Morgunblaðið - 03.08.2006, Blaðsíða 22



 

  

 





















 










 
 
!






 "


  ! #$"%
"# 
&  $

% % ' 

 '(&)
  % %$'   &%*
Daglegtlíf
ágúst
T
öluvert er um skipulagða dagskrá um verslunarmannahelgina. Að minnsta kosti 14
skipulagðar há tíðir hafa verið auglýstar ásamt fjölda annarra smærri hátíða og sam-
koma víða um land. Sem fyrr eru það Vestmannaeyjar, Akureyri og Neskaupstaður
sem eru með stærstu hátíðirnar og hafa þær tvær síðustu fest sig í sessi undanfarin
ár á meðan Þjóðhátíð í Eyjum hefur verið áfangastaður tugþúsunda Íslendinga í yfir
hundrað ár.
Athygli vekur að í ár, sem og nokkur fyrri ár, er það fjölskyldan sem er í fyrirrúmi hjá móts-
höldurum og er lítið gert út á útihátíðir þar sem skemmtun ungs fólks er í fyrirrúmi, fyrir utan
tónleika Sigur Rósar í Ásbyrgi á föstudagskvöld.
Búist við vætu víðast hvar
Útlit er fyrir að veðrið verði með skásta móti á Norðausturlandi að sögn Hrafns Guðmunds-
sonar, veðurfræðings hjá Veðurstofu Íslands, en búist er við lægðagangi og rigningu yfir öllu
landinu. Hrafn sagði að lægðin myndi koma yfir landið í hádeginu í dag og myndi byrja að rigna á
vestur- og suðvesturhorni landsins. Víðast hvar verður úrkoma á landinu en skásta veðriðverður
á Norðausturlandi. Hrafn sagði einnig að þegar skil fara yfir um helgina gæti hvesst duglega og
benti hann fólki á að festa tjöld sín vel, sérstaklega í Vestmannaeyjum.
Um hitastig sagði Hrafn hitann munu ná um 20 stigum þar sem veðrið yrði best, á Norðaust-
urlandi.
Einnig er hægt að fylgjast með veðrinu á mbl.is.
Aukin umferðargæsla
Jón Bjartmarz, yfirlögregluþjónn hjá Ríkislögreglustjóra, sagði í samtali við Morgunblaðið að
hert umferðareftirlit yrði við þjóðvegi landsins um helgina. Skipulagt hefur verið eftirlit víða um
land þar sem bætast við tíu lögreglubílar. Jón sagði að hið aukna eftirlit myndi birtast í mörgum
formum: „Það verður hraðaeftirlit og sérstakt eftirlit verður með ölvunarakstri. Í þeim tilvikum
verður fjöldi manns stöðvaður til að kanna ástand og verður það viðbót frá því í fyrra,“ og má bú-
ast við miklu og góðu eftirliti um landið.
Jón sagði að umferðin gæti orðið mjög þung á föstudag og mánudag og taldi að best væri að
fara af stað utan þessa tíma til að létta á umferðinni og vildi hann beina því til ökumanna að halda
jöfnum hraða innan löglegra marka og benti hann á að það skilaði mestum afköstum og umferðin
gengi betur fyrir sig og öruggar, en mikill hraðakstur og framúrakstur tefur og hindrar eðlilega
umferð og stóreykur slysahættu.
Fjölskyldan
í fyrirrúmi
Morgunblaðið/Eggert
Stuðmenn ásamt
Birgittu Haukdal
koma fram á
nokkrum stöðum
um helgina.

