Morgunblaðið - 12.06.2005, Blaðsíða 4

4 SUNNUDAGUR 12. JÚNÍ 2005 MORGUNBLAÐIÐ
FRÉTTIR
FRÆÐSLUMIÐSTÖÐ Reykjavíkur
fékk starfsviðurkenningu Reykja-
víkurborgar fyrir árið 2004, sem
afhent var með viðhöfn í Höfða á
föstudag. Þetta er í áttunda sinn
sem viðurkenningin er veitt. Gerð-
ur G. Óskarsdóttir tekur hér við
viðurkenningarskjali úr hendi
Steinunnar Valdísar Óskarsdóttur
borgarstjóra.
Hið nýja Menntasvið tók til
starfa 1. júní sl. og lauk þá níu ára
sögu Fræðslumiðstöðvarinnar sem
tók til starfa þegar sveitarfélögin
tóku við rekstri grunnskólanna.
Steinunn Valdís sagði það hafa
verið mikla gæfu að fá Gerði til
starfa sem forstöðumann. Með
frumkvöðlahugsun hefði hún drifið
með sér samstarfsfólk og skóla-
stjórnendur og skapað skólastarf í
grunnskólum Reykjavíkur sem
hefði vakið athygli út fyrir land-
steinana.
Morgunblaðið/Jim Smart
Fræðslumiðstöðin
verðlaunuð
LEIÐTOGAÞING lútherskra
kirkna í Evrópu var sett í Reykholts-
kirkju á miðvikudaginn en á þinginu
eru rædd ýmis þau málefni er snerta
sérstaklega lútherskar kirkjur í
Evrópu. Evrópudeild Lútherska
heimssambandssins stendur fyrir
þinginu en þátttakendur, sem eru
um níutíu manns, koma frá 23 lönd-
um. Þinginu lýkur í dag í Skálholti.
Karl Sigurbjörnsson, biskup Ís-
lands, sagði í samtali við Morgun-
blaðið á föstudaginn að þingið hefði
farið vel fram og miklar umræður
skapast um kristna trú og stöðu
hennar á okkar tímum.
„Tilgangur þingsins er sá að gefa
þátttakendum kost á því að bera
saman bækur sínar og fræðast hver
af öðrum. Umræðuefnin að þessu
sinni eru framhald af aðalþingi
Heimssambandsins sem haldið var í
Winnipeg árið 2003 en þar var sam-
þykkt stefnumörkun um boðun
kirkjunnar. Allar þessar kirkjur,
stórar og smáar eru að fást við sam-
tíðina þar sem eru gríðarmiklar
sviptingar,“ segir biskup.
Afhelgun samfélagsins
Að sögn biskups hefur töluvert
verið rætt um það sem kallað er af-
helgað samfélag. „Þannig hefur ver-
ið sagt að samfélag þar sem hið
trúarlega hefur verið tekið úr sam-
bandi einkenni okkar tíma. Í fyrir-
lestrum kom hins vegar fram að
menn vilja frekar líta á samfélag
okkar tíma sem samfélag þar sem
endurhelgun heimsins er mjög áber-
andi. Trúmál eru þannig aftur komin
á dagskrá en það hafa þau ekki verið
lengi og leika nú býsna stórt hlut-
verk víða í heiminum.“
Fram hefur komið á þinginu að
kristnar kirkjur í Evrópu séu í varn-
arstöðu. Hins vegar hafi þær styrkst
í öðrum heimshlutum. Að mati bisk-
ups hafa þannig átt sér stað ákveðin
pólskipti í kristinni trú en jafnframt
sé erfitt að benda á ástæður þessa.
