Morgunblaðið - 30.04.2007, Blaðsíða 11

Eftir Guðmund Sverri Þór
sverrirth@mbl.is
JÓNAS Fr. Jónsson, forstjóri Fjár-
málaeftirlitsins (FME), segir að um-
mæli Bjarna Ármannssonar, for-
manns Samtaka fjármálafyrirtækja
(SFF), á aðalfundi þeirra fyrir helgi,
sem og ummæli Jóns Sigurðssonar
viðskiptaráðherra í kjölfarið, séu
ánægjuleg og staðfesti þann aukna
skilning sem starfsmenn FME hafi
fundið fyrir á hlutverki eftirlitsins,
enda sé það mikilvægur hlekkur í
keðju íslensks fjármálamarkaðar.
Í því sambandi megi benda á að út-
rás íslenskra fjármálafyrirtækja
byggist á þeim starfsleyfum sem
FME veitir.
„Fjármálaeftirlitið hefur bent á,
bæði á síðustu aðalfundum og í
rekstraráætlunum, að stofnunin þarf
að eflast samhliða vexti markaðarins.
Þessu hafa bæði viðskiptaráðherra
og Alþingi sýnt skilning, en miðað við
þróun síðustu mánaða eru umsvif á
fjármálamarkaði enn meiri en gert
var ráð fyrir og þá ekki síst erlendis
og mikið framundan eins og formað-
ur Samtaka fjármálafyrirtækja
bendir á,“ segir Jónas.
Hann segir þá sem til þekkja vita
að miklar breytingar hafi átt sér stað
hjá FME síðustu 18 mánuði. Fyrir
liggi skýr stefna og skilgreindir hafi
verið mælikvarðar fyrir þau mark-
mið sem stofnunin hafi sett sér.
„Í samræmi við upplýsingatækni-
stefnu FME eru öll skýrsluskil eftir-
litsskyldra aðila orðin rafræn og ver-
ið er að fullvinna úrvinnslukerfi sem
mun greina helstu kennitölur og
áhættuþætti úr gagnagrunnum
stofnunarinnar og veita okkur tíman-
lega upplýsingar um stöðu einstakra
fyrirtækja og mögulega veikleika.
Þá hefur FME markað stefnu sem
snýr að auknum umsvifum íslenskra
fjármálafyrirtækja erlendis og verð-
ur hún kynnt á næstunni. Alþjóðleg
samskipti eru orðin lykilþáttur í
starfsemi FME. Þar er fyrst og
fremst um að ræða samskipti við er-
lendar systurstofnanir, einkum í
þeim löndum þar sem íslensku fyrir-
tækin starfa. Einnig eru töluverð
samskipti við alþjóðastofnanir, láns-
hæfismatsfyrirtæki, erlenda grein-
ingaraðila og blaðamenn,“ segir Jón-
as ennfremur.
Kynningarstarf að skila sér
Hann bendir á að í fyrra hafi verið
haldnir um 60 kynningarfundir með
erlendum aðilum og áhuginn virðist
síst minni í ár. Þetta kynningastarf sé
þannig orðið veigamikill þáttur í
starfsemi FME.
„Ég leyfi mér að fullyrða að þetta
kynningarstarf var mikilvægur þátt-
ur í því að umræðan um íslenska fjár-
málakerfið snerist eins hratt og raun
bar vitni. Það kemur skýrt fram í
skýrslum og bréfum þessara aðila að
þeir eru ánægðir með þær upplýs-
ingar sem þeir hafa fengið hjá FME
og telja eftirlitsþáttinn á Íslandi vera
traustan,“ segir Jónas.
FME þarf að eflast
samhliða markaðnum
FME Jónas Fr. Jónsson fagnar um-
mælum SFF og viðskiptaráðherra.
Fagnar ummælum
formanns SFF og
viðskiptaráðherra
Í HNOTSKURN
»Bjarni Ármannsson, for-maður SFF, sagði á aðal-
fundi samtakanna fyrir helgi
að stórefla þyrfti Fjármálaeft-
irlitið til að ráða við þensluna í
fjármálageiranum.
»Jón Sigurðsson viðskipta-ráðherra tók undir sjónar-
mið Bjarna og sagði ráðu-
neytið oft hafa gert tillögur
um aukið umfang Fjármála-
eftirlitsins.
MORGUNBLAÐIÐ MÁNUDAGUR 30. APRÍL 2007 11
FRÉTTIR
STARFSMENN Nýherja gerðu sér
glaðan dag nýverið í Listasafni
Reykjavíkur er haldið var upp á 15
ára afmæli fyrirtækisins. Þeir gátu
einnig fagnað ágætri byrjun á
rekstri þessa árs þar sem veltan
hefur aukist um fjórðung frá sama
tíma í fyrra.
Nýherji hóf rekstur 2. apríl árið
1992 eftir samruna IBM á Íslandi
hf. og Skrifstofuvéla-Sunds hf.
