Morgunblaðið - 04.05.2006, Blaðsíða 18

18 FIMMTUDAGUR 4. MAÍ 2006 MORGUNBLAÐIÐ
MINNSTAÐUR
AUSTURLAND
AKUREYRI
Reyðarfjörður | Í þessum mánuði ætlar verktakafyr-
irtækið Bechtel að skila bakskautaverksmiðju tilbúinni
til Alcoa Fjarðaáls og er hún fyrsta húsið í álverksmiðj-
unni á Reyðarfirði sem tekið verður í notkun. Í bak-
skautaverksmiðju eru sett saman rafskaut sem liggja í
botnum álkeranna í kerskálum álversins. Þannig getur
Alcoa fljótlega hafist handa um að undirbúa álframleiðsl-
una. Þá er grunnur steypuskála álversins að taka á sig
mynd þessa dagana og jafnframt sér nú móta fyrir verð-
andi álsílói.
Næsti áfangi verksins er að ljúka við að klæða kerskál-
ana að utan, sem er þýðingarmikið þar sem vinna er þá
ekki lengur háð veðri nema að litlu leyti.Yfir 90% af jarð-
vinnu vegna álversins er nú lokið og um 33% af heild-
arverkinu. Stefnt er að því að 80% af heildarframkvæmd
Bechtel á álverslóðinni verði lokið um næstu áramót. Nú
eru 1.600 manns starfandi fyrir Bechtel að álversfram-
kvæmdinni og mannskapur því í hámarki. Þar af eru um
1.400 á svæðinu hverju sinni en hinir í vaktaleyfi. Starfs-
mannaþorpið FTV er að fyllast og búa þar rétt tæplega
1500 manns. Reiknað er með að hefja álframleiðslu í ál-
verinu eftir tæpt ár.
Fjöldi starfsmanna Bechtel við álverið í hámarki
Skila bakskauta-
verksmiðju í maí
Morgunblaðið/Steinunn Ásmundsdóttir
Kerskálar klæddir utan Álverið á Reyðarfirði tekur á
sig æ skýrari mynd eftir því sem á framkvæmdina líður.
Framandi menning | Jap-
ansk/franski sviðslistarhóp-
urinn Pokkowapa verður með
fjölskylduskemmtun á Iðavöll-
um á Fljótsdalshéraði, laug-
ardaginn 13. maí nk. og hefst
sýningin kl. 16. Verkið sem
sýnt verður heitir Holo no uta,
en það hefur verið sýnt víða
um heim.
Dagblaðið Le Rebublican í
París segir að það sé einstök
upplifun. Það er Menningar-
miðstöð Fljótsdalshéraðs sem
stendur fyrir sýningunni.
Fáskrúðsfjörður | Árshátíð grunnskóla Fáskrúðs-
fjarðar var haldin í félagsheimilinu Skrúð á dög-
unum. Húsfyllir var og skemmtu gestir sér kon-
unglega.
Allir bekkir lögðu gjörva hönd á stóra sýningu
þar sem bæði var leikið, spilað og sungið af inn-
lifun. Ágóði af sýningunni rennur í ferðasjóð 9.
bekkjar. Nú eru um 90 börn í skólanum og hefur
heldur fjölgað nemendunum undanfarið.
Til stendur að stækka skólabygginguna verulega
á næstunni.
Krakkarnir á
Fáskrúðsfirði á svið
Morgunblaðið/Albert Kemp
Djúpivogur | Þessi súla sem hér er stödd á bryggjunni í Djúpavogshöfn tók
sér far með fiskibátnum Má SU í land. Þessi annars fallegi fugl hafði
reyndar í ógáti gleypt línukrók þegar var verið að draga línuna fyrr um
daginn og var þá ákveðið að leyfa henni aðeins að kíkja upp á landið. Súlan
sem var með merki á öðrum fæti rölti góða stund um bryggjuna og virtist
nokkuð áhugasöm um það sem fyrir augu bar. En síðan stökk hún fyrir
hafnarkantinn og stefndi til hafs og virtist frelsinu feginn.
