Morgunblaðið - 23.08.2002, Blaðsíða 17

LANDIÐ
MORGUNBLAÐIÐ FÖSTUDAGUR 23. ÁGÚST 2002 17
ÞAÐ vakti athygli á liðnum vetri
þegar Félagsmiðstöðin Ný-ung á
Egilsstöðum hlaut sex milljóna
króna styrk frá Evrópusambandinu,
vegna þátttöku í fjölþjóðlegu ung-
mennaskiptaverkefni. Féð kemur
frá styrkjaúthlutun Ungs fólks í
Evrópu. Markmið verkefnisins er að
efla skilning ungs fólks á daglegum
viðfangsefnum og því að fólk um víða
veröld tekst á við það sama.
Átta hópar taka þátt í þessu sam-
vinnuverkefni, og koma þeir frá
Bretlandi, Ítalíu, Írlandi, Slóvakíu
og Slóveníu, auk Íslands. Þátttak-
endur eru á aldrinum fimmtán til
tuttugu og tveggja ára og er reiknað
með að hver þjóð taki a.m.k. einu
sinni á móti hinum. Þannig getur
verkefnið í heild spannað næstu
fimm til átta árin.
Ísland hefur nú riðið á vaðið sem
fyrsta móttökuþjóð verkefnisins.
Fimmtíu og sjö erlendir þátttakend-
ur og tíu íslenskir eru nú á Eiðum og
verða næstu dagana að vinna með
þemað „Einangrun í félagslegu, fjár-
hagslegu, landfræðilegu og persónu-
legu tilliti.“ Hver þjóð fær einn dag
til að kynna þá einangrun sem þeim
þykir einkenna þeirra heimkynni
frekast og er svo unnið með niður-
stöðurnar í hópum.
Með evrópska
samvitund í huga
Að sögn Þráins Sigvaldasonar,
forstöðumanns Ný-ungar og verk-
efnisstjóra, er þetta í fyrsta skipti
sem ungmennaskipti fara fram á
vegum Ungs fólks í Evrópu á þessu
svæði. „Hingað til Íslands er nú
kominn stór hópur ungs fólks af mis-
munandi þjóðerni og þau munu lita
samfélagið og menninguna hér
næstu dagana,“ segir Þráinn. „Það
verkefni sem við tökumst á við hérna
er ekki hugsað til eins árs, því mark-
miðið er að hver hópur eða hvert
land verði einu sinni móttakandi.
Það þýðir að verkefnið gæti tekið
fimm til átta ár og að tuttugu til fjör-
tíu ungmenni frá Ný-ung gætu tekið
þátt á næstu árum og það hlýtur að
hafa mikil og jákvæð áhrif á okkar
samfélag. Unga fólkið hér væntir
þess svo að geta tekið þátt í fleiri
verkefnum, með evrópska samvit-
und í huga.“
Þráinn segir ungmennaskiptin
tengjast Evrópusamfélaginu með
þeim hætti, að nú sé búið að skapa
vettvang fyrir ungt fólk til að upp-
götva sig sem eina heild, þrátt fyrir
að vera frá hinum ýmsu þjóðlöndum.
„Þau upplifa sig sem hluta af hinni
stóru Evrópu.“ Íslenski hópurinn
ætlar að fjalla um almenna einangr-
un. „Við byrjum á Íslandi,“ segir
Þráinn, „og tökum síðan fyrir höf-
uðborgina okkar og Austurland. Við
leggjum mesta áherslu á landfræði-
legu einangrunina, en komum inn á
félagslega, fjárhagslega og menn-
ingarlega einangrun að auki.“
Auk samræðu um mismunandi
kjör þjóðanna, er brugðið á leik og
farið í kynnisferðir um nágrennið,
þar sem hinum erlendu gestum veit-
ist innsýn í menningu Íslendinga við
leik og störf.
Í lok verkefnisins munu niðurstöð-
ur verða kynntar formlega fyrir
fulltrúum sveitarstjórnar Austur-
Héraðs. Þá verður í framhaldinu
unnin skýrsla og send Evrópusam-
bandinu til skoðunar og úrvinnslu.
Ekki er enn ljóst hvaða þátttöku-
þjóð tekur næsta ungmennaskipta-
verkefni að sér, en það verður ákveð-
ið næstu dagana.
Upplifa sig sem hluta
af hinni stóru Evrópu
Morgunblaðið/Steinunn Ásmundsdóttir
Þátttakendur í ungmennaskiptaverkefni Ungs fólks í Evrópu. 57 ungmenni dvelja nú á Eiðum.
Egilsstaðir
Félagsmiðstöðin Ný-ung á Egilsstöðum stýrir
fjölþjóðlegu ungmennaverkefni um einangrun
HERRA Karl Sigurbjörnsson, bisk-
up Íslands, vísiteraði Þórshafnar-
prestakall síðastliðinn miðvikudag
og með í för var séra Pétur Þórarins-
son í Laufási og eiginkonur þeirra
beggja. Einstök veðurblíða var
þennan dag og minntist biskup fyrri
heimsókna á Þórshöfn, einnig í slíkri
veðurblíðu. Biskup og föruneyti
hans, ásamt sr. Sveinbirni Bjarna-
syni, sóknarpresti, heimsóttu heim-
ilisfólkið á dvalarheimilinu Nausti
þar sem haldin var hátíðleg helgi-
stund, einnig var helgistund í Sauð-
neskirkju og Svalbarðskirkju.
Um kvöldið var messa með altaris-
göngu í Þórshafnarkirkju þar sem
biskup prédikaði og minnst var
þriggja ára vígsluafmælis kirkjunn-
ar en eftir messu var boðið upp á