Hafði IBM frumkvæði að því að
stofna fyrirtækið, ásamt Vogun,
Fjárfestingasjóðnum Draupni, sem
þá var starfandi, Óla Kr. Sigurðs-
syni í Olís, og nokkrum af yfir-
mönnum IBM á Íslandi.
Í upphafi voru starfsmenn Ný-
herja 92 og eru um 30 þeirra enn
starfandi hjá félaginu í dag. Tekjur
félagsins fyrsta starfsárið voru 732
milljónir króna en innan Nýherja-
samstæðunnar var veltan ríflega
8,6 milljarðar króna á síðasta ári. Á
þessum 15 árum hefur veltan því
ellefufaldast hjá fyrirtækinu.
Innan Nýherjasamstæðunnar eru
13 félög, m.a. AppliCon á Íslandi, í
Danmörku og Bretlandi, ParX og
SimDex. Nýlega keypti Nýherji
einnig félagið Link, sem er m.a.
með umboð fyrir vörur Sony og
Panasonic hér á landi.
Nýherji fagnaði 15 árum
Afmæli Gamla IBM-fartölvan sem Þórólfur Árnason, forstjóri Skýrr, af-
henti Þórði Sverrissyni, forstjóra Nýherja, í afmælishófinu er tveggja
manna tak og þætti ekki ýkja nytsamur gripur í dag, margfalt hæggengari
en nútíma fartölvur, svo ekki sé minnst á útlitið og þyngdina.
Morgunblaðið/Sverrir
ACTAVIS hefur
fengið samþykki
bandarísku Mat-
væla- og lyfjastofn-
unarinnar (FDA)
fyrir skráningu á
svefnlyfinu Zolpi-
dem Tartrate á
Bandaríkjamarkað.
Lyfið verður markaðssett þar í sam-
vinnu við Carlsbad Technology og
hefst dreifing lyfsins nú þegar.
Sala Zolpidem Tartrate taflna í
Bandaríkjunum nam um 2,2 millj-
örðum bandaríkjadala á síðasta ári,
jafnvirði um 142 milljarða króna.
Í tilkynningu kemur fram að Acta-
vis geri ráð fyrir að heildartekjur
samstæðunnar á árinu 2007 nemi um
1,6 milljörðum evra, og að um þriðj-
ungur þeirra komi frá Bandaríkjun-
um. Actavis í Bandaríkjunum lagði
inn 38 skráningar til þarlendra yfir-
valda á síðasta ári og gerir ráð fyrir
að leggja inn 40-45 slíkar skráningar
á þessu ári.
Zolpidem er fimmta samheitalyfið
sem Actavis setur á markað á árinu í
Bandaríkjunum en alls er áætlað að
sett verði á markað 18-20 ný lyf á
árinu 2007. Starfsemi fyrirtækisins í
Bandaríkjunum er í New Jersey,
Maryland, North Carolina, og
Florida.
Svefnlyf frá Actavis
á markað vestra
Þriðjungur tekna frá Bandaríkjunum
HRÓKURINN og Skákfélag Vinjar
fagna sumri á viðeigandi hátt með
því að hylla töffarann Morgan Kane
í dag kl. 13. Ekki má minna vera því
Alistair McLean hefur fengið sitt
mót og nú er komið að Kane, segir í
fréttatilkynningu um mótið.
Þeir feðgar Bragi og Ari Gísli í
bókaversluninni Bókinni við Klapp-
arstíg gáfu Vin lagerinn af Morgan
Kane bókum sínum.
Tefldar verða 5 umferðir þar
sem umhugsunartíminn er 7 mín-
útur. „Allir þátttakendur fá auðvit-
að Morgan Kane bók og 5 efstu fá
aukavinninga með.
Kaffi og meðlæti að afloknu móti.
Þátttaka er ókeypis og öllum opin.“
Vin er eitt athvarfa Rauða kross
Íslands fyrir fólk með geðraskanir
og er staðsett að Hverfisgötu 47 í
Reykjavík. Síminn er 561–2612.
Skákfélagið Hrókurinn hefur
haldið úti æfingum og kennslu í Vin
sl. 3 ár og saman hafa félögin sett
upp marga keppnina.
Skák í Vin Myndin er frá afmælismóti til heiðurs Guðfríði Lilju Grétars-
dóttur, forseta skáksambandsins, sem var í Vin fyrr á árinu.
Morgan Kane-skákmót í Vin
KRÖFUGANGA verkalýðsfélag-
anna í Reykjavík, BSRB, Bandalags
háskólamanna, Kennarasambands
Íslands og Iðnnemasambands Ís-
lands, 1. maí leggur af stað frá
Hlemmi kl. 13.30.
Forseti ASÍ flytur ræðu
á útifundi á Ingólfstorgi
Safnast verður saman við Hlemm
kl. 13. Gengið verður niður Lauga-
veg, Bankastræti, Austurstræti og
inn á Ingólfstorg. Lúðrasveit
verkalýðsins og Lúðrasveitin Svan-
ur leika fyrir göngu.
