Morgunblaðið - 28.04.2001, Blaðsíða 57

KIRKJUSTARF
MORGUNBLAÐIÐ LAUGARDAGUR 28. APRÍL 2001 57
F
E
R
Ð
A
FÉ L A G Í S
L A
N
D
S
Fuglaskoðun og gönguferð á Heiðmörk
sunnudaginn 29. apríl kl. 13.30.
Farið verður frá áningarstaðnum við Helluvatn.
Einnig verða rútuferðir frá Mörkinni 6 kl. 13.00.
Fargjald með rútunni er kr. 500.
Þema göngunnar er fuglalíf svæðisins
og verða sérfræðingar með í för.
Gott er að hafa sjónauka og fuglahandbók meðferðis.
FUGLASKOÐUN
Á MORGUN, sunnudaginn 29. apríl,
fer sunnudagaskóli Hafnarfjarðar-
kirkju í vorferðalag til Þingvalla. Er
þetta fjórða árið í röð sem slík Þing-
vallaferð er farin og hefur mæting
alltaf verið einstaklega góð. Lagt
verður af stað með rútu frá Hafnar-
fjarðarkirkju kl.11.00 og áætluð
heimkoma er kl.15.00. Á Þingvöllum
verður gengið á Lögberg og að Öx-
arárfossi en að því búnu verður haldin
helgistund í Þingvallakirkju. Sú helgi-
stund er jafnframt síðasta samvera
sunnudagaskólans á þessum vetri.
Eftir helgistundina verður nesti borð-
að á góðum stað. Leiðsögumaður er
sr. Þórhallur Heimisson en auk hans
koma aðrir leiðtogar sunnudagaskól-
ans með í ferðina. Allir eru velkomnir,
bæði fullorðnir og börn. Ferðalangar
ættu að taka með gott nesti til ferð-
arinnar og muna að klæða sig eftir
veðri. Börn yngri en 6 ára eiga að
koma í fylgd með fullorðnum
Vortónleikar Kirkjukórs
Lágafellssóknar
VORTÓNLEIKAR Kirkjukórs
Lágafellssóknar í Mosfellsbæ verða
sunnudagskvöldið 29. apríl kl. 20.30 í
sal Varmárskóla. Mikið hefur verið
lagt í að gera þessa tónleika sem fjöl-
breyttasta og er efnisskráin við allra
hæfi.
Flutt verða mörg falleg íslensk
sönglög, m.a lög eftir Oddgeir Krist-
jánsson, Sigfús Halldórsson, Jón
Nordal og Atla Heimi Sveinsson.
Frumflutt verða ný verk eftir organ-
istann og kórstjórann Jónas Þóri.
M.a. tónverk við ljóð eftir Trausta
Eyjólfsson sem hann samdi í tilefni
þúsund ára kristnihátíðar og í
tengslum við gjöf Norðmanna, staf-
kirkjuna í Vestamannaeyjum.
Í kirkjukórinn eru 25 manns og
hann er skipaður fólki úr öllum ald-
urshópum.
Með kórnum syngur einvala lið
söngvara, sem flestir eru Mosfelling-
ar. Þeir eru: Sigrún Hjálmtýsdóttir,
Gyða Björgvinsdóttir, Margrét Árna-
dóttir og Ólafur Kjartan Sigurðarson.
Hljóðfæraleikarar verða Martial
Nardeau á flautu, sonur hans Matth-
ías á óbó og á horn Þorkell Jóelsson.
Undirleikari kórsins er Anna
Guðný Guðmundsdóttir píanóleikari.
Aðgangur ókeypis og allir velkomnir.
Barnaguðsþjónusta
í Lágafellskirkju
SUNNUDAGINN 29. apríl verður
barnaguðsþjónusta í Lágafellskirkju
kl. 11.15. Rúta fer frá safnaðarheim-
ilinu kl. 11.05 og ekur strætóhring
heim að stund lokinni. Við bjóðum alla
velkomna í sunndagaskólann í kirkj-
unni okkar.
Flautunemendur úr Tónlistarskóla
Mosfellsbæjar koma með kennaran-
um sínum, Kristjönu Helgadóttur, og
ætla að spila fyrir okkur. Einnig kem-
ur Vinabros í heimsókn, en það er
leikhópur sem skipaður er nemend-
um úr 5. bekk GIG úr Varmárskóla.
