Morgunblaðið - 23.08.2002, Blaðsíða 14

AKUREYRI
14 FÖSTUDAGUR 23. ÁGÚST 2002 MORGUNBLAÐIÐ
Lyngháls 4 • 110 Reykjavik • Sími 567 3300
Fö
st
ud
ag
og
la
ug
ar
da
g
Allt að
50%
afsláttur af fatnaði
Flíspeysur, úlpur,
jakkar, ábreiður,
mél, geldínur,
o.fl., o.fl.
Lið-a-mót
FRÁ
H
á
g
æ
ð
a
fra
m
le
ið
sla
Tvöfalt sterkara
og ennþá öflugra
með gæðaöryggi
FRÍHÖFNIN
M
ik
lu
ó
d
ýr
a
ra
UMFANGSMIKLAR hafnar-
framkvæmdir eru fyrirhugaðar í
Krossanesi á Akureyri nú í haust og
á næsta ári. Að sögn Harðar Blön-
dal hafnarstjóra verður byggð ný
löndunarbryggja fyrir Krossanes-
verksmiðjuna. Þar er nú gömul tré-
bryggja en í stað hennar verður
byggð ný 80 metra stálþilsbryggja
með steypri þekju.
Hörður sagði að nýja bryggjan
yrði aðeins sunnar en sú gamla og
hún slitin frá olíubryggjunni sem
þar er. Hann sagði stefnt að því
hefja dýpkunarframkvæmdir í
haust en stálþilið verður svo rekið á
næsta ári. Hörður sagði að heild-
arkostnaður við þessa framkvæmd
væri um 100 milljónir króna.
Í sumar hafa staðið yfir nokkuð
umfangsmiklar framkvæmdir við
Fiskihöfnina á Akureyri. Tæplega
70 metra langt stálþil var rekið nið-
ur við vesturkantinn og fyllt að því.
Eftir er að steypa jafn langan kant
með pollum, niðurföllum og stigum
en að því loknu verður gert hlé á
framkvæmdum þar til næsta sum-
ar.
Þá verður ráðist í lokafrágang
vesturkantsins og það verk boðið út
sérstaklega. Stálþilið var rekið nið-
ur í vinkil en um er að ræða 35
metra lengingu á 120 metra
löngum viðlegukanti með 9 metra
dýpi. Gaflinn er 35 metra langur
með 4,5 metra dýpi en þar verður
aðstaða fyrir minni báta.
Ný löndun-
arbryggja
byggð í
Krossanesi
Morgunblaðið/Kristján
Umfangsmiklar framkvæmdir hafa staðið yfir við vesturkant Fiskihafnarinnar á Akureyri í sumar. Samfelldur
viðlegukantur þar er nú rúmir 150 metrar, auk 35 metra viðlegukants fyrir minni báta.
Fyrrverandi
starfsmaður
kærður fyrir
þjófnað
FYRRVERANDI starfsmaður
Tækniheima á Akureyri hefur verið
kærður til lögreglu, grunaður um að
hafa stolið raftækjum, m.a. sjón-
vörpum, DVD-spilurum og tölvu-
búnaði, á meðan hann starfaði hjá
fyrirtækinu. Lögreglan gerði húsleit
hjá manninum í fyrradag og fann
þar raftæki sem hann viðurkenndi
að hafa stolið, að sögn Daníels Guð-
jónssonar, yfirlögregluþjóns á Ak-
ureyri.
Maðurinn er grunaður um að hafa
selt hluta af þeim vörum sem hann
tók. Daníel vildi ekki gefa upp and-
virði tækjanna sem fundust á heimili
mannsins. Hann sagði að umfang
málsins lægi ekki fyrir og ekki held-
ur á hversu löngum tíma meint brot
hefðu staðið yfir. Rannsóknin væri á
frumstigi og í eðlilegum farvegi.
Fyrirtækið Tækniheimar tók yfir
rekstur Office 1 á Akureyri 1. mars
sl. en Office 1 var í eigu Aco-Tækni-
vals. Maðurinn starfaði hjá báðum
fyrirtækjunum.
BÆJARRÁÐ Akureyrar hefur sam-
þykkt að fresta gatnaframkvæmdum
við Samkomuhúsið til næsta vors og
bjóða verkið þá út að nýju. Áður hafði
framkvæmdaráð lagt til að gengið
yrði til samninga við GV Gröfur ehf.
um verkið en fyrirtækið átti lægsta
tilboðið í verkið í nýlegu útboði.
GV Gröfur buðust til að vinna verk-
ið fyrir um 21,8 milljónir króna en
kostnaðaráætlun bæjarins hljóðaði
upp á um 26,8 milljónir króna. Bæj-
arráði barst bréf frá Þorsteini Bach-
mann, verðandi leikhússtjóra Leik-
félags Akureyrar, þar sem hann fór
fram á að framkvæmdum yrði frest-
að. LA hefur þegar hafið nýtt leikár
og eru æfingar komnar í gang. Því var
talið ljóst að um verulega röskun yrði
að ræða á starfsemi félagsins yrði
ráðist í áðurnefndar framkvæmdir
nú.
Bæjarráð ákvað því að fresta fram-
kvæmdum til næsta vors og hafna
þeim tilboðum sem bárust í verkið.
Gert var ráð fyrir að vinna verkið á
stuttum tíma. Jakob Björnsson, for-
maður bæjarráðs, sagði að við það að
fresta framkvæmdum til næsta vors
hefðu forsendur breyst og því hefði
ekki verið hægt að láta framkomin til-
boð standa. Hann sagði að næsta vor
yrði örugglega gefinn rýmri tími til
framkvæmda og það skipti máli.
