Réttur - 01.01.1964, Blaðsíða 57
R É T T U R
57
1937 í sjúkrahúsi, sem liann hafði loks verið fluttur í nokkrum
dögum áður, sakir mótmæla um heim allan.
Rétt þegar sigurinn var aS vinnast 1945 myrtu fasistarnir Euge-
nio Curiel, aðalritstjóra Milano-útgáfunnar af l’Unita.
Síðan hefur l’Unita verið sú rödd flokksins, er bezt hvatti til
baráttunnar.
Fræg er sérstaklega kosningabaráttan 1953, þegar flokknum,
m. a. fyrir framúrskarandi baráttu PUnita, tókst að hindra það
að afturhaldið fengi meirihluta í ítalska þinginu og gæti gerbreytt
öllu kosningaskipulagi, eins og de Gaulle tókst í Frakklandi.
l’Unita er í dag útbreiddasta blað Italíu. Eintakafjöldinn er
300.000 til 350.000 hvern virkan dag. Blaðið kemur út í tveim
útgáfum, önnur í Róm, hin í Milano. Sunnudagsútgáfan er hins
vegar 700.000 til 800.000, stundum meira að segja ein milljón.
Aðeins 10 blöð og tímarit koma út í meira en 100.000 eintökum
á Ítalíu. Borgaraflokkarnir öfunda l’Unita eðlilega af útbreiðsl-
unni, en ítalski verkalýðurinn er stoltur af blaði sínu, lrann stendur
sjálfur fjárhagslega undir því með voldugum fjöldasamtökum,
sem heita „Vinir l’Unita“. ASalritstjórinn er nú Mario Alicata.