Fréttablaðið - 13.04.2008, Blaðsíða 6

6 13. apríl 2008 SUNNUDAGUR
Ertu að leita þér
að aukavinnu?
SJÁVARÚTVEGSMÁL Einar K. Guð-
finnsson sjávarútvegsráðherra og
Freddy Numberi, sjávarútvegs-
ráðherra Indónesíu, skrifuðu í gær
undir viljayfirlýsingu milli þjóð-
anna um samstarf á sviði sjávar-
útvegs. Indónesía er ein mesta
fiskveiðiþjóð í heimi en stjórnvöld
glíma við fjölda vandamála. Þar-
lend stjórnvöld leituðu til Íslend-
inga um samstarf til að finna lausn-
ir við stórfelldri rányrkju, lausn
tæknivandamála og þróun sjálf-
bærrar nýtingar auðlindarinnar.
Í viðtali við Fréttablaðið lýsti
Numberi þeim vandamálum sem
helst þarf að leysa og þeim gríðar-
legu hagsmunum sem landið
hefur í því að nútímavæða útveg-
inn. „Í Indónesíu hafa sex og hálf
milljón manna atvinnu af veiðum
og vinnslu sjávarfangs. Á sama
tíma eru sjóræningjaveiðar mikið
vandamál og reiknum við með að
tap landsins sé um þrír milljarðar
dollara á ári hverju.“ Numberi
leggur mikla áherslu á að kynna
sér stjórnun veiða og vinnslu hér
á landi en ekki síður nýtti hann
tækifærið til að ræða við sérfræð-
inga í hafrannsóknum og kynna
sér fyrirkomulag landhelgis-
gæslu. „Við vitum ekki hvert
ástandið er á okkar helstu fiski-
stofnum. Rányrkjan er svo gríðar-
leg.“ Hann telur að sjóræningja-
veiðarnar nemi um tveimur og
hálfri milljón tonna, sem er marg-
falt það magn sem veitt er á
Íslandsmiðum árlega.
Numberi heimsótti íslensk
fyrir tæki og stofnanir þar sem
ráðherrann og fylgdarlið öfluðu
sér upplýsinga um íslenskan sjáv-
arútveg og kynntu sér starfsemi
tæknifyrirtækja í sjávarútvegi.
Ráðherrann heimsótti einnig
Sjávar útvegsskóla Háskóla Sam-
einuðu þjóðanna. „Við viljum
senda okkar fólk til Íslands til að
afla sér sérfræðiþekkingar.
Sjávar útvegurinn í Indónesíu er
vanþróaður og besta leiðin til að
bæta þar úr er að hafa aðgang að
fólki með góða menntun á þessu
sviði. Við höfum miklar vænting-
ar til samstarfs við Íslendinga,
ekki síst í þessu samhengi.“
„Við bjóðum Íslendinga vel-
komna til Indónesíu,“ segir Numb-
eri. „Við fögnum fjárfestingu ann-
arra ríkja í Indónesíu. Sérstaklega
landa eins og Íslands sem virða
þær leikreglur sem við setjum. Í
okkar heimalandi eru miklir
möguleikar fyrir þá sem kjósa að
starfa með stjórnvöldum að því að
byggja upp arðvænleg fyrirtæki í
sjávarútvegi.“ svavar@frettabladid.is
Vilji til samstarfs í
sjávarútvegsmálum
Undirrituð hefur verið viljayfirlýsing á milli Íslands og Indónesíu um samstarf
á sviði sjávarútvegs. Indónesar vilja nýta þekkingu Íslendinga til að þróa sjálf-
bæran sjávarútveg og leysa vandamál við hafrannsóknir og landhelgisgæslu.
FREDDY NUMBERI Sjávarútvegsráðherra Indónesíu segir mikil tækifæri í sjávarútvegi
landsins. Vandamálin sem þurfi að leysa séu hins vegar stór og samstarf við Íslend-
inga sé mikilvægt í því ljósi. FRÉTTABLAÐIÐ/VALLI
UMFERÐ Rannsóknarnefnd umferðar-
slysa leggur til að Reykjavíkurborg
lækki hámarkshraða á Skeiðarvogi
úr 50 kílómetrum á klukkustund í
30.
Unglingsstúlka slasaðist alvar-
lega þegar bíl var ekið á hana þar
sem hún var að fara yfir Skeiðar-
voginn miðvikudagskvöldið 2. apríl
síðastliðinn. Slysið er enn í skoðun
en rannsóknarnefndin hefur þegar
lagt til að hámarkshraðinn verði
lækkaður og að bætt verði við girð-
ingu á eyju milli akreina. Við
Skeiðar vog standa bæði Vogaskóli
og Menntaskólinn við Sund.
Ágúst Mogensen, rannsóknar-
stjóri hjá rannsóknarnefndinni,
segir mikilvægt að ökumenn skilji
hversu miklu muni fyrir gangandi
vegfarendur að hraðinn sé minni.
