Morgunblaðið - 23.10.2006, Blaðsíða 6
6 MÁNUDAGUR 23. OKTÓBER 2006 MORGUNBLAÐIÐ
FRÉTTIR
Gar›atorgi - Grindavík - Keflavík - Kringlunni - Lágmúla - Laugavegi - Setbergi - Smáralind - Smáratorgi - Spönginni
Egilsstö›um - Höfn - Fáskrú›sfir›i - Sey›isfir›i - Neskaupsta› - Eskifir›i - Rey›arfir›i - Ísafir›i - Bolungarvík
Patreksfir›i - Borgarnesi - Grundarfir›i - Stykkishólmi - Bú›ardal - Húsavík - Kópaskeri - Raufarhöfn
K
R
A
FT
A
V
ER
K
MULTÍ VÍT inniheldur 22 valin bætiefni,
12 vítamín og 10 steinefni. Dagleg neysla byggir upp
og stuðlar að hreysti og góðri heilsu.
HELLISHEIÐARVIRKJUN var
formlega gangsett á laugardaginn
að viðstöddu fjölmenni. Virkjunin
framleiðir nú 90 megavött af raf-
magni en stefnt er að því að upp úr
árinu 2010 framleiði virkjunin rúm-
lega 300 megavött. Til samanburðar
nota Reykvíkingar um 200 mega-
vött nú. Einnig er stefnt að því að
virkjunin anni eftirspurn höf-
uðborgarsvæðisins eftir heitu vatni
fram á þriðja áratug aldarinnar.
Geir H. Haarde forsætisráðherra,
Guðlaugur Þór Þórðarson, stjórn-
arformaður Orkuveitu Reykjavíkur,
og Guðmundur Þóroddsson, for-
stjóri Orkuveitu Reykjavíkur, gang-
settu virkjunina í sameiningu en
forsætisráðherra sagði í ávarpi sínu
að virkjunin væri góður vitn-
isburður um umhverfisvæna nýt-
ingu auðlinda. Guðlaugur Þór Þórð-
arson sagði að mikilvægt væri að
tekist hefði að samtvinna aðalmark-
mið virkjunarinnar, að útvega borg-
arbúum ódýra orku sem einnig væri
vistvæn. Þetta endurspeglaðist í
þeirri staðreynd að allir stjórn-
málaflokkar hefðu verið sammála
um gerð virkjunarinnar, nokkuð
sem væri sjaldgæft þegar um orku-
öflun væri rætt.
Guðlaugur benti einnig á að Ís-
lendingar væru í forystu í heim-
inum þegar kæmi að nýtingu jarð-
varma. Mikilvægt væri að viðhalda
þeirri stöðu og aukin áhersla á
rannsóknir og þróun væri lyk-
ilatriðið í því sambandi. Nefndi
hann að þróun auðlindanýtingar á
Hellisheiði hefði skapað vettvang til
merkrar tilraunar í umhverf-
ismálum en vísindafólk Orkuveit-
unnar hefur í samstarfi við erlenda
vísindamenn reynt að þróa tækni til
að vinna koltvíoxíð úr andrúmsloft-
inu og dæla því niður í jörðina þar
sem það steingerist og veldur ekki
gróðurhúsaáhrifum.
Stefnt að því að virkjunin
framleiði 300 megavött
Framkvæmdir við Hellisheið-
arvirkjun hafa gengið vel en þær
hófust í mars á síðasta ári. Á laug-
ardaginn voru tvær 45 megavatta
aflvélar gangsettar en þær hafa
verið keyrðar í tilraunaskyni und-
anfarnar vikur. Þrátt fyrir að hér
sé einungis um fyrsta áfanga virkj-
unarinnar að ræða er fram-
kvæmdum lokið við það sem kalla
má kjarna hennar, þ.e. miðbygg-
ingu, stjórnbyggingu, þjón-
ustubyggingar, skiljustöðvar, meg-
inveituæðar, vegakerfi og önnur
helstu mannvirki. Stefnt er að því
að heildar raforkuvinnslugeta
Hellisheiðarvirkjunar verði um 303
megavött og er gert ráð fyrir að
þeirri framleiðslugetu verði náð á
tímabilinu 2010 til 12. Vinnslugetan
verður þá sambærileg Búrfells-
virkjun en einnig má nefna að
Kárahnjúkavirkjun mun framleiða
690 megavött þegar hún kemst í
gagnið. Raforkunotkun Reykvík-
inga allra er hins vegar um 200
megavött. Orkuveita Reykjavíkur
reisir og rekur Hellisheiðarvirkjun
og segir Guðmundur Þóroddsson,
forstjóri Orkuveitunnar, að til að
byrja með muni öll framleiðsla
virkjunarinnar fara til nýstækkaðs
álvers Norðuráls á Grundartanga.
Á næsta ári er gert ráð fyrir að lág-
þrýstivél verði gangsett við virkj-
unina sem mun afla 33 megavatta
af rafmagni sem Guðmundur segir
að muni fara á almennan raf-
orkumarkað í Reykjavík.
Guðmundur segir að árið 2008
verði tvær nýjar aflvélar, sambæri-
legar þeim sem verið var að gang-
setja um helgina, settar í gang og
loks muni tvær til viðbótar verða
teknar í gagnið á árabilinu 2010 til
2012. Stóriðja mun notast við meiri-
hluta framleiðslu Hellisheiðarvirkj-
unar árið 2008 eða um 130 mega-
vött en hinn almenni
raforkumarkaður mun nota á milli
70 til 80 megavött.
