Morgunblaðið - 06.12.2002, Side 6
DAGLEGT LÍF
6 B FÖSTUDAGUR 6. DESEMBER 2002 MORGUNBLAÐIÐ
Útsölustaðir:
Höfuðborgarsvæðið: Andorra Hafnarfirði, Bylgjan Kópavogi, Fína Mosfellsbæ,
Snyrtivöruverslunin Glæsibæ, Hygea Kringlunni, Hygea Laugavegi, Hygea Smáralind,
Lyf og heilsa Austurveri, Lyf og heilsa Kringlunni, Lyf og heilsa Mjódd.
Landið: Bjarg Akranesi, Konur og Menn Ísafirði, Lyf og heilsa Selfossi.
AGE FITNESS
Einstakar tilboðsöskjur með
Age Fitness ólífukreminu sem
mýkir og verndar, bjóðast nú
á útsölustöðum Biotherm.
Tilboðstaska:
Age Fitness 50 ml krem.
Aquasource varakrem 15 ml
D-Sress næturkrem 15 ml
Age Fitness augnkrem 5 ml
Age Fitness serum 5 ml
Verðmæti vöru kr. 8.200.
Tilboðsverð kr. 4.200.
S
ÖFNUNARGLEÐI Mar-
íu Á. Einarsdóttur á sér
lítil takmörk. Hún byrjaði
að safna servíettum sem
barn, þá umslögum og frí-
merkjum og á afar erfitt með að
henda hlutum. Fyrir 27 árum byrjaði
hún að safna þjóðbúningadúkkum og
á nú um fimmtíu slíkar. En það er
fingurbjargasafnið sem er mest um
sig því María á alls 1.220 fingurbjarg-
ir úr öllum heimshornum.
„Fingurbjörg handa Maju,“ er
með því fyrsta sem aðstand-
endur Maríu hugsa þegar
þeir eru á ferðalagi í útlönd-
um eða úti á landi og ófáar
fingurbjargirnar í sérsmíðuðu
hillunum hefur María fengið
að gjöf. Aðrar hefur hún keypt
sjálf á ferðalögum eða í gegnum
pöntunarlista klúbbs sem hún var
félagi í um árabil. María byrjaði að
safna fingurbjörgum árið 1986 en
það var nágrannakona hennar sem
kom henni á bragðið. Og síðan hefur
María komið ýmsum öðrum á bragð-
ið.
Safnið vandlega skráð
„Þetta er eiginlega árátta,“ segir
María og kveikir sér í vindli. „Ég get
ekki hent neinu og hef byrjað að
safna ýmsu um ævina.“ Síðast birtist
„áráttan“ í því þegar María var á
jólahlaðborði með starfsmönnum
Svefns og heilsu, fyrirtækis dóttur
hennar Elísabetar og tengdasonar,
en þar sér María um bókhaldið. „Við
fengum meðal annars sjávarrétti
sem voru bornir fram í skeljum. Mér
fannst alveg ómögulegt að skeljunum
yrði svo hent og það endaði með því
að ég fór út með fjórar,“ segir María
hlæjandi. Þar með er hún líklega
byrjuð að safna skeljum.
Garður-
inn við hús
þeirra Maríu
og Trausta Ólafs-
sonar er fullur af steinum sem
María hefur safnað að sér og á
leið út í garðinn er gengið um
blómastofu sem er full af blómum.
„Ég safna eiginlega blómum líka,
hérna eru til dæmis afleggjarar sem
ég hef ekki komið út svo ég sit uppi
með þá. Svo er þetta 248 fermetra
hús okkar orðið fullt af dóti sem ég
hef safnað að mér.“
María og Trausti ráku heildsöluna
Einar Ágústsson og co. til ársins
1993 og ferðuðust þau mikið til út-
landa á sýningar vegna fyrirtækisins.
Alls 1.220 fingurbjargir
úr öllum heimshornum
prýða híbýli Maríu Á.
Einarsdóttur. Hún er
haldin mikilli söfn-
unargleði eins og Stein-
gerður Ólafsdóttir sá
þegar hún skoðaði fing-
urbjargir, þjóðbún-
ingadúkkur og kveikj-
ara hjá Maríu.
