Morgunblaðið - 24.09.2002, Blaðsíða 11
FRÉTTIR
MORGUNBLAÐIÐ ÞRIÐJUDAGUR 24. SEPTEMBER 2002 11
BÚR ehf. er innkaupa- og dreifing-
arfyrirtæki í eigu Kaupáss, Sam-
kaupa, Olíufélagsins, kaupfélaganna
og fleiri. Sigurður Á. Sigurðsson,
framkvæmdastjóri Búrs, segir að Búr
kaupi inn og dreifi vörum til um 90
verslana og þar af um 40 í dreifbýlinu,
þannig að ljóst sé að fyrirhugaðar
breytingar snerti marga. Hann segir
að áætluð velta Búrs á yfirstandandi
ári sé um 4,5 milljarðar króna, en
undanfarin sjö ár hafi Búr fyrst og
fremst starfað á þurrvörumarkaði.
Breytingarnar séu gerðar til að vera
samkeppnishæfari í sölu á ávöxtum
og grænmeti með beinum innkaupum
og auknum gæðum og meira vöruvali
í verslununum, en samanlögð ársvelta
félagsins með þessa vöruflokka sé
áætluð rúmlega milljarður króna. Í
þessu sambandi bendir hann á að að-
ildarfélög Búrs séu með um 45% af ís-
lenskum dagvörumarkaði en hlut-
fallslega minna í ávöxtum og
grænmeti. Sigurður segir að breyt-
ingin hafi legið í loftinu en beðið hafi
verið eftir breytingum á tollalöggjöf-
inni. Innflutningur hafi síðan verið
gerður auðveldari með breytingum á
tollalöggjöfinni og beingreiðslum til
garðyrkjubænda í vor sem leið. Hann
segir að þar sem íslenskt grænmeti
skipi mikilvægan sess hjá neytendum
verði kröfum markaðarins svarað
með því að hafa íslenskt grænmeti á
boðstólum í eðlilegu samræmi við árs-
tíðabundna framleiðslu. Ennfremur
verði flutt inn erlent grænmeti.
Aukin hagkvæmni
Sigurður segir að aðildarfélög Búrs
hafi, hvert í sínu lagi, keypt vörurnar
af innlendum birgjum, en með sam-
eiginlegum innkaupum megi ná fram
hagkvæmum innkaupum og aukinni
hagkvæmni í dreifingu í krafti stærð-
arinnar og sameiginlegs birgðahalds,
og vilji sé til að útfæra þetta samstarf
yfir á fleiri vöruflokka.
Í öðru lagi segir hann að verðlags-
kerfið í grænmeti og ávöxtum hafi
verið flókið og óaðgengilegt. Með því
að ná tökum á innkaupunum megi ná
fram auðveldari stýringu á kostnað-
arverði, gæðum og vöruvali.
Staðan gagnvart samkeppnisfyrir-
tækjum hafi verið erfið, meðal annars
vegna eignatengsla heildsala í ávaxta-
og grænmetisgeiranum og þessara
samkeppnisfyrirtækja. Dreifingar-
fyrirtæki í ávöxtum og grænmeti eigi
hlutdeild í innkaupa- og dreifingar-
fyrirtæki samkeppnisaðila sem hafi
skekkt samkeppnisstöðuna á mark-
aðnum og dregið úr trúverðugleika á
sanngjarnri verðlagningu og þjón-
ustu. „Birgjar viðskiptafyrirtækja
okkar hafa setið í stjórn Ávaxtahúss-
ins með helsta samkeppnisfyrirtæk-
inu en við höfum talið að það hafi
komið í veg fyrir sanngjarna verð-
lagningu og þjónustu,“ segir hann.
„Dregið hefur úr þeim trúverðugleika
sem þarf að vera í svona viðskiptum
og við töldum þá stöðu óviðunandi.“
Sigurður leggur áherslu á að Búr
ætli að gera íslenskri framleiðslu hátt
undir höfði og auðvelt aðgengi verði
að innlendu grænmeti í verslununum.
Gæði innlendrar framleiðslu séu sam-
bærileg við það besta sem gerist í ná-
grannalöndunum og ferskleikinn sé
til staðar. Íslenskir neytendur vilji
líka fá íslenska framleiðslu, þegar hún
sé í blóma, en vegna smæðar mark-
aðarins sé innlend framleiðsla dýrari
en sambærileg vara erlendis. Þess
vegna verði grænmeti flutt inn og við-
skiptavinirnir geti síðan valið á milli.
