Fréttablaðið - 23.09.2007, Blaðsíða 1
Stubbahúsin vinsælu
fyrir utanhúss reykingarnar.
Frábær hönnun, fást nú í
3 stærðum.
Pöntunarsími: 564 1783 /
896 1783
Stubbahus.is
Hrund Þórsdóttir hlaut Íslensku barnabókaverðlaunin
í vikunni sem leið fyrir sína fyrstu bók, Loforðið.
„Íslendingar virðast mun
opnari fyrir fyrirbærum eins og
berdreymni, hugboðum, draugum
og álfum en aðrar þjóðir. Það er þó
erfitt að nota orðið trú í þessu sam-
hengi,“ segir Terry Gunnell, dós-
ent í þjóðfræði við Háskóla Íslands,
um niðurstöður kannana sem gerð-
ar voru í félagsvísindadeild á þessu
og síðasta ári um trú Íslendinga á
yfirnáttúruleg fyrirbæri. Rann-
sóknin var studd af Rannsóknar-
sjóði háskóla og svöruðu um þús-
und manns spurningalistum.
Samkvæmt niðurstöðunum telja
aðeins þrettán prósent landsmanna
óhugsandi að til séu álfar og huldu-
fólk, sautján prósent þora að full-
yrða að ekki séu til blómálfar og
einungis sjö prósent hafna alfarið
hugmyndinni um drauga. Til sam-
anburðar telur um þriðjungur
landsmanna líklegt eða öruggt að
til séu draugar og fjórðungur er
sömu skoðunar þegar kemur að
álfum og huldufólki.
Á ári hverju kemur fjöldi ferða-
manna til Íslands til að kanna hvað
sé til í frásögnum af þjóðtrú lands-
manna, ekki síst álfatrú. Upplýs-
ingar ferðamannanna byggjast
yfirleitt á rannsókn sem prófessor
Erlendur Haraldsson gerði hér á
landi árið 1974. Sú rannsókn leiddi í
ljós að mun fleiri Íslendingar trúðu
á yfirnáttúruleg fyrirbæri en
gengur og gerist hjá öðrum þjóð-
um. Frá þeim
tíma hefur sam-
félagið breyst
mjög og þótti því
líklegt að niður-
stöður nýrrar
könnunar yrðu
ólíkar þeim sem
fram komu fyrir
rúmum þrjátíu
árum. Svo var
ekki.
„Það getur þó margt spilað inn í
þessar tölur. Það er líklegt að vax-
andi trú á reimleika megi rekja til
Hollywood-kvikmynda, auk þess
sem borgin og húsin eru að eldast
og sveitin að verða dularfyllri,“
segir Terry. Hann segir að enn eigi
eftir að vinna töluvert úr þeim
gögnum sem safnað hafi verið og
taka viðtöl við nokkra af þeim sem
könnuninni svöruðu. Málið verði
frekar kynnt í vikunni og svo í
desember.
Trú á álfa og
drauga lifir
Fjöldi Íslendinga trúir enn á huldufólk, drauga og
blómálfa. Þetta er niðurstaða kannana Félagsvís-
indastofnunar um trúarviðhorf. Fátt hefur breyst
síðan sams konar könnun var gerð fyrir 30 árum.
KR varð í gær bikar-
meistari í kvennaflokki þegar
liðið vann öruggan sigur á Kefla-
vík, 3-0, í úrslitaleik á Laugar-
dalsvelli. KR var sterkara liðið
allan leikinn og átti sigurinn
fyllilega skilinn. Hrefna Huld
Jóhannesdóttir skoraði tvö marka
KR og markadrottningin Olga
Færseth skoraði eitt mark.
Bikartitillinn er nokkur sárabót
fyrir KR-konur, sem máttu horfa
á eftir Íslandsmeistaratitlinum
til Vals á dögunum, en þessi tvö
lið voru í algjörum sérflokki í
sumar.
Það er líklegt að vaxandi
trú á reimleika megi
rekja til Hollywood-kvikmynda,
auk þess sem borgin og húsin
eru að eldast og sveitin að verða
dularfyllri.
Forskot Hillary
Clinton í kapphlaupi demókrata
um að verða forsetaframbjóðandi
Demókrataflokksins hefur valdið
því að keppinautar hennar eru
óvægnari í gagnrýni á hana. For-
setakosningar í Bandaríkjunum
fara fram haustið 2008.
John Edwards, sem skoðana-
kannanir sýna að sé í þriðja sæti
yfir þá sem sækjast eftir útnefn-
ingu, hefur gagnrýnt tengsl Clin-
ton við þrýstihópa og hagsmuna-
aðila. Einn helsti ráðgjafi hans
hefur kallað Clinton „táknmynd
alls sem er að í Washington“.
Gagnrýnin er til marks um að
keppinautum stafi mikil ógn af
Clinton og forskot hennar í kosn-
ingabaráttunni vaxi þeim í augum.
Þeir geti ekki lengur treyst á að
Clinton misstígi sig.
Barack Obama, sem hefur næst-
mest fylgi samkvæmt könnunum,
ýjar að því í nýlegri sjónvarpsaug-
lýsingu að Clinton sé orðin
samdauna „sérhagsmunastjórn-
málum síðari ára“.
Clinton hefur að mestu látið
gagnrýnina sem vind um eyru
þjóta og hefur heldur beint spjót-
um sínum að keppinautunum í
Repúblikanaflokknum.
Keppinautarnir deila á Clinton