Fréttablaðið - 13.04.2008, Blaðsíða 4

4 13. apríl 2008 SUNNUDAGUR
Missagt var í fyrirsögn fréttar í
Fréttablaðinu í gær að Serbar væru
sakaðir um líffærasölu. Þar var átt við
Kosovo-Albana. Fréttin var að öðru
leyti rétt.
LEIÐRÉTTING
VEÐURSPÁ
Kaupmannahöfn
Billund
Ósló
Stokkhólmur
Gautaborg
London
París
Frankfurt
Friedrichshafen
Berlín
Alicante
Mallorca
Bassel
Eindhoven
Las Palmas
New York
Orlando
San Francisco
HEIMURINN
Vindhraði er í m/s.
Hitastig eru í °C.
Gildistími korta er um hádegi.
11°
10°
6°
6°
8°
13°
12°
12°
13°
16°
20°
18°
11°
19°
15°
33°
22°
13°
Á MORGUN
Hægnorðlæg átt
ÞRIÐJUDAGUR
Vestanátt 3-8 um
allt land
-0
-1
-0
-7
-2
-2 -1
-2
-1
-2
5
4
1
8
9
4
2
2
2
5
5
8
8
8
10
8
5
6
2
2 4 2
RIGNINR
SUNNANTIL Úr-
koman hófst í nótt
og færist smám
saman til austurs.
Hitastigið verður
yfi r frostmarki
sunnantil en fer
kólnandi norðan-
lands.
Elín Björk
Jónsdóttir
Veður-
fræðingur
DÓMSMÁL Birgir Páll Marteinsson var
dæmdur í sjö ára fangelsi fyrir brot á
fíkniefnalöggjöfinni í Færeyjum með aðild
að Pólstjörnumálinu. Dómur féll um mið-
nætti á föstudag en fyrr um kvöldið var hann
fundinn sekur, líkt og Fréttablaðið greindi
frá. Þá var hann dæmdur í ævilangt endur-
komubann til Færeyja. Birgir hefur setið í
gæsluvarðhaldi síðan 21. september í fyrra.
Sigurður Líndal lagaprófessor segir að sér
finnist refsingin vera þung. „Ég efast um að
dómstólar hér heima hefðu dæmt manninn í
þetta þunga refsingu. Ég þekki náttúrlega
ekki málavexti, en miðað við það sem fram
hefur komið í fjölmiðlum eru sjö ár nokkuð
vel í lagt. Vel má vera að eitthvað í röksemd-
um réttlæti það, en mér
finnst dómurinn þungur,“
segir Sigurður.
Fréttablaðið hefur
heimildir fyrir því að Birgi
hafi verið mjög brugðið
þegar dómurinn var
kveðinn upp. Félagar hans,
sem dæmdir voru í málinu
hér heima, vonuðu að hann
fengi ekki meira en þriggja
ára dóm. Í viðtali við færeyska útvarpið
sagði hann að sér væri sárast um endur-
komubannið til Færeyja, því þar liði honum
best.
Birgir Páll var dæmdur fyrir að
hafa haft um fjörutíu kíló af
fíkniefnum í sinni vörslu þann tíma
sem Pólstjarnan var við festar í
Færeyjum og að hafa aðstoðað við
að koma þeim aftur um borð í
skútuna. Þá var hann einnig
dæmdur fyrir vörslu á tveimur
kílóum af fíkniefnum, amfetamíni
og dufti til e-töflugerðar, sem hann
ætlaði að koma til óþekkts aðila.
Hann var sýknaður af aðkomu að
skipulagi smyglsins.
Fróðlegt er að bera saman dóm
Birgis og þeirra aðila Pólstjörnumáls-
ins sem dæmdir voru í Héraðsdómi Reykja-
víkur. Birgir fær jafnlangan dóm og Alvar
Óskarsson, en hann sigldi skútunni frá
Danmörku til Íslands, með viðkomu í
Færeyjum, ásamt Guðbjarna Traustasyni.
Sá síðarnefndi var dæmdur til sjö ára
og fimm mánaða fangavistar.
Birgir Páll var í Færeyjum
sýknaður af því að hafa vitað
af efnunum frá Danmörku til
Færeyja, en bæði Guð-
bjarni og Alvar voru
fundnir sekir um aðild að
skipulagi smyglsins.
Verjendur Birgis hafa
tvær vikur til að ákveða
hvort áfrýjað verði. Það á eingöngu við um lengd refsingar, því
óheimilt er að áfrýja dómi um sýknu eða
sekt. Ólíklegt verður að teljast að ákæru-
valdið áfrýi. kolbeinn@frettabladid.is
Lagaprófessor telur dóm
Birgis í Færeyjum þungan
Íslendingurinn sem sakfelldur var í Færeyjum var dæmdur í sjö ára fangelsi og endurkomubann til Fær-
eyja. Sigurður Líndal efast um að íslenskir dómstólar hefðu dæmt manninn í þetta þunga refsingu.
SIGURÐUR LÍNDAL
BAR VITNI Guðbjarni Traustason
bar vitni í málinu.
TEIKNING: JANUS GUTTESEN
BIRGIR PÁLL Birgir og Olavur Jákup Kristoffersen verjandi hans í réttarsal. TEIKNING: JANUS GUTTESEN
ÞORLÁKSHÖFN „Við íbúar höfum
fengið okkur fullsadda af þessu
sóðafyrirtæki Lýsi,“ segir Guð-
mundur Oddgeirsson, talsmaður
íbúa í Þorlákshöfn sem hafa afhent
Heilbrigðiseftirliti Suðurlands
undirskriftir 527 kosningabærra
íbúa í bænum.
