Morgunblaðið - 07.10.2003, Síða 12
FRÉTTIR
12 ÞRIÐJUDAGUR 7. OKTÓBER 2003 MORGUNBLAÐIÐ
ÚR VERINU
VINNSLUSTÖÐIN hf. og eigend-
ur Ísleifs ehf. hafa undirritað vilja-
yfirlýsingu um að stefna að samein-
ingu félaganna. Jafnframt hefur
Vinnslustöðin fest kaup á vertíðar-
bátnum Þorsteini GK með tæplega
1,4% aflahlutdeildar í humri.
Ísleifur ehf. á og rekur samnefnt
uppsjávarveiðiskip Ísleif VE-63.
Veiðiheimildir félagsins nema um
1.660 þorskígildum, miðað við að
úthlutun í loðnu verði eins og á síð-
asta ári, þ.e. 765 þúsund tonn, að-
allega í uppsjávarfiski.
Væntalegur samruni verður
gerður miðað við 30. september
2003.
Ánægður með
viðskiptin
Eigendur Ísleifs munu fá greitt
fyrir útgerð sína með hlutabréfum í
VSV. Verðmæti skips og kvóta gæti
verið á bilinu 1,4 til 1,5 milljarðar
króna, en eftir á að taka tillit til
skulda, sem munu lækka þessa
upphæð nokkuð.
Vinnslustöðin keypti Þorstein
GK 16, af Hópi ehf. ásamt 1,37%
aflahlutdeildar af humri á árinu
2003/2004. Kaupverð skips og afla-
heimilda er samtals 82.500.000
krónur. Eskja hf á 100% hlutafjár í
Hópi ehf., en hún keypti félagið
fyrr á þessu ári.
Sigurgeir Brynjar Kristgeirsson,
framkvæmdastjóri Vinnslustöðvar-
innar, segist ánægður með þessi
viðskipti og hann sé vongóður um
að sameiningin við Ísleif gengi eft-
ir. það sé mikilvægt að halda þess-
um aflaheimildum í Eyjum og sam-
einingin sé einnig liður í því að
stækka Vinnslustöðina og efla hrá-
efnisöflun. Það sé svo að Vinnslu-
stöðin hafi ekki verið með svo mikl-
ar aflaheimildir í uppsjávarfiski.
Staðan nú sé þannig mælt í þorsk-
ígildum að 22% séu í uppsjávarfiski,
en 78% í bolfiski. Við sameininguna
eykst hlutdeild VSV úr 5% í 7,5% í
loðnunni og verða aflaheimildir fyr-
irtækisins þá samtals 16.500 þorsk-
ígildi.
Gera út 6 til 8 skip
Vinnslustöðin gerir nú út 6 skip,
nótaskipin Sighvat Bjarnason og
Kap, togarann Jón Vídalín, togbát-
inn Drangavík og netabátana Gandí
og Brynjólf. Ákveðið er að Ísleifur
verði áfram gerður út, en óvíst er
með útgerð Þorsteins.
„Ég verð mjög ánægður ef þetta
gengur eftir. Við höfum verið að
vinna á því á þessu ári að stækka
Vinnslustöðina og þetta er liður í
því. Við eigum töluvert af eigin
bréfum sem við notum meðal ann-
ars í þessum viðskiptum,“ segir
Sigurgeir Brynjar Kristgeirsson.
Þess má geta að Útgerð Ísleifs er
ein ófárra sjálfstæðra útgerða sem
enn stunda loðnuveiðar.
Morgunblaðið/Kristján
Ísleifur VE við bryggju í Krossanesi.
Ísleifur sameinast
Vinnslustöðinni
Verðmæti aflaheimilda og skips
nálægt 1,5 milljörðum króna
NOKKUR mjög góð skot hafa verið í
Tungulæk að undanförnu, en bæði
þar og í Grenlæk hefur vatn farið
minnkandi, en mjög mikið vatns-
magn og kalt í þokkabót var að
standa veiði fyrir þrifum í ánum
framan af hausti. Að undanförnu
hafa auk þess þó nokkrir mjög stórir
fiskar verið dregnir úr Tungulæk.
