Morgunblaðið - 04.07.2004, Blaðsíða 7
FRÉTTIR
MORGUNBLAÐIÐ SUNNUDAGUR 4. JÚLÍ 2004 7
NÝBYGGING fræðsluseturs á Se
se-eyjum í Úganda var vígð við há-
tíðlega athöfn nýverið en setrið er
hluti samvinnuverkefnis Þróunar-
samvinnustofnunar Íslands (ÞSSÍ)
og héraðsstjórnar eyjanna um full-
orðinsfræðslu. Einnig var vígð
heimavistarbygging fyrir stúlkur við
Kitetika-framhaldsskólann skammt
fyrir utan Kampala.
ÞSSÍ styrkti bygginguna en sam-
tökin sem reka skólann eru einnig
náinn samstarfsaðili ABC-hjálpar-
starfs á Íslandi.
Notað var tækifærið þegar sendi-
nefnd ÞSSÍ var á ferð í Úganda, en
þar starfrækir stofnunin þrjú meg-
inverkefni; á sviði fullorðinsfræðslu,
fiskimála og jarðhitarannsókna.
Sendinefndin, undir forystu Björns
Inga Hrafnssonar, stjórnarfor-
manns ÞSSÍ, kynnti sér framgang
verkefnanna og hélt fundi með
helstu samstarfsaðilum stofnunar-
innar.
Meðan á heimsókn íslensku sendi-
nefndarinnar stóð var einnig fundað
með ráðherrum utanríkis- og fiski-
mála, en frá Úganda lá leið sendi-
nefndarinnar til Malaví.
Vígðu fræðslu-
setur í Úganda
HJÁ Bílastæðasjóði í Reykjavík
standa nú yfir samningaviðræður við
nokkra aðila um uppsetningu bún-
aðar sem gerir ökumönnum í
Reykjavík kleift að ganga frá
greiðslu fyrir bílastæði með gsm-
símum.
Áætlað er að búnaðurinn verði
tekinn í gagnið í haust en að sögn
Stefáns Haraldssonar, fram-
kvæmdastjóra Bílastæðasjóðs, mun
sá eða þeir sem samið verður við,
annast resktrarþjónustu en Bíla-
stæðasjóður tekur ekki þátt í henni.
Ökumenn sem nýta sér þennan
greiðslumáta munu greiða þjónustu-
gjöld til rekstraraðilans en stöðu-
mælagjöldin renna óskipt til Bíla-
stæðasjóðs. Boðið verður upp á
þessa þjónustu í öllum gjaldskyldum
bílastæðum í Reykjavík, að bíla-
stæðahúsum undanskildum.
Slík þjónusta er í boði víða í út-
löndum, m.a. á Norðurlöndunum og
hefur víðast hvar reynst vel.
Stefán segir að þeir sem vilji nýta
sér þjónustuna skrái sig hjá þjón-
ustuaðila sem auðkennir viðkomandi
ökutæki með því t.d. að láta öku-
manni þess í té límmiða sem hægt
verður að koma fyrir í bílrúðu. At-
hugun stöðumælavarða á auðkennd-
um bifreiðum fer síðan fram með
þeim hætti að vörðurinn kannar í
gegnum fjarskiptabúnað hvort við-
komandi ökumaður hafi gengið frá
greiðslu.
„Þessi kerfi hafa fest sig í sessi í
nokkrum nágrannalöndum okkar og
okkur finnst sjálfsagt að bjóða við-
skiptavinum okkar upp á þessa þjón-
ustu til viðbótar,“ segir Stefán.
Hægt að borga í stöðumæla
með gsm-símum í haust
Morgunblaðið/Jim Smart
Hægt verður að greiða fyrir bíla-
stæði með gsm-símum í haust.
MARKMIÐ samningsins um vernd
Norðaustur-Atlantshafsins, OSPAR,
er að koma í veg fyrir mengun Norð-
austur-Atlantshafsins með því að
draga úr mengun frá landi, mengun
af völdum úrgangs frá skipum og
öðrum uppsprettum í hafi. Auk þess
tekur hann á mati á ástandi hafsins
og verndun og varðveislu vistkerfa
og líffræðilegrar fjölbreytni haf-
svæðisins. Fyrir helgina lauk í
Reykjavík ársfundi OSPAR.
Á fundinum var fjallað um meng-
andi efni, en innan OSPAR er unnið
að því að skilgreina efni sem geta
verið skaðleg lífríki hafsins og því
nauðsynlegt að stemma stigu við los-
un þeirra. Um 80% mengunar í haf-
inu kemur frá landi og getur mengun
hafsins haft víðtæk áhrif. Á fundinum
var einnig fjallað um áhrif veiðarfæra
á lífríki botnsins. Einkum er horft til
þess að veiðar með botnvörpu geta
haft mjög skaðleg áhrif þar sem við-
kvæmar tegundir s.s. kóralla er að
finna. Hér við land verður á næstu
árum lögð áhersla á að kanna áhrif
botnvörpu á slíkum svæðum. Málefni
endurvinnslustöðvarinnar í Sellafield
voru einnig til umræðu, en markviss
vinna innan OSPAR á sinn þátt í
þeim árangri sem náðst hefur við að
draga úr losun á geislavirkum efnum
frá Sellafield.
Fundinn sóttu fulltrúar aðildar-
ríkja samningsins, alþjóðastofnana
og frjálsra félagasamtaka, alls um 90
manns frá mörgum ríkjum Evrópu.
Ársfundi OSPAR-
samningsins lokið
Um 80%
mengunar
í hafi eru
frá landi
♦♦♦
ÖKUMAÐUR gjöreyðilagði bíl
sinn í Hrútafirði í fyrrinótt þegar
hann ók út af við bæinn Þórodds-
staði og endasentist langt út fyrir
veg.
Stöðvaðist bíllinn tugi ef ekki
hundruð metra frá veginum og reif
niður girðingar í leiðinni. Ökumað-
urinn gekk nánast óskaddaður út
úr bílnum og var færður á lög-
reglustöð vegna gruns um ölvun
við akstur. Bíllinn fór það margar
veltur að lögreglan á Blönduósi tel-
ur það mildi að ekki fór verr.
Í gærmorgun stöðvaði lögreglan
í umdæminu síðan annan ökumann
grunaðan um ölvun.
Bílvelta í
Hrútafirði