Morgunblaðið - 01.03.2005, Blaðsíða 33

MORGUNBLAÐIÐ ÞRIÐJUDAGUR 1. MARS 2005 33
DAGBÓK
Snilldarvörn.
Norður
♠752
♥KD10876 N/En-
ginn
♦D2
♣32
Vestur Austur
♠K106 ♠9843
♥5432 ♥ÁG9
♦10873 ♦ÁK95
♣54 ♣106
Suður
♠ÁDG
♥–
♦G64
♣ÁKDG987
Spilið að ofan kom upp í tvímennings-
keppni í London og yfirleitt varð suður
sagnhafi í þremur gröndum. Geimið
virðist skothelt, en ekki er allt sem sýn-
ist. Á einu borðinu var Andrew Robson í
vörninni í austur eftir þessar sagnir:
Vestur Norður Austur Suður
– 2 hjörtu Pass 3 grönd
Pass Pass Pass
Makker hans kom út með tígulþrist –
fjórða hæsta – og sagnhafi lét lítinn tíg-
ul úr borði. Robson tók með kóng og
hugsaði málið. Hann þóttist vita að suð-
ur hefði byrjað með gosann þriðja í tígli,
því hann hefði reynt drottningu blinds
með eintóma hunda heima. Og að öllum
líkindum var suður með langan og þétt-
an lauflit. Því kom vel til greina að
skipta yfir í spaða, enda ekki nóg að fá
þrjá slagi á tígul og einn á hjartaás.
Robson læsti puttunum um spað-
aníuna, en fékk skyndilega bakþanka.
Því ekki að leika einum millileik? Suður
átti varla meira en eitt hjarta og
kannski ekkert, en þá gat það ekkert
kostað að leggja niður hjartaásinn fyrst
og kanna viðbrögðin.
Hjartaásinn hafði kremjandi áhrif á
suður. Hann valdi að henda spaðagosa,
en þá var spaðinn fríaður í einu höggi og
sagnhafi fékk aldrei níunda slaginn.
BRIDS
Guðmundur Páll Arnarson | dagbok@mbl.is
Moldarkofar —
rollur — beljur
MOLDARKOFI, belja, rolla! Þessi
þrjú orð heyrast oft nefnd og þá
gjarnan með nokkurri fyrirlitn-
ingu. Hvað býr að baki þessum
neikvæðu orðum?
Moldarkofi! Er verið að tala um
íslenska bæinn sem hlúði að okkur
um aldir? Vissulega misvel byggð-
an, en gat verið ósköp hlýr og
notalegur og var jöfnum höndum
vinnu-, matar- og svefnhús. Ég
held að þeir tali um hann með
mestri fyrirlitningu sem aldrei
hafa séð hann eða inn í hann kom-
ið.
Belja! Er það íslenska kýrin?
Sem gaf okkur mjólk, skyr, rjóma
og fleiri afurðir, t.d. mysuna, sem
var næringar- og svaladrykkur
auk þess að geyma í henni mat
sem ekki aðeins varði hann
skemmdum heldur bætti hann
með efnaríkri samsetnimgu sinni?
Hver þáttastjórnandinn á eftir
öðrum talaði um að bera á borð
skemmdan mat núna á þorranum
og hryllti sig.
Hvort ætli hafi verið langlífinu
hollara, súrsaður eða saltaður
matur?
Íslendingasögurnar voru skrif-
aðar á kálfskinn með kálfablóði í
„moldarkofum“.
Rolla! Er það íslenska sauðkind-
in (ær, hrútur, sauður, gemsi,
dilkur, lamb) sem gaf okkur kjöt,
mjólk, slátur, og síst af öllu má
gleyma ull í föt, sem unnin var í
íslenska sveitabænum á löngum
vetrarkvöldum, og reyndist skjól-
góð og hélt á mönnum hita í vos-
búð til sjós og lands?
Menn mættu gjarnan hugsa áð-
ur en þeir hreyta þessum orðum
út úr sér, stundum með nokkurri
vanþóknun í hugsunarleysi.
Guðgeir Sumarliðason,
Bjarnhólastíg 24, Kóp.