VERSLUNARMANNAHELGIN | Mikið úrval útihátíða
Eftir Sigurð Pálma Sigurbjörnsson | siggip@mbl.is
ÞAÐ verður Neistaflug yfir Neskaupstað um
verslunarmannahelgina, enda verður mikið
um dýrðir í Norðfirði þegar Neistaflugshátíðin
verður haldin í 14. skiptið.
Páll Óskar, Í svörtum fötum, Skítamórall,
Bjarni Tryggva ásamt BRJÁN, Out loud, Dich-
milch, Darkness grows, Ofvirkni, Dvergarnir
og Harmonikkufélag Norðfjarðar munu sjá
um að skemmta hátíðargestum á kvöldin auk
Queen sýningar en á daginn munu Gunni og
Felix, Bárður og Birta, Hans dans og Hilda,
Palla pera og Guffi banani, Benedikt búálfur,
Tóti tannálfur og Sölvar súri ásamt munu
skemmta yngri kynslóðinni yfir daginn.
Ásamt fjölmörgum skemmtiatriðum verður
keppt í Barðneshlaupi, dorgveiði, Neistaflugs-
golfmót verður haldið auk firmakeppni í fót-
bolta ásamt því að hjólreiðakeppnin Tour de
Norðfjörður verður haldin.
Leiktæki verða fyrir börnin og kajakleiga
fyrir börn á öllum aldri.
Enginn aðgangseyrir er inn á svæðið og er
frítt á tjaldsvæði.
Neistaflug í
Neskaupstað í 14. skipti
TENGLAR
...................................................................
www.neistaflug.is
FJÖLSKYLDUFJÖR verður á Úlfljótsvatni
þó að ekki verði um formlega hátíð að ræða.
Að venju verður Útilífsmiðstöð skáta opin al-
menningi um helgina og benda mótshaldarar
barnafjölskyldum sérstaklega á möguleikana
sem staðurinn býður upp á, en börnum leiðist
ekki á Úlfljótsvatni að sögn. Á svæðinu er
skemmtilegt vatnasafarí þar sem börnin
gösla í vatnaþrautabraut, bátaleiga með m.a.
hjólabátum, kanóum, árabátum og kajökum
er á svæðinu, klifurturninn verður reglulega
opinn, golf- og minigolf brautir verða opnar,
ýmsar þrautabrautir, aðstaða til boltaleikja,
hoppukastalar, kassabílar auk þess sem hægt
verður að renna fyrir fisk í vatninu.
Frá svæðinu eru skemmtilegar gönguleið-
ir, stórt útigrill er á öllum tjaldflötum og dög-
unum lýkur með varðeldi að hætti skáta.
Enginn aðgangseyrir er á svæðið en greiða
þarf fyrir aðgang að tjaldsvæðinu, 600 krón-
ur nóttin á mann, frítt fyrir 16 ára og yngri.
Tilboð verður á helgargistingu.
Fjölskyldufjör að hætti
skáta á Úlfljótsvatni
TENGLAR
...................................................................
www.ulfljotsvatn.is
EKKI eru allir tilbúnir að leggja land undir
fót og skrölta í bíl eða flugvél þvert yfir land-
ið og sofa í röku tjaldi bara til þess eins að
skemmta sér. Borgarbúum og nærsveit-
ungum verður óhætt að dvelja á höfuðborg-
arsvæðinu þar sem veitingastaðir verða opnir
að venju auk þess sem tónlistarhátíðin Inni-
púkinn verður haldin fimmta árið í röð. Há-
tíðin mun fara fram á Nasa og mun fjöldi inn-
lendra sem erlendra hljómsveita koma fram.
Þar ber hæst Television, Throwing Muses,
Mugison, Ampop, Jeff Who, Speaker Bite Me,
Solex, Jomi Massage, Jakobínarína, Mammút,
Ghostigital, Jan Mayen, Hermigervill, Eberg
ásamt fjölda annarra.
Hátíðin mun fara fram á Nasa eins og áður
segir og verður hægt að kaupa miða á öll
kvöldin fyrir 5.900 krónur en aðgangseyrir
fyrir stakt kvöld er 2.600.
Innipúkar í
höfuðborginni
TENGLAR
...................................................................
www.innipukinn.is
MÖGULEIKARNIR á því að komast á sjens í
Álfaborg um verslunarmannahelgina hljóta að
vera gríðarlegir ef marka má nafn hátíðarinnar
Álfaborgarsjens sem haldin verður á Borg-
arfirði eystra.
Vel hefur verið vandað við gerð dagskrár-
innar og mun fjöldi skemmtikrafta og tónlistar-
manna koma fram ásamt fjölbreyttum afþrey-
ingaratriðum.