Þröstur Elliðason leigutaki
Tungulækjar sagði, að veiðin hefði
verið eins og „jójó“ í haust, sum holl
að fá lítið og grannar tökur, en inn á
milli hefðu menn verið í fínum mál-
um. „Einn hópur var í einn dag og
fékk tíu birtinga sem voru allt að 16
punda. Síðast liðinn föstudag voru
menn aftur með tíu fiska, upp í 14
pund og í enn öðru tilviki voru menn
með nokkra boltafiska, þá stærstu
allt að 16 punda. Það er öllu sleppt í
Tungulæk þannig að þessir fiskar
eru ekki vegnir, en þeir eru að mæl-
ast margir hverjir 80 til 86 sentimetr-
ar og það eru algjör tröll. Þetta eru
einhverjir tugir af 10 punda og stærri
birtingum í haust og í vor var einnig
mikið um mjög stóra fiska,“ sagði
Þröstur.
Þröstur bætti við að líflegir dagar
hefðu verið í Grenlæk að undanförnu,
tíu stykki hefðu veiðst þar í einu holli
fyrir skömmu og m.a. fengu menn
nokkra bjarta fiska og nýja neðst á
svæðinu sem benti til að nýr fiskur
væri að ganga. Ekki er þó um eins
stóra fiska að ræða í Grenlæk og í ná-
grannaánni Tungulæk, en til gamans
má geta þess, að við upptökin djúpt í
Eldhrauni er um eina og sömu ána að
ræða, en fljótlega skiptist áin og
Tungulækur rennur í austur út í
Skaftá, en Grenlækur fer áleiðis suð-
ur um hraunið og sameinast Skaftá í
Veiðiósi, sem er nánast ofaní fjöru.
Ýmsar fréttir
Dæmi um laxveiðibata í Dölunum
kemur frá Miðá sem rennur um Mið-
dali. Í henni veiddust 160 laxar í sum-
ar, sem er helmingi meiri veiði en í
fyrra. Fiskur gekk snemma, stoppaði
neðst vegna þurrka, en dreifði sér
síðan er loks tók að rigna síðsumars.
Bleikjuveiði var hins vegar með lak-
asta móti, aðeins milli 200 og 300
stykki, en bót í máli að meðalþyngdin
var mjög góð og mikið af 2–3 punda
fiski. Það var smærri fiskinn sem
vantaði og er áhyggjuefni í sjálfu sér.
Mikil veiði var í Eystri-Rangá síð-
ustu dagana, en veiði þar lauk um
mánaðamótin. Veiddust hátt í 100
laxar á tæpri viku í lokin og lokatölur
urðu með þessu 1.708 laxar. Þar með
var áin komin fram úr Laxá í Kjós og
í þriðja sætið yfir gjöfulustu árnar,
en Laxá í Kjós hafði vermt þriðja
sætið með 1.650 laxa. Veiði er löngu
lokið í Laxá, en veitt er til næsta
föstudags í Ytri-Rangá sem var með
1.675 laxa í vikulok og er þar með
einnig komin framúr Laxá.
Enn er veitt í Varmá við Hvera-
gerði og hafa verið góð skot þar af og
til, m.a. var þar maður fyrir skömmu
sem veiddi aðeins part úr degi og
hafði heim með sér fimm væna birt-
inga, 2 til 5 punda fiska og alla veidda
á flugu.
ERU
ÞEIR AÐ
FÁ’ANN?
Morgunblaðið/KÁI
Einar Falur Ingólfsson með sjóbirting sem tók snældu í Tungufljóti.
Stórir
fiskar í
Tungulæk
BREZKA Vísindafélagið, The Royal
Society, átelur Evrópusambandið
harðlega fyrir að taka allt of mikla
áhættu með það sem eftir er af
fiskistofnum innan lögsögu sam-
bandsins. Segir félagið hina sam-
eiginlegu fiskveiðistefnu ESB vera
svívirðu.
