Morgunblaðið - 19.04.2007, Blaðsíða 25
MORGUNBLAÐIÐ FIMMTUDAGUR 19. APRÍL 2007 25
AKUREYRI
Hvað gerist þegar
þú blandar saman
erlendu láni með
lágum vöxtum og
íslensku láni með
minni áhættu?
Eftir Skapta Hallgrímsson
skapti@mbl.is
„AÐ koma á fót góðum leiksýning-
um í Akureyrarbæ eftir því sem
kostur er og kraftar leyfa,“ var
markmið Leikfélags Akureyrar þeg-
ar það var stofnað 19. apríl 1917. Fé-
lagið er 90 ára í dag og óhætt er að
segja að markmiðið við stofnun þess
sé haft að leiðarljósi í dag; félagið
hefur að minnsta kosti sjaldan eða
aldrei verið öflugra og sýningar þess
vinsælli.
Einn fyrir alla …
„Félagsmenn ábyrgjast innbyrðis
einn fyrir alla og allir fyrir einn, all-
an þann kostnað sem leiðir af þeim
leikjum sem sýndir eru,“ var sam-
þykkt í upphafi, að því er fram kem-
ur í bókinni Saga leiklistar á Akur-
eyri eftir Harald Sigurðsson, en í
fyrstu stjórn LA voru kosnir Júlíus
Havstein, Sigurður E. Hlíðar og
Hallgrímur Valdimarsson
Þótt Leikfélag Akureyrar hafi
verið formlega stofnað árið 1917, þá
spannar forsagan áratugi þar á und-
an. Frumherjinn í leiklist á Akureyri
var Bernhard Steincke verslunar-
maður sem stóð fyrir leiklistar-
starfsemi í bænum allt frá árinu
1860.
Hafið var að sýna leiksýningar í
Samkomuhúsinu árið 1907 og tíu ár-
um síðar var Leikfélagið formlega
stofnað. Lungann af tuttugustu öld-
inni var LA áhugaleikfélag en árið
1973 urðu vatnaskil þegar fyrstu
leikararnir voru fastráðnir og það
breyttist í atvinnuleikhús. Á áttunda
áratugnum unnu atvinnumenn og
áhugafólk reyndar hlið við hlið en
hægt og bítandi þróaðist LA í fullgilt
atvinnuleikhús.
Leikhúsið hefur unnið marga
sigra í gegnum tíðina og óhætt að
fullyrða að það hafi gengið í gegnum
mörg blómaskeið, að sögn Magnúsar
Geirs Þórðarsonar, leikhússtjóra
LA. Hann segir síðustu misseri hafa
verið afar farsæl hjá leikhúsinu og
aðsókn aldrei verið meiri. Síðasta
leikár var það aðsóknarmesta í sögu
leikhússins og ljóst er að þetta leikár
fylgir fast á hæla þess síðasta, að
sögn Magnúsar.
Á blaðamannafundi sem stjórn
LA boðaði til 8. september 1973 til-
kynnti þáverandi formaður, Jón
Kristinsson, að brotið væri blað í
sögu félagsins og átta leikarar voru
fastráðnir í hálft starf. Leikararnir
voru Aðalsteinn Bergdal, Arnar
Jónsson, Gestur E. Jónasson, Sigur-
veig Jónsdóttir, Saga Jónsdóttir,
Þráinn Karlsson, Þórhildur Þorleifs-
dóttir og Þórhalla Þorsteinsdóttir.
Leikhússtjóri var Magnús Jónsson.
Svo skemmtilega vill til að einn
fyrstu fastráðnu leikaranna, Þráinn
Karlsson, starfar enn hjá félaginu og
hélt upp á 50 ára leikafmæli sitt í
fyrra.
Kostar eina krónu!
Núverandi leikhússtjóri LA er
Magnús Geir Þórðarson. Stjórn LA
skipa: Sigmundur Ernir Rúnarsson,
formaður, Karl Frímannsson, Kjart-
an Ólafsson, Sunna Borg og Arna
Valsdóttir.
Í gærkvöldi, síðasta vetrardag,
var söngvaleikurinn Ævintýri á
gönguför eftir Hostrup leiklesinn
hjá LA í tilefni afmælisárins, en það
var einmitt fyrsta verkið sem flutt
var í leikhúsinu, fyrir 100 árum. Þrá-
inn Karlsson leikstýrði uppsetning-
unn í gærkvöldi, sem heppnaðist vel
og uppselt var í húsið. Þess má geta
að aðgangseyrir var ein króna –
sama verð og á fyrstu sýningu Leik-
félagsins á sínum tíma.
Leikfélag Akur-
eyrar er 90 ára
Æfintýri Úr uppsetningu LA á Æfintýri á gönguför fyrir mörgum árum.
Sveinn Kristinsson, Helena Eyjólfsdóttir, Sólveig Guðbjartsdóttir, Stefán
Halldórsson, Þórey Guðmundsdóttir, Þráinn Karlsson og Eggert Jónsson.