Réttur - 01.01.1962, Qupperneq 18

18
R É T T U R
heimtar alþýðan að íslendingar séu losaðir við þær herstöðvar, sem
þröngvað hefur verið upp á okkur, og að ísland gangi úr Atlants-
hafsbandalaginu.
Þessar kröfur íslenzkrar alþýðu eru bornar fram af Sósíalista-
flokknum og Alþýðubandalaginu. -— Með því að berjast fyrir þess-
um kröfum: ísland fyrir íslendinga, — ísland frjálst, — fetar al-
þýðan í fótspor þeirra brautryðjenda íslenzks sjálfstæðis, sem í 130
ár hafa barizt fyrir frelsi þjóðar vorrar: Baldvins Einarssonar, Jóns
Sigurðssonar, Skúla Thoroddsens og annarra forvígismanna sjálf-
stæðisbaráttunnar.
En afturhaldið, sérstaklega eins og það birtist í áróðri hinna ný-
fasistisku ofstækismanna, sem miða allt við andkommúnismann, er
það aumasta og lægsta, sem nokkru sinni hefur komið nærri stjórn-
málum á Islandi. Eftir að stjórnmálaflokkarnir þrír: Sjálfstæðis-
flokkur, Framsóknarflokkur og Alþýðuflokkur hafa stig af stigi fært
hernám yfir þjóðina — 1946-1949-1951, -— þá einbeita nú aftur-
haldsblöðin áróðri sínum að innlimun Islands í Efnahagsbandalag-
ið og brennimerkja alla sem kommúnista, sem voga sér að vera gegn
innlimun Islands í annað ríki. Þessir ofstækismenn mundu telja
Baldvin, Jón og Skúla kommúnista, ef þeir nú væru uppi, •— enda
virðast þeir helzt sjá ljósan blett í sögu íslands í afstöðu þeirra
Heimastjórnarmanna, sem börðust fyrir því 1908 að ísland yrði
óaðskiljanlegur hluti Danaríkis.
Svona djúpt er afturhaldið á íslandi sokkið 18 árum eftir lýð-
veldisstofnunina 1944, þegar það draslaðist þó með til að stofna
lýðveldið undir þunga þjóðfrelsishreyfingar almennings. Svo lítil-
mótleg er lágkúra afturhaldsins. Hins vegar verður nú íslenzk al-
þýðuhreyfing að rísa í allri þeirri reisn, sem þjóð vor á til, — svo
íslandi verði bjargað á úrslitastund.
£n til þess svo megi verða, þarf alþýðan sjálf að taka for-
ustuna í þjóðfrelsismálunum, — skapa víðtækustu og sterk-
ustu þjóðfylkingu, sem Island hefur nokkru sinni eignazt, —
til að vernda það sjálfstæði, er vér höfum, — og til þess að
vinna aftur það, sem glataðist, — „svo aldrei framar fslands
byggð sé öðrum þjóðum háð“.
Það er það, sem Sósíalistaflokkurinn og Alþýðuhandalagið
herjast fyrir.