Þær heita Anna Lísa, Birta, Kristrún,
Lilja Rut, Linda, Unnur Rún, Þórdís
Lísa og Þrúður. Leikhópurinn ætlar
að flytja frumsamið leikrit: Týnda
bangsann. Kirkjukrakkarnir í kirkju-
starfi Lágafellssóknar ætla að kenna
okkur að tala og tákna tvöfalda kær-
leiksboðorðið. Kirkjukaffi og djús í
skrúðhússsalnum. Þórdís djákni,
Sylvía guðfræðinemi og Jónas Þórir
organisti.
Fjölskyldusamvera í
Seltjarnarneskirkju
SUNNUDAGINN 29. apríl verður
fjölskyldusamvera í Seltjarnarnes-
kirkju, kl. 11.00. Stundin markar lok
vetrarstarfsins og verður boðið upp á
skemmtilega samveru. Starfsfólk úr
barnastarfi kirkjunnar munu leiða
stundina sem verður sniðin að unga
fólkinu. Boðið verður upp á meðal
annars leikrit, málun og tónlist.
Barnakór Seltjarnarness mun einnig
koma fram og syngja falleg lög. Eftir
samveruna er gestum boðið inn í safn-
aðarheimilið þar sem boðið verður
upp á pylsur og safa. Við hvetjum alla
til að mæta til skemmtilegrar og
helgrar stundar. Starfsfólk Seltjarn-
arneskirkju vill nota tækifærið og
þakka fyrir mikið og gott samstarf við
börnin og foreldra úr barnastarfi
kirkjunnar. Einnig er vakin athygli á
að sunnudaginn 6. maí verður aðal-
fundur Seltjarnarneskirkju haldinn í
safnaðarheimili kirkjunnar eftir
guðsþjónustu. Allir velkomnir.
Vorferð barnastarfsins í
Hjallakirkju
ÞÁ ER sumarið komið og barnastarfi
Hjallaprestakalls senn að ljúka.
Næsta sunnudag, 29. apríl, verður
vorferð barnastarfsins í prestakallinu
og verður lagt af stað frá Hjallakirkju
kl. 12 og frá Lindaskóla kl. 12.10. Far-
ið verður suður með sjó í fjöruferð, lit-
ið á söfn og margt fleira skemmtilegt.
Allir ferðalangar koma með nesti en
við fáum einnig eitthvert góðgæti í
boði safnaðarins. Allir eru hjartan-
lega velkomnir í ferðina, ungir sem
aldnir.
Prófastur vísiterar
Langholtssöfnuð
SR. JÓN Dalbú Hróbjartsson pró-
fastur vísiterar Langholtssöfnuð
sunnudaginn 29. apríl nk. Prófastur
predikar við messu kl. 11 en síðan
mun hann halda fund með sóknar-
nefnd og starfsfólki safnaðarins.
Við messuna mun kórinn Graduale
Nobili syngja, en Jón Stefánsson org-
anisti stýrir kórnum. Kórinn, sem
skipaður er stúlkum á aldrinum 18-23
ára, tók þátt í alþjóðlegri kórakeppni
um síðustu helgi og hlaut önnur verð-
laun, sem er afar glæsilegur árangur.
Gefst fólki kostur á að hlýða á kórinn
við messuna á sunnudag en einnig
mun kórinn halda tónleika á sunnu-
dag kl. 20.
Kolaportsmessa
HELGIHALD þarfnast ekki hús-
næðis heldur lifandi fólks. Kirkja
Jesú Krists er ekki steypa heldur lif-
andi steinar, manneskjur af holdi og
blóði. Kirkja án fólks er dauð kirkja. Í
ljósi þess er gott að fara út úr kirkju-
byggingum með helgihald og fagnað-
arerindið og mæta fólki í dagsins önn.
Í tilefni af því bjóðum við til messu í
Kolaportinu sunnudaginn 29. apríl kl.
14.00.
Bjarni Karlsson prestur í Laugar-
neskirkju og Jóna Hrönn Bolladóttir
miðborgarprestur flytja samtals-
predikun og Ragnheiður Sverrisdótt-
ir djákni og Kjartan Jónsson fram-
kvæmdastjóri KFUM og K leiða
fyrirbæn.
Hjónin Þorvaldur Halldórsson og
Gréta Scheving leiða lofgjörðina. Áð-
ur en kolaportsmessan hefst kl. 14.00
munu okkar frábæru kirkjuklukkur,
Þorvaldur og Gréta, flytja þekktar
dægurperlur og það verður safnað
fyrirbænarefnum.
