Morgunblaðið - 29.04.2007, Qupperneq 36

kvikmyndir
36 SUNNUDAGUR 29. APRÍL 2007 MORGUNBLAÐIÐ
A
llt frá því að George
Lucas kom á óvart
með því að stilla upp
Star Wars-myndunum
í maí hefur fyrsta
helgin í mánuðinum markað upp-
haf bíósumarsins, samkvæmt skil-
greiningu kvikmyndaiðnaðarins og
engin undantekning er sjáanleg í
ár. Ein afleiðing þessarar stefnu-
mörkunar er sú að einhverjir
„þjófstarta“, og núna um helgina
er t.d. heimsfrumsýnd spennu-
myndin Next, eftir Lee Tamahori
(Once Were Warriors) með Nicolas
Cage og Julianne Moore. Myndin
er byggð á vísindaskáldsögu eftir
Philip K. Dick (Minority Report,
Blade Runner) um alríkislögreglu-
mann sem getur skyggnst inn í
framtíðina.
Yfirleitt eru myndirnar frum-
sýndar sama dag á Íslandi og í
Bandaríkjunum.
MAÍ
4. Spider-Man 3
Leikstjóri: Sam Raimi. Með To-
bey Maguire og Kirsten Dunst.
Fyrsta „opinbera“ sum-
armyndin er frumsýnd hér og í
öllum heimshornum samdægurs,
og óhætt að fullyrða að flóðbylgj-
an hefjist með látum. Myndbálk-
urinn er feikivinsæll og er nýju
myndarinnar beðið með óþreyju.
Kóngulóarmaðurinn mætir ýms-
um og óvæntum áskorunum, m.a.
þarf hann að fást við tvö illmenni
og er annað þeirra leikið af
Thomas Haden Church, sem var
óborganlegur í Sideways. Sagt er
að S-M 3 sé ekki jafn dramatísk
og myndin á undan, en því meiri
áhersla lögð á hasarinn.
25. Pirates of the Caribbean:
At World’s End
Leikstjóri: Gore Verbinski. Með
Johnny Depp og Orlando Bloom.
Við upphaf 21. aldar bjóst eng-
inn við miklu af gamanmynd um
sjóræningja, sverðaglam og falda
fjársjóði. En enginn veit neitt að
venju í kvikmyndabransanum, æv-
intýrið náði hinu mjög svo eft-
irsóknarverða 25. sæti á heimslist-
anum árið 2003. Í snarheitum var
ákveðið að gera tvær framhalds-
myndir, sú fyrri fyllti gullkisturnar
á síðasta ári og lenti í 3. sæti á
sama lista og er aðeins 3. myndin
sem tekur inn yfir milljarð dala.
Víst er að Depp verður ekki
árennilegur með svaðamennið
Keith Richards sér í föðurstað í
nýju myndinni, sem á örugglega
eftir að gera usla í miðasölunum.
JÚNÍ
1. 28 Weeks Later
Leikstjóri: Juan Carlos Fresna-
dillo. Með Robert Carlyle og Je-
remy Renner.
Framhald hinnar mögnuðu 28
Days gerist hálfu ári síðar. Banda-
ríski herinn heldur til Englands til
að kanna hvað hefur valdið drep-
sóttinni og finna meira en þeir ósk-
uðu eftir. Forverinn er einn besti
hrollur síðustu áratuga, vonandi
verður framhaldið ekki (miklu)
síðra.
8. Ocean’s Thirteen
Leikstjóri: Steven Soderbergh.
Með George Clooney, Brad Pitt og
Ellen Barkin.
Enn ein framhaldsmyndin og sú
þriðja um síkátu og sívinsælu
bankaræningjana hans Oceans.
Clooney er í fararbroddi fjölskrúð-
ugs leikhóps, þar sem jafnvel er að
finna nafn Als Pacinos. Hvað sem
öðru líður hjálpar myndin leik-
arastéttinni hvað eftirlaunin snertir
og Ellen Barkin, nýsloppin í gegn-
um skoðun, kemur í stað Roberts
og Zetu Jones. Sem eru góðar
fréttir.
