Morgunblaðið - 07.12.2006, Blaðsíða 26

|fimmtudagur|7. 12. 2006| mbl.is
daglegtlíf
Rakaskemmdir eru önnur al-
gengasta bilanaorsökin í far-
símum og því skal halda síman-
um fjarri öllum raka. » 29
neytendur
Kjötvörur og margs konar sæt-
indi eru áberandi í helg-
artilboðum verslana í jólamán-
uðinum. » 28
helgartilboðin
Ferðaþráin er sterk hjá Hjördísi
Guðmundsdóttur sem gefur lít-
ið fyrir íslenska lífsgæðakapp-
hlaupið. » 29
ferðalög
Það eru ófáar kökur bakaðar
fyrir jólin og þó gömlu, góðu
formin dugi vel þá njóta sílikon-
form vaxandi vinsælda. » 28
bakstur
Nýtt heilsu- og lífsstílshótel
verður opnað á Klaustri um
áramótin. Þar verður í boði
slökun og fræðsla. » 31
gisting
Eftir Kristínu Heiðu Kristinsdóttur
khk@mbl.is
Við erum ekki að predika neina pólitíkmeð þessu spili og tökum þetta ekk-ert of hátíðlega. Okkur langar bara
til að fólk taki sér smápásu frá tölvuleikjum
og sjónvarpsglápi og eigi skemmtilega stund
saman yfir spili. En auðvitað er það af hinu
góða ef spilið vekur fólk til umhugsunar um
framtíðartækifæri þjóðarinnar,“ segir Árni
Stefánsson, höfundur Draumaeyjunnar, sem
er nýtt fjölskylduspil með undirtitilinn
sjálfshjálparspil handa spenntri þjóð. Árni
er viðskiptafræðingur en samdi ljóð og smá-
sögur á menntaskólaárunum og segir það
hafa verið skapandi vinnu að búa spilið til.
„Ég spila mikið við eldri son minn og fyrir
tveimur árum kom upp hugmynd hjá fjöl-
skyldunni um að það væri gaman að búa til
spil. Og þegar gamall skólafélagi minn,
Andri Snær Magnason, gaf út bókina
Draumalandið, þá datt okkur í hug að búa
til spil með tengingu inn á bókina. Andri
hefur verið á hliðarlínunni með okkur í
hönnun spilsins, prófað og komið með góðar
tillögur. Svo vel vildi til að frændi minn, Jón
Páll Halldórsson, yfirhönnuður hjá Latabæ,
var einmitt á þessum tíma í fæðingarorlofi,
og hann tók því að sér að teikna spilið.“
Spilið gengur út á að byggja upp land-
svæði og þátttakendur velja að vera frum-
kvöðlar, stjórnmálamenn, umhverfissinnar,
útgerðarmenn, bændur eða auðjöfrar. Hægt
er að byggja upp stóriðju, þekkingariðnað,
ferðaiðnað, sjávarútveg, landbúnað eða sitt
lítið af hverju. „Til að byggja sér mannvirki
í þessu spili þarf maður að hafa hugvit,
mannauð, fjármagn, orku og hráefni. Til
dæmis dugar ekki það eitt að eiga peninga.
Fréttir, atburðir, mótherjar og náttúruöflin
hafa líka áhrif á framvinduna. Þeir sem ná
því að byggja fjögur mannvirki geta reist
undur og stórvirki og þar á meðal eru ís-
lenska geimferðaáætlunin, segulhraðlest og
sauðfjársetur. Sá vinnur sem setur mest
mark sitt á framtíð landsins. Til gamans má
geta þess að Reynir Harðarson, sem er í
stjórn Framtíðarlandsins, rak harða virkj-
anastefnu í spilinu þegar hann prófaði að
spila með okkur og fyrir vikið var mikið fjör
í þeirri spilamennsku.
Við hönnuðum þetta spil með það í huga
að hafa það ekki of flókið og fólk þarf ekki
að hafa neina sérþekkingu til að geta spilað.
Þetta er fyrst og fremst skemmtilegt fjöl-
skylduspil og til marks um það þá hefur ell-
efu ára sonur minn unnið mig síðustu tvö
skipti sem við spiluðum Draumaeyjuna.“
Morgunblaðið/ÞÖK
Feðgar spila Árni og sonur hans Stefán Ingi láta reyna á hugvit, útsjónarsemi og heppni.