Í lok stundarinnar verður altaris-
ganga. Tökum á móti fagnaðarer-
indinu í dagsins önn og gerum það að
leiðarljósi í lífi okkar. Messan fer
fram á kaffistofunni hennar Jónu í
Kolaportinu sem ber heitið Kaffiport,
þar sem hægt er að kaupa sér kaffi og
dýrindis meðlæti eins og heimabak-
aðar marange tertur, pizzur o.fl. og
eiga gott samfélag við Guð og menn.
Það er allir velkomnir.
Miðborgarstarf KFUM & K.
Makamissir
NÝ DÖGUN, samtök um sorg og
sorgarviðbröð, efnir til fyrirlesturs í
kvöld í safnaðarheimili Háteigs-
kirkju. Sr. Valgeir Ástráðsson mun í
erindi sínu, um makamissi, flétta
saman persónulegri og faglegri
reynslu og reyna að varpa ljósi á þá
djúpu sorg og sterku viðbrögð sem
einkenna syrgjendur sem misst hafa
maka sinn.
Fyrirlesturinn hefst kl. 20 og er öll-
um opinn sem áhuga hafa. Að honum
loknum verða fyrirspurnir og umræð-
ur.
Aðgangseyrir er 500 kr.
Kökubasar í Krossinum
KONURNAR í Krossinum gangast
fyrir kökubasar þann 1. maí. Köku-
basar þessi er í fjáröflunarskyni og
eru konurnar að safna fjármunum til
stuðnings við kristniboð í Honduras.
Basarinn hefst kl. 13.00 og er í hús-
næði Krossins í Hlíðasmára 5 í Kópa-
vogi.
KR-ingar í Neskirkju
HIN árlega KR-messa verður haldin
í Neskirkju við Hagatorg á sunnu-
daginn kemur kl. 11. Þar mun Gunnar
Guðmundsson, varaformaður KR,
flytja hugleiðingu, KK og Ellen Krist-
jánsdóttir syngja og félagar úr hinum
ýmsu deildum KR aðstoða. Lagt er
upp úr að hafa létta söngva og góða
stemmningu. Á undan eða frá kl. 10
verður boðið upp á morgunverð í boði
Neskirkju og KR-kvenna.
Þetta er í fjórða sinn sem slík
messa er haldin í samvinnu Neskirkju
og KR og hafa þær ætíð verið fjölsótt-
ar og mælst vel fyrir. Enda segja gár-
ungarnir að tveir Íslandsmeistaratitl-
ar hafi unnist á þessum árum eftir
langt hlé!
Vorferð Háteigskirkju
VORFERÐ Háteigskirkju verður
sunnudaginn 29. apríl. Mæting með
nestispokann kl. 11 við Háteigskirkju.
Öll börn sem hafa tekið þátt í barna-
guðsþjónustum, Ævintýraklúbbnum,
T T T-klúbbnum og MeMe-unglinga-
klúbbnum eru hjartanlega velkomin
með foreldrum sínum í þessa ferð.
Kostnaður fyrir börn er enginn, en
fyrir foreldra 500 krónur. Ferðinni er
heitið á Úlfljótsvatn. Þar munu skátar
úr Skátafélaginu Landnemum að-
stoða okkur við leiki og störf. Meðal
annars gefst tækifæri til þess að
spreyta sig í sigi (ef veður leyfir).
Hver fjölskylda er beðin um að taka
með sér grillmat, á staðnum eru grill
sem við getum nýtt okkur.
Fjölmennum og eigum saman ynd-
islegan dag með fólki úr hverfinu okk-
ar. Áætluð heimkoma er klukkan
16.00.
Vorhátíð í Landakirkju
NÆSTKOMANDI sunnudag verður
uppskeruhátíð barnastarfs Landa-
kirkju. Það er mæting í sunnudaga-
skólann eins og venjulega kl. 11.00.
Við hefjum ferðina með bæn og söng í
kirkjunni. Rúta selflytur hópinn niður
á Skans, þar verður grillað, farið í
leiki, sungið, með stuðningi Litlu
lærisveinanna og sprellað. Allir sem
tekið hafa þátt í barnastarfi kirkjunn-
ar á einhvern hátt eru velkomnir. Þar
telst til sunnudagaskóli, kirkjuprakk-
arar, tíu til tólfa ára starf, æskulýðs-
starf fatlaðara og foreldramorgnar.
Foreldrar, afar og ömmur verða að
sjálfsögðu með og taka þátt í ómiss-
andi fótboltaleik á milli karla og
kvenna þar sem algjörlega hlutlaus
aðili fer með dómgæslu. Klæðnaður
fer eftir veðri. Gert er ráð fyrir að rút-
an fari aftur upp í kirkju um klukkan
13.00.