„Munurinn á líkindum banaslyss
eykst margfalt ef hraði ökutækis
er 50 kílómetrar á klukkustund
samanborið við 30 kílómetra á
klukkustund. Lægri hraði ökutækja
dregur einnig úr líkindum þess að
umferðarslys verði yfir höfuð.“
Að því er Ágúst segir hefur mikið
dregið úr notkun endurskins-
merkja. „Þetta gildir jafnt um börn
og fullorðna og er það mjög miður
þar sem ökumenn bera oft við að
þeir hafi einfaldlega ekki séð þann
sem gekk út á götuna.“ - gar
Leggja til lægri hámarkshraða eftir að ekið var á stúlku og hún slasaðist illa:
Of mikill hraði á Skeiðarvogi
Á SLYSSTAÐ Keilan á miðri götu sýnir hvar ekið var á stúlkuna. Rannsóknarnefndin
vill að girðingin á umferðareyjunni verði framlengd. MYND/RANNSÓKNARNEFND UMFERÐARSLYSA
STJÓRNMÁL „Þingflokkur Samfylk-
ingarinnar hafnar málinu eins og
það lítur út. Síðan verða menn að
finna lausn á þeim málum sem
þarf að leysa, sérstaklega fjár-
málum embættisins,“ sagði Lúð-
vík Bergvinsson, þingflokks-
formaður Samfylkingarinnar, í
gær.
Eins og greint var frá í Frétta-
blaðinu á þriðjudaginn ætlar
þingflokkur Samfylkingarinnar
að hafna boðuðum breytingum
Björns Bjarnasonar dómsmála-
ráðherra á löggæslumálum á
Suður nesjum. Afstaða þing-
flokksins stendur óhögguð.
Breytingarnar sem Björn hefur
boðað munu því ekki fara í gegn-
um þingið að óbreyttu.
Breytingarnar felast í því að
embætti lögreglustjórans á Suður-
nesjum verður brotið upp í núver-
andi mynd. Tollgæsla fer undir
fjármálaráðherra, yfirstjórn
öryggismála vegna flugverndar á
Keflavíkurflugvelli undir sam-
gönguráðherra en lög- og landa-
mæragæsla heyri undir dóms-
málaráðuneytið.
Jóhann R. Benediktsson, lög-
reglustjóri á Suðurnesjum, fund-
aði með þingmönnum Suðurkjör-
dæmis um fyrirhugaðar
breytingar í gær.
Þingmenn Framsóknarflokks,
Frjálslynda flokksins, Samfylk-
ingarinnar og Vinstri grænna
lýstu sig alfarið mótfallna breyt-
ingunum en þingmenn Sjálfstæðis-
flokksins styðja þær, að undan-
skildum Árna Johnsen. - mh
Ekki sér fyrir endann á deilum um boðaðar löggæslubreytingar á Suðurnesjum:
Afstaða þingflokks óhögguð
KEFLAVÍKURFLUGVÖLLUR Málefni
löggæslunnar á Suðurnesjum eru enn í
hnút. FRÉTTABLAÐIÐ/GVA
Slógust og brutu rúðu
Lögregla var kvödd að Hótel Plaza við
Aðalstræti í fyrrinótt eftir að slagsmál
brutust út milli nokkurra manna. Einn
slasaðist í andliti í átökum við annan
og þurfti að leita á slysadeild. Þriðji
maðurinn braut rúðu á hótelinu í
hamaganginum.
Bíll valt í Reykjahverfi
Þrennt var flutt til aðhlynningar á
Sjúkrahúsið á Húsavík á föstudag eftir
bílveltu í Reykjahverfi. Meiðsli fólksins
reyndust minni háttar en bifreiðin
sem þau voru í er ónýt.
LÖGREGLUFRÉTTIR
Ánægja með girðingu
Vegagerðin er nú að setja upp
girðingar meðfram hringveginum
þar sem hann liggur um Langadal í
Húnavatnssýslu. Bæjarstjórn Blöndu-
óss hefur fagnað þessu og skorað á
Vegagerðina að halda verkinu áfram
svo búfé komist ekki á veginn og
skapi slysahættu.
HÚNAVATNSSÝSLA
FERÐAÞJÓNUSTA Gengið hefur verið
frá styrkveitingum vegna
mót vægisaðgerða ríkisstjórnar-
innar á sviði ferðaþjónustu 2008-
2009. Voru 160 milljónir króna til
úthlutunar og bárust 303 umsóknir.
Alls hlutu 77 verkefni styrk.
Hæstu styrkina hlutu Sögugarð-
ur í Grundarfirði og Félag
áhuga manna um víkingaverkefni á
slóðum Gísla Súrssonar á Þingeyri,
sex milljónir hvort. Við mat á
umsóknum var meðal annars tekið
tillit til hlutfalls starfa í veiðum og
vinnslu á viðkomandi svæði, fjölda
tonna sem skerðast, gæða og
mögulegs árangurs verkefna auk
fjölda starfa sem þau skapa. - shá
Mótvægisaðgerðir:
Styrkir til ferða-
þjónustu veittir
MANNRÉTTINDI Björgvin G.
Sigurðsson viðskiptaráðherra
hyggst ræða ástandið í Tíbet við
kínverska
ráðamenn.
Ráðherra hélt
til Kína í gær
og endurgeld-
ur með því
heimsókn
kínversks
starfsbróður
síns í fyrra.
Tilgangur
fararinnar er
að treysta
viðskiptatengsl ríkjanna.
Óskað hefur verið eftir
sérstökum fundi um mannrétt-
indamál með aðstoðarutanríkis-
ráðherra Kína. Þar hyggst
Björgvin árétta þá afstöðu
Íslendinga að það sé þjóðréttarleg
skylda Kínverja að virða mann-
réttindi í Tíbet. - kóp
Viðskiptaráðherra í Kína:
Ræðir um Tíbet
við Kínverja
BJÖRGVIN G.
SIGURÐSSON
Telur þú líklegt að fasteignaverð
lækki um 30 prósent á næstu
tveimur árum?
Já 31,6%
Nei 69,4%
SPURNING DAGSINS Í DAG
Finnst þér dómurinn yfir Íslend-
ingnum í Færeyjum of þungur?
Segðu skoðun þína á vísir.is
KJÖRKASSINN