Fréttablaðið - 09.05.2005, Qupperneq 2

LÖGREGLUFRÉTTIR
RÉTTINDALAUS MEÐ FÍKNIEFNI
Lögreglan í Reykjavík reyndi um
fjögurleytið á laugardagsnótt að
stöðva ökumann á Sæbraut sem
ekki var á því að láta taka sig.
Lögreglu tókst þó að hindra að
hann styngi af. Reyndist maður-
inn vera ölvaður, án ökuréttinda
og þar að auki með lítilræði af
fíkniefnum á sér sem útskýrir ef
til vill tregðu hans.
70.000 Í SEKT Maður á þrítugs-
aldri var stöðvaður á Hafnarfjarð-
arveginum eftir að hafa mælst á
146 kílómetra hraða í gærmorgun.
Var hann með bílinn fullan af
fólki og að auki grunaður um ölv-
un. Reikna má með því að maður-
inn fái hátt í 70 þúsund króna sekt
fyrir hraðaksturinn og enn hærri
ef um ölvunarakstur var að ræða.
ÞUNG UMFERÐ UM VESTUR-
LANDSVEG Töluverð umferð var
um Vesturlandsveg í gær og
beindist hún mestmegnis suður.
Að sögn lögreglunnar á Akranesi
gekk umferðin stórslysalaust og
keyrðu menn rólega enda um að
gera að komast heilir heim.
Ólöglegir innflytjendur:
Fjöldi fær
atvinnuleyfi
SPÁNN, AP Spænska stjórnin hefur
ákveðið að veita 700 þúsund ólög-
legum innflytjend-
um atvinnu- og bú-
setuleyfi. Ákvörð-
unin kemur í kjöl-
far gagngerrar
uppstokkunar í
málefnum inn-
flytjenda.
Búist er við að
ákvörðun stjórn-
valda hafi mikil
áhrif á velferðarkerfið. Jesus
Caldera atvinnumálaráðherra
sagði þetta verða til þess að tæp-
lega 700 þúsund launþegar færð-
ust af svörtum vinnumarkaði yfir
á hinn opinbera. Skráðum launþeg-
um fjölgar um fjögur prósent. ■
2 9. maí 2005 MÁNUDAGUR
Forsvarsmenn sveitarfélaga á höfuðborgarsvæðinu:
fiingmenn s‡ni alvöru og heilindi
SAMGÖNGUMÁL Allt útlit er fyrir að
vegaáætlun fyrir næstu fjögur ár
verði samþykkt að mestu óbreytt
á Alþingi fyrir þinglok síðar í vik-
unni. Áætlunin var afgreidd úr
samgöngunefnd þingsins án veru-
legra breytinga en búast má við
fjörlegum umræðum um áætlun-
ina.
Gunnar I. Birgisson þingmaður
Sjálfstæðisflokks og verðandi
bæjarstjóri í Kópavogi hefur deilt
harkalega á þá staðreynd að höf-
uðborgarsvæðið fær einungis
fimmtung þess fjár sem verja á til
vegaframkvæmda á næstu fjór-
um árum. Hann hefur lagt fram
eigin vegaáætlun sem tekin verð-
ur til umræðu á þingi í vikunni.
Forsvarsmenn sveitarfélaga á
höfuðborgarsvæðinu hafa lýst
yfir stuðningi við tillögur Gunn-
ars. „Ég treysti því og trúi að
þingmenn höfuðborgarsvæðisins
horfi til þeirrar stöðu sem uppi er
í samgöngumálum svæðisins og
taki á þessum málum af alvöru og
heilindum“, segir Lúðvík Geirs-
son bæjarstjóri í Hafnarfirði.
Hann segir tillögur Gunnars end-
urspegla þær áherslur sem sveit-
arfélögin á höfuðborgarsvæðinu
tala fyrir. „Við leggjum áherslu á
að tekið verði tillit til sjónarmiða
okkar í málinu“, segir Lúðvík.
- ssal
Nýtt úrræði til staðar á Kleppi:
Hjálpa á veiku fólki
HEILBRIGÐISMÁL Sigursteinn Más-
son, formaður Geðhjálpar, segir
slys á borð við að fólki sé hleypt
of snemma út af geðdeild allt of
tíð. Hann segir ennfremur að
nýju úrræði fyrir erfiðustu
sjúklingana hafi verið komið á
fót á Kleppsspítala.
„Þegar mjög veiku fólki er
vísað frá á þeim grundvelli að
það sé of veikt á það aðeins um
tvo möguleika að velja. Að lenda
á götunni eða brjóta af sér í ör-
væntingu og lenda í fangelsi.