Í skýrslu frá félaginu, sem rakin
er á fréttavef BBC, eru stjórn-
málamenn innan ESB ásakaðir um
að hafa að engu ábyggileg vísindi
og leyfa alltaf veiðar umfram sjálf-
bærni. Þar segir ennfremur að
fiskistofnar í Evrópu séu að hruni
komnir.
Stofnar þorsks og ýsu eru minna
en helmingur þess sem þeir voru
fyrir 30 árum og Norðursjávar-
þorskurinn í sögulegu lágmarki.
Þrátt fyrir það samþykkja ráð-
herrar sambandsins meiri aflaheim-
ildir en ráðlagt er af vísindamönn-
unum. Núverandi fiskveiðistefna er
alls ekki sjálfbær, segir nefndin.
„Of mikið af fiski er veitt og of fá-
ir kynþroska fiskar skildir eftir til
að viðhalda og auka stofninn. Væri
svona gífurleg eyðilegging nátt-
úruauðlinda stunduð á landi, þar
sem hún væri sjáanleg, ylli hún mik-
illi reiði og fordæmingu. En þar
sem hún er stunduð í höfunum, er
auðvelt að leiða eyðilegginguna hjá
sér. Deilur sjávarútvegsráðherra
ESB um aflaheimildir geta leitt til
þess að ástandið versni enn. Sá nið-
urskurður sem næst er oftast mun
minni en nauðsynlegt er vegna
þrýstings frá fiskiðnaðinum og
deilna milli einstakra landa. Verði
ekki tekið fast á málunum til að
draga úr veiðum, gæti farið svo að í
framtíðinni verði ekkert eftir til að
veiða,“ segir vísindanefndin.
Nefndin vill að fiskverndunin
verði gerð þannig úr garði að auð-
veldara sé að framfylgja henni og
vill að stjórn á veiðigetu verði
stjórnað, til dæmis með því að
fækka veiðidögum og setja frekari
reglur um hvernig veiðarfæri megi
nota. Lagt er til að gervihnettir
verði notaðir til að fylgjast með
sókninni og að stofnaðir verði
griðastaðir fyrir fisk í höfunum. Þá
þurfi stjórnvöld að hætta að styrkja
sjávarútveginn, en styrkirnir auki
aðeins á veiðigetuna og þá ofveiðina
um leið.
Fiskveiðistefna
ESB sögð svívirða
TRÚNAÐARMAÐUR Strætó bs.,
Guðmundur Guðmundsson, hefur
ritað borgarstjóra og borgarfulltrú-
um bréf þar sem hann kvartar yfir
því að Reykjavíkurborg neiti að
greiða félögum í Starfsmannafélagi
Reykjavíkurborgar mótframlag
vegna viðbótalífeyrissparnaðar eins
og gert er á hinum almenna vinnu-
markaði og hjá ríkinu. Vill hann
leiðréttingu á þessu og kveðst orð-
inn langþreyttur á meintu aðgerð-
arleysi valdhafa hjá Reykjavíkur-
borg. Ennfremur sakar hann
Reykjavíkurborg um að standa
ekki við gerða kjarasamninga við
félagið. Birgir Björn Sigurjónsson,
forstöðumaður kjaraþróunardeildar
Reykjavíkurborgar, segist ekki
geta fallist á þær kröfur sem Guð-
mundur setur fram, þar sem það
myndi hafa í för með sér mis-
munun á kostnað annarra stétt-
arfélaga hjá Reykjavíkurborg. Þá
neitar hann því að Reykjavíkur-
borg hafi ekki staðið við kjara-
samninga.
Að sögn Guðmundar fær stétt-
arfélag hans ekkert mótframlag frá
vinnuveitenda sínum en Reykjavík-
urborg hefur samþykkt að greiða
mótframlag til fjölmargra annarra
stéttarfélaga. „Við fáum ekki neitt
og mér finnst það sanngirnismál að
menn setjist niður og leiðrétti það,“
segir hann. Að mati hans blandar
Reykjavíkurborg saman hinum lög-
bundna lífeyrissjóði og séreignalíf-
eyrissjóði. „Það er stór munur á
þessu tvennu og mér finnst að það
eigi ekki að blanda þessu saman.
