Morgunblaðið - 07.07.2004, Blaðsíða 44
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 7. JÚLÍ 2004 VERÐ Í LAUSASÖLU 220 KR. MEÐ VSK.
ÁLFTAPAR sem síðustu ár hefur dvalið á
andapollinum svokallaða við Sundlaug
Akureyrar hefur drepið um það bil 20
andarunga í sumar. Parið hefur raunar
drepið eða stuðlað að dauða allra þeirra
unga sem komnir eru á legg, nema hvað
einn er enn á lífi en þegar stórskaddaður.
„Álftirnar hafa alltaf verið mjög
grimmar, sérstaklega á sumrin þegar þær
eru að ala upp unga sína. Þær áttu lengi
vel bara fúlegg en þetta er þriðja eða
fjórða sumarið sem þær ná að unga út og
eftir það urðu þær svona grimmar,“ sagði
Arnar Þorsteinsson, starfsmaður sund-
laugarinnar, í samtali við Morgunblaðið í
gær.
Arnar segir plássið við andapollinn of
lítið fyrir álftirnar, þær þurfi stærra
svæði til þess að vera á með ungana sína.
Umsjónarmenn svæðisins frá garð-
yrkjudeild bæjarins hafi hins vegar ekki
enn fundið lausn.
Sundlaugargestir og aðrir sem leið hafa
átt framhjá andapollinum hafa orðið vitni
að því þegar álftirnar ráðast á andarunga.
„Það er mjög óhugnanlegt. Álftirnar rífa
þá hreinlega í sig; fletta skinninu af baki
unganna og annaðhvort blæðir þeim út
eða þeir drepast næst þegar aðeins kóln-
ar,“ segir Arnar. Hann lýsir umræddum
atvikum sem „rosalegum athöfnum“ –
álftirnar grípi ungana í kjaftinn og hristi
þá til. „Þær eru bara að þessu til að drepa
þá og eiga það stundum til að reka gogg-
inn í bak unganna til þess að drepa þá
strax.“
Arnar segir krakka stundum verða vitni
að þessum árásum, og nefnir að börn geti
jafnvel verið í hættu þegar þau eru að
gefa fuglunum brauð. Segir börn meira að
segja stundum klifra yfir girðinguna og
inn á svæði fuglanna og þau vaði jafnvel
út í pollinn í leit að peningum, sem fólk
kastar gjarnan þangað. Það geti reynst
stórhættulegt.
Starfsmenn sundlaugarinnar vilja helst
að svanirnir verði fjarlægðir. „Það væri
best, þessar skepnur eiga ekki heima á
svona litlu svæði. Karlinn er vængbrotinn
og myndi sjálfsagt ekki lifa af annars
staðar og því væri best að aflífa hann en
flytja kerlinguna og ungana burt.“
Eini unginn sem er á lífi, af þeim sem komnir
eru á legg og hefur verið hleypt út úr búrum
sem sett hafa verið upp við sundlaugina.
Morgunblaðið/Skapti Hallgrímsson
Karlálftin við andapollinn. Vinstri vængur
hans er skemmdur og hann því ófleygur.
Önd sem álftirnar réðust á og sködduðu á
baki. Hún var sett aftur inn í búr og er þar
nú í örygginu með þrjá litla unga sína.
Álftaparið hefur drepið alla andarungana nema einn
„Stríðsástand“ á
andapollinum við
Sundlaug Akureyrar
DORNIER-flugvél Íslandsflugs
sem magalenti á Siglufjarðar-
flugvelli nýlega var flutt í flug-
skýli á Reykjavíkurflugvelli í
gær, en vettvangsrannsókn á vél-
ingafulltrúar munu einnig meta
vélina. Við vettvangsskoðun RNF
komu ekki fram vísbendingar um
að vélin hefði bilað með fyrr-
greindum afleiðingum.
inni er lokið af hálfu rann-
sóknanefndar flugslysa og er
skýrslu nú beðið. Skoðun af hálfu
RNF fer fram í dag í flugskýli
flugrekandans, þar sem trygg-
Morgunblaðið/Eggert
Flugvél á floti við Gróttu
ÞORSTEINN M. Jónsson,
forstjóri Vífilfells, hefur
keypt ríflega fjórðungshlut
KB banka í Vífilfelli og á
eftir kaupin um 74% í fyr-
irtækinu. Aðrir hluthafar
eru Hekla, sem á rúmlega
15%, Sigfús R. Sigfússon,
fyrrverandi forstjóri
Heklu, og Tryggingamið-
stöðin.
