Morgunblaðið - 22.04.2001, Blaðsíða 11
Eldurinn er blessaður fyrir utan kirkjuna í Medjugorje áður en prestar og altarisdrengir bera hann inn þar sem hann lýsir upp almyrkvað kirkjuskipið.
eins og allir í þorpinu því að þau segi
satt,“ segir hann.
Faðir Kraljevic er fáorður um birt-
ingu Maríu Guðsmóður, segir að
dregið hafi úr þýðingu barnanna.
„Þeir sem hingað koma eru í leit að
eigin köllun, að sjálfum sér. Margir
koma aftur og aftur, til að fá staðfest-
ingu á kölluninni, á trú sinni. Fólk
kemur ekki aðeins til þess að sjá
börnin, heldur til að þiggja sakra-
menti, skrifta og tala við prestana,“
segir hann.
Grátið af gleði
Hin fimmtuga matráðskona Heidi
er þýsk en kom með 130 manna hópi
frá Írlandi þar sem hún hefur búið í
25 ár. Hún segist yfirkomin af gleði
yfir því að vera í Medjugorje. „Ég
fyllist tilfinningu sem engin orð ná yf-
ir,“ segir hún.
„Í flugvélinni á leið hingað fór ég að
hágráta úr gleði yfir því að vera að
koma hingað. Staðurinn er einstakur,
ég finn svo mikinn frið og svo mikla
orku úr bænum allra þeirra sem hing-
að hafa komið. Ég hef hitt pílagríma
sem eru hér í tíunda sinn,“ segir
Heidi, sem sjálf er í Medjugorje í ann-
að skipti.
Hún kveðst trúa því að María
Guðsmóðir velji staði þar sem einfalt
og trúað fólk búi, eins og raunin hafi
verið með Medjugorje. Til sönnunar
helgi staðarins hafi verndarhendi ver-
ið haldið yfir honum í stríðinu. Faðir
Kraljevic er ekki á sama máli. „Það
var ekki bara Medjugorje sem slapp,
Hersegóvína varð ekki illa úti í stríð-
inu. Við þurfum ekki að búa til krafta-
verk þar sem þau hafa ekki orðið.“
Gríðarleg sölumennska er í kringum pílagrímana í Medjugorje. Tugir
minjagripaverslana þar sem seldar eru sjálflýsandi maríustyttur og
bænakrossar taka við öllum helstu greiðslukortum og gjaldmiðlum.
Sumir pílagrímarnir fara úr skóm og sokkum í urðinni.
MORGUNBLAÐIÐ SUNNUDAGUR 22. APRÍL 2001 11
UMSVIFAMIKILL bílasali og lög-
fræðingur í Kanada fengu köllun
fyrir áratug og ákváðu að flytjast til
Medjugorje. Nancy og Patrick Latta
seldu allt sitt og fluttu til þorpsins
þar sem þau verja öllum sínum tíma
í að aðstoða pílagríma og eru raun-
ar að reisa hús sem þau vona að
verði mistöð fyrir gestkomandi
presta og annað guðsfólk. Þau tala
af ákafa um guð við gesti, segja þá
kallaða af Maríu guðsmóður þótt
þeir telji sig komna í öðrum erind-
um og hvetja þá til þess að fela sig
guði á hönd.
Nancy og Patrick eru ekkert
venjulegt fólk, húsið er fullt út að
dyrum af gestum sem margir hverj-
ir segjast hafa fengið köllun eftir að
hafa lesið um þau. Nancy hefur
bænarorð stöðugt á vörum, Maríu-
styttur eru í hverju horni og allir
gestirnir, ekki síst börnin úr ná-
grannahúsunum, verða að biðja með
henni áður en kvatt er. „Guð elskar
þig, ég elska þig, ég mun biðja fyrir
þér alla daga sem eftir eru,“ segir
hún við gestkomandi.
Saga þeirra er sérstök og hefur
haft áhrif á marga. Þau kynntust
fyrir 18 árum en Patrick var þá
tvífráskilinn, fjögurra barna faðir
sem taldi sig trúlausan. „Þegar
börnin mín spurðu mig hvar guð
væri rétti ég þeim 20 dollara seðil
og sagði: Þetta er guð.“
Nancy, sem er fædd í Króatíu,
hafði hins vegar áhuga á trúmálum
og var leitandi. Tilraunir hennar til
að fá Patrick til að sýna þeim áhuga
voru hins vegar allar unnar fyrir
gýg. Allt þar til bróðir hennar gaf
þeim hjónum bók um skilaboð Maríu
guðsmóður, sem hún kom á fram-
færi í gegnum börnin í Medjugorje.
