Morgunblaðið - 07.12.2006, Blaðsíða 6
6 FIMMTUDAGUR 7. DESEMBER 2006 MORGUNBLAÐIÐ
FRÉTTIR
Opið virka daga frá kl. 10-18,
lau. frá kl. 10-16 og sun. frá kl. 13-17
• Pelskápur
• Rúskinnskápur
• Ullarkápur
• Leðurkápur
• Úlpur
• Ullarsjöl
• Hanskar og húfur
Mörkinni 6, sími 588 5518.
Í jólapakkann fyrir ungu stúlkuna,
mömmuna, ömmuna og langömmuna
EMBÆTTISMAÐUR í japanska
sjávarútvegsráðuneytinu segir eng-
ar lagalegar hindranir í sambandi við
það að selja hvalkjöt frá Íslandi til
Japans. Hins vegar myndu Japanir
þurfa að gera ýmsar ráðstafanir
vegna slíks innflutnings, meðal ann-
ars að koma upp genabanka til að
koma í veg fyrir smygl. Valgerður
Sverrisdóttir utanríkisráðherra seg-
ir að það séu ekki stjórnvöld sem
stundi hvalveiðarnar, þau gefi út
leyfi til veiðanna til einkaaðila og það
sé mál hvalveiðimanna hvort og
hvert þeir selji afurðir sínar.
„Ekkert formlegt erindi um inn-
flutning hefur borizt,“ segir japanski
embættismaðurinn í viðtali við
fréttastofu Reuters í gær. Samtalinu
við embættismanninn er skotið inn í
viðtal við Valgerði sem er í opinberri
heimsókn í Japan. Í viðtalinu leggur
ráðherrann áherzlu á að það séu ekki
stjórnvöld sem stundi hvalveiðarnar.
Þau gefi aðeins út leyfi til veiðanna
til einkaaðila. Það sé því mál hval-
veiðimanna hvort og hvert þeir selji
kjötið. Valgerður segir að hvalveið-
arnar séu byggðar á vísindalegum
grunni og séu hluti af stefnu stjórn-
valda um sjálfbæra nýtingu hafanna.
„Íslendingar eru fiskveiðiþjóð og
hvalastofnarnir sem við erum að
nýta eru ekki í neinni hættu. Við tök-
um 0,0% af langreyðarstofninum og
0,2% af hrefnustofninum,“ segir Val-
gerður m.a. við Reuters.
Spurð um alþjóðleg mótmæli gegn
veiðunum, segir Valgerður að mót-
mælendur þurfi meiri upplýsingar.
Málið sé á alltof tilfinningalegum
nótum. Þá segir hún að Alþjóðahval-
veiðiráðið hafi framtíðarhlutverki að
gegna en verði að einskorða sig við
vísindi í stað tilfinninga.
Opinber heimsókn Valgerðar
Sverrisdóttur utanríkisráðherra til
Japans hófst í gær en tilefni hennar
er 50 ára afmæli stjórnmálasam-
bands ríkjanna. Átti utanríkisráð-
herra meðal annars hádegisverðar-
fund með utanríkisráðherra Japans,
Taro Aso, þar sem rædd voru tví-
hliða samskipti ríkjanna og mögu-
leikar á gerð tvíhliða viðskiptasamn-
inga, s.s. fríverslunar-, tvísköttunar-
og loftferðasamninga. Fram kemur í
fréttatilkynningu frá utanríkisráðu-
neytinu að einnig hafi verið ræddir
sameiginlegir hagsmunir ríkjanna á
sviðum alþjóðamála, umhverfismála
og hvalveiða. Þá fóru ráðherrarnir
yfir sameiginlegar áherslur ríkjanna
varðandi endurbætur á stjórnkerfi
Sameinuðu þjóðanna og framboð Ís-
lands til setu í öryggisráði SÞ. Enn-
fremur ræddu ráðherrarnir mögu-
leika á auknu samstarfi Japans og
Atlantshafsbandalagsins (NATO).
Þá átti utanríkisráðherra í gær-
morgun fund með Yoshio Mochizuki,
aðstoðarsamgönguráðherra Japans,
þar sem m.a. var rætt hvernig fjölga
mætti japönskum ferðamönnum sem
koma til Íslands og gerð tvíhliða loft-
ferðasamnings milli ríkjanna.
Engar lagalegar hindranir vegna
innflutnings hvalkjöts til Japan
Valgerður Sverrisdóttir ræðir við ráðherra utanríkismála og samgöngumála í Japan
Í HNOTSKURN
» Valgerður Sverrisdóttirutanríkisráðherra er stödd
í Japan í opinberri heimsókn í
tilefni af 50 ára afmæli stjórn-
málasambands ríkjanna.
» Í gær fundaði hún með utanríkisráðherra Japans
um tvíhliða samskipti og
sameiginlega hagsmuni
ríkjanna.
» Meðal þess sem var til um-ræðu voru hvalveiðimál.Ráðherrar Valgerður Sverrisdóttir fundaði með japönskum ráðherrum ígær, þar á meðal Yoshio Mochizuki aðstoðarsamgönguráðherra.
LÖGREGLAN í Keflavík hefur
sleppt úr haldi tveim mönnum sem
grunaðir eru um alvarlega líkams-
árás á mánudagskvöld með því að
hafa ráðist inn á mann í íbúð hans
við Kirkjuveg og misþyrmt honum.