kaffi í safnaðarheimilinu.
Það var mál manna að biskups-
heimsókn fylgdi jafnan veðurblíða,
birta og fegurð og væri hann ávallt
mjög velkominn gestur.
Biskup
heimsækir
Þingeyinga
Þórshöfn
Morgunblaðið/Líney Sigurðardóttir
Karl Sigurbjörnsson á dvalarheimilinu Nausti. Einnig eru á myndinni
sr. Pétur Þórarinsson og sr. Sveinbjörn Bjarnason.
VIÐSKIPTI
REKSTUR Íslenskra aðalverktaka
hf., ÍAV, skilaði 222 milljóna króna
hagnaði fyrstu 6 mánuði ársins 2002
en 214 milljóna króna tap var á sama
tímabili ársins 2001. Afkoman batn-
aði því um 437 milljónir króna á milli
ára. Hagnaður samstæðunnar fyrir
skatta nam 279 milljónum króna og
batnaði um 556 milljónir frá sama
tímabili í fyrra. Hagnaður fyrir fjár-
magnsliði og afskriftir, EBITDA,
nam 272 milljónum króna en 473
milljónum króna í fyrra.
Rekstrartekjur ÍAV námu 3,3
milljörðum króna á fyrstu sex mán-
uðum ársins 2002 og eru það 25%
lægri tekjur en á sama tímabili í
fyrra en þá námu þær 4,4 milljörð-
um. Rekstrargjöld samstæðunnar
drógust saman um 23% og námu 3
milljörðum króna. Fjármagnsliðir
voru jákvæðir um 77 milljónir króna
á fyrri hluta þessa árs en neikvæðir
um 561 milljón á fyrri hluta síðasta
árs. Batinn nam 638 milljónum
króna og munar þar mestu gengis-
munur vegna sveiflna á gengi ís-
lensku krónunnar, en verulegur hluti
skulda félagsins er bundinn erlendri
mynt. Auk þess hefur fjármálastarf-
semi verið vaxandi hluti af starfsemi
félagsins á síðustu mánuðum og skil-
ar félaginu viðunandi árangri á fyrri
helmingi árs 2002.
Heildareignir ÍAV námu 8 millj-
örðum króna í lok júní sl. en voru 8,3
milljarðar um áramót. Eigið fé var
3,2 milljarðar í júnílok en í upphafi
árs 3,1 milljarður. Eiginfjárhlutfall í
lok júní var 40% en 37% í upphafi
árs. Veltufé samstæðunnar frá
rekstri var 230 milljónir króna, en
það var 111 milljónir króna í fyrra.
Rekstur félagsins á öðrum árs-
fjórðungi 2002 gekk vel, að því er
segir í tilkynningu, og tekjur jukust
um 50% milli fyrsta og annars árs-
fjórðungs. Þá gekk verkefnaöflun
áfram vel og hefur félagið m.a.
tryggt sér gerð Kárahnjúkavegar.
Meðal annarra nýrra verkefna eru
vöruhótel fyrir Eimskip og innan-
hússfrágangur í nýbyggingu Orku-
veitu Reykjavíkur auk endur- og við-
byggingar við verslunarmiðstöðina
Glæsibæ. Um framtíðarhorfur fé-
lagsins segir að verkefnastaða þess
sé viðunandi en nokkuð vanti á að af-
kastagetan sé fullnýtt. Þá sé ljóst að
umtalsverðu máli skipti að sala á
íbúðarhúsnæði gangi áfram með
svipuðum hætti og á fyrri helmingi
ársins.
Afkoma ÍAV batn-
aði um 440 milljónir
HAGNAÐUR Sparisjóðsins í Kefla-
vík nam 65 milljónum króna eftir
fyrstu sex mánuði ársins, að teknu
tilliti til skatta, en fyrir skatta var
hagnaðurinn 76 milljónir króna. Á
sama tímabili í fyrra var hagnaður-
inn 82 milljónir.
Hreinar vaxtatekjur jukust um
43 milljónir króna milli ára, eða um
13%. Aðrar rekstrartekjur drógust
saman um 13 milljónir en önnur
rekstrargjöld jukust hins vegar um
53 milljónir, eða um 18%. Þá var
framlag á afskriftareikning útlána
aukið um 15 milljónir króna milli
ára.
Heildarinnlán sparisjóðsins
ásamt lántöku námu um 12.597
milljónum króna á fyrri helmingi
þessa árs og jukust um 671 milljón
eða um 5,6%. Útlán Sparisjóðsins
ásamt markaðsskuldabréfum námu
14.787 milljónum og höfðu aukist
um 804 milljónir, eða um 5,8%.
Í júnílok var niðurstöðutala efna-
hagsreiknings 17.828 milljónir og
hafði hún hækkað á tímabilinu um
890 milljónir, eða 5,25%. Eigið fé
sparisjóðsins nam 1.746 milljónum
og er eiginfjárhlutfallið samkvæmt
CAD-reglum 9,23% en má lægst
vera 8%. Arðsemi eiginfjár á tíma-
bilinu var 7,4%.
Sparisjóðurinn í Keflavík rekur
fimm afgreiðslur sem starfræktar
eru í Keflavík, Njarðvík, Garði,
Grindavík og Vogum, en höfuð-
stöðvar sjóðsins eru í Keflavík.
Sparisjóðurinn í
Keflavík hagnast
um 65 milljónir

 











     



    
 


  















  

   !


"#$   %&%$#




   

 


 

 





 

'#()*
+,(

'**
,--
.)*

.*,


')#'-/
'#+0,

'(1(/2
3(1(




  


!!
" 


"


  
 
 
 





 #
 #
 #