Enn ekki verið ráðist í endur-
bætur í göngugötunni
G. Hjálmarsson hf. bauð einnig í
verkið á dögunum, annars vegar 24,8
milljónir króna og frávikstilboð upp á
24,2 milljónir króna. Þessi tvö fyrir-
tæki, G. Hjálmarsson og GV Gröfur
buðu í endurbætur á Hafnarstræti/
göngugötu fyrir réttu ári en þá stóð til
að hefja framkvæmdir um haustið.
Bæði tilboðin voru nokkuð yfir kostn-
aðaráætlun en tilboð G. Hjálmarsson-
ar þó lægra. Framkvæmdaráð hafn-
aði tilboðunum en samþykkti síðar að
leggja til við bæjarráð að gengið yrði
til samninga við G. Hjálmarsson á
grundvelli tilboðs fyrirtækisins. Því
hafnaði bæjarráð og samþykkti að
bjóða verkið út að nýju í lokuðu útboði
milli fyrirtækjanna tveggja. Tilboð
fyrirtækjanna voru nánast á sömu
nótum og í fyrra skiptið. Bæjarráð
hafnaði þeim báðum og enn hefur
ekkert orðið af framkvæmdum í
göngugötunni.
Gatnaframkvæmd-
um við Samkomu-
húsið frestað
BÆJARRÁÐ, sem jafnframt er
stjórn Framkvæmdasjóðs Akureyr-
ar samþykkti á fundi sínum í gær
að Framkvæmdasjóður keypti
hlutafé að upphæð 15 milljónir
króna í nýju félagi um rekstur
skinnaiðnaðar, Skinnaiðnaði – Ak-
ureyri ehf.
Jakob Björnsson, formaður bæj-
arráðs, sagði að vissulega hafi verið
þarna um sveiflukenndan rekstur
að ræða, sem tvívegis hafi strandað
á síðasta áratug. Hann sagði að
miðað við fyrirliggjandi upplýsingar
og þau áform sem uppi eru, trúi
menn því að þarna sé möguleiki.
„Menn sjá heldur ekki hvar annars
staðar væri hægt, með svipuðu
framlagi, að skapa jafn mörg störf
og þarna eru í húfi. Ekki það að
menn geri þetta eingöngu þess
vegna.“
Jakob sagði nauðsynlegt að gera
þær breytingar sem tryggðu það að
allar gærur væru unnar hér innan-
lands. Gæran væri eini hluti sauð-
kindarinnar sem ekki væri á ein-
hvern hátt niðurgreiddur eða
styrktur. Menn telji sig þó hafa
tryggt sér nægt hráefni úr slátr-
uninni nú í haust. Jakob sagði að
einnig þyrfti að kanna möguleika á
hagræðingu í greininni. „Undanfar-
in ár hafa tvær sútunarverksmiðjur
verið starfræktar, á Akureyri og
Sauðárkróki en á sama tíma hefur
sauðfé fækkað mikið. Því finnst mér
liggja í spilunum að menn skoði
hvort hagstætt sé að reka tvö fyr-
irtæki miðað við þá staðreynd.“
Að nýja hlutafélaginu um rekstur
Skinnaiðnaðar standa starfsmenn
innan fyrirtækisins, Akureyrarbær
og Landsbankinn. Frá gjaldþroti
fyrirtækisins fyrir um einu ári, hef-
ur reksturinn verið í höndum félags
á vegum Landsbankans en bankinn
leysti þá til sín eignir þrotabúsins.
Bærinn leggur fram
15 milljónir króna
Nýtt hlutafélag um
rekstur Skinnaiðnaðar
STJÓRN Rafmagnsveitna ríkisins,
RARIK, ásamt rafmagnsveitustjóra,
Kristjáni Jónssyni, framkvæmda-
stjórunum Steinari Friðgeirssyni og
Eiríki Briem, Tryggva Þór Haralds-
syni svæðisstjóra á Norðurlandi
eystra og fleirum, hefur undanfarna
daga verið á ferð um Eyjafjörð og
Þingeyjarsýslu.
Þeir hafa átt fundi með sveit-
arstjórnarmönnum, í Ólafsfirði, á
Dalvík , í Eyjafjarðarsveit og nú síð-
ast í Mývatnssveit þar sem fundur
var með sveitarstjórn Þingeyjar-
sveitar og Mývatnssveitar.
Á þessum fundum hafa sameig-
inlegir hagsmunir verið til umræðu,
svo sem þrífasa rafmagn í sveitum,
lagning jarðstrengja, rekstur heima-
rafstöðva, bygging nýrra orkuvera
ofl. Fundir sem þessir hljóta að vera
af hinu góða og leiða til aukins skiln-
ings á þörfum dreifbýlisins sem Raf-
magnsveitur ríkisins þjóna eftir
bestu getu. Farið var að Kröfluvirkj-
un eftir ágætan fund í Reynihlíð og
virkjunin skoðuð en einhverja rekur
eflaust minni til að RARIK sá um
rekstur Kröfluvirkjunar í 7 ár frá
1979 til 1985 eða fram til þess tíma
að Landsvirkjun keypti virkjunina.
Morgunblaðið/BFH
Stjórn RARIK í Kröfluvirkjun, f.v.: Stefán Guðmundsson frá Sauðár-
króki, Einar Oddur Kristjánsson frá Flateyri, Pálmi Jónsson, Akri, Ingi-
björg Sigmundsdóttir frá Hveragerði, Benóný Arnórsson, Hömrum,
Sveinn Þórarinsson frá Egilsstöðum, formaður stjórnar, og Kristján
Jónsson rafmagnsveitustjóri, Reykjavík.
Stjórn
RARIK á
ferð um
Norðurland