Auk raforku mun Hellisheið-
arvirkjun í framtíðinni framleiða
heitt vatn fyrir höfuðborgarsvæðið
en Guðmundur segir að þær áætl-
anir muni að einhverju leyti haldast
í hendur við stækkun þess og eft-
irspurn borgarbúa eftir heitu vatni.
Orka þess hitaveituvatns sem
Reykvíkingar nota nú er um 900
megavött en áætlanir Orkuveitu
Reykjavíkur gera ráð fyrir að
Hellisheiðarvirkjun muni fullkláruð
framleiða um 400 megavött af
varmamorku. Stefnt er að því að ár-
ið 2009 muni virkjunin skila 133
megavöttum af varmaorku og 400
megavöttum um árið 2018 og anni
eftirspurn eftir heitu vatni á höf-
uðborgarsvæðinu til 2025. Sá áfangi
að um helgina var sett í gang 90
megavatta raforkuframleiðsla er því
einungis einn af mörgum við gerð
virkjunarinnar en hún mun full-
kláruð skila um 300 megavöttum af
rafmagni og 400 megavöttum af
varmaorku. Í ljósi þess hversu
framkvæmdirnar vegna grunn-
aðstöðunnar eru umfangsmiklar er
þó um nokkurn áfanga að ræða.
Orkan gjörnýtt
Virkjunin er svipuð og Nesja-
vallavirkjun í tæknilegri uppbygg-
ingu en er þó tæknilega fullkomnari
og ný gerð aflvéla er notuð sem
tekur minna rými en áður hefur
þekkst hér á landi. Lágþrýstings-
vélin sem tekin verður í notkun á
næsta ári er einnig nokkur tækni-
nýjung en með henni má nýta betur
orkuna sem eftir er þegar gufan
sem notuð er til að knýja hinar
hefðbundnu aflvélar hefur verið
skilin frá. „Við munum nýta bor-
holuvökvann sem eftir er þegar bú-
ið er að skilja gufuna frá og nota
hann síðan aftur í lágþrýstingsvél-
inni og að lokum til að framleiða
heitt vatn. Þannig nýtum við betur
það sem borað hefur verið eftir,“
segir Guðmundur. Hann bendir
einnig á að bortæknin sem notuð
var við gerð virkjunarinnar sé um
margt sérstök. Í stað þess að bora
lóðrétt niður á mörgum stöðum á
Hellisheiðinni hafi verið stefnubor-
að út frá svæðum sem áður hafi
verið raskað af mannavöldum. Al-
gengt er á Íslandi að bora á ská
niður í jörðina en Guðmundur segir
að þetta sé í fyrsta skipti sem það
sé gert með svo markvissum hætti
og jafn oft frá sömu borsvæðunum.
Með þessum hætti hafi mátt lág-
marka jarðrask. Þá er jarðhitavatn-
inu öllu skilað aftur niður í jarð-
hitasvæðið með niðurdælingu á
vökvanum en ekki leitt í lón.
Kostnaður vegna Hellisheið-
arvirkjunar til þessa, þ.e.a.s. fyrsta
áfanga virkjunarinnar, er í kringum
15 milljarðar króna. Að sögn Guð-
mundar gera áætlanir Orkuveitu
Reykjavíkur ráð fyrir að til og með
2009 muni fjárfesting vegna fram-
kvæmdarinnar nema tæplega 50
milljörðum króna.
Morgunblaðið/Ómar
Varmaafl Gestum gafst tækifæri til að virða fyrir sér tækjabúnað virkjunarinnar. Tvær aflvélar voru gangsettar á
laugardaginn. Hvor um sig afkastar 45 megavöttum en rafmagnið fer allt til nýstækkaðs álvers á Grundartanga.
Mun stækka
mjög á
næstu árum
Við gangsetningu Hellisheiðarvirkjunar sagði Geir H.
Haarde forsætisráðherra að virkjunin væri góður
vitnisburður um umhverfisvæna nýtingu auðlinda.
Gunnar Páll Baldvinsson kynnti sér virkjunina, gerð
hennar og umfang og varð margs vísari um framtíð-
aráform Orkuveitu Reykjavíkur á Hellisheiði.
Gangsetning Guðmundur Þóroddsson, Geir H. Haarde og Guðlaugur Þór
Þórðarson gangsettu virkjunina í sameiningu.
Sýnilegt Tekin var ákvörðun um að stöðvarhúsið yrði áberandi en því er ætlað að verða miðstöð fyrir ferðamenn
sem vilja fræðast um jarðvarma. Gert er ráð fyrir 200 til 300 þúsund gestum á ári.
Í HNOTSKURN
»2005: Fyrsta skóflu-stungan tekin.
» 2006: Tvær 45 megavattaaflvélar gangsettar.
» 2007: Lágþrýstiaflvél semendurnýtir borholuvökv-
ann tekin í gagnið. Fram-
leiðslugeta 33 megavött.
» 2008: Stefnt að því aðtvær 45 megavatta afl-
vélar verði gangsettar.
» 2010–2012: Lokaáfangiraforkuframleiðsluhluta
virkjunarinnar lokið.
» 2009: Varmastöð gangsettvið Hellisheiðarvirkjun –
afkastar 133 megavöttum.
» 2025: Stefnt að því aðvirkjunin nái að anna eft-
irspurn höfuðborgarsvæðisins
eftir heitu vatni til ársins 2025
og muni þá afkasta 400 mega-
vöttum af varmaorku.