðarhverfum.

LITLUM vélum í at-
vinnuflugi hefur fækkað
verulega á undanförnum
árum en stórum flugvélum
að sama skapi fjölgað.

BÆJARRÁÐ Hafn-
arfjarðar hefur gefið út
heimild til að hefja samn-
ingaviðræður við Íslensku
menntasamtökin um að
fyrirtækið annist kennslu-
þátt grunnskólans í Ás-
landi. Útboðið hefur valdið
talsverðum deilum, jafnt í
bæjarstjórn sem á Alþingi.
Sjómannaverkfall
hefur áhrif á 4.000
störf í fiskvinnslu
VERKFALL sjómanna hefur nú stað-
ið samfleytt frá 1. apríl og er áhrifanna
víða farið að gæta. Rekstur margra fyr-
irtækja er að stöðvast og fisksölufyr-
irtækin segja verkfallið setja margra
ára markaðsstarf í hættu. Forstjóri
Vinnumálastofnunnar telur að eftir
helgi verði á annað þúsund manns í
fiskvinnslu komið á atvinnuleysisskrá.
Veiðar á mikilvægum tegundum eru nú
við að hefjast og mikil verðmæti eru í
húfi en á síðasta ári var útflutnings-
verðmæti vegna úthafskarfaveiða á
Reykjaneshrygg um 3,5 milljarðar
króna.
Mörg fíkniefnamál til
rannsóknar
LÖGREGLU- og tollayfirvöld hafa á
síðustu þremur vikum eða svo lagt hald
á um 22.000 e-töflur sem ætlaðar voru
til sölu hér á landi. Þetta er mun meira
magn en lagt var hald á í fyrra. Einnig
var lagt hald á um átta kíló af hassi og
200 grömm af kókaíni.
Níu manns, þar af tveir refsifangar
af Litla-Hrauni, sitja nú í gæsluvarð-
haldi vegna rannsóknar á málunum.
Próf endurskipulögð
komi til verkfalls
kennara við HÍ
LJÓST er að starfsemi Háskóla Ís-
lands lamast að mestu leyti komi til
verkfalls kennara við Háskóla Íslands
sem þeir hafa boðað frá 2.–16. maí nk.
Páll Skúlason háskólarektor segir að
verði af verkfalli verði próf endurskipu-
lögð og ráðstafanir gerðar til þess að
gera stúdentum kleift að ljúka prófum.
Kennarar við Kennaraháskóla Ís-
lands hafa samþykkt að fara í tíma-
bundið verkfall frá 7. til 21. maí nk.
INNLENT
Ráðist inn á Gaza
ÍSRAELAR afléttu á föstudag að
nokkru leyti samgöngutakmörkunum
sem þeir höfðu sett á Gaza-svæðið en
Ariel Sharon forsætisráðherra hafnaði
á hinn bóginn boði Yassers Arafats,
leiðtoga Palestínumanna, um sameig-
inlegt sjónvarpsávarp þar sem þeir
myndu hvetja til friðar.
Átök voru á hernumdu svæðunum
alla vikuna og höfðu í vikulok 381 Pal-
estínumaður og 13 ísraelskir arabar
látið lífið síðan uppreisnin hófst sl.
haust. Sharon ítrekaði í blaðaviðtali þá
stefnu sína að hefja ekki friðarviðræð-
ur fyrr en Arafat hefði „bundið enda á
hryðjuverkin“ en 71 Ísraeli hefur fallið
í átökunum.
Á miðvikudag fóru Ísraelar með
jarðýtur og skriðdreka inn á sjálf-
stjórnarsvæði Palestínumanna á Gaza
og lögðu í rúst lögreglustöð. Var
ástæðan sögð að skotið hefði verið frá
lögreglustöðinni að ísraelskum verka-
mönnum. Hamas, samtök herskárra
Palestínumanna, hafa staðið fyrir
sprengjuárásum á landnemabyggðir
gyðinga sem eru um 150 talsins, hér og
þar á sjálfstjórnarsvæðunum.
Sharon og Shimon Peres, utanrík-
isráðherra Ísraels, ræddu í vikunni
símleiðis við George W. Bush Banda-
ríkjaforseta og Colin Powell utanrík-
isráðherra til að útskýra stefnu sína.
Bandaríkjamenn hafa gagnrýnt Ísr-
aelsstjórn fyrir að fara offari í aðgerð-
unum gegn Palestínumönnum. En
Bandaríkjamenn hafa einnig gagnrýnt
Arafat fyrir að gera ekki gangskör að
því að draga úr ofbeldisverkum.
Óeirðir á leiðtogafundi
LEIÐTOGAR 34 Norður- og Suður-
Ameríkuríkja hittust á fundi í Quebec í
Kanada á föstudag til að ræða sam-
skipti ríkjanna. Til óeirða kom vegna
mótmæla andstæðinga fríverslunar og
tafðist fundarsetning um klukkustund.
Um 6.000 lögreglumenn gættu öryggis
fundargesta.

Stjórnarflokkarnir í
Færeyjum náðu í vikunni
samkomulagi um tillögur
að sjálfsstjórn. Samkvæmt
þeim eiga færeysk mál-
efni sem nú eru í höndum
dönsku stjórnarinnar að
vera komin undir stjórn
Færeyinga í síðasta lagi
árið 2012. Fjárstuðningur
Dana á að minnka í áföng-
um og síðan á að verða
þjóðaratkvæðagreiðsla
um sjálfstæðismálin.

BANDARÍSKI seðla-
bankinn lækkaði óvænt
stýrivexti á miðvikudag
um hálft prósent, niður í
4,5%. Verðbréfaverð
hækkaði talsvert á mörk-
uðum jafnt vestanhafs
sem austan og Nasdaq-
vísitalan hækkaði um 8,1%
en Dow Jones um 3,9%.

VIÐRÆÐUR Kínverja
og Bandaríkjanna um
njósnavélarmálið svo-
nefnda hófust í vikunni í
Peking og gengu stirð-
lega. Eru Kínverjar sagð-
ir standa fast á því að
bandarísku flugmennirnir
hafi átt sök á árekstrinum
sem olli því að kínverskur
herflugmaður lét lífið.

Rannsóknarnefnd í
Bretlandi hvatti í vikunni
kaþólsku kirkjuna til þess
að kanna lögreglu-
skýrslur þegar ráðnir
væru prestar. Væri þann-
ig hægt að sporna við því
að dæmdir barnaníðingar
fengju stöðurnar. Árin
1995–1999 var 21 kaþ-
ólskur prestur dæmdur
fyrir slík afbrot en alls
eru þeir um 5.600 í Eng-
landi og Wales.
ERLENT
Innbrot og
skemmd-
arverk
BROTIST var inn í íbúð í Vest-
urbænum í fyrrinótt. Sam-
kvæmt upplýsingum frá lög-
reglunni í Reykjavík var
nokkuð rótað til inni í íbúðinni
og þaðan var stolið sjónvarpi.
Íbúarnir voru að heiman með-
an á þessu stóð. Tveir piltar
unnu skemmdarverk á bifreið-
um á bílastæðum Heklu við
Laugaveg. Þeir hlupu á brott
þegar öryggisverðir komu að
þeim.
Þá var lögreglan kölluð út í
togara sem liggur við bryggju í
Reykjavíkurhöfn en þar deildu
tveir menn. Annar þeirra ætl-
aði að kasta sér í sjóinn en var
stöðvaður. Maðurinn var í
haldi hjá lögreglu í fyrrinótt.
HÆGT verður að nýta vetni til að
knýja allt að 40% af bíla- og fiski-
skipaflota Íslands árið 2020. Talið
er að Ísland gæti orðið fyrsta hag-
kerfi heims sem ekki nýtti jarð-
efnaeldsneyti innan 35 til 40 ára,
heldur hreina orkugjafa. Þetta er
meðal þess sem fram kemur í nið-
urstöðum skýrslu Alþjóðanáttúru-
verndarsjóðsins (WWF) í sam-
vinnu við Náttúruverndarsamtök
Íslands um forsendur vetnisvæð-
ingar á Íslandi. Höfundur skýrsl-
unnar er Finnur Sveinsson sem
vinnur sem umhverfisráðgjafi fyrir
Nomik AB í Gautaborg.
Kveikjan að rannsókninni voru
drög að stefnumörkun um sjálf-
bæra þróun, sem Siv Friðleifsdótt-
ir umhverfisráðherra kynnti á um-
hverfisþingi í lok janúar sl. Þar
segir í kafla 13 að stefnt verði að
því ,, … að Ísland verði fyrst ríkja