Þetta nýja úrræði á að koma í
veg fyrir þessa hluti,“ segir Sig-
ursteinn. „Oft er þetta fólk sem
vísað er frá meðferðarheimilum
vegna þess að það er talið vera
of geðveikt og svo er því vísað
frá geðdeildum vegna þess að
það er talið eiga mestmegnis í
vandræðum með vímuefni.“
Sigursteinn segir hópinn ekki
stóran, um tuttugu einstaklinga,
sem á við svona erfið veikindi
að stríða. Hann segist hafa ný-
lega setið á fundi með yfirmönn-
um geðsviðs Landspítalans þar
sem nýja úrræðið var kynnt og
það eigi að nýtast erfiðustu
sjúklingunum. „Ég trúi því ekki
fyrr en ég tek á því að menn ætli
ekki að láta verkin tala. Það er
lagaleg og siðferðisleg skylda
hins opinbera að hjálpa þessu
fólki.“ -fgg
Sendur af ge›deild
og rændi bílum
Ungur ma›ur, sem var útskrifa›ur af ge›deild, rændi tveimur bílum me› flví
a› hóta ökumönnum. Hann ók glæfraakstri flar til hann missti stjórn á ö›rum
bílnum sen enda›i miki› skemmdur utanvega. Ma›urinn er á sjúkrahúsi.
LÖGREGLUMÁL Eftir að karlmanni
var sleppt af geðdeild Landsspítal-
ans ruddist hann inn í bíl skammt
frá geðdeildinni. Konu, sem var á
bílnum, tókst að komast út og gera
lögreglu viðvart, sem hóf leit að
bílnum.
Skömmu síðar var tilkynnt um að
bíl hefði verið ekið út af Vestur-
landsvegi, við Hlégarð í Mosfells-
bæ, og reyndist það vera bíllinn sem
rænt var við sjúkrahúsið skömmu
áður. Litlu mátti muna að slys hlytist
af en bílinn, sem er af gerðinni Land
Rover, skemmdist mikið.
Tvær konur á Daihatsu-bifreið
vildu aðstoða þann sem ekið hafði út
af. Ökumaðurinn hratt upp bíl-
stjórahurðinni, dró konuna út úr
bílnum og hrinti henni í götuna.
Hann settist undir stýri og ók sem
leið lá að Hlaðgerðarkoti, en þar
hafði hann verið í vímuefnameðferð
en eftir að háttarlag hans olli ótta
um að hann skaðaði sjálfan sig eða
aðra var hann sendur á geðdeild eft-
ir að læknir hafði skoðað hann.
Læknar á geðdeildinni sáu hins veg-
ar ekki ástæðu til að halda honum
lengur.
Maðurinn var ekki vistaður í
nauðungarvistun eins og heimild
mun vera til. Hvorki Svanur Ósk-
arsson, forstöðumaður í Hlaðgerð-
arkoti, né Flosi Karlsson, læknir
sem óskaði upphaflega eftir að mað-
urinn færi á geðdeild, vildu tjá sig
um ákvörðun geðdeildarinnar. Ekki
náðist í vakthafandi lækni á geð-
deildinni þrátt fyrir ítrekaðar til-
raunir.
„Það er rétt að ég kallaði til
lækni til að fá álit hans. Vistmaður-
inn hafði átt við geðræn vandamál
að stríða. Hann var mjög þunglynd-
ur auk þess sem hann hafði rang-
hugmyndir um að skaða sig og
aðra,“ sagði Svanur sem óttaðist um
heilsu mannsins.
Að sögn Árna Þórs Sigmundsson-
ar, aðalvarðstjóra lögreglunnar í
Reykjavík, þótti mesta mildi að ekki
fór verr. „Aksturinn þótti glæfra-
legur,“ sagði Árni Þór. Eftir hand-
tökuna var hann færður á lögreglu-
stöð þar sem rætt var við hann.
Læknir var kallaður til og komst
hann að sömu niðurstöðu og Flosi
Karlsson hafði gert, hálfum sólar-
hring áður. Maðurinn var færður á
sjúkrahús þar sem hann dvelst nú.
freyrgigja@frettabladid.is
Banaslys á Breiðholtsbraut:
Ma›urinn
sem lést
ANDLÁT Maðurinn sem lést af völd-
um hjartaslags þegar hann keyrði
um Breiðholts-
braut á föstudags-
morgun hét Jó-
hannes Guðvarðar-
son. Hann var 66
ára, fæddur 25.
desember 1938, og
til heimilis að Vest-
urbergi 36 í
Reykjavík. Hann
skilur eftir sig eiginkonu og fjögur
uppkomin börn. - bþg
Enski boltinn á nýja stöð:
Boltinn á
brei›bandi›
SJÓNVARP Enski boltinn truflar ekki
dagskrá Skjás eins næsta vetur því
stofnuð verður sérstök áskriftar-
stöð tileinkuð honum á breið-
bandinu.
