Morgunblaðið - 17.06.2003, Page 56
FÓLK Í FRÉTTUM
56 ÞRIÐJUDAGUR 17. JÚNÍ 2003 MORGUNBLAÐIÐ
ÞAÐ var vel til fundið hjá stjórn-
endum Stundarinnar okkar að fá
nokkrar af skærustu poppstjörnum
landsins til þess að velja eftirlætis
barnalögin sín og flytja þau í þætt-
inum. Mæltist þetta uppátæki
greinilega mjög vel fyrir hjá dygg-
ustu áhorfendum Stundarinnar,
börnunum, og reyndar líka hinum,
þeim börnum sem á öllum aldri eru.
Það var jafnvel ennþá betur til
fundið að gefa þessi lög út því hér
er einfaldlega um það frambærilegt
efni að ræða. Reyndar hefði mátt
gera þetta miklu oftar í gegnum tíð-
ina, gefa út á plötu efni sem tekið er
upp fyrir ljósvakamiðlana, útvarp
eða sjónvarp. Uppáhaldslögin okk-
ar eru skólabókardæmi um hversu
vel getur tekist til með slíka útgáfu,
séu allir möguleikar nýttir. Þannig
er hér ekki einasta á ferð hljóm-
plata með tónlistinni heldur fylgir
einnig mynddiskur með sjálfum at-
riðunum í Stundinni okkar, nokkuð
sem er jafnvel ennþá kærkomnara
fyrir yngstu neytendurna. Með
þessu móti geta krakkarnir horft og
hlustað þegar þeir eru heima og svo
notað sjálfan hljómdiskinn þegar
þau eru utan heimilis, t.a.m. í bíln-
um. Þar með eru fríðindin ekki upp
talin heldur er á hljómdiskinum að
finna útgáfur af öllum lögunum án
söngs, svo smáfólkið – og allir hinir
– geti sjálft spreytt sig á lögunum.
Svona á að nýta tæknina, – vantaði
bara eitthvert efni fyrir heimilis-
tölvuna til að úr yrði hin fullkomna
margmiðlunarútgáfa.
Þegar allt kemur til alls er það
náttúrlega engin tækni sem gerir
þessa útgáfu svo vel heppnaða held-
ur eru það í fyrsta lagi einkar vel til
fundin lög – góð blanda af hreinum
og beinum barnalögum („Minkur-
inn í hænsnakofanum“, „Lína lang-
sokkur“, „Hlustið, góðu vinir“, „Ró-
bert bangsi“) og svona fullorðins-
barnalögum („Skýin“, „Grýla“,
„Óskasteinar“, „Ekki bíl“, „Ég ætla
að mála allan heiminn, elsku
mamma“, „Tunglið, tunglið taktu
mig“, „Vögguvísa“) – og í öðru lagi
öruggur flutningur.
Um flytjendurna og flutninginn
þarf ekki að fjölyrða. Allt eru þetta
hinir fínustu söngvarar sem gera
það eina rétta í stöðunni, syngja hin
þekktu barnalög hver með sínu
nefi. En auðvitað er sumt betur
heppnað en annað – eins og gengur
og gerist. Þannig túlkar Jón Jósep
úr Í svörtum fötum endalaust
skemmtilegan „Minkinn“ hans Óm-
ars Ragnarssonar af fítonskrafti og
einlægri gleði. Magni úr Á móti sól
er Emil í Kattholti þegar hann
trallar sig í gegnum „Hlustið, góðu
vinir“, hinir vandmeðförnu Óska-
steinar öðlast nýtt líf í flutningi
Villa Naglbíts og englarödd Þór-
unnar Lárusdóttur er sniðin fyrir
„Vögguvísu“ Dýranna í Hálsaskógi.
Þeir fá svo prik, þeir sem mest
lögðu sig fram við flutninginn í
Stundinni hvað leikræna tilburði
varðar, Margrét Eir í Róberts
bangsa-búningnum, Selma Björns í
regnfötum með hressum krökkum
að syngja um skýin og Hansa að
mála mynd.
En eins og fyrr segir komast allir
flytjendur vel frá sínu og tekst að
gæða hin alkunnu lög nýju lífi,
nokkuð sem náttúrlega er frumfor-
senda þess að á annað borð sé verið
að hafa fyrir því að syngja þau upp
á nýtt.
Uppáhaldslögin okkar á vafalaust
eftir að reynast hið mesta réttnefni
á barnaplötu í langan tíma en ekki
eru slíkar plötur á hverju strái, því
miður.
Tónlist
Gengið í
barndóm
Ýmsir flytjendur
Uppáhaldslögin okkar
Skífan
Nýjar útgáfur af sígildum barnasöngvum
sem fyrst voru fluttar í Stundinni okkar
veturinn 2002–3. Flytjendur eru Jón Jós-
ep Snæbjörnsson, Birgitta Haukdal,
Magni Ásgeirsson, Selma Björnsdóttir,
Hreimur Örn Heimisson, Vilhelm Jónsson,
Matthías Matthíasson, Hansa, Margrét
Eir, Þorvaldur Davíð Kristjánsson og Þór-
unn Lárusdóttir.
