Réttur - 01.01.1984, Blaðsíða 6

dagvinnu, verndunar velferðarþjóðfé-
lagsins, áskorun um að fella samningana
og skorað á kennara að sýna samstöðu í
einu og öllu. Þessi glæsilegi fundur er til
vitnis um mikla og vaxandi stéttarlega
meðvitund.
Það er býsna athyglisvert ekki síst inn-
an BSRB, að þau félög þar sem konur eru
í miklum meirihluta virðast eflast mjög
um þessar mundir og félagsmenn þeirra
taka virkari þátt í hinu stéttarlega starfi.
Þessi vaxandi áhugi kvenna á leiðréttingu
kjara sinna er mjög ánægjulegur en sýnir
um leið að staða þeirra er átakanlega
slæm í kjaralegu tilliti.
Félag fiskvinnslufólks
Einn nýlegur atburður ber þess ótví-
rætt merki að verkafólk er að vakna til
vitundar um nauðsyn þess að standa sam-
an og vernda hagsmuni sína. Það er stofn-
un félags fiskvinnslufólks í Reykjavík.
Megintilgangur þessa félags er að auka
samstöðu með verkafólki í fiskiðnaði og
hafa áhrif á kröfugerð og baráttu verka-
lýðsfélaganna sem með samningamálin
fara. Á stofnfundi félagsins mættu tæp-
lega 600 manns eða um helmingur þeirra
sem starfa að fiskvinnslu í Reykjavík.
Með slíku vinnustaðastarfi er verið að
treysta lýðræðið í verkalýðshreyfingunni
og efla fólk til dáða.
Öflugt verkalýðsfélag
verðmætasta eignin
Það sem hér hefur verið rakið bendir
eindregið til þess að nú séu að verða þátta-
skil í starfi verkalýðsfélaganna. Auðvitað
á hin harða afturhaldsstefna ríkisstjórnar-
innar og árás hennar á lífskjörin sinn þátt
í þeirri vakningu sem nú á sér stað í
verkalýðsfélögunum. En launafólkið
verður líka að læra það af þessari reynslu
að það má aldrei slaka á í starfi stéttarfé-
laganna. Engin eign er alþýðumanninum
meira virði en öflugt verkalýðsfélag. En
því aðeins verða félögin öflug að þar
komi hver einasti félagi til virkar þátt-
töku. Afturhaldið í landinu getur aldrei
sigrað í baráttu við sameinaðan og sam-
taka verkalýð.
6