Fréttablaðið - 31.12.2006, Blaðsíða 2
Undirbúningur að lagn-
ingu nýs sæstrengs milli Íslands
og Evrópu hefst á næstu dögum.
Ríkisstjórnin hefur samþykkt
tillögu Sturlu Böðvarssonar sam-
gönguráðherra þess efnis og mun
hann ræða við fulltrúa fjarskipta-
fyrirtækjanna og aðra hagsmuna-
aðila fyrstu dagana í janúar.
Talið er að stofnkostnaður verði
á bilinu þrír til fjórir milljarðar
króna og að hægt verði að taka
strenginn í notkun seint á árinu
2008.
Hröð þróun
hefur verið í
fjarskipta-
málum undan-
farin ár og
þörfin fyrir
áreiðanlegt
samband,
bæði talsíma
og gagnaflutn-
inga, hefur
aukist. Margs
konar við-
skipti og
öryggishags-
munir krefjast daglegs og öruggs
aðgangs að netinu.
Í fréttatilkynningu frá sam-
gönguráðuneytinu segir að með
öruggu netsambandi gætu Íslend-
ingar boðið enn frekari þjónustu á
sviði alþjóðlegra viðskipta. Hug-
myndir um fjármálamiðstöð á
Íslandi nái varla fram að ganga án
öruggra fjarskipta.
Ísland er tengt umheiminum
með ljósleiðarastrengjunum Cant-
at-3, sem var tekinn í notkun árið
1994, og Farice-1, sem var tekinn í
notkun í janúar 2004. Gervihnött-
ur sér einnig fyrir varasambandi.
Sturla segir að til greina komi
annars vegar að stofna nýtt félag
um lagningu nýja strengsins eða
að semja við Farice um verkefnið.
Hann segir að engan tíma megi
missa og brýnt sé að koma málinu
af stað hið fyrsta.
Stofnkostnaður við lagningu
nýs sæstrengs er talinn vera á bil-
inu 2,8 til 3,9 milljarðar króna,
eftir því hvaða leið verður valin.
Meðal hugmynda um útfærslu er
að ræða við Færeyinga sem hafa
þegar ákveðið að leggja annan
streng.
Verði ákvörðun tekin um lagn-
inu strengs á næstu vikum má
gera ráð fyrir að undirbúningur
og rannsóknir taki mestan hluta
næsta árs og að lagning strengsins
færi fram árið 2008. Þá væri hægt
að taka hann í notkun seint á árinu
2008.
Undirbúningur nýs
sæstrengs hafinn
Undirbúningur að lagningu nýs sæstrengs hefst á næstu dögum. Stofnkostn-
aður verður á bilinu þrír til fjórir milljarðar. Hægt verður að taka strenginn í
notkun seint árið 2008. Samgönguráðherra segir brýnt að koma málinu af stað.
Flugeldasprengingar fara
oft verr í dýr en menn, og getur
jafnvel hætta skapast af. Hross eiga
til að fælast þegar þau verða hrædd
og vaða yfir skurði og girðingar.
„Þetta er ekki svo mikið vanda-
mál hér í þéttbýlinu þar sem allir
hestarnir eru inni, en í dreifbýlinu
er þetta mun hættulegra,“ segir
Bjarni Finnsson, formaður Hesta-
mannafélagsins Fáks.
„Þetta eru hjarðdýr þannig að
heilu flokkarnir taka á rás þegar
einhverjir verða hræddir. Að
nokkru leyti venjast hrossin
þessum hamagangi en maður er
alltaf svolítið smeykur þegar
áramótin nálgast.“
Bjarni segir í raun lítið hægt
að gera til að fyrirbyggja að
hrossin fælist við flugelda-
sprengingar. „Það er best að
setja hestana inn eftir því sem er
hægt, og svo þarf líka að passa
að girðingarnar séu í lagi. Þú
kemur ekki í veg fyrir spreng-
ingarnar.“
Önnur ráð eru til dæmis að hafa
kveikt ljós í hesthúsinu og útvarp-
ið í gangi til þess að minnka áhrif
sprenginganna. Sumir líma einnig
svarta plastpoka fyrir glugga til
að fela ljósaganginn.
Hross óhress með flugelda
Bíll valt við Gröf í
Víðidal í Húnavatnssýslu um
ellefuleytið í gær. Tveir menn
voru í bílnum, báðir útlendingar.
Þeir voru fluttir á sjúkrahús í
Reykjavík og er líðan þeirra
eftir atvikum.
Ísing á veginum varð þess
valdandi að bíllinn fór út af og
valt um tíu veltur á hundrað
metrum. Hann er gjörónýtur
eftir bylturnar. „Mennirnir eru
heppnir að sleppa svona vel úr
þessu,“ segir Hermann Ívars-
son, varðstjóri lögreglunnar á
Blönduósi.
