Morgunblaðið - 20.07.2002, Blaðsíða 6
FRÉTTIR
6 LAUGARDAGUR 20. JÚLÍ 2002 MORGUNBLAÐIÐ
Tvöfaldur hraði – lægra verð
H Á H R A Ð A S Í T E N G I N G V I Ð N E T I Ð
Lágmarkshraði 512 Kb/s.
ADSL II mótald að verðmæti 11.900 kr.
fylgir með 12 mánaða áskrift að ADSL II.
ADSL II mótald 11.900 kr.
Hringdu strax í síma 800 1111.
TRYGGVI Jónsson, forstjóri Baug-
ur Group, segir að svar við spurning-
unni um hvort Bonus Stores Inc.
skorti fé inn í reksturinn velti á því
hversu hratt uppbygging félagsins
eigi að ganga. Áætlanir séu í vinnslu
en fyrir liggi markmið um að byggja
upp 75 svokölluð Supercenter sem
bjóða meira vöruúrval en Bonus
Dollar Stores og Bill’s Dollar Stores.
Ekki hefur verið tekin ákvörðun um
hversu fljótt eigi að ná þessu mark-
miði, eftir tvö ár eða lengri tíma. Nú
eru tvö Supercenter í rekstri og hið
þriðja er í undirbúningi.
„Verið er að endurskoða þær
rekstraráætlanir sem Jim Schafer
lagði fram á stjórnarfundi hinn 21.
maí sl. Þær sýndu 277 milljóna dala
veltu á þessu fjárhagsári, en í okkar
áætlun, sem kynnt var á aðalfundi,
var gert ráð fyrir 22 milljarða króna
veltu, eða sem samsvarar 220 millj-
ónum dala og kallar því ekki á leið-
réttingu af okkar hálfu. Þá kom fram
að það vantaði ekki meira fjármagn
inn í fyrirtækið miðað við þær lán-
tökur sem þá voru frágengnar eða í
undirbúningi. Þessar áætlanir hans
hafa ekki staðist. Við þurfum að end-
urskoða þær allar og sú vinna stend-
ur yfir,“ segir Tryggvi.
Áætlanir munu væntanlega liggja
fyrir í næstu viku, að sögn Tryggva,
og í framhaldinu verða teknar
ákvarðanir um hversu hratt fjölga
eigi Supercenter-verslunum og
byggja upp lager og hvernig sú fjár-
festing verður fjármögnuð. „Jim
Schafer er með þessu að þyrla upp
moldviðri til þess að draga athyglina
frá því sem hann hefur gert,“ segir
Tryggvi.
Enginn þrýstingur á að klára
ráðningarsamning
Í Morgunblaðinu í gær kom fram
að ráðningarsamningur við Schafer
lá ekki fyrir nema í drögum. Að sögn
Tryggva hófst vinna við ráðningar-
samning við Schafer skömmu fyrir
síðustu áramót en Tryggvi segir
enga sérstaka ástæðu fyrir því að
tafist hafi að ganga frá samningnum.
„Málið hefur verið í vinnslu og báðir
aðilar hafa viljað gera breytingar og
einnig koma lögfræðingar að breyt-
ingum. Málið hefur verið í höndum
þeirra síðan í mars sl.,“ segir
Tryggvi. Hann segir að samið hafi
verið munnlega um laun Schafers
upp á 200 þúsund dali á ári og greitt
samkvæmt því. „Kaupréttur á hluta-
bréfum átti hvort sem er ekki að
taka gildi strax og því var enginn
sem þrýsti á um að klára samning-
inn,“ segir Tryggvi.
Rangar dagsetningar
í stefnunni
Tryggvi staðfestir það sem fram
kemur í stefnu Jims Schafers og
Courtneys Bricks að viðskipti fyrir-
tækis þeirra, Retail Stores Services,
við Bonus Stores hefðu verið rædd
við Schafer á stjórnarfundi fyrirtæk-
isins, ekki hinn 21. maí árið 2001
heldur sama dag í maí á þessu ári.
Hann segir því að dagsetningar
sumar hverjar séu rangar í stefn-
unni. Hann hafi t.d. verið staddur á
fundi með Samkeppnisstofnun 21.
maí í fyrra og farið eftir það norður í
land.
Á fundinum nú í vor með Schafer
voru, auk Tryggva, stjórnarmenn-
irnir Robert Gibbons, frá Kaupþingi
í New York, varamaður Hreiðars
Más Sigurðssonar, aðstoðarforstjóra
Kaupþings, Judith Sullivan og Willi-
am (Bill) Fields. Tryggvi segir að
stjórnin hafi óskað sérstaklega eftir
því við Schafer að hann kæmi á fund-
inn og skýrði frá viðskiptum Retail
Stores Services við Bonus Stores.