Morgunblaðið/Andrés Skúlason
Súludans á bryggjunni Spræk eftir að hafa verið veidd á línu.
Fékk súlu á línuna
ODDUR Helgi Halldórsson, bæjar-
fulltrúi og efsti maður á lista fólksins,
segir L-listann láta skynsemina ráða
þegar kemur að málefnum Akureyr-
ar, ekki það hvort ákvarðanir séu
þóknanlegar stjórnmálaöflum annars
staðar á landinu, flokksforystu eða
ríkisstjórn. L-listinn kynnti í gær
helstu atriði úr stefnuskránni fyrir
bæjarstjórnarkosningarnar í vor.
„Við leggjum áherslu á að L-listinn
er grasrótarhreyfing. Það er ekki
flokksskírteini sem dregur okkur
saman, eingöngu áhugi á bæjarmál-
unum og það að gera góðan bæ betri.“
Oddur sagði núverandi meirihluta
Sjálfstæðisflokks og Framsóknar-
flokks ekki hafa staðið sig nægilega
vel. „Þegar velferðarhraðlestin ekur
framhjá á 100 kílómetra hraða þýðir
ekkert fyrir okkur að auka hraðann
úr 50 í 80 kílómetra hraða.“
Hann vill að ráðinn verði faglegur
bæjarstjóri eftir kosningar, ekki póli-
tískur. „Við teljum að það, að vera
blikksmiður í 20–30 ár, eða kenna
leikfimi í 20 ár eða fara í Stýrimanna-
skólann, sé ekki endilega sú starfs-
reynsla sem er heppileg til þess að
verða bæjarstjóri; framkvæmdastjóri
þess stórfyrirtækis sem Akureyri
er.“ Oddur er sjálfur blikksmíða-
meistari.
Meirihlutaflokkarnir hafa gagn-
rýnt L-listann fyrir að koma ekki með
tillögur í bæjarstjórn og vera á móti
flestu, en Oddur vísar því á bug: „Við
lærðum það sem börn að þeir sem í
glerhúsi búa skuli ekki kasta grjóti.
Þeir tala um að ég hafi ekki lagt neitt
fram, og þess vegna er skemmtilegt
að lesa stefnuskrárnar þeirra því þar
eru ýmsir punktar frá mér komnir.
Ég minni sérstaklega á að ég lagði
fram við fjárhagsáætlun 2004 að við
hefðum frítt í strætó. Ekki var við það
komandi, en nú eru báðir meirihluta-
flokkarnir komnir með það í stefnu-
skrána.“
L-listinn vill m.a. leggja áherslu á
eftirtalin atriði:
 Bætt skipulag innanbæjarsam-
gangna. Löngu tímabært að leggja
Miðhúsabraut og Dalsbraut verði
grafin í stokk að hluta.
 Ávallt nægar byggingarlóðir jafnt
fyrir íbúðir sem atvinnustarfsemi.
Ný byggð skipulögð í landi Ytra
Krossaness og Þórsness, út að Brá-
völlum.
 Ljúka skipulagi háskólasvæðis.
 Akureyri sé fjölskylduvænn bær.
 Tryggt aðgengi að daggæslu, skól-
um, heilsugæslu og allri þjónustu.
 Frítt í strætó!
 Allar barnafjölskyldur eigi kost á
leikskólaplássi – án skólagjalda.
 Skólar verði ekki einkavæddir.
 Leik- og grunnskólar: Heitur mat-
ur í hádeginu, eldaður á Akureyri!
 Háskólinn á Akureyri njóti öflugs
stuðnings.
 Orkuháskólinn er boðinn velkom-
inn!
 Sorpmálin eru bæjarskömm, þeim
verður komið í það horf að sómi
verði að.
 Glerárgil og strandlengjan með-
fram bænum verða gerð að hreinu
og vistvænu útivistarsvæði.
 Markvisst verði unnið að stuðningi
við atvinnulíf, bærinn verði fýsileg-
ur kostur fyrir ný fyrirtæki. At-
vinnuleysi verði útrýmt.
