Morgunblaðið - 25.10.2005, Blaðsíða 1

STOFNAÐ 1913 289. TBL. 93. ÁRG. ÞRIÐJUDAGUR 25. OKTÓBER 2005 PRENTSMIÐJA MORGUNBLAÐSINS mbl.is
Nýja platan þykir létt og
áheyrileg | Menning
Hlupu
í skarðið
Karlar í varaliði þegar mikið
liggur við | 12
Létt yfir
Sálinni
Íþróttir í dag

Árni Gautur fær stuðning

Maier skaust upp fyrir Tomba

Undarleg vítaspyrna Arsenal
vekur umtal
UM 50.000 manns, aðallega konur, fylltu miðbæ
Reykjavíkur á frídegi kvenna í gær. Gríðarlegur
fjöldi þátttakenda á baráttufundi á Ingólfstorgi
kom jafnt aðstandendum fundarins sem lögreglu í
opna skjöldu. Allt fór þó vel fram og ekki annað að
sjá en almenn ánægja væri með daginn.
„Þetta gekk vonum framar,“ segir Edda Jóns-
dóttir, verkefnisstjóri kvennafrídagsins, sem
sagði þátttökuna meiri en nokkur hefði getað búist
við. Mikill fjöldi þátttakenda þýddi að færri kom-
ust að en vildu til að heyra ræður og njóta
skemmtiatriða, en Edda segir að það hafi komið til
vegna þess að ekki hafi verið búist við svo miklum
fjölda, og því talið að Ingólfstorg væri nægilega
stórt.
„Síðastliðna viku, þegar okkur fór að gruna í
hvað stefndi, bjóst ég við kannski í mesta lagi 20–
30 þúsund þátttakendum. Þá reyndum við að færa
dagskrána á Lækjartorg, en það gekk ekki upp
vegna þess að það var of mikið fyrirtæki og of
stuttur fyrirvari. Það er mikið mál að koma svona
fyrir, það þarf að loka mörgum götum, setja upp
stærra svið, öflugra hljóðkerfi og svo framvegis,“
segir Edda.
Samstaðan skiptir öllu máli
Hún segir hátalara hafa verið setta upp á Aust-
urvelli, og reynt að setja upp skerma til að sýna
það sem fram fór, sem hafi ekki gengið vegna þess
hve bjart var úti. „Við lærum bara af því, næst
verðum við bara að vera á stærri stað,“ segir
Edda, sem segir hugmyndir uppi um að halda
kvennafrídag á tíu ára fresti.
Aðalatriðið var þó hversu margir mættu á bar-
áttufundinn. „Þó að það hafi ekki allir séð dag-
skrána skiptir það ekki endilega öllu máli, það er
bara tilfinningin að vera á staðnum með öllu þessu
fólki, og að konur skyldu koma niður í bæ og sýna
þessa samstöðu. Það held ég að hafi skipt mestu
máli,“ segir Edda.
Baráttuhugur var í ræðukonum á fundinum.
„Hér duga hvorki vettlingatök né hænuskref. Við
þurfum byltingu. Við þurfum róttækar breytingar
og við þurfum að skoða heildarmyndina,“ sagði
Katrín Anna Guðmundsdóttir, fulltrúi kvenna-
hreyfingarinnar, í ræðu sinni.
Fulltrúar heildarsamtaka launþega létu líka í
sér heyra á fundinum. „Konur eru ekki metnar að
verðleikum og hefðbundin kvennastörf eru enn
láglaunastörf. Launamisréttið er tímaskekkja og
smánarblettur á íslensku samfélagi,“ sagði Marín
Þórsdóttir.
Morgunblaðið/Júlíus
Ingólfstorgið rúmaði ekki nema brot af öllum mannfjöldanum. Mannmergð var einnig í Austurstræti, Bankastræti og á Skólavörðustíg og fjöldi fólks var á Austurvelli.
Um 50.000 manns troðfylltu miðbæ Reykjavíkur á kvennafrídeginum í gær
Fjöldinn meiri en
nokkur bjóst við
Eftir Brján Jónasson
brjann@mbl.is
 Kvennafrídagurinn | 10, 11, 12, 25, 26–27.
KVENNAFRÍDAGURINN var ekki
aðeins haldinn hátíðlegur í Reykja-
vík því víða um land voru skipulögð
hátíðahöld þar sem konur á öllum
aldri komu saman.
Á Egilsstöðum mættu til dæmis
mun fleiri en reiknað var með og
þurfti að flytja hátíðahöldin í
íþróttahús bæjarins þar sem sal-
urinn á Hótel Héraði bar ekki þann
mikla fjölda kvenna sem kröfðust
jafnréttis.
Á Akureyri var Sjallinn þéttsetinn
á baráttufundi og þurftu margir að
standa utandyra og hlusta á dag-
skrána í hátalarakerfi.
Í Alþýðuhúsinu á Ísafirði var þétt-
skipuð dagskrá og boðið upp á tón-
listaratriði, ljóðalestur og upplestur
fyrir utan hefðbundin ræðuhöld.
Á Hvanneyri, þar sem íbúafjöldi
er um 280, var haldinn baráttu-
fundur og kröfuganga en þar mættu
hvorki meira né minna en 40% íbúa
og var pottaglamur þar áberandi.
Kvennafrídegi
fagnað
víða um land