Fréttablaðið - 28.10.2005, Qupperneq 13

FÖSTUDAGUR 28. október 2005 13
DALAI LAMA Trúarleiðtoginn fundaði með
hótelstjórum víðs vegar úr heiminum í
Nýju-Delí í Indlandi í gær þegar ársfundur
alþjóðlegra hótelsamtaka var haldinn. Í
samtökunum eru yfir 420 af fínustu hótel-
um heimsins.
LYFJAVERÐ „Við veitum mjög góðan
afslátt á lyfjaverði. Við höfum ekki
fellt hann niður í neinu tilfelli, en
höfum þurft að minnka hann í ein-
staka tilvikum, en svo eru mörg
lyf sem halda fullum afslætti.“
Þetta segir Kristín Guðmunds-
dóttir lyfsali í Rimaapóteki, sem
hún á og rekur sjálf. Umræða um
lyfjaverð hér á landi var vakin enn
á ný þegar lyfjahópur Samtaka
verslunar og þjónustu lýsti því
yfir að lækkanir á heildsöluverði
lyfja skiluðu sér ekki til sjúklinga.
Talsmenn stóru lyfjakeðjanna,
Lyfja og heilsu og Lyfju, hafa sagt
að lækkunin myndi valda skerð-
ingu á afslætti apótekanna á verð-
um til sjúklinga og jafnvel yrði að
afnema þá með öllu.
Kristín segir að áherslur séu
aðrar í stóru lyfjasmásölukeðjun-
um en hjá apótekum sem rekin
séu af einstaklingum. Fjárfest-
ar eigi stóru keðjurnar og þeirra
markmið sé að græða á rekstrin-
um. Markmið einyrkjanna í lyf-
sölustétt sé meira að hafa atvinnu
af rekstrinum. Í Rimaapóteki sé
til að mynda engin yfirstjórn, sem
auki rekstrarkostnað.
Spurð um áhrif lækkunar á
smásöluverði lyfja segir Kristín
að búast megi við því að róðurinn
þyngist eitthvað í rekstrinum, en
afsláttum til sjúklinganna verði
reynt að halda sem mest óbreytt-
um í lengstu lög. - jss
Mismunandi áhrif lækkunar heildsöluverðs á lyfjum í apótekum:
Halda afslætti þrátt fyrir verðlækkun
RIMAAPÓTEK Einyrkjaapótekin svokölluðu eru sögð lúta öðrum rekstrarlögmálum en stóru
keðjurnar og geta því boðið sjúklingum meiri afslátt.
RAMALLAH, AP Mahmoud Abbas,
forseti palestínsku heimastjórnar-
innar, sagði á palestínska þinginu
á miðvikudag að einungis „guðleg
íhlutun“ gæti komið í veg fyrir að
þingkosningar yrðu haldnar í Pal-
estínu 25. janúar næstkomandi.
Hamas-samtökin höfðu áður
lýst því yfir að þau teldu vopna-
hlé við Ísraela renna úr gildi yrði
kosningunum frestað.
Í það minnsta fimm fórust og
þrjátíu særðust í sjálfsmorðs-
sprengjuárás á götumarkaði í
ísraelska bænum Hadera í fyrra-
dag. Samtökin Heilagt stríð hafa
lýst ábyrgð á hendur sér.
Kosningar í Palestínu:
Abbas heldur
sínu striki
MAHMOUD ABBAS Segir kosningarnar fara
fram í janúar. FRÉTTABLAÐIÐ/AP
BRUSSEL, AP Evrópudómstóllinn
hefur fellt þann úrskurð að feta-
ostur sé upprunalega frá Grikk-
landi og þar af leiðandi hafi Grikk-
ir einkarétt á að framleiða ost
undir nafninu „feta“.
Enda þótt Ísland sé hluti af
Evrópska efnahagssvæðinu telur
Magnús Ólafsson, forstjóri Osta-
og smjörsölunnar, að áhrif dóms-
ins hérlendis séu hverfandi. „Við
höfum kallað þetta íslenskan feta.
Hvort við verðum neydd árið 2007
til að breyta því höfum við ekki
skoðað til hlítar.“
Í nær tvo áratugi hafa þýskir
og danskir ostagerðarmenn barist
fyrir því að fá að halda áfram að
líkja eftir gríska ostinum og kalla
þann ost feta. Að þeirra sögn er
það tæknin sem notuð er við gerð
ostsins sem gerir hann að fetaosti,
ekki uppruni hans. - smk
Dómur Evrópudómstólsins:
Fetaosturinn
er grískur
HINN EINI SANNI FETA Matvælaframleið-
endur óttast að önnur lönd fylgi í fótspor
Grikklands, til dæmis að Bretar krefjist
þess að cheddar-ostur verði eingöngu
framleiddur í Englandi. FRÉTTABLAÐIÐ/AP