Morgunblaðið - 28.04.2001, Blaðsíða 23

Eiður Guðnason skrifar undir samninginn fyrir Íslands hönd.
EIÐUR Guðnason sendiherra
undirritaði nýverið samning fyrir
Íslands hönd um fiskveiðistjórnun
í suðaustur Atlantshafi. Þær þjóð-
ir sem staðið hafa að ferlinu eru
auk Íslands Angóla, Bandaríkin,
Bretland f.h. Tristan da Cunha,
Ascensioneyja og Sankti Helenu,
Evrópusambandið, Japan, Kórea,
Namibía, Noregur, Pólland, Rúss-
land, Suður-Afríka og Úkraína.
Svæðið sem um ræðir er utan
200 mílna efnahagslögsögu Afr-
íkuríkjanna þriggja sem nefnd
voru og hinar þjóðirnar hafa
veiðireynslu af svæðinu og hafa
skilað veiðiskýrslum þar um.
Samkvæmt samningnum verður
sett á laggirnar fiskveiðistjórn-
unarstofnun (SEAFO, South East
Atlantic Fisheries Organisation)
með aðsetri í Namibíu til að
stjórna fiskveiðum á hafsvæðinu
utan lögsagna strandríkjanna í
suðvestanverðri Afríku, sem
samningurinn tekur til.
„Við vorum með eitt eða tvö
skip á þessum slóðum fyrir
nokkrum árum. Það eru engin ís-
lensk skip þarna núna, en þarna
eru góðir möguleikar sem við
vildum kannski nýta í framtíðinni
og því er það af hinu góða að
taka þátt í þessu samstarfi,“
sagði Eiður í samtali við Morgun-
blaðið.
Samið
um
veiðarnar
ÚR VERINU
MORGUNBLAÐIÐ LAUGARDAGUR 28. APRÍL 2001 23
VÍETNAMAR ætla að byggja upp
10 nýjar hafnir fyrir lok þessa árs.
Gert er ráð fyrir að um hinar nýju
hafnir fari um 320.000 tonn af fiski
og fiskafurðum á ári, samkvæmt
upplýsingum frá sjávarútvegsráðu-
neyti landsins. Auk þess að fiski
verði landað í þessum höfnum og
skipað út á ný til útflutnings, mun í
þeim verða boðið upp á ýmsa þjón-
ustu fyrir fiskiskipaflotann. Nú eru
33 hafnir í Víetnam sem eru vannýtt-
ar. Hins vegar hafa ýmsir aðilar lýst
áhuga á því að auka þjónustu í þeim
til að auka viðskipti við fiskiskipin og
fiskvinnsluna. Alls fóru um 9,6 millj-
ónir tonna af alls kyns varningi um
hafnir landsins á síðasta ári, sem er
1,3 milljónum tonna meira en árið
áður. Það vantar hins vegar mikið
upp á að hafnirnar séu fullnýttar, því
þær ráða alls við 16 til 17 milljónir
tonna samtals árlega.
Víetnamar vinna mikið að upp-
byggingu sjávarútvegs í landinu, en
mikið vantar upp á að þeir fullnýti þá
möguleika sem þeir hafa á veiðum
innan eigin lögsögu. Frumstæður
bátafloti, sem ekki er nothæfur á
djúpsævið, er ein skýring þessa, en
mikill skortur er einnig á þjónustu
við flotann í landi.
Gera tíu
nýjar hafnir