Safnaðarstarf
Fella- og Hólakirkja. Opið hús fyrir
8., 9. og 10. bekk kl. 20-23.00.
KEFAS: Samkoma í dag, laugardag,
kl. 14.00. Ræðumaður Helga R. Ár-
mannsdóttir.
Hvammstangakirkja. Sunnudaga-
skóli kl. 11.00.
Þingvallaferð
sunnudagaskóla
Hafnarfjarðarkirkju
FRÉTTIR
ANNAR fyrirlestur í Félagi
spænskra og rómansk-amerískra
fræða verður haldinn í Lögbergi,
stofu 103, mánudaginn 30. apríl kl.
16:30. Fyrirlesturinn verður hald-
inn af José Caballero og Olatz
Pérez, nemum í heimspekideild
Háskóla Basklands og nefnist
„Euskara: lengua viva“.
Tilgangurinn með félaginu verð-
ur að halda reglulega fyrirlestra
um mál og menningu Spánar og
Rómönsku-Ameríku þannig að al-
menningur sem skilur spænsku
hafi gagn og gaman af.
Allir eru velkomnir.
Fyrirlestur
um mál og
menningu
Félag spænskra og
rómansk-amerískra fræða
VALGERÐUR Bjarnadóttir, félags-
ráðgjafi og framkvæmdastýra Jafn-
réttisstofu, mun mánudaginn 30. apríl
milli kl. 12:15 og 13:15 fjalla um
félagsráðgjöf á nýrri öld í erindi sem
hún nefnir „Ráðgjöf og þróunarstarf
með lög og tölur í hendi – mikilvægi
félagsráðgjafar í jafnréttisstarfi 21.
aldarinnar.“
„Nýjar áherslur í jafnréttisstarfi
lúta ekki síst að samstarfi kynjanna
og úrvinnslu togstreitu milli kynja,
milli kvenna og milli karla. Lagalegar
og formlegar réttarbætur eru komn-
ar vel á veg. Nú er þörf nýrra viðmiða,
nýrra fyrirmynda fyrir hlutverk og
tengsl kynjanna. Þróunar- og upp-
byggingarstarf er stór þáttur í skyld-
um Jafnréttisstofu skv. nýjum lögum.
Þessar nýju áherslur kalla á nýjar
fagstéttir inn í starfið. Félagsráðgjöf
nýtist þar afar vel og í fyrirlestrinum
verður fjallað um hvernig og hvers
vegna,“ segir í tilkynningu.
Málstofan verður haldin í fundar-
herbergi félagsvísindadeildar á 1.
hæð í Odda og er hún opin öllu áhuga-
fólki um þróun félagsráðgjafar innan
Háskólans sem utan.
Erindi um
félagsráðgjöf
á nýrri öld
ÍSLENSK málstöð hefur nú starf-
rækt orðabanka sinn á Netinu í tæp
þrjú og hálft ár. (Sjá http://www.is-
mal.hi.is/ob/) Í orðabankann hafa nú
safnast um 330 þúsund uppflettiorð.
Fyrir utan íslensku uppflettiorðin
eru þau ensku flest. Til samanburðar
má nefna að Íslensk orðabók (Menn-
ingarsjóðs) hefur um 85 þús. fletti-
orð.
Íslensk málstöð efnir til stuttrar
ráðstefnu, Orðaþings 2001, í Þjóðar-
bókhlöðunni í dag, laugardag, kl.
13.30-15.30. Þar segir ritstjóri orða-
bankans, Dóra Hafsteinsdóttir, m.a.
frá innviðum bankans, einkum
vinnsluhlutanum. Tveir vísindamenn
segja frá sérfræðiorðasöfnum sínum
í orðabankanum: Guðmundur J. Ara-
son kynnir íðorðasafn ónæmisfræð-
inga og Dóra Jakobsdóttir Ættaskrá
háplantna. Á ráðstefnunni fjallar
einnig Ari Páll Kristinsson um að-
gang Íslendinga að alþjóðlegu íð-
orðastarfi. Allir eru velkomnir til
ráðstefnunnar. Dagskrá hennar mið-
ast þó einkum við þarfir orðanefnda,
annarra sem vinna að orðasöfnum í
sérgreinum eða hafa hug á því.
330 þúsund
uppflettiorð í
bankanum
♦ ♦ ♦
♦ ♦ ♦