Fréttablaðið - 23.03.2006, Blaðsíða 70
54 23. mars 2006 FIMMTUDAGUR
sport@frettabladid.is
ÍÞRÓTTIR Aðgengi að íþróttahreyf-
ingunni er ekki eins gott fyrir alla
á Íslandi og sá minnihlutahópur
sem hvað mest hallar á eru börn
innflytjenda. Sá hópur tekur ekki
virkan þátt í íþróttalífinu og að
mati Gerðar Gestsdóttur, verk-
efnastjóra fræðsludeildar Alþjóða-
hússins, er það ekki til góðs fyrir
þjóðfélagið.
Gerður velti fyrir sér í erindi,
sem hún hélt á hádegisverðar-
fundi hjá ÍSÍ fyrir skömmu, hvern-
ig væri hægt að auka þátttöku
þessa fólks, hvers vegna ÍSÍ ætti
að einblína á þennan hóp og hvers
vegna fleiri börn innflytjenda taki
ekki þátt í íþróttum en raun ber
vitni. Staðreyndin er nefnilega sú
að mjög lítill hluti barna innflytj-
enda tekur þátt í íþróttalífinu þótt
ekki liggi fyrir neinar beinar tölur
um fjölda þátttakenda.
„Ég veit frá íþróttafélögum þar
sem er mikið af innflytendum,
eins og í Efra-Breiðholti, að þátt-
taka barna af erlendum uppruna
hafi dregist saman í hlutfalli við
fjölgun innflytjenda. Með öðrum
orðum þá eru nýju innflytjendurn-
ir ekki að skila sér inn í íþrótta-
starfið,“ sagði Gerður við Frétta-
blaðið.
Að mati Gerðar eru margar
ástæður fyrir því að þessi börn
stunda ekki íþróttir. Nefnir hún
helst í því sambandi peningaleysi,
að það sé lítil hefð meðal þessa
fólks að stunda íþróttir, vinnuálag
er oft mikið og þá bæði á foreldr-
um og jafnvel börnunum sem
þurfa þá að vinna heimilisverkin
og passa systkini sín. Fyrir vikið
er tíminn líka af skornum skammti.
Svo er það úrræðaleysið en for-
eldrar þessara barna, og jafnvel
börnin, vita ekki hvert eigi að snúa
sér. Stutt og einfalt símtal til að
afla upplýsinga getur orðið að
stóru vandamáli ef tungumála-
örðugleikar eru til staðar. Í dag
eru engin úrræði til að leysa þetta
litla vandamál svo dæmi sé tekið.
„Ég hef heyrt að börn innflytj-
enda séu dugleg að taka þátt í opna
félagsstarfinu innan skólanna en
um leið og þarf að borga hætta
þau að mæta. Peningar skipta
miklu máli. Málið snýst að stóru
leyti um að upplýsa fólk og að for-
eldrarnir geri sér grein fyrir því
hversu mikilvægt það sé fyrir
börnin þeirra að taka þátt í svona
starfi,“ sagði Gerður en hún segir
það skipta gríðarlegu máli fyrir
samfélagið að börn innflytjenda
séu virkir þátttakendur í íþrótta-
starfinu.
„Viljum við búa í samfélagi þar
sem eru tveir hópar? Þeir sem eru
af innlendum uppruna og þeir sem
eru af erlendum uppruna. Viljum
við samfélag þar sem síðarnefndi
hópurinn vinnur illa borguðu
skítavinnuna sem við nennum
ekki að vinna og talar slæma
íslensku. Eða viljum við samfélag
þar sem allir fá að njóta eigin
hæfileika og komast áfram á eigin
verðleikum. Þetta snýst um það
hvort við viljum samfélag jafnaðar
eða ójafnaðar.“ Gerður vill sjá
skýra stefnu sem miðar að því að
vel sé tekið á móti innflytjendum
um leið og þeir koma til landsins
svo að þeir geti upplifað sig sem
hluta af samfélaginu. Eftirleikur-
inn verði fyrir vikið mun auðveld-
ari fyrir alla aðila.
Þar beinir hún spjótum sínum
meðal annars að Íþrótta- og
Ólympíusambandi Íslands, ÍSÍ, en
í Ólympíusáttmálanum, sem og í
lögum ÍSÍ, er kveðið á um að allir
hafi jafnan rétt á þátttöku í íþrótt-
um.
Stuðningur ÍSÍ við innflytjend-
ur er ekki nægur í dag að mati
Gerðar. Til að allir geti setið við
sama borð verður að aðstoða þá
sem eiga ekki eins auðvelt með að
fóta sig í kerfinu.
henry@frettabladid.is
Börn innflytjenda skila sér
ekki inn í íþróttastarfið
Gerður Gestsdóttir, verkefnastjóri fræðsludeildar Alþjóðahússins, vill að
ÍSÍ taki á málefnum innflytjenda. Hún segir það skipta sköpum fyrir sam-
félagsmyndina að ÍSÍ grípi í taumana og aðstoði innflytjendur.
GERÐUR GESTSDÓTTIR Hefur áhyggjur af sífellt verri stöðu barna innflytjenda innan íþrótta-
hreyfingarinnar. Hún kallar eftir viðbrögðum frá ÍSÍ.FRÉTTABLAÐIÐ/GVA
Aðalfundur Útivistar
verður haldinn miðvikudaginn 5. apríl nk. kl. 20:00 að Laugavegi 178.