„Það ræðst síðan af framboði og eft-
irspurn hvernig kaupin gerast.“
Bjarni Finnsson er forstöðumaður
nýju deildarinnar. Hann bendir á að
íslensku framleiðslueiningarnar séu
litlar en þegar þær stækki aukist
sölumöguleikar þeirra og jafnvel út-
flutningsmöguleikar í sambandi við
ylræktina. Enn séu verulegar hömlur
á innflutningi en innlendir, stórhuga
framleiðendur hafi alla burði til að
keppa við erlenda framleiðendur.
Hagkvæmt húsnæði
Búr hefur gert samninga við öflug
dreifingarfyrirtæki í Evrópu og
Bandaríkjunum um innkaup á þess-
um vörum. Samið hefur verið við
Eimskip og Icelandair Cargo um
flutninga til landsins á öllum innflutn-
ingi félagsins auk þess sem gerður
hefur verið samningur við Landflutn-
inga, dótturfélag Samskipa, um alla
dreifingu á ávöxtum og grænmeti inn-
anlands frá birgðahúsi til verslana. Að
sögn Sigurðar varð að kaupa nýtt
húsnæði vegna breytinganna og var
skrifstofan flutt úr Skútuvegi á Bæj-
arflöt 2 fyrr í sumar en þar er verið að
innrétta rúmlega 1.000 fermetra sal
með kælibúnaði og þroskunaraðstöðu
fyrir banana, en þurrvörubirgðir fé-
lagsins, um 4.000 vörutegundir, verða
áfram hjá Samskipum í Holtagörðum.
Við nýja húsnæðið er góð aðstaða
til að taka á móti og geyma gáma.
Gert er ráð fyrir að flytja um 500
bretti vikulega til fyrrnefndra um 90
verslana. Í móttöku- og geymslusaln-
um er verið að innrétta fimm kæli-
herbergi, þar sem varan verður
geymd þar til gengið verður frá pönt-
unum og þær afgreiddar, en stærri
verslanirnar fá pantanir sendar dag-
lega og þær minni tvisvar til þrisvar
sinnum í viku.
Búr ehf. flytur inn
grænmeti og ávexti
Fyrr á árinu ákvað stjórn Búrs ehf. að félagið tæki að sér innkaup og
dreifingu á ávöxtum og grænmeti. Húsnæði á Bæjarflöt 2 í Grafarvogi
var keypt og er verið að innrétta það með tilheyrandi tækjabúnaði
með það fyrir augum að starfsemin fari í gang í byrjun október.
Morgunblaðið/Þorkell
Hluti starfsmanna Búrs ehf. í nýju húsakynnunum.
Horfur eru á að aukin samkeppni verði á næstunni í innflutningi og dreifingu á grænmeti og ávöxtum
ALLS voru 4.500 einstaklingar og
fjölskyldur með rúmlega 21 milljarð
króna í fjármagnstekjur að meðtöld-
um söluhagnaði af hlutabréfum, skv.
skattframtölum ársins 2002. Rúm
2% af þessum fjölda, eða 96 manns,
voru með 53% af þessara tekna eða
rúma 11,2 milljarða króna. Þessar
upplýsingar koma fram í pistli Jó-
hönnu Sigurðardóttur alþingis-
manns á heimasíðu hennar en þær
eru byggðar á gögnum sem Ríkis-
skattstjóri vann fyrir Samfylkinguna
að beiðni Jóhönnu.
,,Að meðaltali hafði hver þessara
einstaklinga 116 milljónir króna í
fjármagnstekjur á árinu 2001, en
tekjuskatts- og útsvarsstofn þeirra
var að meðaltali 3,7 milljónir króna.
Fjármagnstekjur þeirra fjölskyldna
sem mest höfðu, en það var 21 sam-
skattaður einstaklingur, var að með-
altali um 300 milljónir króna. Tekju-
og útsvarsstofn þeirra var einungis
3,4 milljónir króna,“ segir í pistli Jó-
hönnu. Þar kemur einnig fram að
verulega fækkaði í hópi þeirra milli
ára sem höfðu minnstan söluhagnað
af hlutabréfum og öðrum fjármagns-
tekjum. Sá hópur taldi á árinu 2001
um 8.200 einstaklinga en á árinu
2002 var sá hópur kominn í tæplega
3.000 og hafði fækkað um 5.000 ein-
staklinga og fjölskyldur.
