Heimilistíminn - 06.06.1974, Page 22
FURÐULEGT er hvað framleiðendur
geta stundum lagzt lágt þegar um er
að ræða að blekkja neytendur. Dæmi:
Ef þið haldið að einhver ósköp af
eggjum séu i eggjasjampói, þá hugsið
ykkur um betur. Þetta með eggin er
nefnilega aðeins hlutur, sem ætlazt er
til að við trúum.
Flestir vilja að hár þeirra sé mjúkt
og fallegt, og þegar við viljum hafa
sérstaklega indælt hár, þá hrærum við
gjarnan tvær eggjarauður út I volgu
vatni, og núum þvi inn i hársvörðinn.
Framleiðendur eru ekki seinir á sér:
Sjampó með eggjum hlýtur að vera
betra en sjampó án eggja og þeir vita,
að magir neytendur eru þvi sammála.
Hvers vegna að hræra eggjarauður út i
vatni, þegar hægt er að kaupa sjámpó
með eggjum i?
Belgiska neytendablaðið Test Achat
hefur nú látiö fara fram visindalega
rannsókn á 13 tgundum eggjasjampós
til að kanna eggjainnihaldið. Þetta
var erfitt verk fyrir starfsfólk
rannsóknarstofunnar, þvi næstum
ómögulegt reyndist að mæla eggja-
magnið, svoylitið var það. 1 einni teg-
undinni voru meira að segja alls engin
egg. Liturinn er yfirleitt fenginn með
allt öðru móti.
Ein tegundin er þekkt um allan
heim, og er sú langdýrasta af þeim 13,
sem rannsakaðar voru. Eggjainni-
haldið reyndist 1,6%. Þarna tekst
framleiðandanum að gera mikið úr
einni eggjarauðu, þar sem hún nægir i
átta flöskur sem eru 125 gr. hver.
t ódýrari tegundum reyndist eggja-
magnið frá 0.05 til 0,5% Þetta virðist
ganga, þar sem neytendum hættir til
að trúa öllu, sem þeim er sagt, og hver
hefur efni og tfma til að senda flösku af
eggjasjampói á rannsóknarstofu, ef
hann hefur grun um að vera svikinn?
22