GSM-sími í óskilum
NOKIA-gemsi fannst í Garðabæ á
sunnudag. Upplýsingar í síma
565 6526.
Sylvester er týndur
SILVESTER skrapp út í góða
veðrið sl. fimmtudag frá Skeið-
arvogi og hefur ekki skilað sér
heim. Hann er svartur og hvítur
högni um 1 árs gamall. Hann er
með lasið vinstra auga eftir að-
gerð og er eyrnamerktur hjá
dýralæknastofu Dagfinns með
númerinu 58. Þegar hann fór að
heiman var hann með bláa ól þar
sem símanúmerið hjá honum er.
Ef einhver getur gefið upplýs-
ingar um Silvester eru þeir vin-
samlegast beðnir að hafa samband
í síma 691 6416 eða 897 3120.
Velvakandi
Svarað í síma 5691100 kl. 10–12
og 13–15 | velvakandi@mbl.is
Bænatónleikar sem bera yfirskriftina„Sorgin og lífið“ verða haldnir íLaugarneskirkju fimmtudagskvöldið3. mars kl. 20. Þar koma fram söng-
konan Kirstín Erna Blöndal, Gunnar Gunn-
arsson, píanó- og orgelleikari, Jón Rafnsson
bassaleikari og Örn Arnarson gítarleikari.
Einnig taka þátt í dagskránni sr. Bjarni Karls-
son, prestur í Laugarneskirkju, og sr. Bragi
Skúlason sjúkrahúsprestur. Aðgangur er
ókeypis.
Kirstín Erna Blöndal átti frumkvæðið að
tónleikunum. „Ég stóð fyrir styrktartónleikum
í Hallgrímskirkju til styrktar hjúkrunarþjón-
ustunni Karítas og líknardeildinni í Kópavogi
fyrir rúmum tveimur árum. Þá var stefnan tek-
in á að gefa tónlistina út á geisladisk en í kjöl-
far þessara tónleika látum við verða af útgáf-
unni.“
Kirstín ætlar að syngja bænir, sálma og tvö
lög með textum sem samdir voru eftir ástvina-
missi höfundanna. Þar að auki verða frumflutt
tvö lög eftir hana og er annað við bænina
„Láttu nú ljósið þitt, loga við rúmið mitt“. Sig-
urbjörn Einarsson, biskup, var fenginn til að
semja þrjár bænir til viðbótar við þá bæn. Ný-
stofnaður kvartett með Kirstínu, Erni Arnar-
syni, Þorvaldi Þorvaldssyni og Aðalheiði Þor-
steinsdóttur mun svo einnig koma fram.
Kirstín segir svokallaða bænatónleika vera
tiltölulega nýtt fyrirbæri á Íslandi. „Þetta er
ný leið sem ekki hefur verið farin áður, þ.e. að
nota tónlistina í sálgæslu. Fólk getur komið á
tónleikana, fengið styrk úr textunum og syrgt
þá sem eru farnir, jafnvel þótt fimmtíu ár séu
liðin. Með tónleikunum erum við að gefa fólki
möguleika á að koma í kirkju og syrgja en
einnig fagna augnablikinu. Ástvinamissi fylgir
mikil sorg en tíminn líður og fólk gleymir að
setjast niður, kveikja á kerti og taka sér tíma
fyrir sorgina. Talað er um að tíminn lækni öll
sár og fólk læri að lifa með sorginni en mér
finnst nauðsynlegt að gráta og að mínu mati
gerir fólk ekki nóg af því. Sorgin er að mínu
mati tvímælalaust jafnmikilvæg og gleðin. Ég
hef sungið í brúðkaupum, skírnum og jarð-
arförum svo að segja má að ég hafi fylgt fólki í
sorg og gleði frá vöggu til grafar.“
Sr. Bragi Skúlason les ljóð á milli tónlistar-
atriða og að tónleikunum loknum verður boðið
upp á kaffi í safnaðarsalnum þar sem hann
ávarpar gesti. „Kannski er þetta upphaf að ein-
hvers konar sorgarsamtökum en draumur
minn er að ferðast um landið með þessu
öðlingsfólki sem allt er tilbúið að gefa vinnu
sína fyrir þessa tónleika.“ Tónlistin á bæna-
tónleikunum verður gefin út á geisladiski í
haust sem hlotið hefur nafnið Faðmur.