 Markvisst verði unnið að markaðs-
setningu Akureyrar.
 Þyrlubjörgunarsveit verði staðsett
á Akureyrarflugvelli.
 Glæsileg íþróttaaðstaða byggð á fé-
lagssvæðum KA og Þórs í samráði
við félögin.
 Akstursíþróttaaðstaða byggð við
Glerá.
 Fimleikafólki verði tryggð aðstaða
sem jafnast á við það besta sem
gerist.
 Reiðhöll verði reist á hesthúsa-
svæðinu við Hlíðarholt.
 Listahátíð unga fólksins verði ár-
legur viðburður.
 Fjármagn til vímuvarna og for-
varna verði stóraukið.
 Markvisst verði unnið áfram að
uppbyggingu hjúkrunarheimila
fyrir þá sem þess þurfa og búum
þeim heimilislegt umhverfi og að-
stöðu til að taka á móti fjölskyldum
sínum með reisn.
 Málefnum fatlaðra er betur borgið
hjá sveitarfélaginu en ríki.
 Algjört jafnrétti kynjanna á að vera
ófrávíkjanleg regla í allri stjórn-
sýslu Akureyrarbæjar.
 Áfram verði unnið að verkefninu
„sjálfbært samfélag í Hrísey“.
 Heilsugæsla Hríseyinga verði færð
undir Heilsugæslustöðina á Akur-
eyri.
 Starfsemi Fjórðungssjúkrahússins
sem hátæknisjúkrahús á lands-
byggðinni verði stórefld; hluti
„Símapeninganna“ fari í verkefnið.
Listi fólksins er grasrótarhreyfing sem vill gera góðan bæ betri, segir oddvitinn
Atvinnuleysinu verði útrýmt
Morgunblaðið/Skapti Hallgrímsson
Nokkrir frambjóðenda L-listans sem kynntu stefnuskrána Frá vinstri: Oddur Helgi Halldórsson, Víðir Benedikts-
son, Anna Halla Emilsdóttir, Þóroddur Hjaltalín, Ragnar Snær Njálsson, Nói Björnsson og Tryggvi Gunnarsson.
Þorvaldur | Sýningunni Íslands-
myndir lýkur á Café Karólínu á
morgun, föstudag. Íslandsmyndir
er ljósmyndaröð Þorvaldar Þor-
steinssonar þar sem birt er sýn-
ishorn af því Íslandi sem heiminum
stendur til boða utan hefðbund-
innar markaðssetningar og land-
kynningar.
  
Soffía | Sýningu Soffíu Sæmunds-
dóttur á nýjum verkum í efri sal og á
svölum í Ket-
ilhúsinu lýkur á
sunnudaginn, 7.
apríl. Þetta er
fyrsta sýning
Soffíu norðan
heiða og sýnir
hún olíumálverk
á tré, striga og
pappír unnin á
undanförnum
þremur árum. Sýninguna nefnir hún
Einskonar landslag og kveður þar
við nokkuð annan tón í málverkum
hennar.
  
Tónleikar | Hljómsveitin Hvann-
dalsbræður heldur tónleika í kvöld á
Græna hattinum í tilefni nýs disks
sem sveitin var að gefa út. Sá heitir
Hvanndalsbræður ríða feitum hesti.
Tónleikarnir hefjast kl. 22.
Karel efstur | Karel Rafnsson
verslunarstjóri verður í efsta sæti
F-listans í Eyjafjarðarsveit í kom-
andi sveitarstjórnarkosningum. Að
F-listanum stendur hópur ein-
staklinga sem hefur að sameig-
inlegu markmiði að vinna að efl-
ingu sveitarfélagsins og
framfaramálum, óháð flokkum.
F-listinn hefur verið með meiri-
hluta í sveitarstjórn Eyjafjarð-
arsveitar frá stofnun hans fyrir
átta árum, og á fjóra fulltrúa af sjö
í sitjandi sveitarstjórn.