„Það eru margvíslegar ástæður fyrir
þessari þróun en margt helst þar í
hendur. Í því sambandi var mjög
fróðlegt að heyra hér á þinginu um
kirkjurnar í Austur-Evrópu sem í
áratugi voru í viðjum guðlauss
kommúnisma. Hið guðlausa ríki réð
ferðinni og þar áður nasisminn. Af-
gerandi skil urðu í samfélaginu en
allt sem tengdist trú og kristni var
tekið út af borðinu og hinni opinberu
orðræðu. Nokkrar kynslóðir hafa því
enga þekkingu á grundvallaratriðum
kristinnar trúar og hafa jafnvel aldr-
ei komið inn fyrir kirkjudyr. Þegar
múrinn fellur og frelsið kemur fá
þessar kirkjur svigrúm og tækifæri
til þess að starfa en þær eru á byrj-
unarreit,“ segir biskup og bendir á
að einn fyrirlesaranna á þinginu hafi
vitnað í ónefndan fræðimann þessu
til skýringar. „Hann sagði að við
fögnuðum frelsi úr fangelsinu en
uppgötvuðum að við vorum lokuð
inni í vörumarkaði. Þannig að frelsið
var viðskiptafrelsi og allt var metið á
forsendum markaðarins.“
Kristnin sækir á í Afríku
Á þinginu hefur það einnig komið
fram að á sama tíma og kristni er á
undanhaldi í Evrópu komi fjöldi
fólks inn í evrópsk samfélög úr öðr-
um heimshlutum. Að mati biskups
breytir þetta myndinni töluvert.
„Hér er ekki einungis átt við músl-
ima sem koma frá Afríku og Austur-
löndum og eru áberandi. Í álfuna
flytur kristið fólk frá Afríku en menn
gefa því sjaldan gaum og telja oft á
tíðum að menn sem komi af þeim
slóðum séu múslimar og jafnvel heið-
ingjar. Það er aldeilis ekki. Gömlu
kirkjurnar í Evrópu standa því einn-
ig andspænis því að öflugar kristnar
kirkjur eru að koma undir sig fót-
unum í evrópsku samfélagi og við
höfum ekki hugmynd um þær því
þetta gerist undir yfirborðinu.“
Að sögn biskups segja um sex þús-
und manns sig úr kristnum kirkjum í
Evrópu á dag en í Afríku taka um
tuttugu og þrjú þúsund manns
kristna trú á degi hverjum. „Þetta er
gríðarlegur munur og hefur verið til
umræðu hér á þinginu.
Þá hefur verið rætt að boðun
kirkjunnar sé ekki einungis fólgin í
predikun yfir fólki heldur eigi einnig
að felast í henni að ganga með fólki
þar sem það er á ferðinni. „Menn
vilja þannig sjá aukna áherslu á því
að kirkjan sé til staðar með boðskap-
inn um Jesú Krist þar sem fólk er.“
Að sögn biskups eru þátttakendur
ánægðir með land og þjóð og hafa
ekki látið kalt veður á sig fá. „Gest-
unum finnst landið fagurt og kirkj-
urnar okkar afskaplega fallegar en
slíkt er gaman að heyra. Þá langar
alla til þess að kaupa íslenskar ullar-
peysur áður en þeir fara heim og við
megum vera ánægð með það,“ segir
biskup að lokum og hlær, en hann
vonast til þess að þær hugmyndir
sem fram komi á þinginu muni nýt-
ast mönnum við þau störf sem fram
undan eru.
Kristnar kirkjur í
varnarstöðu í Evrópu
Leiðtogaþing lútherskra kirkna í Evrópu í Reykholti
Morgunblaðið/Þorkell
Karl Sigurbjörnsson,
biskup Íslands.
Eftir Þóri Júlíusson
thorirj@mbl.is
HÉRAÐSDÓMUR Reykja-
víkur hefur sýknað mann,
sem sá um tíma um rekstur
Félagsheimilis Seltjarnar-
ness, af kröfu um greiðslu
stefgjalda fyrir meintan tón-
listarflutning í húsinu. Kemst
dómurinn m.a. að þeirri
niðurstöðu að lagaheimild
hafi skort til að áætla stef-
gjöld eins og gert hafi verið í
þessu máli.