Tónlist | Bænatónleikar í Laugarneskirkju á fimmtudagskvöld
Sorgin er jafnmikilvæg og gleðin

Kirstín Erna Blöndal
er fædd í Reykjavík árið
1970. Kirstín er mennt-
uð söngkona úr Tónlist-
arskólanum í Garðabæ
og Tónlistarskóla Sig-
ursveins. Hún hefur
m.a. sungið með kvart-
ettnum Grímu og kórn-
um Schola cantorum í
Hallgrímskirkju. Kirstín
er gift Erni Arnarsyni
tónlistarmanni.
MYNDLISTARSÝNING stendur nú
yfir í Landsbókasafni Íslands – Há-
skólabókasafni, Þjóðarbókhlöðu.
Getur þar að líta verk listakonunnar
Önju Theosdóttur sem birtust í
barnabókinni Meðan þú sefur árið
2003. Bókin kom út samtímis á Ís-
landi og Þýskalandi.
Anja Theosdóttir er þýsk að upp-
runa en hefur dvalið hér á landi und-
anfarin ár. Hún hefur lokið fimm
ára námi frá Staatliche Akademie
der Bildenden Künste í Stuttgart.
Anja vinnur nú að bók um ís-
lenska jólasveininn sem kemur út á
haustdögum 2005. Einnig vinnur
hún diska með sömu skreytingu.
Sýningin er sölusýning og lýkur 1.
apríl nk.
Anja sýnir
í Þjóðarbókhlöðu
Brúðkaup | Gefin voru saman 7. ágúst
2004 af séra Pálma Matthíassyni í Bú-
staðakirkju þau Anna María Guðna-
dóttir og Gunnar Magnús Sch. Thor-
steinsson. Með þeim á myndinni er
Gunnar yngri.
Árnaðheilla
dagbók@mbl.is
Stúdíó Sissu
ÞRÍTUGASTA Skáldaspírukvöld-
inu verður fagnað á Kaffi Reykja-
vík í kvöld kl. 21. Að sögn Bene-
dikts Lafleur, umsjónarmanns
dagskrárinnar, verður þessi áfangi
að teljast einsdæmi í íslenskri bók-
menntasögu. „Samt er þetta aðeins
byrjunin á löngu og farsælu starfi
Skáldaspírunnar.“
Upplesarar kvöldsins eru Bragi
Ólafsson, Þórarinn Kristjánsson,
Aðalsteinn Ásberg Sigurðsson,
Anna Hrefnudóttir og Sóley Þor-
valdsdóttir.
Þrítugasta Skáldaspírukvöldið
Bragi Ólafsson skáld.
LANDSÞING
FRJÁLSLYNDA FLOKKSINS
Kaffi Reykjavík, 4.- 5. mars 2005
www.xf.is
Skráningu á landsþing lýkur á hádegi 3. mars.
Framkvæmdastjórn áskilur sér rétt til að breyta dagskrá.
D A G S K R Á
Föstudagur 4. mars
16:00
Þingsetning
Ræða formanns, Guðjóns A. Kristjánssonar
Ung frjálslynd og norrænt samstarf
Kristín María Birgisdóttir, formaður
Ungra frjálslyndra
Lagabreytingar, skýrsla stjórnar
Laugardagur 5. mars
09:00 Sveitarstjórnarmál / bæjarmálafélög
10:30 Umræður
12:30 Léttur hádegisverður
13:15 Færeysk fiskveiðistjórnun
Jörgen Niclasen varaformaður
Fólkaflokksins
og fv. sjávarútv. ráðherra Færeyja
Fyrirspurnir
13:45 Stjórnmálaályktanir
15:00 Kosningar
16:00 Önnur mál - Afgreiðsla stjórnmálaályktana
17:00 Þingslit
19:30 Móttaka fyrir þingfulltrúa
Jörgen
Niclasen
Skráning í síma 822 1996 eða á xf@xf.is