15. Fantastic Four:
Rise of the Silver Surfer
Leikstjóri: Tim Story. Með Jes-
sicu Alba, Joan Gruffudd og Chris
Evans.
Teiknimyndasögurnar frá Marvel
og DC Comics eru óþrjótandi met-
sölu-, framhalds- og ekki síst sum-
armyndaefni, þess árstíma þegar
fislétt afþreying er í hávegum höfð.
Hér kemur önnur myndin um Hina
fjóra fræknu, sem fá að þessu sinni
það erfiða verkefni að ráða niður-
lögum silfraðs brimbrettadjöfuls
sem kominn er utan úr geimnum
til að eyða lífi á Móður jörð.
22. Shrek the Third
Leikstjórar: Chris Miller og
Raman Hui. Teiknimynd með
enskri og ísl. talsetningu.
Önnur myndin um furðusmíðina
Shrek var vinsælli en sú fyrsta, en
sögusagnir eru á lofti um að þær
verði fjórar alls. Í þriðja þætti ríkir
órói í Fjarskalandi þegar konung-
urinn, tengdafaðir Shreks, leggst á
sóttarsæng. Þau Fiona og Shrek
styðja hvort sinn einstaklinginn í
æðsta embætti þjóðarinnar, hver
haldið þið að hrifsi völdin?
29. Live Free or Die Hard
Leikstjóri: Len Wiseman. Með
Bruce Willis og Timothy Olyphant.
Willis er seigur og sauðþrár, það
tók hann 12 ár að koma á koppinn
fjórðu myndinni um harðjaxlinn
McClane. Í millitíðinni hefur hann
tapað jafn eftirsóknarverðum hlut-
um og hárinu og Demi Moore –
auk þess sem hann er horfinn úr
toppsætunum. Ætlunin er aug-
ljóslega að endurheimta vinsæld-
irnar með endurkomu töffarans,
sem fyrst birtist á tjaldinu fyrir
tæpum tuttugu árum í sígildri has-
armynd. McClane fæst að þessu
sinni við hryðjuverkamenn sem
hafa hreiðrað um sig á verald-
arvefnum og orðsporið af myndinni
lofar góðu. Ef sú verður raunin
fáum við fimmtu myndina fljótlega,
eða áður en stjarnan tapar ein-
hverju gjörsamlega ómissandi.
JÚLÍ
13. Harry Potter and
the Order of the Phoenix
Leikstjóri: David Yates. Með
Daniel Radcliffe, Emmu Watson og
Rupert Grint.
Myndirnar um galdrastrákinn
hafa notið mikilla en dvínandi vin-
sælda, sem er rökrétt þar sem
komið er að þeirri fimmtu. Harry
kemst í hann krappan og útlitið og
inntakið er myrkara en nokkru
sinni fyrr. Því leituðu framleiðend-
urnir til Yates, sem er þekktastur
fyrir sjónvarpsmyndaröðina State
of Play og vakti mikla athygli.
Hann mun einnig gera næstu
mynd um piltinn, Harry Potter and
the Half-Blood Prince (’08).
27. The Simpsons Movie
Leikstjóri: David Silverman.
Teiknimynd með enskri og ísl. tal-
setningu.
Vinsælasta sjónvarpsfjölskylda
allra tíma er að gera sig klára á
tjaldið og hver veit nema hún eigi
eftir að reynast engu síður vinsæl í
bíósölum en á heimilunum. Úr því
fæst skorið á miðju sumri þegar
Homer og co. birtast bæði með
ensku og íslensku tali (ef einhver
hefur áhuga). Allir helstu textahöf-
undar þáttanna hafa legið árum
saman yfir handritinu, svo útlitið
er bjart yfir Springville – þrátt
fyrir fréttir um umtalsverða
geislavirkni á svæðinu …
ÁGÚST
10. Rush Hour 3
Leikstjóri: Brett Ratner. Með
Jackie Chan og Chris Tucker.
Vélbyssukjafturinn Rock og
gúmmíkarlinn Chan snúa aftur til
Hong Kong og von á miklu sprelli
og spaugi. Félagarnir eru sem áð-
ur að reyna að koma lögum yfir
óþjóðalýðinn í borginni. Hann má
sannarlega gæta sín því tvímenn-
ingunum hefur borist óvæntur
liðsauki í leikstjóranum Roman
Polanski, sem leikur franska
löggu.
10. Transformers
Leikstjóri: Michael Bay. Með
Shia LaBeouf og Michael Clarke
Duncan.
Bay er snjall afþreyingarsmiður
(Bad Boys, Armageddon, The
Rock), sem stundum verður á í
messunni (The Island, Pearl
Harbour), en það hefur lekið út að
þessi framtíðartryllir í anda In-
dependence Day sé ágeng og ógn-
vekjandi skemmtun. Innrás geim-
vera (eða öllu heldur vélmenna)
bylur á jarðkringlunni og góð ráð
ekki fyrir nokkurn aur að fá. Efnið
er sígilt frá dögum H.G. Wells og
vonandi tekst Bay betur upp en
Spielberg fyrir nokkrum árum. Ef
svo fer getur hann hæglega staðið
uppi sem sigurvegari sumarsins.
11. The Invasion
Leikstjóri: Oliver Hirschbiegel.
Með Nicole Kidman og Daniel
Craig.
„Bond“ og blondínan Kidman
lofa góðu, þau eru í hópi bestu og
vinsælustu leikara dagsins. Ekki
dregur úr eftirvæntingunni að
leikstjórinn er sá hinn sami og
gerði meistaraverkið Der Unter-
gang (’04). Fyrsta viðfangsefni
hans á enskri tungu er endurgerð
vísindahrollsins sígilda The Invas-
ion of the Body Snatchers, sem
búið er að kvikmynda í ein þrjú
skipti.
17. Ratatouille
Leikstjóri: Brad Bird. Teikni-
mynd með enskri og ísl. talsetn-
ingu.
Kvikmyndaverið Pixar sleppir
framhaldsmynd um bíla, sumar-
myndin á þeim bæ er ein fárra án
tölustafs aftan við nafnið og er
gerð af leikstjóra The Incredibles.
Aðalsöguhetjan er harla óvenjuleg
rotta, þar sem hún tekur sælkera-
mat fram yfir þetta venjulega jukk
í skolpræsunum. Til allrar lukku
býr hún undir eftirsóttasta mat-
sölustaðnum í París, háborg mat-
reiðslulistarinnar, og á sér þann
draum að verða næsti soðgreifi
staðarins.
Galdrastrákur Harry Potter heldur áfram að lenda í ævintýrum.
Sprell og spaug Jackie Chan kemst enn á ný í
hann krappann í Rush Hour 3.
Fyrsta bíómyndin Mörgum finnst löngu tímabært að fá Homer
Simpson og fjölskyldu hans í Springfield á hvíta tjaldið.
Sjóræningjar enn á ferð Þriðja myndin um sjóræningjana í Karíbahafinu
skartar Johnny Depp, Orlando Bloom og rokkaranum Keith Richards.
Simpson og sjóræningjarnir
Hasar Bruce Willis birtist sem töff-
arinn McClane eftir tuttugu ára hlé.
Áskorun Köngulóarmaðurinn
þarf að fást við tvö illmenni
í Spider-Man 3.
Sumarið er komið og þá er ekki langt í fyrstu
löggiltu „sumarmyndina“ af nokkrum tugum,
mestmegnis framhaldsmyndum. Myndirnar sem
Sæbjörn Valdimarsson kynnir hér til sögunnar
eru líklegastar til að bítast um aðgangsaurana
okkar á þessum besta aðsóknartíma ársins, þótt
óvæntir smellir skjóti vonandi upp kollinum.