STEF (Samband tónskálda
og eigenda flutningsréttar)
og SFH (Samband flytjenda
og hljómplötuframleiðenda),
kröfðu manninn um stefgjöld-
in árið 2003 og byggðu kröf-
una, um 430 þúsund krónur, á
því að umræddur maður hefði
á árunum 2000 til 2002 dreift
stöðugt til almennings, með
hátalara eða á annan hátt,
tónverkum sem vernduð væru
af höfundarlögum. Fjárhæð
reikninganna var byggð á
gjaldskrá STEF.
Maðurinn sagðist hins veg-
ar hafa rekið veisluþjónustu í
félagsheimilinu, ekki haft
leyfi fyrir samkomum, sem
haldnar voru í félagsheim-
ilinu, heldur þeir sem sam-
komurnar héldu. Sú þjónusta
sem hann hefði látið þessum
aðilum í té hefði verið að selja
þeim mat og aðrar veitingar í
félagsheimilinu. Hefði tónlist
verið flutt á slíkum samkom-
um hefði hún alfarið verið á
vegum þess sem samkomurn-
ar hélt.
Héraðsdómur segir í niður-
stöðu sinni, að af texta reglu-
gerðar STEF verði ekki ann-
að ráðið en að sá, sem
samkomuna haldi, sé aðal-
skuldari STEF-gjalda. Með
öðrum orðum hafi stefnend-
um borið að innheimta hjá
þeim, sem fengið höfðu
skemmtanaleyfi hjá lögreglu-
stjóra í salarkynnum Félags-
heimilis Seltjarnarness.
Sýknaður
af kröfum
um stef-
gjöld
ALLS voru 264 ungmenni, 17 ára
og eldri, enn á biðlista eftir at-
vinnu hjá Vinumiðlun ungs fólks í
Reykjavík í gær. Að sögn Selmu
Árnadóttur, forstöðumanns Vinnu-
miðlunar ungs fólks, er það eink-
um fólk undir lögræðisaldri sem
gengur illa að fá vinnu en 110 ung-
menni úr þessum hópi eru 17 ára.
Borgarráðsfulltrúar Sjálfstæðis-
flokks lögðu fram fyrirspurn á
fundi ráðsins í fyrradag þar sem
spurt var hvort ætlunin væri að
koma til móts við þennan hóp ung-
menna. Minnt var á að sumarið
væri sá tími sem mest hætta væri á
að ungt fólk leiddist út í vímuefna-
notkun og hefði sumarstarf því
ákveðið forvarnargildi.
Alls bárust 2.600 umsóknir um
störf til Vinnumiðlunar ungs fólks
í ár og er ráðgert að 1.200 fái störf
hjá hinum ýmsu stofnunum
borgarinnar, eða um 300 færri en í
fyrra.
Engin ákvörðun liggur fyrir hjá
borgaryfirvöldum um aukafjárveit-
ingu vegna ráðninga sumarfólks.
264 ungmenni
á biðlista eftir
vinnu
LÖGREGLAN í Reykjavík hefur
að undanförnu aukið notkun reið-
hjóla við löggæslu en tveir lög-
reglumenn á reiðhjólum handtóku
ökumann fyrir utan veitingastað
við Laugaveg nótt eina í síðustu
viku. Í frétt á lögregluvefnum seg-
ir að lögreglumennirnir hafi veitt
ökumanninum athygli þar sem
hann ók bifreið sinni allgreitt nið-
ur Laugaveg og stansaði fyrir ut-
an veitingastað. Höfðu þeir tal af
ökumanninum þar sem hann sat
undir stýri bifreiðarinnar. Vakn-
aði þá grunur um að ökumaður
væri ölvaður og var hann því
færður á lögreglustöð til töku
blóðsýnis.
Í fréttinni segir jafnframt að
löggæsla sem þessi hafi gefið góða
raun. Fara lögreglumenn yfirleitt
tveir saman og þá helst um þau
svæði þar sem gangandi fólk er
flest á ferð og erfiðara að komast
um á bifreiðum en reiðhjólum.
Aukin notkun
reiðhjóla við
löggæslu