Maðurinn var einsamall í íbúðinni
þegar ráðist var inn og árásar-
menn úðuðu á hann táragasi og
veittu honum skurðáverka á lík-
ama. Honum var komið undir
læknishendur á slysadeild en
meintir árásarmenn voru hand-
teknir í Reykjavík skömmu fyrir
miðnætti á mánudagskvöld. Við yf-
irheyrslur lögreglu hafa þeir neit-
að allri aðild að málinu en hafa
réttarstöðu sakborninga við rann-
sókn málsins. Ekki var talin
ástæða til að krefjast gæsluvarð-
halds yfir þeim en rannsókn heldur
áfram. Hinir grunuðu hafa komið
við sögu lögreglunnar áður vegna
ýmissa mála. Ekki er ljóst hver til-
gangur árásarinnar var. Fleiri
hafa ekki verið handteknir.
Grunaðir í
árásarmáli
en neita sök
HÉRAÐSDÓMUR Reykjavíkur hef-
ur viðurkennt bótaskyldu Landspít-
ala – háskólasjúkrahús vegna líkams-
tjóns sem sjúkraliði varð fyrir er
hann var að færa sjúkling úr hjólastól
yfir í venjulegan stól í endurhæfing-
arstöð spítalans í Kópavogi árið 1998.
Á deildinni voru 12 lamaðir og ósjálf-
bjarga sjúklingar og var sjúkraliðinn
ásamt starfsfélaga sínum að færa
sjúklinginn sem var spastískur og sló
til sjúkraliðans. Tókst honum ekki að
setja sjúklinginn í stólinn en þess í
stað rann sjúklingurinn úr höndum
sjúkraliðans sem fékk slink á bakið
við að reyna að forða honum frá því
að detta á gólfið.
Í dómi segir að enda þótt mikil
áhersla sé lögð á það af hálfu stjórn-
enda að starfsfólk noti hjálpartæki
við umönnum sjúklinga þyki dómi að
það hafi samt sem áður verið liðið og
látið óátalið að starfsfólk beitti eigin
líkamskröftum við að lyfta sjúkling-
um.
Ekki raunhæft að sækja
hjálpartæki á aðrar deildir
Fram kom við réttarhöldin að nýt-
ing hjálpartækja væri háð skipulagn-
ingu vinnu á sjúkradeildum. Ekki
þótti dóminum sýnt fram á að það af
hálfu spítalans að vinna á deildinni
hefði verið skipulögð með þeim hætti
að við umönnun sjúklinganna hefði í
öllum tilvikum verið unnt að nota
hjálpartæki.
Ekki lá heldur fyrir að sjúkraliðinn
hefði haft með skipulagningu vinnu á
deildinni að gera. Þá var heldur ekki
sýnt fram á að það hefði verið raun-
hæfur kostur að sækja hjálpartæki á
aðrar deildir enda mætti gera ráð
fyrir að slík tæki hefðu verið í fullri
notkun þar.
Ákvæðum reglna frá 1994 sem
gilda á vinnustöðum sem lög frá 1980
um aðbúnað, hollustuhætti og öryggi
á vinnustöðum var að mati dómsins
ekki fullnægt af hálfu spítalans og
mátti því rekja slysið til þess að skort
hefði viðeigandi hjálpartæki. Taldist
Landspítalinn því bera skaðabóta-
ábyrgð. Einungis var þó deilt um
bótaskyldu.
Málið dæmdi Kristjana Jónsdóttir
héraðsdómari. Steingrímur Þor-
móðsson hrl. flutti málið fyrir sjúkra-
liðann og Sigurður Gísli Gíslason hdl.
fyrir stefnda.
Landspítalinn bóta-
skyldur vegna slyss
Sjúkraliði fékk slink á bakið við umönnunarstörf sín
NÝR styrktarsjóður, Þórsteins-
sjóður, var stofnaður við Háskóla
Íslands í gær. Sjóðurinn er stofn-
aður af Blindravinafélagi Íslands
og er stofnfé hans 30 milljónir
króna, sem Kristín Ingólfsdóttir,
rektor HÍ, tók við. Tilkoma sjóðsins
breytir stórkostlega möguleikum
blindra og sjónskertra til þess að
helga sig háskólanámi en í dag eru
sjö blindir og sjónskertir nemendur
sem njóta úrræða við Háskóla Ís-
lands, að því er segir í tilkynningu.
Þórsteinssjóður er til minningar
um Þórstein Bjarnason, stofnanda
Blindravinafélags Íslands, sem var
fyrsti vísir að félagi til hjálpar fötl-
uðum á Íslandi. Auk þess að styrkja
blinda og sjónskerta til náms er
sjóðnum ætlað að efla rannsóknir á
öllum fræðasviðum sem aukið geta
þekkingu á blindu og skertri sýn
og afleiðingum hennar, og ýta
þannig undir tækifæri blindra og
sjónskertra til að auðga og efla líf
sitt.
Þórsteinn, sem fæddur var 1900,
helgaði líf sitt blindum og sjón-
skertum á Íslandi á 20. öld án þess
að taka nokkru sinni laun fyrir.
Bætir möguleika blindra nemenda
Morgunblaðið/Ásdís
Undirritun Elín Pálsdóttir, stjórnarmaður í Blindravinafélaginu, Helga Eysteinsdóttir, formaður félagsins, og
Kristín Ingólfsdóttir, rektor Háskóla Íslands, undirrituðu samninginn um stofnun styrktarsjóðsins í gær.