Fáir auðmenn
að eignast Ísland
,,Það sem þessir 3.000 einstakling-
ar og fjölskyldur tóku til sín í heild-
arsöluhagnaði af hlutabréfum, þ.m.t.
aðrar fjármagnstekjur, var rúmlega
3% á sama tíma og 96 einstaklingar
og fjölskyldur tóku til sín 53% af
heildinni. Gífurleg skattaleg mis-
munun er milli þessara auðmanna og
almennings. Þessir 96 auðmenn
þurfa aðeins að greiða 10% skatt af
rúmlega 116 milljón króna fjár-
magnstekjum á yfirstandandi ári og
síðan 38% af 3,7 milljóna króna
launatekjum. Skattgreiðslur auð-
mannanna til samfélagsins eru fjarri
því að vera í samræmi við auðinn
sem þeir raka í eigin vasa,“ segir Jó-
hanna.
Hún heldur því fram að þessar töl-
ur endurspegli að í skjóli einokunar,
fákeppni, skattaívilnana og gjafa-
kvóta sé auður þjóðarinnar að færast
á hendur nokkurra tuga einstaklinga
og fjölskyldna, sem virðast hafa öll
tögl og hagldir í þjóðfélaginu. ,,Fáir
auðmenn eru smám saman að eign-
ast Ísland hvort sem er á landi eða
sjó,“ segir Jóhanna í pistli sínum.
Jóhanna Sigurðardóttir birtir útreikninga í pistli á heimasíðu
96 manns með 11 millj-
arða í fjármagnstekjur
ÞRJÁTÍU og einn nemandi út-
skrifaðist á laugardag frá Háskól-
anum í Reykjavík með alþjóðlega
MBA-gráðu frá viðskiptadeild
skólans og var þetta í fyrsta skipti
sem skólinn útskrifar MBA-nema.
Námið er hluti af GeM-samstarfi
10 háskóla beggja vegna Atlants-
hafs og hafa nemendurnir m.a.
sótt þrjár vikulangar námstefnur
á Spáni, í Bandaríkjunum og nú
síðast í Mexíkó. Jafnframt hafa
þeir unnið viðamikil hópverkefni
með nemendum samstarfsskól-
anna.
Í liðinni viku fór fram sameig-
inleg GeM-útskriftarathöfn í
EGADE-viðskiptaháskólanum í
Monterrey í Mexíkó og markaði
hún lokin á námstefnu þar sem
nemendur kynntu meðal annars
niðurstöður lokaverkefnavinnu
sinnar.
GeM-samstarfsskólarnir eru:
Athens University, Copenhagen
Business School, ERASMUS í
Rotterdam, EGADE í Monterrey,
ESADE í Barcelona, Georgia
State University í Atlanta, Háskól-
inn í Reykjavík, Kölnarháskóli í
Þýskalandi, University of Denver
og Viðskiptaháskólinn í Bergen.
Háskólinn í Reykjavík útskrifar
fyrstu MBA-nemendurna
Morgunblaðið/Þorkell
Nemendur klæddust skikkjum og settu upp húfur á útskriftardaginn.
31 lauk prófi frá við-
skiptadeild skólans
UNDANFARIÐ hefur borið tals-
vert á bílainnbrotum, sérstaklega
innbrotum í bíla á bílastæðum
kvikmyndahúsa. Að sögn Ómars
Smára Ármannssonar, aðstoðaryf-
irlögregluþjóns, eru tilkynningar
eftir kvöldsýningar algengastar og
virðast innbrotin framin skömmu
eftir að sýningar hefjast. Segir
hann mikilvægt að fólk skilji ekki
eftir sýnileg verðmæti í bílunum,
svo sem töskur, farsíma, geisla-
diskaveski, fartölvur og fleira.
Hann bendir fólki á að skilja
ekki eftir varning í bílnum því hann
geti sýnst verðmætur í augum
þjófa. Sé erfitt fyrir þá sjá hvort
skjalataska sé tóm eða ekki. „Að
öllum líkindum sjá þeir fyrir sér að
í töskunni geti verið peningar, ávís-
anir eða önnur verðmæti,“ segir
Ómar Smári.
„Það er ekki nóg að breiða yfir
varninginn. Ef þjófarnir sjá að eitt-
hvað er falið undir ábreiðu eða
öðru gerir það bílinn ennþá meira
spennandi til innbrots.“
Hann bendir fólki einnig á að
leggja bílum á vel upplýstum stað
og gæta að öryggi í bílageymslum
fjöleignarhúsa, þar sem einnig er
brotist inn í bíla.
Brotist inn í bíla á með-
an eigendur eru í bíói