Fréttablaðið - 22.06.2006, Page 81

Unglingahrollvekjan Stay Alive
verður frumsýnd í Laugarásbíói í
dag. Myndin fjallar um hóp tölvu-
leikjaspilara frá New Orleans sem
kemst yfir nýjan og hættulegan leik
sem nefnist Stay Alive. Byggir hann
á sögu fjöldamorðingjans The Blood
Countess sem var uppi á 18. öld.
Þegar spilaranir komast yfir
leikinn fara þeir smám saman að
týna tölunni einn af öðrum á sama
hátt og persónur þeirra í leiknum
gera. Spurningin er bara hvort
þeir spila leikinn svona vel eða
hvort leikurinn er að spila með þá.
Hættulegur
tölvuleikur
STAY ALIVE Unglingahrollvekjan Stay Alive
verður frumsýnd í dag.
Bandaríski leikstjórinn Steven
Spielberg er að undirbúa nýja
kvikmynd um hóp geimfara sem
ferðast inn í nýja vídd í gegnum
ormagöng.
Myndin, sem hefur enn ekki
fengið nafn, er byggð á rannsókn-
um eðlisfræðingsins Kip S. Thorn
frá Kaliforníu sem hefur haldið
því fram að ormagöng séu í raun
og veru til og hægt sé að ferðast í
fram og aftur í tímann í gegnum
þau.
Spielberg hefur lengi haft
áhuga á geimnum og ýmiss konar
vísindaskáldskap. Má þar nefna
myndir á borð við ET, Close
Encounters... og War of the Worlds
sem kom út á síðasta ári með Tom
Cruise í aðalhlutverki.
Leikstjórinn var víst svo
spenntur fyrir nýju myndinni að
hann fékk 89 ára gamlan föður
sinn, sem er fyrrverandi verk-
fræðingur, til Kaliforníu til að
fylgjast með Thorne og öðrum
vísindamönnum að störfum.
Spielberg vonast til að geta
leikstýrt myndinni sjálfur en hann
er einnig að undirbúa fjórðu
myndina í Indiana Jones-seríunni.
Einnig er talið að hann sé með
puttana í væntanlegri mynd um
ævi Abrahams Lincoln með Liam
Neeson úr Schindler´s List í aðal-
hlutverki.
Reyndar hefur Spielberg lýst
yfir áhuga á að leikstýra ódýrari
myndum en hann hefur verið
þekktur fyrir en eitthvað ætlar
hann að bíða með það miðað við
næstu verkefni hans.
Spielberg í gegnum ormagöng
STEVEN SPIELBERG Leikstjórinn heims-
þekkti er að undirbúa kvikmynd um
tímaferðalög.
Gamanmyndin Just My Luck með
unglingastjörnuna Lindsey Lohan
í aðalhlutverki hefur verið tekin
til sýninga í Smárabíói, Regnbog-
anum og Borgarbíói Akureyri.
Myndin fjallar um hina stál-
heppnu stúlku Ashley Albright
sem er hinn mesti lukkunnar pam-
fíll. Þegar hún hittir draumaprins-
inn, hrakfallabálkinn Jake (Chris
Pine), snýst hins vegar heppni
hennar upp í algjöra martröð þar
sem allt gengur á afturfótunum.
Jake virðist hins vegar hafa smit-
ast af heppni Ashley og smám
saman fara allir hans draumar að
rætast.
„Þetta er frábær saga um það
að fullorðnast og mér fannst þetta
hárrétta hlutverkið fyrir mig til
að skipta yfir í fullorðinshlut-
verk,“ sagði Lohan, sem sló í gegn
í Freaky Friday. „Ashley er með
allt á tæru, sem er frábært. En
hún hefur aldrei þurft að ganga í
gegnum neina erfiðleika og þurft
að hafa fyrir hlutunum. Í gegnum
þessa lífsreynslu sína kemst hún
að því um hvað lífið í raun og veru
snýst,“ sagði hún.
Allt á afturfótunum
ASHLEY ALBRIGHT Lindsey Lohan fer með
hlutverk hinnar stálheppnu Ashley Albright
sem kynnist hrakfallabálkinum Jake.
Kvikmyndin Superman Returns,
sem verður frumsýnd í næstu
viku í Bandaríkjunum, hefur
fengið mjög góða dóma hjá gagn-
rýnendum, þar á meðal hjá tíma-
ritunum Daily Variety, Hollywood
Reporter og Newsweek.
Telja þeir að nýliðinn Brandon
Routh, sem leikur ofurhetjuna,
eigi eftir að vinna áhorfendur
auðveldlega á sitt band. Þá er
leikstjórinn Bryan Singer lofaður
fyrir góð efnistök; hann þykir
hafa nálgast myndina af einlægni
og virðingu og fellur ekki í þá
gryfju að láta útlitið ráða á kostn-
að innihaldsins. Einn gagnrýn-
andi lét hafa eftir sér að Singer
hafi tekist að endurnýja Super-
man rétt eins og Christopher
Nolan tókst að gera við Batman í
fyrra. Á heildina litið þykir Singer
hafa tekið rétta
ákvörðun er hann
ákvað að leikstýra
Superman í stað
þess að taka
að sér þriðju
myndina
um X-Men.
Fellur í
kramið
SUPERMAN Ofurmennið skikkjuklædda
fær góða dóma í Bandaríkjunum.
FIMMTUDAGUR 22. júní 2006 45