Fréttablaðið - 23.09.2007, Side 91

Kl. 14
Hrafnhildur Schram listfræðingur er með
leiðsögn í Listasafni Íslands í dag kl. 14. Þar
mun hún leiða gesti Listasafnsins um sali
sýningarinnar Ó-náttúra þar sem ýmis ólík
verk úr safneigninni er varða náttúru
landsins hanga uppi.
Í eina tíð þótti Kópavogur
býsna rauður bær og dagana
29. september til 7. október
mun bregða á hann rauðum
bjarma þegar bærinn tekur á
móti kínverskum gestum frá
borginni Wuhan í Hubei-hér-
aði. Hátíðin er haldin í sam-
starfi við sendiráð Kína, lista-
og menningarstofnanir í
Kópavogi og fleiri samstarfs-
aðila. Markmið kínverskrar
menningarhátíðar í Kópavogi
er að gera Íslendingum kleift
að upplifa fjarlæga en heillandi
list Kína. Áform eru uppi um
að borgin Wuhan í Hubei-hér-
aði og Kópavogur verði vina-
bæir.
Margt góðra gesta kemur að
austan: heimskunnir kínverskir
listamenn koma fram á tvenn-
um tónleikum í Salnum, 3. og 5.
október: 20 manna hópur hljóð-
færaleikara og söngvara, þjóð-
lagahljómsveit Söngleikja- og
dansstofnunar Wuhan-borgar
sem hefur hlotið fjölmargar
viðurkenningar og komið fram
víða um heim. Miðasala á tón-
leikana er þegar hafin.
Í Gerðarsafni er kínverskur
menningararfur frá Wuhan til
sýnis, merkar fornminjar og
listmunir. Þar er að sjá rjóm-
ann af sögulegum menningar-
arfi Wuhan-svæðisins sem end-
urspeglar bæði hin ýmsu
sögulegu menningarstig svæð-
isins og almenna listræna sköp-
un í Austurlöndum. Á meðal
sýningargripa má finna allt frá
munum úr bronsi, keramik,
jaði og bambus til skraut-
skriftar og málverka. Sýningin
verður opnuð almenningi
sunnudaginn 30. september kl.
11 og stendur fram til 11. nóv-
ember.
Þriðji þátturinn í heimsókn-
inni er koma Fjölleikaflokks
Wuhan sem mun sýna loftfim-
leika í íþróttamiðstöðinni Ver-
sölum. Bókasafn Kópavogs
kynnir kínverskar bókmenntir
og sýndar verða kínverskar
kvikmyndir í Kórnum í Bóka-
safni og Náttúrufræðistofu.
Kynnt verður kínversk tónlist.
Þá verða til sýnis kínverskir
listmunir úr einkasafni í Safna-
húsinu, húsakynnum Bóka-
safns og Náttúrufræðistofu.
Náttúrufræðistofa Kópavogs
býður upp á sýnikennslu í flug-
drekagerð undir leiðsögn kín-
verska flugdrekagerðarmeist-
arans Kong Lingmin. Í Kórnum,
fundarsal Bókasafns og Nátt-
úrufræðistofu, verður enn
fremur boðið upp á fyrirlestra
um jarðhita í Kína og á Íslandi,
kínverska tónlist og bók-
menntaþýðingar.
Í Salnum verður málþing um
kínverska menningu laugar-
daginn 6. október og í Vetrar-
garðinum í Smáralind verður
slegið upp líflegri fjölskyldu-
hátíð sama dag, þar sem kín-
verska loftfimleikafólkið og
tónlistarmennirnir verða meðal
þátttakenda.
Kínadagar í Kópavogi