Stjórnin hafi þá fengið ábendingar
frá starfsmanni Bonus Stores um að
ekki væri allt með felldu. Tryggvi vill
ekki upplýsa nánar hvað fram fór á
fundinum en samkvæmt heimildum
Morgunblaðsins sagði Schafer að
hann hefði ekki haft persónulegan
ávinning af viðskiptunum við Bonus
Stores og tap hefði orðið á rekstr-
inum. Þegar stjórnarmenn spurðu
hvort færa mætti þau ummæli til
bókar í fundargerð stjórnar er Scha-
fer sagður hafa neitað því.
Tryggvi Jónsson, forstjóri Baugs, um fjárþörf Bonus Stores
Veltur á hversu
hratt á að byggja upp
KAUPHÖLL Íslands mun skoða
hvort tilkynning um brottrekstur
Jim Schafer, aðalforstjóra Bonus
Stores, hafi borist of seint eða
ekki. Hins vegar er talið að brott-
reksturinn hafi ekki áhrif á afko-
muáætlanir og sá þáttur hafi verið
upplýstur af hálfu Baugs.
Þórður Friðjónsson, fram-
kvæmdastjóri Kauphallar Íslands,
sagði í gær að farið yrði yfir málið
á næstu dögum. Þá yrði og farið
yfir yfirlýsingu stjórnarformanns
Baugs sem barst eftir lokun mark-
aða í gær. „Þarna er um tvö atriði
að ræða, annars vegar það sem
snýr að brottvikningu Jims Scha-
fers og hins vegar hvort hún hafi
áhrif á afkomuáætlanir stjórnenda
Baugs. Samkvæmt þeim upplýs-
ingum sem við höfum og farið hef-
ur verið rækilega yfir voru þeir
ekki með áætlun forstjórans í til-
kynningum og greinargerðum fyr-
ir afkomuhorfunum á þessu ári í
kringum aðalfundinn í lok maí.
Þeir hafa þar með skýrt þann
þátt.“
Kauphöllinni tilkynnt um
brottvikningu viku seinna
Hinn þátturinn verður skoðaður,
segir Þórður, og beðið um nánari
upplýsingar ef ástæða þykir til. Sá
þáttur snýr að brotthvarfi Jims
Schafers og Courtneys M. Bricks
frá Bonus Stores. Hinn 4. júní sl.
var þeim gert að taka sér frí og
gert að yfirgefa höfuðstöðvar fyr-
irtækisins. Hinn 10. júlí var þeim
sagt upp störfum bréflega og átta
dögum síðar, hinn 18. júlí, var
Kauphöll Íslands tilkynnt um
brottreksturinn.
Uppsögn aðalforstjóra Bonus Stores
Kauphöllin
fer yfir málið
JÓN Ásgeir Jóhannesson, stjórnar-
formaður Baugur Group, sendi frá
sér eftirfarandi yfirlýsingu í gær:
„Vegna ummæla Jims Schafers í
Mbl. um að ég hafi vitað um tilveru-
rétt á fyrirtæki hans Retail Stores
Services vil ég taka það fram að
þetta er í fyrsta skipti sem Jim held-
ur því fram að ég hafi vitað um til-
verurétt félagsins áður en stjórn Bo-
nus Stores komst að hinu sanna. Ég
hafði fyrst vitneskju um það þegar
Tryggvi Jónsson, formaður Bonus
Stores, sagði mér frá því í maí sl. Því
miður fer Jim Schafer rangt með mál
og hefur hann ítrekað gefið rangar
upplýsingar frá því að stjórn Bonus
Stores komst að tilvist Retail Stores
Services.“
Rangt að Schafer hafi ekki
hagnast á viðskiptunum
Í samtali við Morgunblaðið segir
Jón Ásgeir að litið sé á málið sem
gróft brot á starfsreglum fyrirtæk-
isins og Baugur taki á því sem slíku.
„Það kemur okkur ekki á óvart að
hann skuli stefna okkur til að skapa
sjálfum sér stöðu. Stjórn Bonus Sto-
res hefur ákveðið að stefna Schafer,“
segir Jón Ásgeir.
Hann segir það ekki rétt sem
Schafer heldur fram, að ekki sé óal-
gengt í bandarískum einkafyrirtækj-
um að stjórnendur þeirra eigi önnur
fyrirtæki sem þeir láta vinnuveitend-
ur sína eiga viðskipti við. Jón Ásgeir
segir það einnig rangt að Schafer
hafi ekki hagnast á viðskiptunum, í
endurskoðunarskýrslu sem lögð var
fram í maí kemur fram að Schafer
hafi hagnast á viðskiptunum.
