Fréttablaðið - 26.05.2005, Qupperneq 67

26. maí 2005 FIMMTUDAGUR34
Liverpool var› Evrópumeistari í gær flegar fla› sigra›i AC Milan í dramatískum úrslitaleik í Istanbúl.
Liverpool var 3-0 undir í leikhléi en sneri töpu›u tafli sér í hag á ótrúlegan hátt og vann í vítakeppni.
Eins og í Liverpool-sögu
FÓTBOLTI Það er óhætt að segja að
úrslitaleikur Liverpool og AC Mil-
an í Meistaradeild Evrópu hafi far-
ið fram úr björtustu vonum allra
knattspyrnuáhugamanna. Fyrir-
fram var búist við leiðinlegum leik
tveggja varnarsinnaðra liða en sú
átti aldeilis ekki eftir að verða
raunin. Þess í stað var boðið upp á
einhverja mestu flugeldasýningu
sem sést hefur lengi og mörkin í
úrslitaleik keppninnar hafa ekki
verið svona mörg í 43 ár.
Milan fékk sannkallaða
draumabyrjun í leiknum því hinn
36 ára gamli fyrirliði þeirra, Paolo
Maldini, kom þeim yfir eftir aðeins
53 sekúndur. Leikmenn Liverpool
voru eins og rotaðir eftir mark
Maldinis enda kom það eins og
blaut tuska í andlit þeirra.
Milan átti fyrri hálfleikinn og
hélt áfram að þjarma að Liverpool.
Sú pressa bar árangur á 39. mínútu
þegar Argentínumaðurinn Hernan
Crespo, sem er lánsmaður frá
Chelsea, skoraði annað mark
ítalska liðsins. Crespo lét ekki þar
við sitja heldur skoraði hann annað
mark fjórum mínútum síðar. Stað-
an 3-0 og enginn átti von á því að
Liverpool myndi gera nokkurn
skapaðan hlut í síðari hálfleik.
Það breyttist allt á 54. mínútu
þegar Steven Gerrard minnkaði
muninn fyrir Liverpool. Þá fengu
leikmenn liðsins allt í einu trú á því
sem þeir voru að gera og upphófst
mikil sóknarlota drengjanna frá
Bítlaborginni. Hún bar árangur
strax tveim mínútum síðar þegar
Tékkinn Vladimir Smicer skoraði
með góðu skoti. Endurkoma Rauða
hersins var síðan fullkomnuð á 60.
mínútu þegar Steven Gerrard
fiskaði vítaspyrnu. Hana tók Xabi
Alonso, Dida varði en Alonso náði
frákastinu og jafnaði leikinn fyrir
Liverpool. Hreint ótrúleg endur-
koma og áhorfendur trúðu vart
sínum eigin augum.
Bæði lið áttu ágætis færi það
sem eftir lifði leiks en tókst samt
ekki að skora. Varð því að grípa til
framlengingar. Bæði lið fóru var-
lega af stað í framlengingunni og
leyndi sér ekki að nokkur þreyta
var kominn í liðsmenn beggja liða.
Eftir fyrri hálfleik framlengingar-
innar var enn jafnt og taugar allra
voru þandar til hins ýtrasta þegar
seinni hálfleikur framlengingar-
innar byrjaði.
Síðari hluti framlengingarinnar
var tiltölulega rólegur en Úkraínu-
maðurinn Andriy Shevchenko
fékk tvöfalt dauðafæri rétt undir
lokin en Dudek varði í bæði skipt-
in á hreint ótrúlegan hátt. Því varð
að grípa til vítaspyrnukeppni
til að knýja fram úrslit.
Þar reyndist Dudek aftur
hetja Liverpool því hann
varði tvær spyrnur frá leik-
mönnum Milan. Fyrst frá
Andrea Pirlo og svo gegn
Andriy Shevchenko sem skaut
kæruleysislega úr fjórðu spyrnu
Milan í mitt mark Liverpool. Leik-
menn Liverpool, að John Arne
Riise undanskildum, voru aftur á
móti öryggið uppmálað.
Liverpool fagnaði hreint ógur-
lega í leikslok enda áttu fáir von á
því að þeir myndu sigra í þessari
keppni. Sú trú var heldur ekki
sterk þegar aðeins 45 mínútur
voru eftir af leiknum í gær en
kraftaverkin gerast enn og Liver-
pool er komið aftur á kortið. Það er
ekkert sem breytir því.
henry@frettabladid.is
Ísland vann 2–0 í vináttulandsleik í Skotlandi í gær:
Tvö glæsimörk frá Dóru
Maríu trygg›u sigurinn
Bylting hjá KSÍ:
KSI.is líka
fyrir blinda
FÓTBOLTI Heimasíða Knattspyrnu-
sambands Íslands hefur nú fengið
nýtt og betra útlit en eldri útgáfan
hafði þjónað sínu undanfarin
fimm ár. Skipulag síðunnar hefur
verið tekið í gegn, sem og útlit,
viðmót og virkni.
