Morgunblaðið - 17.06.2003, Page 64

BEINT leiguflug milli Íslands og
Japans verður að veruleika í fyrsta
skipti í haust og er von á í það
minnsta um 750 japönskum ferða-
mönnum til landsins með þessum
hætti í ár.
Tekist hafa samningar milli Flug-
leiða og ferðaheildsala í Japan um
flugið og verður flogið allavega þrisv-
ar í haust, þótt vonir standi til að
ferðirnar verði fleiri ef vel gengur.
Dr. Eyþór Eyjólfsson, ræðismaður
Íslands í Japan, segir þetta mikil
tímamót í samskiptum landanna
tveggja. Með beinu flugi tekur ferðin
um 10 klst. en er allt upp í sólarhring
í dag.
Þegar hefur verið samið við ferðir
á næsta og þarnæsta ári við ferða-
heildsalann, Kinki Nippon Tourist,
sem er annar stærsti ferðaheildsal-
inn í Japan. Fyrsta flugið í ár til
landsins verður 27. september og
hinar ferðirnar skömmu síðar.
Eyþór segist vonast til að ferðirn-
ar í ár séu aðeins byrjunin á mikilli
fjölgun japanskra ferðamanna til
landsins. Hann segir Japani vera
mjög mikilvæga ferðamenn, enda
eyði þeir að jafnaði mun meiri fjár-
munum en ferðamenn frá öðrum
þjóðum. Hann segir að vonir standi
til að eftir um þrjú ár komi á milli 5 og
15 þúsund ferðamenn frá Japan með
beinu flugi.
Sendiráðið mikilvægt
Sendiráð Íslands í Japan átti þátt í
að koma þessu verkefni áfram að
sögn Eyþórs og segir hann sendiráð-
ið, og þá sérstaklega sendiherrann,
Ingimund Sigfússon, hafa átt mikil-
vægan þátt í þessu ferli. Stofnun
sendiráðsins 2001 segir Eyþór að
hafi verið góð tímasetning til að byrja
að markaðssetja Ísland sem ferða-
mannaland fyrir Japan. Einnig segir
hann að Flugleiðir hafi unnið mikið
starf til að gera þetta að veruleika.
Kinki Nippon Tourist er mjög stór
ferðaheildsali og á þeirra vegum fara
um sex milljónir Japana utan á ári.
Eyþór segir þá leggja gífurlegt fé í að
auglýsa og markaðssetja ferðirnar,
jafnvirði um 27 milljónir króna á
þessu ári. Hann segir þetta vera
langtímafjárfestingu: „Þeir vita það
að þeir koma ekki til með að ná gróða
á þessu flugi á þessu ári svo þetta er
langtímafjárfesting hjá þeim, sem er
gífurlega mikilvægt fyrir okkur,“
segir Eyþór.
Gista fimm nætur
Japönsku ferðamennirnir sem
koma í haust kaupa pakkaferð í fimm
daga og nætur. Ísland hefur upp á
margt að bjóða sem Japönum hugn-
ast, segir Eyþór, til dæmis heit böð,
mat, norðurljós og fleira.
Í pakkaferðunum til landsins í
haust verður boðið upp á skoðunar-
ferðir um Reykjavík, farið í Bláa lón-
ið, Gullfoss og Geysir skoðaðir, farið
til Akureyrar og fleira.
Beint flug milli Japans og Íslands hefst í haust
750 japanskir ferða-
menn til landsins í ár
Morgunblaðið/Arnaldur
Kvetch
leiksýning
ársins
KVETCH, sýning leikhópsins Á
senunni, var sigurvegarinn þegar
Gríman, íslensku leiklistarverð-
launin, voru veitt í fyrsta sinn í
Þjóðleikhúsinu í gærkvöldi. Kvetch
var valin sýning ársins, Stefán
Jónsson var valinn besti leikstjór-
inn, Ólafur Darri Ólafsson besti
leikarinn í aukahlutverki og Edda
Heiðrún Backman besta leikkonan í
aðalhlutverki. Edda lét raunar ekki
þar við sitja heldur hreppti einnig
verðlaun sem besta leikkona í auka-
hlutverki í Kryddlegnum hjörtum,
sýningu Leikfélags Reykjavíkur.
Hilmir Snær Guðnason var valinn
besti leikarinn í aðalhlutverki fyrir
frammistöðu sína í Veislunni í svið-
setningu Þjóðleikhússins. Þá fékk
Sveinn Einarsson Gullgrímuna,
heiðursverðlaun Leiklistarsam-
bands Íslands.
Felix Bergsson, leikhússtjóri Á
senunni, og Stefán Jónsson hefja
hér Grímuna á loft.