Á dagskrá eru venjuleg aðalfundarstörf.
ATH. BREYTTA DAGSETNINGU FRÁ FYRRI AUGLÝSINGU
H
O
R
N
/
H
a
u
k
u
r
/
2
3
2
0
FÓTBOLTI Líkurnar á að Michael
Ballack gangi til liðs við Chelsea í
sumar jukust enn frekar í gær
þegar leikmaðurinn lýsti því yfir
að honum þætti enska úrvalsdeild-
in mun betri kostur en sú spænska.
Ballack hefur lengi verði orðaður
við Real Madrid en eftir því sem
hann segir sjálfur virðist Ballack
hafa lítinn áhuga á að fara þang-
að.
„Ég er leikmaður sem nota lík-
amann til að fá mínu fram og í
Englandi nýtist þannig leikstíll
best. Þar er leikurinn hraður og
tæklingarnar eru harðar,“ segir
Ballack. „Ég tel mig eiga margt
sameiginlegt með þeim leikmönn-
um sem hafa nánast orðið goð-
sagnir í Englandi á síðustu árum,
leikmönnum eins og Roy Keane og
Patrick Vieira. Mig langar gjarn-
an að fylgja í fótspor þeirra,“
bætti Ballack við. - vig
Michael Ballack, fyrirliði þýska landsliðsins, opnar sig:
Líst best á enska boltann
MICHAEL BALLACK Fer líklega ekki til Real
Madrid. NORDICPHOTOS/GETTY IMAGES
Andrew Mwesingwa gengur til liðs
við ÍBV fyrir sumarið en hann er 22
ára gamall miðvörður. Mwesingwa er
landsliðsfyrirliði Úganda
en hann hefur
spilað með SC Villa
í heimalandinu og
verið þar fyrirliði en
liðið hefur fjórtán
sinnum orðið meistari
og sjö sinnum bikar-
meistari frá árinu 1982 og
er sterkasta lið landsins.
„Ég byrjaði að spila fótbolta
þegar ég var sex ára, það gekk
ágætlega þrátt fyrir að aðstæð-
urnar hafi ekki verið upp á sitt
besta. Það er mikill fótboltiáhugi
hérna í Úganda og almenningur fylgist
vel með boltanum. Fyrirtækin eru líka
fyrirferðamikil í boltanum og kaupa
oftast heilu liðin, þannig gengur boltinn
fyrir sig hér,“ sagði
Mwesingwa
við Fréttablað-
ið í gær.
Símasamband
til Úganda var
með ágætum
en þessi geðþekki
Úgandabúi veit
skiljanlega ekki
mikið um Ísland, ekki
frekar en Íslendingar
vita mikið um Úganda.
„Ég veit að það er mjög
kalt á Íslandi en ég veit ekki
alveg hvar það er. Er það ekki
örugglega í Evrópu? Einhvers staðar í
Norðurhöfum er það, en ég hef reynt
að kynna mér land og þjóð með því að
lesa tímarit og skoða myndir. Ég veit að
bærinn þar sem ég mun búa er mjög
fallegur en ég þekki samt engan íslensk-
an fótboltamann,“ sagði Mwesingwa
sem getur ekki beðið eftir því að upplifa
þetta ótrúlega ævintýri.
„Ég hlakka til að takast á við þessa
ákvörðun. Þetta er skref í rétta átt
fyrir mig, ég vil prófa að spila í Evrópu
þar sem ég hef bara spilað í Afríku,“
sagði Mwesingwa sem veit ekki mikið
um íslensku deildina. Hann spurði
blaðamann hvort deildin væri byrjuð
og hversu mörg lið væru í deildinni
en spennandi verður að fylgjast með
kappanum hér á Íslandi í sumar.
ANDREW MWESINGWA LANDSLIÐSFYRIRLIÐI ÚGANDA: SPILAR HÉR Á LANDI MEÐ ÍBV Í SUMAR
Er Ísland ekki örugglega í Evrópu?
550 5000
Hringdu ef blaðið berst ekki
- mest lesið
Allan til FH?
Líklegt er að Íslandsmeistarar FH semji
við danskan framherja, Allan Dyring,
fyrir sumarið. Það væri hentugt fyrir
stuðningsmenn FH þar sem ekki þyrfti
að framleiða nýjar treyjur né búa til ný
stuðningsmannalög fyrir pilt þar sem
hann kæmi í staðinn fyrir nafna sinn
Allan Borgvardt sem fór frá FH eftir
síðasta sumar.
> Íslendingarnir í stuði
Það var sannkallaður Íslendingaslagur í
þýsku úrvalsdeildinni í handbolta í gær
þegar Lemgo tók á móti Minden. Lemgo
fór með sigur af hólmi í skemmtilegum
leik en lokatölur urðu 37-30. Ásgeir Örn
Hallgrímsson og Logi Geirsson létu báðir
að sér kveða í liði Lemgo líkt og Snorri
Steinn Guðjónsson gerði hjá Minden.
Logi var markahæstur Íslendinganna
en hann skoraði fjögur
mörk í leiknum. Ásgeir
Örn skoraði þrjú mörk en
Snorri Steinn fjögur fyrir
Minden, þar af tvö úr
vítaköstum. Minden
er þar með í mjög
slæmum málum
við botn deildar-
innar en Lemgo
er áfram í harðri
baráttu um sæti
í Meistaradeild-
inni á næstu
leiktíð.