Réttur - 01.10.1972, Blaðsíða 25

Dönsk stjómarvöld höfðu fram til 1953
meðhöndlað Grænland lagalega séð sem ný-
lendu og gefið Sameinuðu þjóðunum skýrslu
um meðferðina á þeirri nýlendu. Síðan á-
kvað danska stjórnin að innlima Grænland
í Danmörku sem „amt" og hætta að gefa
skýrslur um það til S.Þ. — Portúgal hefur
innlimað „sínar nýlendur" á sama hátt. —
ísland hefur fyrir sitt leyti aldrei viður-
kennt þessa innlimun. Um þetta mál urðu
allharðar umræður á Alþingi 1954. Er þær
að finna í Alþingistíðindum 1954, D-deild,
bls. 6—óO. Ef mál þessi eru rannsökuð mun
það koma í ljós að dönsk stjórnarvöld hafa
ekki staðið við þau loforð, er gefin voru
Sameinuðu þjóðunum 1953—4, og ekki
heldur sagt satt frá um að Grænlendingar
hefðu samþykkt þessa breytingu. Þrátt fyrir
mikil útgjöld danska ríkisins vegna Græn-
lands og ýmisiegt gott, sem Danir hafa gert
þar, hefur Grænland verið meðhöndlað sem
nýlenda. Og það hlýtur að vera skylda ekki
hvað sízt Norðurlanda að styðja alla sjálf-
stjórnarviðleitni Grænlendinga og hjálpa
þeim til þess að forðast innlimun í Efna-
hagsbandalagið.
Norðurlöndum ber að líta á Grænland
sem eitt sjálfstæðra Norðurlanda og veita
þjóð þess þá aðstoð og viðurkenningu, sem
hún þarfnast.
Rétt er hinsvegar að vera einnig á verði
gagnvart hættunni fyrir Grænland vestan frá.
Bandaríkin munu vissulega ágirnast landið,
ekki sízt sem herstöð, enda hafa þeir þar her-
stöð nú þegar.
Margir danskir menn hafa mjög réttilega
og vel gagnrýnt stjórn danskra yfirvalda á
Grænlandi. Norðurlönd þurfa miklu betur
en hingað til, að láta þetta mál til sín taka.
★ O ★
Norðurlönd ná frá austurlandamærum
Finnlands til vesturlandamæra Grænlands.
Það þarf að tryggja samheldni og samhjálp
þessara þjóða og landa, þótt Danmörk hafi
að nokkru verið slitin út úr þessari heild í
svip og vinna jafnhliða að því að ná Dan-
mörku afmr inn í þá heild.
Þau mál, sem hér hefur verið minnzt á,
eru meðal þeirra mörgu, sem athuga þarf,
þegar Norðurlönd ákveða sameiginlega
stefnu eftir það, sem nú hefur gerzt.
E. O.
217