Morgunblaðið/Jim Smart
María brosandi við hluta af fingurbjargasafn-
inu. Á fingrum hennar má sjá jólafingur-
björg, ofna kóreska fingurbjörg, heklaða
fingurbjörg og fingurbjörg sem hún bjó
sjálf til. Að ofan sést fingurbjörg í líki
kórónu frá Englandi og til hliðar fingur-
björg frá New York í Bandaríkjunum og
fingurbjörgin úr marsipaninu.
fingur
Safnar upp á sína
Þ
AÐ er mikilvægt að fólk átti sig á að það
að bæta heilsu sína er bæði skemmtilegt
og ögrandi verkefni. Allt of oft fer fólk í
það með hangandi hendi að taka sig á og
lítur á það sem einhverja kvöð, til komna
af illri nauðsyn, að breyta til varðandi mataræði eða
hefja líkamsþjálfun til að bæta heilsu sína. En sann-
leikurinn er sá að þetta er bara skemmtileg áskor-
un. Það er að minnsta kosti mín reynsla,“ segir
Halldóra Sigurdórsdóttir, sem hefur sent frá sér
bókina Leiðin að bættri líðan, þar sem hún leiðbein-
ir fólki um leiðir til að bæta heilsuna og er bókin
byggð á hennar eigin reynslu í þeim efnum. „Aðal-
atriðið er að fólk finni þá leið sem hentar því best,
taki stutt skref til að byrja með og ofkeyri sig ekki
með því að ætla að gleypa heiminn í einum bita.“
Halldóra veiktist af vefjagigt þegar hún var rúm-
lega þrítug og nokkrum árum síðar var hún nánast
orðin rúmföst af völdum sjúkdómsins. „Ég hafði um
tvennt að velja,“ segir hún. „Annaðhvort að leggja
árar í bát eða leita leiða til að ná heilsunni aftur.
Ég valdi síðari kostinn og hóf leitina og var svo
heppin að finna leiðina. Ég gerði margt til að ná
settu marki, en meðan á leit minni stóð safnaði ég
saman ýmsum upplýsingum sem gögnuðust mér.
Bókin er afrakstur þess, en sjálf hefði ég gjarnan
þegið að hafa slíka bók við höndina í þessari bar-
áttu.“
Halldóra kvaðst í fyrstu ekki hafa hlustað á lík-
ama sinn, þegar hann fór að vara hana við því að
ekki væri allt með felldu varðandi heilsu hennar.
„Það var ekki fyrr en að ég var hætt að geta keyrt
bíl eða haldið á börnunum mínum að ég áttaði mig
á að það var eitthvað meira en lítið að. Ég gat
stundum ekki greitt mér fyrir verkjum í vöðvum og
handleggjum. Þá fór ég til læknis og lenti hjá mjög
góðum lækni, sem greindi mig strax með vefjagigt.
Vandinn við þann sjúkdóm er ef til vill mestur sá,
að það er ekki til nein græn pilla til að lækna hann,
en með vissum aðferðum er hægt að halda honum
niðri. Ég ákvað að reyna það í staðinn fyrir að
sökkva mér niður í svartsýni og vonleysi og ég byrj-
aði hægt; Breytti mataræðinu, fór í nálarstungur,
svæðanudd og ýmsar fleiri heildrænar aðferðir.
Samfara því prófaði ég nánast öll bætiefni sem í
boði voru. Auk þess fór ég til grasalæknis og hef
allar götur síðan tekið inn jurtir í lengri eða
skemmri tíma. Smám saman fór mér að líða betur,
framfarirnar urðu sýnilegri og köstin vægari og
stóðu yfir í styttri tíma. Fyrstu merkin um að ég
væri á réttri leið var þegar ég náði tökum á svefn-
inum, en þau hafði ég misst fyrir mörgum árum.
Eitt af einkennum vefjagigtar er að fólk nær ekki
þessum djúpa svefni sem er öllum nauðsynlegur.
Varðandi svefninn reyndi ég fyrst hefðbundin svefn-
lyf sem hentuðu mér ekki, en fyrir tilviljun frétti ég
af melatonin, sem gagnaðist mér vel.“
Halldóra kveðst einnig hafa þreifað fyrir sér með
ýmsar heildrænar meðferðir, sem sumar gerðu
henni mjög gott, eins og til dæmis höfuðbeina- og
spjaldhryggjarjöfnun og shiatsu, en aðrar hentuðu
henni síður þótt þær hafi reynst öðrum vel. Í bók-
inni eru nefndar ýmsar þær ólíku heildrænu með-
ferðir sem í boði eru og reynt að greina hvernig og
hverjum þær gagnast best. Þá eru einnig ábend-
ingar um meðferðir sem byggja á líkamsþjálfun, svo
sem Jóga, Qi gong og T’ai chi. Ennfremur er fjallað
um fæðubótarefni af ýmsum toga, jurtir, vítamín,
steinefni og ýmislegt sem fólk getur stuðst við á
leiðinni til betra lífs. Ráðleggingar bókarinnar eru
því ekki eingöngu bundnar við þá sem þjást af
vefjagigt, heldur bendir hún á hinar ýmsu ólíku
Leiðin til
betra lífs
Þegar Halldóra Sigurdórsdóttir
veiktist af vefjagigt hóf hún leit
að bættri líðan. Hún segir Sveini
Guðjónssyni frá því hvernig hún
fann leiðina, en hún hefur nú gefið
út bók um reynslu sína.
AUGLÝSINGADEILD
netfang: augl@mbl.is eða sími 569 1111