„Ég hirti ekki um bókina í fyrstu en
dag einn þegar við vorum að taka til
rétti Nancy mér hana og sagði:
Hérna, minn trúlausi eiginmaður,
þú verður að bera ábyrgð á því
hvort þessari bók verður hent. Ég
opnaði hana, las ein skilaboð og eitt-
hvað gerðist innra með mér. Ég
vissi skyndilega innra með mér að
guð er til,“ segir Patrick.
Þrátt fyrir að ekkert skorti á ver-
aldleg verðmæti, bæði voru vel stæð
og áttu fyrirtæki, bíla og báta, var
illa komið fyrir börnum Patricks,
einn sonurinn áfengissjúklingur,
annar á kafi í eiturlyfjum og dóttirin
nítján ára fráskilin, einstæð móðir.
Patrick segist hafa farið á trúar-
ráðstefnu eftir að hafa fengið op-
inberunina, þar sem hann styrktist
enn í trúnni og segist hafa beðið
Maríu guðsmóður fyrir börnin sín.
Nancy, sem hafði ekki fundið sig
fyllilega í kaþólsku kirkjunni, var
komin á kaf í búddisma og hafði
reynt í nokkra mánuði að telja Pat-
rick á að flytjast til Tíbet. Hún segist
hins vegar hafa tekið umbreyting-
unni á manni sínum fagnandi og
frelsast einnig.
„Breytingin var ótrúleg, við báð-
umst daglega fyrir og fórum í kirkju
á hverjum sunnudegi í stað þess að
leika okkur á bátunum okkar. Þeg-
ar ég bað Maríu guðsmóður fyrir
börnin, vegna þess að ég væri afleitt
foreldri, var það hið eina sem ég
hafði sagt satt allt mitt líf; þú mátt
ekki gleyma því að ég seldi notaða
bíla; þessi bæn og ástarjátning mín
til Nancy voru fyrstu sönnu orðin,“
segir Patrick og gestir hans, tveir
bandarískir bílasalar, sem segjast
hafa fengið köllun eftir að hafa lesið
frásögn af frelsun hans, taka ákaft
undir.
„Börnin og starfsmenn bílasöl-
unnar héldu að ég hefði tapað glór-
unni og þegar við ákváðum nokkr-
um árum síðar að flytja hingað, var
það talin endanleg sönnun þess,“
heldur hann áfram.
Þau fluttu til Medjugorje fyrir
átta árum, þegar Bosníustríðið stóð
sem hæst. Nancy fékk leyfi Samein-
uðu þjóðanna til að stunda hjálpar-
störf og komu hjónin matarsend-
ingum til þurfandi það sem eftir lifði
stríðsins. „Við hugleiddum ekki þá
staðreynd að hér ríkti stríð, heldur
fórum bara. En þegar hingað var
komið sáum við þörfina á aðstoð og
gættum þess að mismuna ekki nein-
um vegna trúarbragða,“ segir
Nancy. „Þeir sem ekki trúa spyrja
mig oft af hverju María guðsmóðir
hafi ekki stöðvað stríðið. Ég spyr:
Hvers vegna reyndi hún ekki að
koma í veg fyrir dauða Krists? Hún
bar þjáningar hans, okkar, með okk-
ur.“
Eftir stríðið sneru þau sér af
krafti að því að koma sér fyrir og
aðstoða pílagrímana. Tveir sona
Patricks hafa einnig fengið köllun,
létu af eiturlyfjaneyslu og drykkju
og boða nú guðsorð.
Nancy hefur orð fyrir þeim gagn-
vart nágrönnunum; Patrick segist
ekki hafa lært stakt orð í króatísku,
til þess sé hann of gamall. Þau segj-
ast lifa af ágóðanum af sölu eigna
sinna í Kanada en heimili þeirra í
Medjugorje kallast Guðsmóðir af
heilögu hjarta og er opið öllum þeim
sem hafa köllun frá guði. „Galdur-
inn við þennan stað er að hér er ekk-
ert nýtt sagt, þetta eru allt gömul
sannindi,“ segir Nancy. „Við vorum
bæði í viðskiptum og trúum ekki
hverju sem er. En ég hef orðið vitni
að mörgum kraftaverkum í Medjug-
orje, svo sem að blindir fái sýn, og
ég trúi því að María guðsmóðir sé
hér jafnsterkt og að þú standir fyrir
framan mig.“
Nancy og Patrick
ganga guði á hönd
Styttur af Maríu mey eru í hverju horni heimilis Nancy og Patricks.