Spurður að því hvor hafi
átt frumkvæði að viðskiptunum, KB banki eða
hann sjálfur, segir Þorsteinn að fyrir rúmum
þremur árum hafi hann sjálfur, sem þá var
orðinn forstjóri Vífilfells, Kaupþing og Sigfús
R. Sigfússon keypt Vífilfell og Sól-Víking með
það í huga að sameina fyrirtækin, hagræða í
rekstrinum og skrá svo sameinað fyrirtæki á
markað. Aðstæður á hlutabréfamarkaði hafi
hins vegar fljótlega breyst þannig að ekki hafi
orðið af skráningu. Þorsteinn segir að vinnu
við sameiningu og hagræðingu sé lokið og að
hún hafi gengið mjög vel. „Við höfum náð þeim
markmiðum sem við settum okkur í samruna-
ferlinu,“ segir hann.
Eftir að vinnunni við sameininguna og hag-
ræðinguna lauk segir Þorsteinn að upp hafi
komið sú staða að KB banki hafi viljað selja og
hann hafi viljað kaupa. „Við vorum með svip-
aðar hugmyndir um verð og náðum samkomu-
lagi um það,“ segir hann. Spurður um verðið
segir hann að samkomulag hafi verið gert um
að gefa það ekki upp.
Um það hvort hann hafi hug á að eignast
stærri hlut í Vífilfelli segir Þorsteinn að það
hafi ekki komið til tals og að þessi eignarhlutur
sé nægilega stór.
Reksturinn gengur vel
Þorsteinn segir að rekstur Vífilfells gangi
vel og velta fyrirtækisins verði um 5,5 millj-
arðar króna í ár. Hann segir fyrirtækið byggj-
ast á þremur meginstoðum, gosdrykkjum, söf-
um og bjór, en auk þess séu orku- eða
íþróttadrykkir. Mestur vöxtur sé í bjórsölunni,
en annað gangi einnig ágætlega.
Þorsteinn
kaupir KB
banka út úr
Vífilfelli
Þorsteinn M.
Jónsson
Á nú 74% hlut
UM 20% foreldra barna í 10. bekk
grunnskóla vita til þess að börn
þeirra hafi drukkið áfengi af ein-
hverju tagi að því er fram kemur í
könnun sem Gallup vann fyrir
Lýðheilsustöð og SAMAN-hóp-
inn. Hins vegar hafa rúmlega 54%
nemenda í 10. bekk orðið drukknir
um ævina, að því er fram kemur í
niðurstöðum könnunar sem Rann-
sóknir & greining kynntu í fyrra.
Um 94% foreldra vilja hins veg-
ar vita af því ef barn þeirra neytir
áfengis og flestir eru sammála um
að leyfa ekki eftirlitslaus partí,
sumarbústaðaferðir eða útilegur.
95% foreldra kváðust alltaf eða
oftast fara eftir reglum um útivist-
artíma.
Þá segjast átta af hverjum tíu
foreldrum aldrei hafa útvegað
barni sínu áfengi.
Foreldrar
virða úti-
vistartíma
Foreldrar/6
Vilja ekki eftirlitslaus
partí hjá unglingum
KRISTÍN Inga
Hannesdóttir
lætur sér ekki
nægja að nema
sálfræði á Eng-
landi, heldur
leggur hún
einnig stund á
nám í sirkus-
fræðum við
Central School of Speech and
Drama í Lundúnum, þar sem sér-
svið hennar er loftfimleikar.
„Ég kynntist stelpu sem var að
taka gráðu í sirkusfræðum og
fannst þetta hljóma spennandi og
ákvað að slá til,“ segir Kristín.
Doktor/39
Kristín Inga
Hannesdóttir
Nemur bæði
sálar- og
sirkusfræði
NÍU ára gömul stúlka hrapaði til
bana í fjallinu Kubbanum í botni
Skutulsfjarðar á þriðja tímanum
í gær. Er lögreglan og læknir
komu á vettvang um klukkan 15
var stúlkan úrskurðuð látin.
Tilkynning um slysið barst lög-
reglunni á Ísafirði klukkan 14:41.
Fjallið Kubbinn skilur að Engi-
dal og Dagverðardal. Lögreglan
fór samstundis á staðinn og kall-
aði til sjúkralið. Þar sem lög-
reglumenn þekktu aðstæður í
fjallinu voru björgunarsveitir
með fjallaklifrara ræstar út.
Þyrla Landhelgisgæslunnar var
einnig sett í viðbragðsstöðu.
Að sögn lögreglu eru aðstæður
á slysstað mjög varasamar, mjög
brött fjallshlíð með lausu grjóti
og klettar þar yfir sem eru
hættulegir yfirferðar. Stúlkan
var í för með frænda sínum á
sama aldri en þau höfðu fengið
leyfi til að fara ein síns liðs
skammt upp í fjallshlíðina.
Frændi stúlkunnar var með gsm-
síma með sér og gerði viðvart um
slysið.
Ekki er unnt að birta nafn
hinnar látnu að svo stöddu.
Níu ára stúlka hrapaði
til bana í Skutulsfirði
Ljósmynd/Kristinn Hermannsson
Sjúkraflutningamenn búa sig undir að fara á slysstað.
♦♦♦