Verður meðal annars keppt í Neshlaupi,
fiskisúpuhádegi verður haldið, keppt verður í
knattspyrnu á Hensonmótinu, Steinn Ármann
fer með börnin í ævintýraför, útimarkaður
verður á laugardeginum, hestaleiga verður fyr-
ir börnin, elstu menn minnast rommsumarsins
mikla þegar rommtunnurnar ráku.
Á meðal tónlistarmanna og hljómsveita munu
meðal annars Hundur í óskilum, Gunni Tryggva
og Herdís Ármannsdóttir, Danshljómsveit Frið-
jóns og KK koma fram um helgina.
Enginn aðgangseyrir er á hátíðina en greiða
þarf fyrir aðgang að tjaldstæði.
Álfaborgarsjens á
Borgarfirði eystra
FJÖLSKYLDUHÁTÍÐIN Ein með öllu verður
í sjötta skiptið á Akureyri í ár og að sögn há-
tíðarhaldara hefur hátíðin fest sig í sessi sem
langstærsta hátíðin um verslunarmannahelg-
ina. Dagskráin er mjög vegleg að þessu sinni.
Það eru Vinir Akureyrar sem standa fyrir há-
tíðinni, en það er áhugamannafélag um að efla
straum fólks til Akureyrar.
Á meðal skemmtikrafta sem koma munu
fram á hátíðinni eru Sálin hans Jóns míns,
Skímó, Greifarnir, Land & Synir, Eurobandið,
Helgi og hljóðfæraleikararnir, Sent, Ína Idol
og hljómsveit og Apollo.
Haldnir verða unglingadansleikir í KA
heimilinu þar sem Páll Óskar og Land & synir
munu koma fram auk þess sem vegleg dagskrá
verður fyrir börn. Þar munu meðal annars
koma fram Tóti tannálfur og Jósafat manna-
hrellir, Guffi banani og Palla pera og fleiri.
Auk skipulagðrar dagskrár verður hægt að
fara í Tívolí UK og Go Kart auk annarrar af-
þreyingar.
Enginn aðgangseyrir er á hátíðina eða fyrir
skipulagða dagskrá.
Ein með öllu
á Akureyri
TENGLAR
...................................................................
www.akureyri.is
ÞAÐ verður fjölskyldu-flugkoma á Múlakoti
um helgina en þetta er í 22. skiptið sem hátíð-
in er haldin og er það Félag íslenskra einka-
flugmanna sem hefur veg og vanda af hátíð-
inni.
Flugvöllurinn í Múlakoti er sunnan við
þjóðveginn í Fljótshlíð (F-261) og er hátíðin
ætluð flugmönnum, flugáhugamönnum í öll-
um tegundum flugs ásamt fjölskyldum
þeirra.
Engin sérstök dagskrá verður á hátíðinni
en ljóst er að fjöldi flugmanna og flugvéla
verður á svæðinu og má búast við því að ein-
hverjir flugmenn muni sýna listir sínar ef að-
stæður leyfa. Keppt verður í TM lend-
ingakeppninni á laugardaginn.
Flugmenn geta lent vélum sínum á flug-
vellinum og geymt þær á afgirtum stæðum á
vellinum. Veitingasala verður einnig á svæð-
inu þar sem hægt verður að kaupa ýmsar
léttar veitingar.
Flugmenn sem hyggjast fljúga á svæðið
eru hvattir til að kynna sér umferðarreglur á
Múlakoti en þær er að finna á vef Flugfrétta.
Flugmenn og
áhugamenn um
flug í Múlakoti
TENGLAR
...................................................................
www.flugfrettir.is
HARMONIKKUUNNENDUR hvaðanæva af
landinu munu safnast saman um helgina í Ár-
nesi í Skeiða- og Gnúpverjahreppi en það er
Harmonikkufélag Reykjavíkur sem stendur fyr-
ir mótinu og er þetta í fjórða skiptið sem hún er
haldin. Að sjálfsögðu verður harmonikkan í
öndvegi í Árnesi, með tilheyrandi söng og dansi.
Margir af bestu harmonikkuleikurum lands-
ins munu koma fram um helgina m.a. Bragi
Hlíðberg, Reynir Jónasson, Einar Guðmundsson
og hljómsveit félagsins. Laugardags- og sunnu-
dagskvöld munu dansleikir verða haldnir kl. 22
og munu hljómsveitir á vegum félagsins leika
fyrir dansi fram á nótt.
Í Árnesi er glæsileg aðstaða fyrir samkomur,
stórt samkomuhús, góð tjaldaðstaða, sundlaug
og verslun eru á svæðinu. Einnig verður mark-
aður og harmonikkusýning starfrækt um
helgina.
Nú er lag hjá harm-
onikkuunnendum