Fréttablaðið - 23.03.2006, Blaðsíða 12
12 23. mars 2006 FIMMTUDAGUR
Stærsta auglýsingaherferð Íslands í uppnámi
Glitnis-herferð eins
og norsk banka-
auglýsing
– Tilviljun, segir auglýsingastofan
– Neyðarfundur hjá Glitni í gær
2x15 22.3.2006 20:37 Page 1
VÍSINDI Lyfjaþróun hf. hefur misst
leyfi sitt til rannsóknar á notkun
nefúða við bólusetningu eftir að
Vísindasiðanefnd afturkallaði sam-
þykki sitt fyrir rannsókninni, þar
sem hún taldi skorta upplýsingar
um öryggi rannsókna á lyfinu.
Afturköllun á leyfinu hefur ekki
áhrif á starfsemi Lyfjaþróunar hf.
þar sem rannsókninni á lyfinu var
hætt í mars á síðasta ári, en fyrstu
rannsóknirnar á nefúðanum fóru
fram 1999.
Sveinbjörn Gizurarson, sem nú
starfar sem prófessor við Lyfja-
fræðideild Háskóla Íslands, var
framkvæmdastjóri Lyfjaþróunar á
þeim tíma sem rannsóknirnar voru
gerðar og var hann tilgreindur sem
ábyrgðarmaður rannsóknarinnar.
Erindi barst til nefndarinnar
níunda janúar á þessu ári þar sem
fullyrt var að rangar og villandi
upplýsingar hefðu verið gefnar
vegna umsókna til Vísindasiða-
nefndar.
Í rökstuðningi nefndarinnar
fyrir afturkölluninni á leyfinu,
segir að hvergi hafi verið getið sér-
staklega um mögulega fleiður-
myndun í nefslímhúð í kjölfar inn-
töku á lyfinu. Að auki segir að
þátttakendur í rannsókninni, sem
voru um 100 talsins, hafi ekki átt
kost á því að taka afstöðu til þess-
ara mögulegu óþæginda, eins og
krafa hafi verið gerð um.
Nefndin telur einnig að full-
nægjandi upplýsingar hafi ekki
verið veittar um vísindalegar for-
sendur þess að ráðist var í rann-
sóknina, en af þeim gögnum sem
nefndin hefur til skoðunar telur
hún að fyrri niðurstöður mælinga á
ónæmissvörun hafi ekki gefið til-
efni til að afla þátttakenda í rann-
sókn undir þeim formerkjum sem
gert var.
Lyfjaþróun sendi frá sér yfirlýs-
ingu vegna niðurstöðu Vísindasiða-
nefndar og er þar tekið sérstaklega
fram að enginn þátttakenda í rann-
sóknunum, hvorki árið 1999 né í
seinni hluta rannsóknarinnar sem
fór fram 2004, hefði kvartað undan
óþægindum vegna tilraunanna.
Að auki er tekið fram að „Lyfja-
þróun muni senda út bréf til þátt-
takenda með niðurstöðu nefndar-
innar og Lyfjaþróun mun taka fullt
tillit til athugasemda Vísindasiða-
nefndar varðandi ítarlegri upplýs-
ingagjöf í framtíðinni.“
Í yfirlýsingunni kemur fram að
framkvæmd rannsóknar hafi farið
fram eftir þeim alþjóðlegu gæða-
stöðlum sem um klínískar rann-
sóknir gilda og með samþykki
Lyfjastofnunar og Vísindasiða-
nefndar á þeim tíma, en nefndin
gerði engar athugasemdir við fram-
kvæmd rannsóknarinnar.
magnush@frettabladid.is
Afturkölluðu leyfi
á nefúðarannsókn
Vísindasiðanefnd hefur afturkallað leyfi Lyfjaþróunar hf. á rannsókn á nefúða
við bólusetningu. Rannsóknunum var hætt í mars í fyrra. Þetta er í fyrsta
skipti sem nefndin afturkallar leyfi fyrirtækis til rannsókna af þessu tagi.