heims á öldinni til að hætta notkun
jarðefnaeldsneytis í farartækjum
og skipaflota landsins og nýti ein-
göngu hreina orkugjafa, … “ og að
stefnt verði ,, … að því að a.m.k.
fimmtungur bifreiða og skipa nýti
sér slíka tækni árið 2020“.
Skipta þarf út bensín- og
olíuknúnum bifreiðum
Það er niðurstaða skýrslunnar
að hægt sé að setja markið mun
hærra fyrir árið 2020, eða að allt
upp í 40% bifreiða og skipa nýti
vetni það árið. Í skýrslunni kemur
fram að til að ná því markmiði er
nauðsynlegt að stjórnvöld hefjist
þegar handa við að undirbúa
útskiptingu bifreiða sem knúnar
eru með bensíni eða olíu. Gert er
ráð fyrir að vetnisknúnar bifreiðar
verði á markaði eftir 2–3 ár.
Þá er nauðsynlegt að stjórnvöld
auðveldi vetnisvæðingu með skatt-
lagningu og öðrum aðgerðum sem
flýti fyrir útskiptingu.
Í skýrslunni er því haldið fram
að útskipting á jarðefnaeldsneyti
fyrir vetni framleitt með endurnýj-
anlegri orku sé bæði tæknilega
möguleg og hagkvæm. Næg orka
sé þegar fyrir hendi á Íslandi til
þess að skipta út 22% af því jarð-
efnaeldsneyti sem nýtt er nú á Ís-
landi fyrir vetni. Ekki þurfi að
byggja nýjar virkjanir sem skaða
myndu umhverfið til að skipta út
öllu jarðefnaeldsneyti sem nýtt er
til þess að knýja bíla- og fiski-
skipaflota landsmanna þar sem
hægt sé að byggja um 240 vind-
orkuver til þess að framleiða þá
orku sem til þarf.
Skýrsla WWF um forsendur vetnisvæðingar á Íslandi
Hægt að knýja allt
að 40% bíla og skipa
Á SUMARDAGINN fyrsta var tek-
in í notkun ný slökkvistöð í Vík í
Mýrdal. Mýrdalshreppur hefur í
samvinnu við Rauðakrossdeildina í
Vík gert upp og innréttað gamla
hlöðu í Vík.
Að sögn Einars Hjörleifs Ólafs-
sonar slökkviliðsstjóra var orðin
mikil þörf fyrir slökkviliðið í Vík
að komast í nýtt húsnæði. Þá var
tækjakostur liðsins orðinn gamall
og úreltur. Keyptur var frá Þýska-
landi gamall uppgerður slökkvibíl
með öllum þeim tækjum og tólum
sem einn góður slökkvibíll þarf að
hafa, s.s. reykköfunarbúnaður, öfl-
ugar klippur og dælugeta upp á
2.800 lítra á mín. Einnig hýsir
slökkvistöðin tankbíl slökkviliðsins
sem ber 6.000 lítra af vatni.
Rauðakrossdeildin í Vík á tæp
30% í slökkvistöðinni og er sjúkra-
bíll Rauðakrossdeildarinnar hýstur
þar.
Sigurður Hjálmarsson, formað-
ur Rauðakrossdeildarinnar, sagði
að mestur munur væri að vera
kominn út af svæði Kötlu gömlu
og nú væri sjúkrabíllinn hýstur á
öruggum stað. Í tilefni dagsins
voru slökkviliði og Rauðakross-
deildinni í Vík færðar góðar gjaf-
ir.
Morgunblaðið/Jónas Erlendsson
Gömul hlaða orðin að slökkvistöð
Fagradal. Morgunblaðið.