Vissi ekki um Retail Sto-
res Services á síðasta ári
Jón Ásgeir Jóhannesson, stjórnarformaður Baugur Group
TÖLUVERÐ viðskipti voru með
hlutabréf í Baugi hf. í gær en heild-
arvelta dagsins nam rúmum 402
milljónum. Gengi á bréfunum lækk-
aði um 4,9% í 92 viðskiptum og endaði
í 8,75.
Mesta lækkun á bréfum í Baugi í
gær nam 6,5% en í viðskiptum undir
lok dagsins hækkuðu bréfin aftur um
1,6%. Þessi lækkun á gengi félagsins
þýðir að markaðsvirðið lækkaði um
rétt um einn milljarð króna, en mark-
aðsvirði félagsins er rétt tæpur 21
milljarður eftir viðskipti gærdagsins.
Markaðsvirði Baugs
lækkaði um milljarð
MORGUNBLAÐINU hefur borizt
eftirfarandi yfirlýsing frá Tryggva
Jónssyni, stjórnarfomanni Bonus
Stores Inc.:
„Eins og fram kom í yfirlýsingu
frá Baugur Group hf. í gær, fimmtu-
daginn 18. júlí, 2002, var fram-
kvæmdastjóra Bonus Stores Inc.,
Jim Schafer, vikið úr starfi vegna
trúnaðarbrota og að misnota aðstöðu
sína sem forstjóri félagsins.
Trúnaðarbrot Jim Schafers felast
m.a í því að á meðan hann starfaði
fyrir Bonus Stores stofnaði hann fyr-
irtækið Retail Stores Services. Sem
framkvæmdastjóri Bonus Stores
keypti hann innréttingar og annan
búnað af eigin fyrirtæki, án þess að
greina stjórn Bonus Stores frá kaup-
unum. Þá hefur komið í ljós að fyr-
irtæki hans, Retail Stores Services
seldi Bonus Stores innréttingar og
búnað sem þegar var í eigu Bonus
Stores. Hvorki stjórn Bonus Stores
né forsvarsmenn Baugs vissu af til-
vist Retail Stores Services og því
enn síður um viðskipti þess við Bo-
nus Stores þar til í maí á þessu ári
þegar starfsmaður Bonus Stores
hafði samband við stjórnarformann
félagsins og innti hann eftir því hvort
þessi viðskipti væru gerð með vitund
og samþykki stjórnar Bonus Stores,
en svo var ekki. Stjórn Bonus Stores
þykir í hæsta máta óeðlilegt að fram-
kvæmdastjóri hagnist á viðskiptum
við eigið fyrirtæki.
Rétt er að benda á það að fyrir-
tækið Bonus Stores verður ekki fyrir
fjárhagslegum skaða vegna þessa
máls, enda tryggt fyrir misferli af
þessu tagi. Því mun þetta ekki hafa
áhrif á áætlanir um hagnað Baugur
Group samstæðunnar sem er áætl-
aður á þessu reikningsári rúmir 2
milljarðar króna eftir skatta. Stjórn
Bonus Stores og forsvarsmenn
Baugur Group vísa alfarið á bug
ásökunum Jim Schafers um að hafa
talið hluthöfum sínum trú um að
rekstur fyrirtækisins hafi gengið
betur en hann gerir í raun. Endur-
skoðendur Bonus Stores í Banda-
ríkjunum, Ernst & Young eru að
ljúka endurskoðun á félaginu.
KPMG sem er endurskoðandi Baug-
ur Group hf., staðfestir að ekkert
hefur komið fram sem rennir stoðum
undir fyrri fullyrðingar Jim Schafer.
Ljóst er að yfirlýsingum Jim Scha-
fers á undanförnum dögum er ætlað
að draga athygli frá misferli hans og
slá ryki í augu fólks.
Verið er að endurskoða þær
rekstraráætlanir sem Jim Schafer
lagði fram á stjórnarfundi Bonus
Stores þann 21. maí sl. Þær sýndu
$277 millj. veltu á þessu fjárhagsári,
en í áætlun sem var kynnt á aðal-
fundi Baugs þann 30. maí sl. var gert
ráð fyrir 22 milljarða kr. veltu, eða
sem svaraði $220 millj. veltu og því
er leiðréttinga ekki þörf.
Stjórn Bonus Stores harmar að
Jim Schafer, fyrrum framkvæmda-
stjóri fyrirtækisins, hafi ekki staðið
undir þeim væntingum og því trausti
sem honum var sýnt. Uppbygging
Bonus Stores mun halda áfram eins
og áætlanir gera ráð fyrir.“
Yfirlýsing frá
stjórnarformanni
Bonus Stores