Skarphéðinn Guðmundsson
Á ÞESSUM seinustu og verstu
spæjaratímum þar sem heimtað er
að James Bond standist tímans tönn,
deilt um hvort xXx sé arftaki hans,
og aðrir gera síðan grín að öllu sam-
an, verður seint sagt að Ungi spæj-
arinn hafi þar nokkuð til málanna að
leggja. Hún er frekar ófrumleg
mynd, og hvað varðar tæknibrellur,
spæjararagræjur og hasaraðstæður
eru þar engar nýjar hugmyndir á
ferð, heldur sótt grimmt í ofan-
nefnda töffara og sumt pínku mis-
heppnað.
En Ungi spæjarinn virkar samt
vel. Þar segir frá Cody nokkrum
Banks, 16 ára skólastrák sem for-
eldrarnir halda að sé ósköp venjuleg-
ur drengur sem ferðast um á hlaupa-
brettinu sínu og á í vandræðum með
að nálgast hitt kynið. En undir sak-
leysislegu yfirborðinu leynist
spæjari sem starfar á vegum Leyni-
þjónustu Bandaríkjanna, og verkefni
hans er að kynnast ótrúlega sætri
stelpu, því pabbi hennar er vísinda-
maður í vandræðum sem stofna
heiminum í voða.
Frankie Muniz sem við þekkjum
betur sem Malcolm í miðjunni, er al-
gjör sjarmör á sinn sakleysislega en
snjalla máta og heldur myndinni
uppi. Annars standa aðrir leikarar í
myndinni sig einnig vel, sem lyftir
henni á aðeins hærra plan.
Margar aðstæður eru mjög krútt-
legar og það er auðvelt að lifa sig inn
í tilfinningaleg vandræði Codys.
Mörg atriði fundust mér spennandi,
og brandararnir bara býsna góðir,
þótt auðvitað hafi neyðarlegir
prumpubrandarar einnig verið innan
um. Það er kannski helst að mér hafi
fundist of mikið um brjóstaskorur,
en kannski það eigi að laða að ung-
lingsdrengi.
Fyrir foreldra er Ungi spæjarinn
alls ekki með því verra sem þeir sitja
yfir, og fyrir unga krakka, 8–14 ára,
er hann bara besta skemmtun.
Ástfanginn ungspæjari
KVIKMYNDIR
Laugarásbíó og Smárabíó
UNGI SPÆJARINN/AGENT CODY BANKS
Leikstjórn: Harald Zwart. Handrit: Jeffrey
Jurgensen og fleiri. Kvikmyndataka: Den-
is Crossan. Aðalhlutverk: Frankie Muniz,
Hilary Duff, Angie Harmon, Keith David,
Cynthia Stevenson, Arnold Vosloo, Ian
McShane og Martin Donovan. BNA 102
mín. MGM 2003.
Hildur Loftsdóttir
Maður er auðvitað töffari.
fim 19. júní kl. 21, Félagsh. Valhöll Eskifirði
lau 21. júní kl. 21, Félagsh. Herðubreið Seyðisf.
Forsala á Eskifirði í síma: 8977424
Forsala á Seyðisfirði í síma: 8617789
www.sellofon.is
Miðasalan er opin frá kl. 13-18 og fram að sýningu
sýningardaga. Sími miðasölu opnaður kl. 10 virka daga.
Fax 568 0383 - midasala@borgarleikhus.is
Miðasala 568 8000
Litla svið
RÓMEÓ OG JÚLÍA
e. Shakespeare í samstarfi við VESTURPORT
Lau 21/6 kl. 20 - AUKASÝNING UPPSELT
Sun 22/6 kl. 20 - AUKASÝNING UPPSELT
ATHUGIÐ SÍÐUSTU SÝNINGAR
lif
u
n
lifun
tímarit um heimili og lífsstíl
númer fimm 2003
Auglýsendur!
Hafðu samband í síma 569 1111 eða
í gegnum netfangið lifunaugl@mbl.is
Tímaritið Lifun fylgir
Morgunblaðinu
miðvikudaginn
2. júlí.
FORSÝN. MIÐ. 25. 6 miðav. 1.500 ÖRFÁ SÆTI
FRUMSÝN. FIM. 26.06 - KL. 20.00 UPPSELT
2. LAU. 28.6 - KL. 15.00 ÖRFÁ SÆTI LAUS
3. SUN. 29.6 - KL. 17.00
4. FIM. 03.7 - KL. 20.00 ÖRFÁ SÆTI LAUS
5. FÖS. 04.7 - KL. 20.00
6. SUN. 06.7 - KL. 17.00
7. FIM. 10.7 - KL. 20.00