Réttur - 01.10.1949, Blaðsíða 25
RÉTTUR
217
vetur lagðist að og boðleg matvara var ófáanleg, neyddust
þeir til að kaupa óþverrann, sem kaupmenn seldu hisp-
urslaust fullu verði. Þetta varð þó til þess, að nú var
mörgum nóg boðið. Hið deiga járn hafði loks verið brýnt
til bits. Ákváðu Húnvetningar á fundum sínum haustið
1869 að stofna hlutafélag til að ná beinni verzlun við út-
lönd. Voru boðnir út 800 hlutir á 25 ríkisdali hver. Félag
þetta var í þrem deildum og náði langt út yfir Húna-
vatnssýslu. Skipuðu Siglfirðingar og Skagfirðingar eina
deildina, Húnvetningar og Strandamenn aðra, en Mýra-
menn og Borgfirðingar hina þriðju. Mun hafa verið gengið
endanlega frá lögum félagsins vorið 1870, og var því
gefið nafnið „Félagsverzlunin við Húnaflóa". Haustið 1870
réð félagið Pétur Eggerz fyrir verzlunarstjóra eða kaup-
stjóra, eins og það var kallað. Pétur var vaskur maður
og áhugasamur um hvers konar framfarir; var hann
mikill vinur Jóns Sigurðssonar og sótti oft til hans holl
ráð og leiðbeiningar. Hann var maður vel menntaður,
hafði byrjað á laganámi, en orðið að hætta því sakir
veikinda. Hann hafði og allmikla verzlunarþekkingu og
reynslu, hafði verið verzlunarstjóri um skeið fyrir- Clau-
sensverzlun á Borðeyri. Tók hann þegar til óspilltra mál-
anna um öflun verzlunarsambanda erlendis, eins og enn
mun sagt verða. Færði fél. sig brátt upp á skaftið og festi
haustið 1871 kaup á verzlunarhúsum við Grafarós í Skaga-
firði, sem átt höfðu brezkir kaupmenn, Henderson og
Anderson. Var ekki annað sýnt, en að félag þetta færi vel
af stað og myndi bráðlega ná til sín mikilli verzlun..
Hið þriðja verzlunarfélag var stofnað á Akureyri ár-
ið 1869. Var það hlutafélag, og stóðu að því allmargir
menn úr Eyjafjarðar- og Þingeyjarsýslum. Höfðu þeir
fest kaup á skipi, er strandað hafði þar nyrðra. Nefndu
þeir skipið „Gránu“ og félagið „Gránufélag“. Hafði séra
Arnljótur Ólafsson forgöngu þessara skipakaupa, en
Tryggvi Gunnarsson, þá bóndi á Hallgilsstöðum, gerðist