Fréttablaðið - 11.10.2006, Síða 16
11. október 2006 MIÐVIKUDAGUR16
nær og fjær
„ORÐRÉTT“
Það er eins gott, því
við borgum
„Þetta verður ljóssúla en
ekki steypt mannvirki og
ég held að fólk eigi eftir
að kunna að meta þetta á
endanum.“
VILHJÁLMUR VILHJÁLMSSON
BORGARSTJÓRI UM FRIÐARSÚLU
YOKO ONO SEM KOSTAR UM 30
MILLJÓNIR.
Fréttablaðið 10. október.
Ha, ekki Revolution
number 9?!
„Sjálfur held ég mest upp á
Michelle og Yesterday.“
VILHJÁLMUR VILHJÁLMSSON
BORGARSTJÓRI SEGIR FRÁ UPPÁ-
HALDS BÍTLALÖGUNUM SÍNUM,
BÁÐUM EFTIR MCCARTNEY.
Fréttablaðið 10. október.
Teiknimyndin Anna og skapsveiflurnar var
forsýnd í Tjarnarbíói um helgina á Kvikmynda-
hátíð í Reykjavík. Þetta er tæplega hálftíma löng
teiknimynd sem Gunnar Karlsson hjá Caoz
leikstýrði eftir handriti Sjóns. Sjón er sögumaður
myndarinnar og vappar þar um sem teiknimynda-
fígúra.
„Ég er mjög ánægður með að vera orðinn
teiknimyndafígúra og bind miklar vonir við að fá
fleiri tilboð sem slík,“ segir Sjón. „Ég vona að
stórfyrirtæki sjái hversu sniðug þessi týpa er og
bjóði henni hlutverk í væntanlegum stórmyndum.
Ef ég mætti ráða vildi ég helst fá að vera í Toy
Story 3, því hinar myndirnir tvær eru með því
allra besta sem Hollywood hefur sent frá sér á
síðari árum.“
Jóhann Sigurjónsson talar fyrir sögumanninn
sem Sjón „leikur“, en í ensku útgáfunni talar
Terry Jones, meðlimur Monty Python-hópsins,
fyrir sögumanninn. „Það stóð til að fígúran yrði
byggð á útliti Terrys, en þegar ég mætti einn
daginn niður í Caoz var Gunnar Karlsson búinn að
teikna mig inn í verkið. Það kom mér á óvart en
ég er mjög ánægður með það.“
Anna og skapsveiflurnar byrjaði sem saga eftir
Sjón og tónverk eftir Julian Nott sem Brodsky-
kvartettinn flutti á tónleikum í Englandi með
leiklestri Sjóns. „Þá fínpússuðust týpurnar, en svo
var þetta auðvitað endurskrifað og aðlagað fyrir
stuttmyndina,“ segir Sjón.
Hann talar fyrir brjálaðan lækni sem foreldrar
Önnu senda hana til, bæði í íslensku og ensku
útgáfunni, en Björk talar fyrir Önnu í ensku
útgáfunni. „Í íslensku útgáfunni talar hins vegar
Ólafía Hrönn fyrir Önnu, enda er hún „hin
íslenska Björk“,“ segir Sjón og er skemmt.
Anna og skapsveiflurnar verður tekin til
almennra sýninga eftir áramótin og Sjón segist
bara liggja með tærnar upp í loft þessa dagana.
„Það er engin bók fyrir jól og ég hef það bara
náðugt. Mig langar dálítið til að vinna söngleik
upp úr sögunni um Önnu og skapsveiflurnar, enda
er margt í tónlistinni hans Julians sem hægt er að
taka lengra,“ segir skáldið. - glh
Sjón orðinn teiknimyndafígura í Önnu og skapsveiflunum:
Bíður eftir tilboðunum
SJÓN SKRÍPÓ Vonar að hann fái hlutverk í Toy Story 3.
Betra seint
en aldrei
„Að sjálfsögðu fögnum við kaup-
menn lækkun virðisauka á matvæli
og niðurfellingu vörugjalda og
lækkun tolla á innfluttum kaup-
vörum,“ segir Pétur Guðmundsson,
verslunarstjóri í Melabúðinni, um
tillögur ríkisstjórnarinnar til lækkun-
ar matarverðs, sem taka eiga gildi
1. mars nk. „Það er spurning hvað
er í inni í þessu, t.d. hvort ávaxta-
safar falli undir „önnur matvæli“ og
virðisaukaskatturinn lækki þá úr
24,5 prósent í sjö prósent af þeim.
