Morgunblaðið - 21.12.2006, Blaðsíða 16
16 FIMMTUDAGUR 21. DESEMBER 2006 MORGUNBLAÐIÐ
HÖFUÐBORGIN
SAMSTARFSSAMNINGUR hefur
verið undirritaður milli Lindaskóla í
Kópavogi, fyrirtækjanna Norvik hf,
Ránarborgar hf og bæjarsjóðs
Kópavogs, um 17 milljóna króna
fjármagn til viðbótarkennslu við
skólann. Um er að ræða þróunar-
verkefni í 1.–4. bekk sem nær til árs-
ins 2009 en fjármagnið á að renna í
kennslu í ensku og samþættingu
íþrótta- og útikennslu. Í tilkynningu
frá Lindaskóla segir að markmiðið
sé að við upphaf skólaársins 2009–
2010 verði 35 stunda kennsla á viku
orðin að veruleika í 1.–4. bekk.
„Í Lindaskóla höfum við orðið vör
við þann vilja fjölmargra foreldra og
kennara að enskukennsla yngri
nemenda verði að veruleika sem
fyrst og höfum við brugðist við því,“
segir skólinn.
Gunnar Birgisson, bæjarstjóri í
Kópavogi, undirritaði samninginn
ásamt skólayfirvöldum og forsvars-
mönnunum fyrirtækjanna tveggja.
Hann segir að samskonar verkefni
sé í gangi í Kópavogsskóla en þar
hafi einkafyrirtæki stutt átak í
ákveðnum kennslugreinum sem
hófst í haust. „Ég held að þetta sé
mjög af hinu góða,“ segir Gunnar um
samstarfssamninga sem þessa. Fyr-
irtæki leggi til peninga og fylgist
með þróun verkefnanna.
„Þetta er af hinu góða“
„Ég tel mikilvægt að fyrirtækin
taki þátt í menntun barnanna okkar,
eins þau taka í auknum mæli þátt í
stuðningi við íþróttastarf, menningu,
listir og svo framvegis,“ segir Gunn-
ar. Þetta sé af hinu góða þegar um
átaksverkefni ræði. Gunnar segir að
bærinn leggi til um þriðjung þess
fjár sem rennur til verkefnisins en
afgangurinn komi frá skólanum og
fyrirtækjunum.
Gunnar bendir á að skólarnir í
bænum séu með sjálfstæðan fjárhag
og hafi tekið upp á því á eigin spýtur
að óska eftir fjárframlögum einka-
fyrirtækja. Hann vonist til þess að
slík verkefni fari í gang í fleiri skól-
um í framtíðinni. „Menn hafa mikinn
metnað og reyna að auka mennt-
unina og hækka þjónustustigið í
skólunum,“ segir hann.
Fyrirtækin taki þátt í
menntun barnanna
Morgunblaðið/ÞÖK
Samningur Þorsteinn Vilhelmsson og Guðmundur H. Jónsson, fulltrúar
Ránarborgar og Norvik, Gunnar Birgisson bæjarstjóri Kópavogs og Ómar
Stefánsson, formaður bæjarráðs Kópavogs, við undirritunina í fyrradag.
Í HNOTSKURN
» Með samningnum færLindaskóli 17 milljón
króna framlag til viðbót-
arkennslu við skólann.
» Peningana á að nota tilkennslu í ensku og í
íþrótta- og útikennslu.
»Sams konar verkefni er ígangi í Kópavogsskóla að
því er fram kom hjá bæj-
arstjóra Kópavogs
DAGBLÖÐ eru um 27% alls sorps
í heimilistunnum á höfuðborg-
arsvæðinu. Um 63% dagblaða
fara í almennt sorp og um 37% er
skilað á grenndar- og endur-
vinnslustöðvar. Guðmundur B.
Friðriksson, skrifstofustjóri
neyslu- og úrgangsmála á um-
hverfissviði Reykjavíkurborgar,
segir að sorphirða Reykjavík-
urborgar safni um 27.000 tonnum
af blönduðu heimilissorpi á ári og
þar af séu um 7.300 tonn af dag-
blöðum.
Guðmundur segir að árið 2001
hafi dagblöð verið um 12% al-
menns sorps, um 16% 2005 og um
23% í fyrra. Hann segir að aukin
blaðaprentun sé helsta ástæða
þessarar miklu aukningar og
nefnir líka auglýsingafjölpóst og
dagskrárblöð. Hann segir að
Danir skili um 50% dagblaða á
grenndar- og endurvinnslu-
stöðvar og þar sem dagblöðum sé
safnað við heimili megi ná 85–
90% árangri. Það sé hins vegar
dýrari kostur fyrir neytandann.
Staðsetning grenndargáma í
Reykjavík hefur verið endur-
skoðuð og stöðunum fækkað nið-
ur í 54. Guðmundur segir að hug-
myndin sé að hafa
grenndargámana alfarið á landi
borgarinnar svo ekki þurfi að
færa þá í tíma og ótíma en brögð
hafi verið að því að lóðarhafar
hafi ekki viljað hafa gámana á
lóðum sínum vegna þess að þeir
taki bílastæðarými.
Morgunblaðið/Ásdís
Endurvinnsla Aðeins 37% dagblaða koma í grenndar- og endurvinnslu-
stöðvar en um 7.300 tonn af þeim eru í árlegu heimilissorpi Reykvíkinga.