Fór tíu veltur á
100 metrum
Ögmundur, á að rúlla kragan-
um upp?
26 særðust og tveir eru
ófundnir vegna kröftugrar spreng-
ingar í bíl á alþjóðaflugvellinum í
Madríd á Spáni í gær. Aðskilnað-
arsamtök Baska, ETA, eru talin
ábyrg fyrir sprengingunni.
Níu mánaða vopnahlé virðist
fyrir bí, en ríkisstjórn Spánar
hefur sóst eftir viðræðum við ETA
til að binda enda á áratugalangar
deilur og átök.
Sprengingin átti sér stað á
margra hæða bílastæði klukkan
níu um morgun á einum mesta
ferðadegi ársins.
Varúðarsímtal barst frá ETA
stuttu áður en sprengingin varð.
Sendiferðabíll sprakk í loft upp og
fylgdi sprengingunni reykur og
grjótkast, svo að margir bílar
skemmdust.
Tveir menn týndust í brakinu
og 26 manns særðust lítillega,
flestir með skaddaða heyrn
vegna höggbylgju sprengingar-
innar. Lögreglumaður lenti undir
regni af brotnu gleri og skarst
illa.
Slökkviliðsmenn unnu að því
að slökkva eld á svæðinu, en stór
hluti byggingarinnar var illa far-
inn eftir sprenginguna.
Enginn hefur látist í árásum
ETA síðan í maí 2003. Ríkisstjórn
Spánar lýsti yfir óánægju sinni
með að vopnahléinu væri lokið
og gaf í skyn að lítið yrði úr
samningaviðræðum við ETA.
Að venju verða áramóta-
brennur víða um land. Alls verða
11 brennur í Reykjavík. Stóru
brennurnar eru fjórar. Þær eru
við Ægisíðu, Gufunes, Geirsnef
og við Rauðavatn og verður
kveikt í þeim klukkan 20.30.
Brennurnar eru í tveimur
stærðarflokkum, þar sem
Eldvarnareftirlitið hefur tekið
mið af aðstæðum og umhverfi við
brennustaðinn og ákvarðað
stærðina. Sjö brennur eru alfarið
á ábyrgð framkvæmdasviðs
Reykjavíkurborgar, svokallaðar
„borgarbrennur“, en starfsmenn
framkvæmdasviðs veita jafn-
framt þjónustu við aðrar brennur.
Brennum hefur fækkað um eina
síðan í fyrra, en þá var einnig lítil
brenna í Ártúnsholti.
Starfsmenn hverfastöðva
framkvæmdasviðs verða við
móttöku og uppröðun í bálköstum
til klukkan 12 á gamlársdag.
Áramótabrenn-
ur víða um land
Talið er að
umtalsverð loftmengun verði á
höfuðborgarsvæðinu í kvöld,
gamlárskvöld, þar sem spáð er
stillum og góðu veðri. Fólki með
öndunarfærasjúkdóma er ráðlagt
að halda sig innandyra.
Loftmengunarkvóta um heilsu-
spillandi magn svifryks í lofti er
nú þegar náð fyrir árið 2006. „Það
má búast við meiri mengun en
ella sökum flugelda þegar veður
er kyrrt. Þá tekur lengri tíma
fyrir svifryk og eitraðar loftteg-
undir að hverfa. En þessi mengun
varir í það stuttan tíma að
sennilega hefur það ekki áhrif á
meðaltalsmælingar. Enda myndi
það teljast með kvóta næsta árs
ef svo væri,“ segir Lúðvík
Gústafsson, deildarstjóri
mengunarvarna umhverfisdeild-
ar Reykjavíkurborgar.
Mengun vegna
veðurblíðu
Um 500 manns er
enn saknað eftir að indónesísk
ferja sökk við strendur eyjunnar
Jövu á föstudag. Unnt var að
bjarga 59 manns en mikið óveður
hefur geisað og hamlað leit
björgunarmanna.
Stjórnvöld í Indónesíu halda
enn í vonina en sést hefur til
fleiri björgunarbáta þar sem
ferjan sökk. Um borð í henni voru
skráðir 545 farþegar og 57 í áhöfn
á leið hennar milli eyjanna
Borneó og Jövu.
Upphaflega var óttast að um
800 manns væru um borð, en
ferjan mátti taka 850 farþega.
Fjölda saknað
eftir skipsskaða
Fréttablaðið kemur næst út
þriðjudaginn 2. janúar.
Móttaka Fréttablaðsins er lokuð
í dag og nýársdag en verður opnuð
aftur á þriðjudag. Smáauglýsinga-
deildin er lokuð á sama tíma.
Kemur næst út
á þriðjudag