Þar er því mótmælt að rekin sé
fiskhausaþurrkunarverksmiðja í
bænum með tilheyrandi lyktar-
mengun. Rekstrarleyfi verksmiðj-
unnar rennur út í júní og óttast
íbúarnir að það verði endurnýjað.
Guðmundur segir fýluna nánast
ólýsanlega og hún hafi mikil áhrif
á íbúa. Fýlan leggist meðal annars
í föt og bíla. Heilbrigðiseftirlitið
hafi ekki brugðist við fyrri mót-
mælum íbúanna og sjái heldur
ekki til þess að Lýsi fylgi þeim
skilyrðum sem þó séu sett.
Hann segir þverpólitíska sam-
stöðu gegn verksmiðjunni. „Við
höfum orðið fyrir miklum von-
brigðum með að fyrirtækið Lýsi,
sem núna fagnar sjötíu ára afmæli,
skuli láta þetta viðgangast.“
Guðmundur telur um þrjátíu
störf tapast með lokun verksmið-
unnar. „En við viljum meina að
þetta fæli önnur frá. Fyrir tæki
hafa verið að skila inn lóðum og
hætt að hugsa um Þorlákshöfn
sem hugsanlegan stað fyrir fyrir-
tækin sín.“ Einnig segir hann
dæmi um að fólk hætti við að
flytja til Þorlákshafnar þegar það
finni fýluna. Íbúarnir hafa óskað
eftir fundi með Þórunni Svein-
bjarnardóttur umhverfisráðherra
vegna málsins. - ovd
Íbúar í Þorlákshöfn vilja fiskhausaþurrkun Lýsis burt úr bænum:
Lýsisfýlan leggst í föt og bíla
AFHENDING UNDIRSKRIFTALISTANS
Elsa Ingjaldsdóttir, framkvæmdastjóri
Heilbrigðiseftirlits Suðurlands, tók við
undirskriftum íbúa. MYND/GKS
DÓMAR Í HÉRAÐSDÓMI REYKJAVÍKUR
■ Einar Jökull Einarsson fékk níu ár og sex mán-
uði. Var höfuðpaur og skipulagði innflutninginn.
■ Guðbjarni Traustason fékk sjö ár og fimm
mánuði. Sigldi efnunum frá Danmörku.
■ Alvar Óskarsson fékk sjö ár. Sigldi efnunum
frá Danmörku.
■ Marinó Einar Árnason fékk fimm ár og sex
mánuði. Tók við efnunum á Fáskrúðsfirði.
■ Bjarni Hrafnkelsson fékk eitt ár og sex mán-
uði. Pakkaði meirihluta efnanna í Danmörku.
■ Arnar Gústafsson fékk eitt ár – skilorðsbundið.
Ætlaði að geyma efnin í sumarbústað.
HEIMILD: DÓMSAFN HÉRAÐSDÓMS REYKJAVÍKUR
BRETLAND, AP Bresk kona, Rachel
Leake, sem er í sárri þörf fyrir
nýtt nýra, fékk ekki líffæri úr
deyjandi dóttur sinni.
Dóttir Leake lést eftir veikindi
21 árs gömul. Þrátt fyrir að hún
hefði óskað eftir því að móðirin
fengi nýrun var ekki orðið við
þeirri ósk. Nýru hennar og lifur
voru grædd í þrjá ókunnuga
einstaklinga. Móðirin er forviða
á þeirri ákvörðun en samkvæmt
reglum yfirvalda þarf að græða
líffærin í þá sjúklinga sem eru í
mestri þörf.
Talsmenn stofnunarinnar segja
þó að um sorglegt tilvik sé að
ræða og að mögulega verði
reglurnar endurskoðaðar. - ve
Móður neitað um líffæri:
Fékk ekki nýra
úr látinni dóttur
TYRKLAND, AP Ítölsk listakona, sem
ferðaðist á puttanum til Mið-
Austurlanda, fannst myrt í
Tyrklandi á föstudag.
Giuseppina Pasqualino di
Marineo hélt, ásamt vinkonu
sinni, í puttaferðalag klædd
brúðarkjól og var tilgangurinn sá
að vekja athygli á heimsfriði.
Hún vildi sýna fram á að hægt
væri að treysta á góðvild
heima manna. Marineo, sem hefur
verið saknað síðan 31. mars,
fannst myrt í skógi nærri
borginni Gebze. Maður hefur
verið handtekinn grunaður um
aðild að morðinu en hann vísaði
lögreglu á líkið. - ve
Ítalskur friðarsinni í Tyrklandi:
Myrt á göngu
sinni fyrir friði
NEPAL, AP Byltingarsinnaðir
maóistar hafa sigrað í ellefu
kjördæmum af 21 þar sem
talningu er lokið í kosningum til
nýs stjórnlagaþings landsins.
Þingið fær það hlutverk að
ákveða nýja stjórnskipan fyrir
landið, en ákveðið var í vetur að
leggja konungsveldið niður og
stofna lýðveldi.
Með þessari ákvörðun var
maóískum byltingarsinnum gefið
tækifæri til þátttöku í stjórn
landsins. Útgönguspár úr 61
kjördæmi til viðbótar þar sem
talningu er ekki lokið benda til
sigurs Maóíska kommúnista-
flokksins. Alls eru kjördæmin
240. - sh
Talið í 21 kjördæmi í Nepal:
Ellefu sæti til
maóista í Nepal
GENGIÐ 11.4.2008
GJALDMIÐLAR KAUP SALA
HEIMILD: Seðlabanki Íslands
148,096
GENGISVÍSITALA KRÓNUNNAR
72,91 73,25
143,87 144,57
115,32 115,96
15,458 15,548
14,518 14,604
12,268 12,34
0,7183 0,7225
119,52 120,24
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR