Morgunblaðið - 29.04.2007, Síða 13

MORGUNBLAÐIÐ SUNNUDAGUR 29. APRÍL 2007 13
fyrirtækið var stofnað á sínum tíma
voru áform um að færa út kvíarnar,
hugðist það m.a. hasla sér völl á sviði
margmiðlunar og í plötuútgáfu.
Hlaut meira að segja í upphafi nafn-
ið Edda – miðlun og útgáfa. Árni
Einarsson segir að fljótt hafi komið í
ljós að þessi rekstur fór ekki saman
og því sneri Edda sér alfarið aftur að
bókaútgáfu. Öll hliðarútgáfa var
lögð af sem og smásöluverslunin og
bókabúðir Máls og menningar seld-
ar. „Þetta voru í raun bara nokkrar
einingar í eigu sama fyrirtækisins,
reknar við sama húsnúmerið. Menn
sáu aldrei nein samlegðaráhrif,“
segir Árni.
Sigurður Svavarsson, útgáfustjóri
Eddu, segir þetta hafa verið skyn-
samlega ráðstöfun. „Eftir stendur
stórt bókaútgáfufyrirtæki sem á að
vera í stakk búið að takast á við
framtíðina. Við höfum aftur snúið
okkur að því sem við kunnum best,
að gefa út bækur, og það er heil-
margt þar að gera. Það eru að opn-
ast ýmis tækifæri sem við ætlum að
grípa, nefni ég þar kortaútgáfuna
sem varð að afli í okkar starfsemi
þegar Íslandsatlasinn kom út. Sam-
lagningin á klúbbastarfsemi fyr-
irtækisins hefur líka verið mjög vel
heppnuð. Við erum með um 40.000
félaga í áskrift. Þá hefur staða Edd-
unnar alltaf verið sterk á sviði fag-
urbókmennta og þeirri stöðu ætlum
við að halda.“
Þegar Eddumenn eru spurðir
hvort þessi útvíkkun starfseminnar
árið 2000 hafi verið mistök svarar
Árni: „Þetta var dýr lexía.“
Hann upplýsir að nú sé unnið að
því að skjóta styrkari fjárhags-
stoðum undir rekstur Eddu útgáfu.
„Það er ekkert leyndarmál að laga
þarf fjárhag þessa fyrirtækis og að
því verkefni vinna eigendur og
starfsfólk hörðum höndum um þess-
ar mundir.“
Varla rými fyrir
fleiri stór forlög
Vegna smæðar markaðarins hafa
íslenskir rithöfundar ekki í mörg hús
að venda. Frá þeirra sjónarhóli
þyrftu útgefendur að vera fleiri. Það
myndi skapa fleiri tækifæri og
tryggja meiri fjölbreytni. Þessu
samsinna Jóhann Páll, Snæbjörn,
Árni og Sigurður. Þeir hafa aftur á
móti efasemdir um að rými sé fyrir
fleiri stór forlög á þessum litla mark-
aði. „Það þarf mikla þolinmæði til að
koma á fót bókaútgáfu á Íslandi og
það er stutt á milli lífs og dauða,“
segir Snæbjörn.
Á móti kemur að bókaútgáfa er
orðin auðveldari fyrir almenning í
dag en hún var fyrir tuttugu árum
þar sem framleiðslukostnaður hefur
lækkað. Prenta má bók með til-
tölulega litlum tilkostnaði hér heima
eða erlendis. Þá er til þess að gera
einfalt að dreifa bók á Íslandi. Þetta
hafa margir fært sér í nyt. „Það sem
fjarað hefur undan viðskiptalegri
bókaútgáfu hefur verið bætt upp
með einkaframtaki sem oft og tíðum
er annaðhvort áhugamál eða greiði
við einhvern nákominn. Maður vill
kannski gefa út ljóðabók ömmu sinn-
ar eða fluguhnýtingabók eftir vin
sinn. Þessi útgáfa er orðin auðveld-
ari en hún var,“ segir Árni. Flestir
gefa þó aðeins út eina eða í mesta
lagi tvær bækur.
Árni bendir á að samkeppnisyf-
irvöld hafi alltaf komist réttilega að
þeirri niðurstöðu að stóru fyrirtækin
Kristján B. Jónasson Sigurður Svavarsson Árni Einarsson Jóhann Páll Valdimarsson Snæbjörn Arngrímsson