Þeir sem ekki eru tengdir
breiðbandinu geta fengið sérstakan
ADSL-búnað og náð útsendingum í
gegnum hann.
Snorri Már Skúlason, verkefnis-
stjóri enska boltans á Skjá einum,
segir þetta verða byltingu í allri um-
fjöllun um enska boltann. „Við mun-
um geta sýnt áttatíu prósent leikj-
anna í beinni útsendingu og aðdá-
endur geta valið sér leiki,“ segir
hann og reiknar með því að áskrift-
in verði ekki mjög dýr. Snorri segir
ljóst að þessi tilhögun þýði að stöðin
þurfi að bæta við sig starfsfólki.
„Það verða líka allar lýsingar frá
leikjunum að vera á íslensku.“ -fgg
SPURNING DAGSINS
Kristján, var ód‡rasta
lei›in valin?
Nei, tillöguhöfundurinn
vill láta aðra borga
Akureyrabær stóð nýlega fyrir alþjóðlegri hug-
myndasamkeppni um uppbyggingu miðbæjarins
á Akureyri. Tillögur tveggja skoskra arkitekta urðu
ofan á í keppninni en Skotar eru annálaðir fyrir
hagsýni.
JÓHANNES
GUÐVARÐARSON
SINUBRUNI Í MOSFELLSDAL Til-
kynnt var um sinubruna við
Seljabrekku um miðjan dag í
gær. Slökkviliðið var um tvo tíma
að ráða niðurlögum eldsins. Öll-
um skipulögðum sinubrunum á
að vera lokið fyrir fyrsta maí.
LÖGREGLUFRÉTTIR
LÚÐVÍK GEIRSSON BÆJARSTJÓRI Í HAFN-
ARFIRÐI Skorar á þingmenn höfuðborgar-
svæðis að taka á samgöngumálum svæð-
isins af festu við afgreiðslu vegaáætlunar.
Stolin vegabréf í Kína:
Ólöglegir í
Danmörku
DANMÖRK Mörg hundruð stolin
dönsk vegbréf og vegabréfsárit-
anir ganga nú kaupum og sölum í
Kína. Danska lögreglan segir að
ólöglegum innflytjendum frá
Kína hafi fjölgað verulega á síð-
ustu misserum.
Vegabréfunum og áritununum
var stolið frá danska sendiráðinu í
Slóvakíu í október í fyrra og er
talið víst að pappírarnir hafi verið
fjölfaldaðir. Þeir hafa verið boðn-
ir til sölu á Internetinu og virðist
sem áhuginn á þeim sé hvað mest-
ur í Kína. Nýlega voru þrír Kín-
verjar stöðvaðir á Kastrup með
falskar vegabréfsáritanir.■
SIGURSTEINN MÁSSON „Ég trúi því
ekki fyrr en ég tek á því að menn ætli
ekki að láta verkin tala,“ segir Sigur-
steinn um aðbúnað geðsjúkra.
LÖGREGLUSTÖÐIN Í REYKJAVÍK Eftir að
maðurinn var handsamaður var hann
færður á lögreglustöðina. Lögregla kallaði
eftir lækni sem mæltist til að maðurinn
færi á sjúkrahús, þar sem hann dvelst nú.
HLAÐGERÐARKOT Forstöðumaðurinn
lagði til að maðurinn yrði vistaður á geð-
deild. Hann var haldinn ranghugmyndum
og óttast var að hann myndi skaða sjálfan
sig og aðra.
GEÐDEILDIN Maðurinn var vistaður í rúm-
an hálfan sólarhring á geðdeild Landsspít-
alans og var þá útskrifaður. Eftir að honum
var sleppt rændi hann tveimur bílum eftir
að hafa hótað ökumönnunum.
LAND ROVERINN Jeppinn er talsvert skemmdur og lán er að enginn slasaðist.
FRÉTTAB
LAÐ
IÐ
/G
VA
M
YN
D
IR/ STÖ
Ð
2
JESUS CALDERA
Atvinnumálaráð-
herra Spánar