En ef menn vilja gera það, þá skal
bent á ákvæði kjarasamninga við
Reykjavíkurborg þess efnis, að fari
mótframlag til ASÍ-félaga yfir 6% á
samningstímanum er borgin
reiðubúin til viðræðna við okkur.
Borgin greiðir nú þegar 6% og 2% í
séreignalífeyrissparnað, þannig að
það gera 8% – ef menn vilja blanda
þessu saman. Á þeim forsendum
ætti borgin því að standa við orð
sín.“
Að auki sakar Guðmundur borg-
ina um að standa ekki við kjara-
samninga. „Símenntunaráætlun
samkvæmt kjarasamningnum er
ekki komin í gegn og ennfremur
hafa fyrirtækin fjóra launaflokka
til að umbuna starfsmönnum fyrir
vel unnin störf, en gera það ekki.
Þess vegna held ég því statt og
stöðugt fram að Reykjavíkurborg
standi ekki við gerða kjarasamn-
inga.“
Enginn samningur
um viðbótargreiðslur
Birgir Björn Sigurjónsson segir
engan samning til um viðbótar-
greiðslur í lífeyrissjóð til félaga í
Starfsmannafélagi Reykjavíkur-
borgar. Hann minnir ennfremur á
að Reykjavíkurborg sé ekki vinnu-
veitandi Guðmundar og starfs-
manna Strætós bs. „Ef hann hefði
hins vegar verið trúnaðarmaður á
stofnun á vegum borgarinnar, hefði
borgin þurft að svara því hvers
vegna hún borgar ekki umrætt við-
bótarframlag,“ segir Birgir Björn.
„Þá er svarið á þá leið að borgin
greiðir allt að 2% sem mótframlag
vinnuveitenda á móti jafnstóru
framlagi launamannsins hjá öllum
þeim stéttum sem eru í almennu
lífeyrissjóðunum. Að meðtöldum
sparnaði í almennu lífeyrissjóðun-
um yrði heildarsparnaðurinn 14%
samkvæmt samningum sem borgin
hefur skuldbundið sig til að fylgja.
Reykjavíkurborg hefur hins vegar
ekki verið tilbúin að bæta 2% við
þann sparnað sem er hjá opinber-
um starfsmönnum, sem í dag er
15,5%,“ segir hann.
„Ég er tilbúinn til að bjóða
Starfsmannafélagi Reykjavíkur-
borgar sömu lífeyriskjör og gilda
hjá stéttarfélögum á borð við Efl-
ingu og fleiri sem Guðumundur
tekur til viðmiðunar. Kjörin fela
það í sér að Reykjavíkurborg
greiðir 6% í almennan lífeyrissjóð
og 2% í séreignasparnað, en ekki
11,5%, eins og við gerum vegna
BSRB-félaga. Strætó bs greiðir
Starfsmannafélagi Reykjavíkur-
borgar líka 11,5% en félagar í Efl-
ingu og fleiri félögum fá bara 8%
sem fyrr gat. Ef við færum að
kröfum Guðmundar, færum við
væntanlega að greiða 13,5% í líf-
eyrissjóð vegna hans en héldum að
sama skapi áfram að greiða bara
8% til Eflingarmanna og fleiri fé-
laga.“
Varðandi ávirðingar um að
Reykjavíkurborg hafi ekki staðið
við gerða samninga, segist Birgir
Björn ekki kannast við slíkt. „1.
desember 2002 áttu að koma til
framkvæmda ákveðin ákvæði í
kjarasamningum sem ekki voru
tilbúin. Við gerðum samning við
Starfsmannafélag Reykjavíkur-
borgar og greiddum félagsmönnum
launabætur fyrir frestun þessara
ákvæða. Nú erum við á fullum
dampi við að klára þessa kerfis-
breytingu í eins nánu samstarfi við
stéttarfélög og kostur er. Ég held
ekki að fulltrúar þessara félaga
telji að verið sé að svíkjast undan
einu eða neinu.“
Trúnaðarmaður Starfsmannafélags Reykjavíkurborgar
Krefst leiðréttingar
á lífeyrisgreiðslum