Útifundur hefst á Ingólfstorgi kl.
14.10. Ávörp flytja Grétar Þor-
steinsson, forseti ASÍ, Kristín Á.
Guðmundsdóttir, formaður Sjúkra-
liðafélags Íslands, og Hjördís Rós
Egilsdóttir, formaður Iðnnema-
sambands Íslands. Fundarstjóri
verður Rannveig Sigurðardóttir,
stjórnarmaður VR.
Hljómsveitin Baggalútur leikur
og félagar úr Gospelkór Reykjavík-
ur syngja.
Morgunblaðið/Árni Sæberg
Kröfuganga
og útifundur
MATÍS hefur ákveðið að efla rannsókna- og frumkvöðlastarf sitt á Vest-
fjörðum með því að fjölga sérfræðistörfum þar um helming, úr þremur
störfum í sex. Með nýju starfsfólki er stefnt að því að skapa aðstöðu og
vettvang til aukins samstarfs við atvinnulíf og stuðla að frekari verðmæta-
sköpun í samvinnu við fyrirtæki á svæðinu.
Þátttaka í rannsóknum og efling starfseminnar
Í frétt frá Matís kemur fram að félagið óskar eftir að ráða verkefna-
stjóra hjá Aflakaupabanka en markmiðið með slíkri starfsemi er að bæta
nýtingu og sölu á meðafla og vannýttum tegundum, bæði innanlands og til
útflutnings.
Þá hyggst Matís ráða sérfræðing sem mun hafa umsjón með sértækum
mælingum fyrir rannsóknir í matvælaiðnaði og fiskeldi. Einnig felst starfið
í þátttöku í rannsóknaverkefnum og undirbúningi þeirra. Þá ætlar Matís
að ráða verkefnastjóra í vinnslutækni. Honum er ætlað að efla starfsemi
Matís á sviði vinnslutækni, eldistækni og þróa ný atvinnutækifæri.
Matís fjölgar sérfræðistörfum
ÞINGFLOKKUR Vinstrihreyfing-
arinnar – græns framboðs krefst
þess að ríkisstjórnin hlutist þegar
í stað til um opinbera rannsókn á
þeim alvarlegu ásökunum sem
fram hafa komið í fréttum undan-
farna daga „um vítaverða van-
rækslu af hálfu Impregilo á vinnu-
svæðinu við Kárahnjúkavirkjun“,
eins og segir í frétt frá þing-
flokknum
Sem kunnugt er veiktist fjöldi
verkamanna vegna eiturmengunar
í aðrennslisgöngum og enn fleiri
vegna matareitrunar. Þingflokkur
VG vill að í rannsókninni verði ít-
arlega kannað hvað varð þess
valdandi að fjöldi verkamanna
þurfti að leita lækninga og leggj-
ast inn á sjúkrahús vegna eitur-
mengunar og matareitrunar.
„Rannsökuð verði atburðarás
undangenginna vikna og sérstak-
lega hvers vegna svo lengi dróst
að grípa til viðeigandi og full-
nægjandi ráðstafana eftir að bera
fór á veikindum.“
Krefjast opinberr-
ar rannsóknar
FYLGI Sjálfstæðisflokksins mælist
40,6% í skoðanakönnun sem Frétta-
blaðið birtir í gær. Samkvæmt því
fengi flokkurinn 27 þingmenn
kjörna í kosningum, skv. frásögn
blaðsins. Fylgi Samfylkingarinnar
mælist 22,5% og fengi flokkurinn
15 þingmenn. Fylgi VG mælist 18%
sem þýðir 12 þingmenn, Framsókn-
arflokkur er með 10,1% og sex
þingmenn samkvæmt könnuninni
og Frjálslyndi flokkurinn fær 5,4%
og þrjá þingmenn, allt jöfnunar-
menn.
Hringt var í 3.600 manns 23.–28.
apríl. 61,4% tóku afstöðu.
Fylgissveiflur
VIÐSKIPTI/ATHAFNALÍF
● EYFIRÐINGUR
ehf., félag í eigu
Baldurs Guðna-
sonar, forstjóra
Eimskipafélags-
ins, hefur keypt
67,6 milljónir
hluta í félaginu á
genginu 37,76.
Kaupverð er því
rúmir 2,5 millj-
arðar króna. Í flöggun til kauphallar-
innar kemur fram að kaupin séu
sölutryggð af Eimskipafélaginu til
þriggja ára frá viðskiptum og á sama
gengi. Einnig hefur Hf. Eimskipafélag
Íslands gengið frá samningi við Bald-
ur um að hann starfi hjá félaginu
næstu þrjú árin. Með þessu er verið
að samtvinna enn frekar hagsmuni
Baldurs og hluthafa félagsins, segir í
tilkynningunni til kauphallar OMX.
Kaupir í Eimskipa-
félaginu fyrir
2,5 milljarða
Baldur Guðnason