Réttur - 01.10.1949, Síða 15

RÉTTUR
207
markaðsmálum nú eftir stríð með því að opna Sovétríkin og Tékkó-
slóvakíu fyrir fiskafurðum okkar, fyrir tilstilli okkar sósíalista.
ísland hefði einnig getað unnið markaði í Póllandi, Ungverjalandi,
Austur-Þýzkalandi o. fl. ríkjum þar, ef sinnuleysi og fjandskapur
íslenzka afturhaldsins hefði ekki komið í veg fyrir það. En meðan
lönd eins og Bretland er að gera samninga við, Pólland, Ungverja-
land og Júgóslavíu til 2 og 3 ára, þá lýtur hinn voldugi utanríkis-
ráðherra íslands, Bjarni Benediktsson, ekki svo lágt að tala við
þessi ríki, nema þá til að eyðileggja samninga við þau.
Hv. ráðherra undrast af hverju þessi Austur-Evrópulönd greiði
hærra verð en t. d. England og leyfir sér alls konar dylgjur í því
sambandi. Þeir ættu að spyrja Dani af hverju þeir fái kr. 6.50 fyrir
smjörkílóið hjá Rússum, þegar England vill ekki borga nema kr.
4.50. — Austur-Evrópulöndin borga hærra verð af því að þar eru
engir auðhringar, sem taka milliliðagróðann á kostnað framleið-
enda og neytenda, eins og t. d. feitmetishringurinn enski, — og ef
til vill knýr skorturinn þá líka nú til þess að greiða meira fyrir
okkar vörur.
ísland þyrfti, til þess að tryggja framtíð sína, hvað markaði
snertir, að geta selt alltað helming framleiðslu sinnar á þessum
mörkuðum Austur-Evrópu.
Nú hafa ríkin þar, sem kunnugt er, komið á hjá sér áætlunar-
búskap, þannig að þau eru nú í haust að gera samninga sín á milli
og við aðra um innkaupin næstu 3—5 ár.
ísland getur gert slíka samninga, ef það gerir þá nú þegar og
tryggt þannig kreppulausa, örugga markaði með föstu verði til
margra ára, og þessi lönd hafa undanfarin ár greitt hæst verð fyrir
vörur okkar.
Alla þessa samningamöguíeika, alla þessa markaði í Sovétríkjun-
um, Tékkóslóvakíu og öðrum löndum þar eystra, er nú ríkisstjórnin
að eyðileggja, líklega með þeim afleiðingum, að þeir að fullu glat-
ist íslandi og ýmsar þessara þjóða fari jafnvel sjálfar að gera út
hingað norður í stórum stíl. Og með lygaherferðinni í Morgunblað-
inu gegn þessum ríkjum, er utanríkisráðherrann að reyna að telja
þjóðinni trú um, að engu sé þar að tapa, því hjá þessum þjóðum,
sem nú vinna allra þjóða bezt að nýsköpun atvinnulífsins, sé ekkert
nema svartnætti harðstjórnarinnar. Svo langt gengur þessi ósann-
indaherferð, að það er reynt eins og af utanríkisráðherra, að berja
það inn í þjóðina, að Rússar, sem í ár gerðu samning við ísland um
að kaupa af okkur fyrir 96 milljónir króna, vilji ekkert af okkur
kaupa! — í þessum rykskýjum blekkinganna á að dylja hættuleg-
ustu skemmdarverkin gagnvart hagsmunamálum íslendinga ....