Svo finnst mér að það mætti leggja
af uppboð á kvótum af innfluttum
kjötvörum og ostum svo jafnræðis
gæti með fyrirtækjum. Neytendur
þurfa ekki að hafa áhyggjur af því
að kaupmenn og heildsalar skili
þessu ekki til þeirra. Þessar aðgerðir
hefðu auðvitað mátt koma fyrr en
það er betra seint en aldrei.“
SJÓNARHÓLL
LÆKKUN MATARVERÐS
PÉTUR GUÐMUNDSSON VERSLUNARSTJÓRI
„Það er helst að frétta að ég er að ljúka við að
ganga frá nýjum diski með Jóhanni Helgasyni,“
segir Óttar Felix Hauksson, útgefandi hjá Zonet.
„Eins og fólk veit er Jóhann einn af þeim
stóru sem komu upp úr bítlabylgjunni.
Hann á mörg lög sem allir þekkja en
aðrir hafa sungið, lög eins og Söknuður
og Karen Karen, en á þessum diski
syngur hann lögin sjálfur. Hann er
einlægur og mjúkur og það verður mikill
fengur að þessari plötu. Á föstudaginn fer
ég svo til Sjanghæ í Kína og fylgi
þar eftir listamönnum sem
spila á áttundu listahátíðinni
þar. Þetta eru djasskvartett
Sigurðar Flosasonar og
Jóels Pálssonar og svo
Róbertínó, sem er orðinn
nokkuð stórt númer í
Kína. Ég er búinn að gefa út tvær af plötum
hans í Kína og sú þriðja er á leiðinni. Við erum
kannski ekki að tala um milljónasölu enda
hafa fæstir Kínverjar svo mikið sem séð
geislaspilara. En þetta er gífurlega
vaxandi markaður og er núna níundi
stærsti geisladiskamarkaður heims. Ég
hef farið tvisvar áður á listahátíðina
í Sjanghæ, með Guitar Islancio og
KK sem þeir voru mjög ánægðir með,
og núna treystu þeir mér fyrir því að
velja listamenn á hátíðina. Ég
hlakka mikið til að koma
til Sjanghæ aftur. Það
er mikil orka í loftinu
og gríðarlegur vöxtur.
Sjanghæ er ný borg í
hvert skipti sem maður
kemur þangað.“
HVAÐ ER AÐ FRÉTTA? ÓTTAR FELIX HAUKSSON ÚTGEFANDI
Til Kína með Róbertínó
Haukur Heiðar Ingólfs-
son og Árni Scheving hafa
gert fimm geisladiska með
„huggulegheita“ (e. easy
listening) tónlist síðan árið
1984. Nú eru diskarnir í
fyrsta skipti allir fáanlegir
á sama tíma. Haukur og
Árni segja „lyftutónlist“
ekki vera skammaryrði í
þeirra eyrum.
„Diskarnir hafa klárast og aldrei
verið allir til í einu áður. Það hefur
lengi staðið til að þetta yrði allt
fáanlegt enda er fólk sem á kannski
einn eða tvo diska oft að spyrja
okkur hvar það geti fengið hina
diskana,“ segir Haukur Heiðar Ing-
ólfsson píanóleikari.
Árni Scheving er verkstjóri á
diskunum, útsetur og velur lögin
ásamt Hauki, en fjölmargir aðrir
koma við sögu, meðal annars Vil-
hjálmur Guðjónsson gítarleikari
og Einar Valur Scheving slagverk-
sleikari. „Þetta eru allt lög sem
fólk þekkir. Þau hafa verið vinsæl
sem sungin lög en eru í leiknum
útgáfum hjá okkur,“ segir Haukur
og Árni bætir við: „Þetta er stúdíó-
tónlist fyrst og fremst og það sann-
ast á þessum diskum að „less is
more“. Það reynir á að melódíurn-
ar njóti sín .“
Samvinna félaganna hófst árið
1984 með plötunni Með suðrænum
blæ en Suðrænar perlur kom
rúmum tíu árum síðar. „Á þessum
tveimur diskum er helmingur lag-
anna sunginn, meðal annars af
þeim Björgvini Halldórssyni og
Agli Ólafssyni, en á diskunum sem
eftir komu er eingöngu leikin tón-
list,“ segir Haukur. Það eru disk-
arnir Á ljúfum nótum (1999), Mána-
skin (2001) og sá nýjasti, Glitra
gullin ský (2004).