Kvetch er/28
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 17. JÚNÍ 2003 VERÐ Í LAUSASÖLU 190 KR. MEÐ VSK.
INNAN skamms má búast við að ljós-
myndir sem vara við afleiðingum tóbaks-
reykinga sjáist á sígarettu- og vindla-
pökkum hér á landi. Hugmyndir að því
lútandi verða að öllum líkindum sam-
þykktar af Evrópusambandinu í haust.
Hefur sambandið þegar samþykkt að
merkingar á tóbaki skuli verða mun
meira áberandi, þ.e. muni þekja um 40%
af bakhlið sígarettu- og vindlapakka. Er
búist við að slíkar merkingar verði tekn-
ar upp hér á landi í haust. Þá er í nýju
lögunum lagt bann við að nota orð sem
gefa til kynna að ein gerð tóbaks sé
hættuminni en önnur.
Nýjar merk-
ingar á tóbak

Ljósmyndir/26
SÖNGKONAN Björk Guðmunds-
dóttir skartaði nýrri klippingu á tón-
leikum sínum á Sónar-hátíðinni í
Barcelona á Spáni, sem fram fóru á
föstudag.
Björk kom fram ásamt hörpuleik-
ara, strengjasveit og tölvudúett en
gagnrýnandi bandaríska dagblaðs-
ins New York Times segir að ný
„skálaklipping“ Bjarkar hafi jafnvel
vakið enn meiri furðu en tónlist-
arflutningurinn.
Björk.com
Ný klipping Bjarkar
vekur athygli

Björk/58
MORGUNBLAÐIÐ kemur næst út
fimmtudaginn 19. júní. Að venju verð-
ur fréttaþjónusta á fréttavef Morgun-
blaðsins, mbl.is, í dag og á morgun.
Hægt er að koma ábendingum um
fréttir á netfangið netfrett@mbl.is
eða í síma 861-7970.
Fréttavakt á mbl.is
LAUNAMUNUR á milli karla og
kvenna hefur minnkað lítils háttar á
Íslandi og í Finnlandi frá 1990 en auk-
ist á sama tíma í Noregi og Svíþjóð
samkvæmt niðurstöðum samanburðar
sem birtar eru í skýrslu sem unnin var
á vegum Norrænu ráðherranefndar-
innar um launamun kynjanna.
Meginniðurstaða skýrslunnar er sú
að enn er verulegur launamunur á
milli kynjanna og hann hefur mjög lít-
ið breyst á sl. áratug.
Laun kvenna eru að jafnaði um 20%
lægri en laun karla hjá Norðurlanda-
þjóðunum fjórum sem samanburður-
inn náði til. Launabilið er mest á Ís-
landi samkvæmt samanburðinum.
Hér á landi var hlutfall launa kvenna
af launum karla 76,1% 1992 en launa-
bilið hafði minnkað í 79% áratug síðar.
Í Finnlandi voru laun kvenna 80% af
launum karla 1990 en 82% tíu árum
síðar. Í Noregi var hlutfallið 81,4%
1991.
Launabilið hafði aukist lítillega árið
2000 en þá var hlutfall launa norskra
kvenna af launum karla komið niður í
80% og í Svíþjóð, þar sem launabilið
hefur verið minnst meðal þessara
landa, fór hlutfall launa kvenna af
launum karla úr 84% 1992 í 82% árið
2000. Launamunur kynjanna hjá
Norðurlandaþjóðunum fjórum virðist
samkvæmt samanburðinum vera
minnstur innan menntakerfisins og í
hótel- og veitingastarfsemi en hins
vegar leiðir athugunin m.a. í ljós að
vaxandi launamunur hefur orðið með-
al bankastarfsmanna. Þar var hlutfall
launa kvenna af launum karla 82% ár-
ið 1990 en ellefu árum síðar hafði
launabilið aukist og voru laun kvenna
77% af launum karla árið 2001.
Kynjabundinn launamunur á Norðurlöndum hefur lítið minnkað frá 1990
Launabilið mest á Íslandi

 

  


   " #?  " ,

*" ,
<:-.'
8!F$%
!0
((
GG2
H2I
JKI:

KLI:

HLI:

M 1222
H1I
GI
H2I
H1I
&'((N* .".."-007&

Launaleyndin/6
MIKILL erill var á tjaldsvæðinu við
Þórunnarstræti á Akureyri um
helgina og reyndar alveg þar til í
gærmorgun. Mikil ölvun var á svæð-
inu og þurfti lögreglan að hafa af-
skipti af fólki víða í bænum. Margt
var um manninn á Akureyri um
helgina vegna útskriftar nýstúdenta
og stúdentaafmæla og vegna árlegr-
ar bílasýningar og akstursíþrótta um
helgina. Talsvert var um pústra í
tengslum við skemmtanalífið og voru
nokkrir fluttir á sjúkrahús með
minni háttar áverka.
Um 600 manns gistu á tjaldsvæð-
unum um helgina.
Ölvun á
Akureyri

Mikil/22