Spil fyrir spennta þjóð
www.leikmenn.net
Eftir Jóhönnu Ingvarsdóttur
join@mbl.is
V
iðbrögðin hafa aldeilis
verið stórkostleg og
hingað eru skór í tuga-
tali farnir að streyma
inn auk íþróttafatn-
aðar sem farið er að deila út meðal
þeirra sem nenna að koma til að
hreyfa sig,“ segir Martha Ernsts-
dóttir, sjúkraþjálfari og hlaupa-
kona til margra ára, en hún var
ráðin í 30% starf á Kleppsspítala
fyrir þremur mánuðum til að byggja
upp þjálfun fyrir þá sem eru að glíma
við geðheilsu sína.
Fljótlega varð henni ljóst að skó-
búnaði skjólstæðinga hennar var
mjög ábótavant enda segir hún að
varla sé hægt að ætlast til þess að
fólk, sem ekki hefur mikið á milli
handanna eftir margra ára heilsu-
brest, fari út í næstu búð og kaupi sér
rándýra hlaupaskó.
Barst um eins og eldur í sinu
„Eins og við vitum, er staða ör-
yrkja yfir höfuð slæm. Eitt kvöldið
þegar ég var sjálf úti að skokka datt
mér í hug að biðla til hlaupafélaga
sinna og sendi tölvupóst á fimmtíu
manna hóp hlaupara í kringum mig.
„Óhætt er að segja að hlauparar Ís-
lands hafi tekið vel við sér. Þessi
tölvupóstur barst eins og eldur um
sinu út um allt á tveimur dögum.“ Í
bréfi Mörthu segir m.a.: „Í kvöld
þegar ég var úti að skokka og hugsa
um hvað ég gæti gert, þá kom upp sú
hugmynd hjá mér að biðla til hlaup-
ara Íslands um að veita þessu fólki
styrk í formi
þess að gefa skó. Lum-
ar þú á gömlum hlaupas-
kóm sem þú ert hætt/ur að nota,
ekki ónýta kannski en margir luma á
skóm sem þeir hafa ekki „fílað“ eða
eru af einhverjum ástæðum hættir að
nota. Ef svo er, þá þigg ég skóna fyr-
ir hönd skjólstæðinga minna á
Kleppi. Einnig ef þú/þið ættuð
íþróttafatnað, sem þið eruð hætt að
nota og vilduð gefa til góðgerð-
armála, þá þigg ég það líka. Ég tek
við öllu og ég bið ykkur frá mínum
innstu hjartarótum að veita þessum
málalið athygli og hver veit nema að
Kleppur mæti á næsta ári í Reykja-
víkurmaraþon með skokkhóp í skóm
og fötum frá ykkur, kæru hlauparar
Íslands.“
Martha segir að viðbrögðin hafi
verið hreint frábær og hún geti vart
nógsamlega þakkað þennan frábæra
samhug. Sem dæmi má nefna að
hlaupahópar út um allt eru nú að
safna skóm í púkk. Eigandi lítillar
íþróttavöruverslunar, sem heitir Af-
reksvörur, vill gefa lager af nýjum
hlaupaskóm og Frjálsíþrótta-
sambandið vill gefa fatnað.
Hefur ofurtrú á hreyfingu
„Ég hef aldrei starfað á geðdeild
áður, en ég hef ofurtrú á hreyfingu
fyrir alla, burtséð frá því hvaða verk-
efni fólk er að fást við,“ segir Martha
og bætir við að hún hafi verið ráðin til
að sinna nýrri þjónustu. „Þetta er ný
þjónusta og nauðsynlegur þáttur í
þeirri sterku endurhæfingu sem ver-
ið er að byggja upp á Kleppi. Við er-
um að fara út að ganga og skokka,
gerum æfingar, og förum í jóga, önd-
un, slökun og hugleiðslu. Við erum
einfaldlega að rækta líkama og sál.“
Morgunblaðið/Árni Sæberg
Sjúkraþjálfarinn Hlaupakonan Martha Ernstsdóttir hefur mikla trú á
hreyfingu og segir að allir þurfi að hreyfa sig.
„Hlaupaskórnir
streyma inn“
Hlaupaskór Martha segir marga
luma á skóm í skápum, sem séu
lítið notaðir, en þeir þurfi helst
að hafa góða dempun.