Haukur hefur spilað á Broad-
way síðastliðin 15 ár á undan sýn-
ingum. „Allur píanóleikur Hauks
er tekinn upp í Broadway á flyglin-
um þar,“ segir Árni. „Bæði er hann
vanur þessum flygli og svo sándar
hann vel. Gunnar Smári Helgason
hefur tekið allar þessar plötur upp
og það má segja að hann sé hluti af
batteríinu með okkur.“ Þrátt fyrir
náið samstarf í plötugerð hafa
Haukur og Árni sárasjaldan spilað
saman á tónleikum og segja það
allt of mikið fyrirtæki að koma
saman bandi til að spila þessa tón-
list „læf“.
Félögunum finnst það ekkert
niðrandi þótt stimpilinn „lyftutón-
list“ sé settur á tónlist þeirra, en
það er kannski ekki nógu góð skil-
greining því lyftur á Íslandi fara
ekki nógu hátt til að það taki því að
spila tónlist í þeim. „Það kemur oft
fyrir að það er leikið af diskunum
þegar maður hringir eitthvert og
er settur á bið. Það jafnast á við
góðan sálfræðitíma að hlusta á
þetta í síma,“ segir dr. Haukur, sem
er starfandi heilsugæslulæknir. En
er hann ekkert að spila þessa
huggulegu tónlist fyrir sjúkling-
ana? „Tja, þær spila þetta stundum
stúlkurnar í biðstofunni, en það er
ekki að mínu frumkvæði,“ fullyrð-
ir doktorinn.
gunnarh@frettabladid.is
Jafnast á við góðan sálfræðitíma
HUGGULEGHEITATÓNLISTARMENNIRNIR ÁRNI SCHEVING OG HAUKUR HEIÐAR ING-
ÓLFSSON Fimm diskar á tuttugu árum og nú loksins allir fáanlegir í einu.
FRÉTTABLAÐIÐ/PJETUR
■ Playmobil-karlarnir
komu á markað
1974 og síðan hafa
í kringum tveir
milljarðar playmo-karla dvalið í
barnaherbergjum um víða veröld.
Hægt er að fá karlana í ótal
útgáfum, til dæmis sjóræningja
og fótboltamenn, en einnig eru
til jarðbundnari týpur eins og
karl sem keyrir sementspoka í
handlyftara, kona með fatlaðan
karl í hjólastól og playmo-ruslakarl
sem kemur með opnanlegri
ruslatunnu. Nú er vonandi að
Playmo setji á markað playmo-karl
með bindi sem situr við tölvu svo
börnin læri nú snemma að meta
hvað bíður þeirra.
LEIKFÖNG:
PLAYMO-KARL
Í RUSLINU
Tölvunám
Almennt tölvunám
Sérstaklega hagnýtt og
markvisst námskeið
ætlað þeim sem hafa
einhvern tölvugrunn að
byggja á eða eru að
vinna við tölvu og vilja
auka við þekkingu sína
hraða og færni. Mikið
lagt uppúr vinnusparandi
aðgerðum í tölvu.
• Windows skjalavarsla
• Word
• Excel
• Internet
• Outlook tölvupóstur
og dagbók
Kennsla hefst 17. október í Reykjavík
og 24. október á Akureyri.
Kennt er þriðjudaga og fimmtudaga,
morgun- og kvöldnámskeið.
Lengd 63 std. Verð kr. 39.900,-
Allt kennsluefni innifalið.
FAXAFEN 10
108 REYKJAVÍK
GLERÁRGATA 36
600 AKUREYRI
WWW.TSK.IS
SKOLI@TSK.IS
SÍMI: 544 2210
Tölvuskólinn þinn
VAKTAVINNUFÓLK
Flest námskeið skólans
geta hentað ykkur
sérstaklega vel þar sem
möguleiki er að skipta
milli morgun- og
kvöldtíma eftir vöktum
án þess að missa úr á
stærri námskeiðum.