RANNSAKANDI VIÐ VINNU Afturköllun á rannsóknarleyfi Lyfjaþróunar hefur ekki áhrif á
vinnu fyrirtækisins. Maður á myndinni tengist ekki rannsókninni.
ALÞINGI Lagt hefur verið fram
þingmál á Alþingi um lögfestingu
Barnasáttmála Sameinuðu þjóð-
anna. Fyrsti flutningsmaður er
Ágúst Ólafur Ágústsson, varafor-
maður Samfylkingarinnar.
Aðildarríki samningsins, Ísland
þar með talið, eru einungis skuld-
bundin barnasáttmálanum sam-
kvæmt þjóðarrétti en ekki lands-
rétti. Því þarf að lögfesta alþjóðlega
samninga ef þeir eiga að hafa bein
réttaráhrif hér á landi.
Einnig er lagt til í þingmálinu
að íslensk löggjöf verði aðlöguð
að barnasáttmálanum, að sögn
Ágústs Ólafs. Ákvæði hans geta
sömuleiðis kallað á endurskoðun
hegningarlaga. Má þar nefna
hækkun kynferðislegs lögaldurs
úr 14 ára, setningu ákvæðis um
heimilisofbeldi og afnám fyrning-
arfresta í kynferðisafbrotum
gegn börnum.
Samkvæmt barnasáttmálanum
ber að aðskilja unga fanga frá
fullorðnum föngum en hér á landi
er það ekki gert.
Tryggja þarf rétt barnsins til
að þekkja foreldra sína og skoða
hvort það eigi við ættleidd börn
og sæðisgjafir. Skoða þarf sér-
staklega stöðu barna sem glíma
við langvarandi veikindi, fötlun,
geðsjúkdóm og fátækt og barna
nýbúa í íslenskum lögum.
BARNASÁTTMÁLINN Lögfesting Barnasátt-
mála SÞ er mikilvægt skref í réttindamálum
barna.
Ágúst Ólafur Ágústsson alþingismaður:
Vill lögfesta Barnasáttmála
PÍLAGRÍMSFÖR PÚTÍNS Vladimír Pútín
Rússlandsforseti sneri heim úr Kínaför í
gær, en gat ekki stillt sig um að skreppa til
Shaolin áður en hann yfirgaf Kína. Pútín
er með svarta beltið í júdó, en talið er að
bardagaíþróttin kúng fú sé upprunnin í
Shaolin.FRÉTTABLAÐIÐ/AP
SIMBABVE, AP Kona sem þóttist
vera andalæknir hefur verið
fundin sek fyrir simbabveskum
dómstólum um að hafa svikið
rúmar tvær milljónir íslenskra
króna út úr kaupslýslukonu.
„Andalæknirinn“ lofaði að útvega
hafmeyjar sem áttu að hafa uppi
á stolinni bifreið kaupsýslukon-
unnar.
Hluti upphæðinnar átti að fara í
uppihald hafmeyjanna á hóteli í
Harare, og einnig sagðist svika-
hrappurinn ætla að kaupa naut
fyrir féð og nota kynfæri þess til að
finna bílaþjófinn. Hafmeyjarnar
áttu jafnframt að hjálpa konunni
með persónuleg vandamál. - smk
Andalæknir fundinn sekur:
Lofaði konu
hafmeyjum
�����������������
��������������������
������������������������ ������������
����������������������������������������
��� ����������� ���������������������
����������������������������
�������� ������
��������������������������������������� �������������������������������
��������������������������������������� ������������
��������������������������������������������������������������������������������������� ���������������������
���������
������������
��������
���������
��������
��������
��������
��������
�����������������
��������
�����������
��������
�������������������������������������������������������������������������� ������������������������������� ����������������
550 5000
AUGLÝSINGASÍMI