Glæsilegt myndasafn hefur
einnig verið tekið í gagnið en eins
og Ómar Smárason, kynningar-
fulltrúi KSÍ, sagði við opnun síð-
unnar í gær að á henni teldi þús-
undir og þúsundir mynda. Ná þær
allt aftur til ársins 1940. Þá þjón-
ustar nýja útgáfan einnig blinda
með tækni sem blindir netverjar
geta nýtt sér. - esá
Róbert og Sturla misstu af danska titlinum:
Öruggur sigur hjá Kolding
HANDBOLTI Kolding tryggði sér
danska meistaratitilinn í gær
með öruggum sigri á Aarhus, 31-
27, í oddaleik. Kolding var mikið
mun betra í leiknum og svo gott
sem tryggði sér sigur í leiknum í
fyrri hálfleik en hálfleikstölur
voru 16-8.
Róbert Gunnarsson skoraði
níu mörk fyrir Aarhus í leiknum
og þar af eitt úr víti. Hann
fiskaði einnig fjögur víti. Róbert
var slakur framan af leik og
komst ekki í gang fyrr en leikur-
inn var svo gott sem búinn enda
skoraði hann átta marka sinna í
síðari hálfleik. Sturla Ásgeirsson
komst aldrei í gang og skoraði
aðeins eitt mark.
Hjá Kolding fór norski mark-
vörðurinn Sindre Vahlstadt á
kostum en hann varði 27 skot og
þar af 17 í fyrri hálfleik. Miðju-
maðurinn Sebastian Seifert var
einnig stórkostlegur með fjögur
mörk og tólf stoðsendingar en
þetta var annar leikurinn í röð
sem hann gefur tólf stoðsending-
ar.
„Þetta byrjaði ágætlega en
svo gerðum við alveg í buxurn-
ar,“ sagði Róbert við Fréttablað-
ið eftir leikinn. „Það vantaði alla
ógnun og hraða í spilið. Við töp-
uðum fyrir betra liði, það verður
bara að segjast eins og er. Engu
að síður erum við mjög sáttir við
tímabilið enda komumst við í
Meistaradeild sem er árangur
sem enginn átti von á,“ sagði
Róbert Gunnarsson sem var að
kveðja Aarhus. - hbg
FÓTBOLTI Íslenska kvennalandsliðið
í knattspyrnu byrjaði vel undir
stjórn Jörundar Áka Sveinsssonar
en liðið vann 2-0 sigur á Skotum í
vináttulandsleik þjóðannna í
Perth í gær. Jafnræði var með lið-
unum í fyrri hálfleik, en íslenska
liðið var mun sterkara í þeim síð-
ari og var sigurinn fyllilega verð-
skuldaður.
Það var Dóra María Lárusdótt-
ir sem skoraði bæði mörk íslenska
liðsins í seinni hálfleik, það fyrra
með skoti utan af kanti á 68. mín-
útu og það seinna með laglegu
skoti upp í samskeytin frá vítateig
níu mínútum síðar.
„Við byrjuðum leikinn kannski
ekki nægilega vel og það voru
hnökrar á leik okkar í upphafi. Við
unnum okkur hinsvegar inn í hann
og þetta var betra og betra eftir
því sem leið á leikinn. Ég fór líka
vel yfir stöðuna í hálfleik með
stelpunum og þær komu mjög
beittar inn í seinni hálfleikinn. Þá
skoruðum við tvö glæsileg mörk
og vörðumst einnig mjög vel. Það
tóku allar þátt í leiknum og það
voru allar stelpurnar að spila vel,“
sagði Jörundur Áki sem stjórnaði
íslenska liðinu í fyrsta sinn síðan
2003. Ásthildur Helgadóttir lék á
ný með landsliðinu, lék sinn 58.
landsleik og bætti við leikjametið
sitt en nú lék hún í framlínunni.
„Ásthildi gekk ágætlega í nýrri
stöðu. Völlurinn var mjög blautur
og það rigndi stanslaust meðan á
leiknum stóð og við ákváðum að
skipta henni útaf í stöðunni 2-0.
Það var sálfræðilega mjög sterkt
fyrir hana að koma heil út úr þess-
um fyrsta leik og hún stóð sig
mjög vel líkt og allt liðið,“ sagði
Jörundur Áki en hvað gefur þessi
sigur liðinu? „Það voru engin stig
í boði en þessi sigur gefur okkur
hins vegar sjálfstraust fyrir
næstu verkefni. Við lærum af
þessum leik og reynum að laga
það sem miður fór fyrir leikina í
undankeppninni í haust,“ sagði
Jörundur að lokum. - ooj
KSÍ.IS Nýtt og glæsilegt útlit.
SVEKKTIR MEÐ SILFUR
Róbert Gunnarsson og
Sturla Ásgeirsson sjást
hér með silfurpeninga
eftir leikinn í gær.
FRÉTTABLAÐIÐ/OLE NIELSEN
BIKARINN Á LOFT
Steven Gerrard, fyrirliði
Liverpool, lyftir hér
bikarnum eftir sigur í
Meistaradeild Evrópu.
FRÉTTABLAÐIÐ/GETTY IMAGES
GLEÐI Leikmenn Liverpool
slepptu sér í fagnaða-
rlátunum í leikslok.
FRÉTTABLAÐIÐ/GETTY IMAGES
TVÖ MÖRK Dóra María Lárusdóttir skoraði
bæði mörk Íslands í Skotlandi í gær.
FRÉTTABLAÐIÐ/HEIÐA
HETJA 2003, SKÚRKUR 2005 Úkraínumaðurinn Andriy Shevchenko lætur Jerzy Dudek verja
frá sér og um leið tryggja Liverpool sigur í Meistaradeildinni. FRÉTTABLAÐIÐ/AP