Um 7.300 tonn af dag-
blöðum í heimilissorpi
Í TILEFNI af 120 ára afmæli
Landsbankans á þessu ári ákváðu
útibú bankans á Austurlandi að færa
leikskólunum í sínum byggðarlögum
29 bækur hverjum frá Eddu útgáfu í
leikskólabókasöfnin. Til að aðstoða
við afhendingu bókanna kom Sproti,
talsmaður barnaþjónustu Lands-
bankans, í heimsókn austur og var
með í för á leikskólana og var mikil
ánægja meðal barnanna að fá að
hitta hann.
Farið var í leikskóla Fjarðabyggð-
ar, Seyðisfjarðar, Vopnafjarðar og
flesta leikskóla á Héraði.
FJARÐABYGGÐ mun verja 25
milljónum króna til að bæta aðstöðu
og tækjakost golfklúbbanna á Eski-
firði og Norðfirði. Samningar eru
gerðir til fimm ára og fær hvor
klúbbur 12,5 milljónir og Fjarða-
byggð leggur til land og húsnæði
fyrir starfsemi klúbbanna endur-
gjaldslaust.
Sproti gaf leikskóla-
börnum bækur
LANDIÐ
Egilsstaðir | Það snarkaði glaðleg-
ur eldur undir ketilkaffinu í skóg-
ræktarstöðinni Barra á Egilsstöðum
fyrr í vikunni. Þá var gestum og
gangandi boðið að koma í hús og lit-
ast um eftir jólatré úr furu eða
greni og jólagreinum af greni og lin-
difuru, um leið og sjóðheitt kaffið
var sopið með nýsteiktri bananal-
ummu. Þær höfðu bakað tveir lag-
hentir starfsmenn Skógræktarinnar
á Hallormsstað frá Costa Rica.
Á boðstólum voru einnig mynd-
arlegir trjákyndlar úr Hallorms-
staðarskógi til útinota um hátíðarn-
ar, en þeir virtust slá alveg hreint í
gegn hjá kaupendum. Líka var á
söluborðum trjávara frá Eik á Mið-
húsum og prjónles fyrir þá sem
þótti kælan of nöpur.
Skúli Björnsson, framkvæmda-
stjóri Barra, var sjálfur við að
skenkja ketilkaffið af stökum mynd-
arskap og hafði í liði með sér Þor-
stein Pétursson Maack. Skúli varð
leyndardómsfullur mjög þegar
spurt var út í bruggun á kaffinu en
sagði að þrjár laganir þyrfti hið
minnsta til að kaffið væri ekta.
Mikill handagangur var í öskjunni
í jólatréssölunni og lögðu margir
leið sína í skemmtilega stemninguna
hjá skógarmönnunum í Barra.
Skógarbændur selja afurðir
Barri var nú í fyrsta skipti að
selja jólatré og voru þau öll merkt
þeim jörðum þar sem þau voru
ræktuð. Trén eru seld í umboðssölu
og markar þetta í rauninni þáttaskil
í þá veru að skógarbændur á Fljóts-
dalshéraði eru nú í fyrsta sinn að
markaðssetja afurðir sínar beint.
Vonir eru bundnar við að þróa megi
afurðir skógarbænda og markaðs-
setja þær af myndarskap á næstu
misserum.
Skógræktarstöðin Barri hf. var
stofnuð haustið 1990 og hefur síðan
þá verið einn stærsti framleiðandi
skógarplantna á Íslandi. Meðal við-
skiptavina Barra eru Héraðsskógar,
Norðurlandsskógar, Landgræðslu-
skógar og Austurlandsskógar en
auk þess hafa verið framleiddar
plöntur fyrir önnur stór skógrækt-
arverkefni.
Barri framleiðir einnig plöntur
fyrir almennan markað.
Upprunamerkt
jólatré á boðstólum
Morgunblaðið/Steinunn Ásmundsdóttir
Yljandi Gestir slógu ekki hendinni móti snarpheitu ketilkaffinu hjá Barra
meðan þeir voru að svipast um eftir heppilegu jólatré í stofuna heima.
Ketilkaffi og grænar
greinar hjá skóg-
armönnum í Barra
Í HNOTSKURN
» Skógræktarstöðin Barri áFljótsdalshéraði tekur
jólatré í umboðssölu frá skóg-
ræktarbændum á svæðinu og
selur almenningi.
»Trén eru hvert og eittmerkt þeirri jörð þar sem
þau uxu.
»Vonir eru bundnar við aðþetta sé upphafið að mjög
aukinni markaðssetningu af-
urða skógarbænda.
Stöðvarfjörður | Slökkvilið var kall-
að út skömmu eftir miðnætti í fyrri-
nótt vegna hugsanlegs elds í frysti-
húsinu á Stöðvarfirði. Lögregla og
sjúkrabifreið komu einnig á stað-
inn. Eldur var enginn heldur rauk
mjög úr feitispotti sem gleymst
hafði að slökkva undir kvöldið áð-
ur. Í honum eru m.a. steiktar fiski-
bollur. Ekkert tjón varð í frystihús-
inu og vinnsla hélt áfram í gær eins
og ekkert hefði í skorist.
Morgunblaðið/Albert Kemp
Ekki tjón í frystihúsi