Morgunblaðið - 30.04.2007, Blaðsíða 15

MORGUNBLAÐIÐ MÁNUDAGUR 30. APRÍL 2007 15
VESTURLAND
Eftir Guðrúnu Völu Elísdóttur
gve@ismennt.is
Borgarnes | Þeir komu til Íslands
á síðasta ári, Tomasz Bialonczyk
og Robert Krymkowski, báðir frá
Póllandi en kynntust á Íslandi.
Þeir búa báðir í Borgarnesi, Tom
vinnur hjá Sólfelli en Robert hjá
Límtré-Vírneti. Tom kom í byrjun
árs en Robert sl. haust og báðir
voru þeir í leit að betra lífi.
Á vit nýrra ævintýra
„Ég kom vegna þess að ég vildi
gera breytingar á lífi mínu. Mig
langaði til að verða hamingju-
samur, finna vinnu og eiga gott líf,
betra líf en ég átti í Póllandi,“ seg-
ir Tom. „Þar vann ég sem sölu-
maður en launin voru ekki nógu
góð, ég var með um 50 þúsund ís-
lenskar í mánaðarlaun.“ Tom seg-
ist hafa fengið vinnu á Íslandi í
gegnum pólskan mann sem var að
vinna hérlendis. „Vinkona mín,
sem vissi að mig langaði að komast
til Vestur-Evrópu, sagði mér að ég
gæti fengið vinnu, en því miður
væri þessi vinna á Íslandi. Hún vís-
aði mér á þennan mann sem var í
jólafríi heima í Póllandi og ég hitti
hann á bar. Fjórða janúar var ég
svo kominn til Íslands.“ Tom segist
fyrst hafa hugsað með sér að það
að fara til Íslands væri hræðilegt.
„Mér fannst það eins og heimsend-
ir, en þar sem ég er ekki hræddur
við neitt ákvað ég að prófa. Ég
vissi líka að fólk hefur það gott í
Skandinavíu, ég á marga vini sem
eru í Noregi svo ég lagði það að
jöfnu.“
Robert segist hafa komið Íslands
vegna þess að hann langaði á vit
nýrra ævintýra og að prófa eitt-
hvað nýtt. „Þegar vinur minn
hringdi í mig og spurði hvort ég
vildi koma til Íslands fannst mér
það spennandi kostur. Verkstjór-
inn hans hafði beðið hann að út-
vega Pólverja til vinnu. Ég hafði
ekki lært ensku, kunni ekki tungu-
málið hér og hélt kannski að ég
væri að gera mistök, en ákvað að
láta vaða.“ Robert, sem er mennt-
aður í umhverfisfræðum, vann áður
við smíðar á gluggum og hurðum í
heimalandi sínu og var með um 50–
60 þúsund íslenskar krónur á mán-
uði.
Þeir segja báðir að íslenskan sé
erfitt tungumál, sé erfið í fram-
burði og eins að skrifa hana. „Ég
er orðinn of gamall til að læra
tungumál,“ segir Tom, „og mér
finnst erfitt að muna orðin. Áður
ætlaði ég ekkert að læra íslensk-
una en núna tel ég það nauðsyn-
legt upp á framtíðina, kannski til
að fá betri vinnu eða betra líf.“
Hann stundar nám í íslensku á
vegum Símenntunarmiðstöðvar
Vesturlands og er á framhalds-
námskeiði. Robert hefur einnig
verið að læra íslensku og er núna í
Landnemaskólanum. „Mér finnst
Landnemaskólinn vera gagnlegur,
ekki bara til að læra um Ísland
heldur hef ég kynnst hinum nem-
endunum og lært um þeirra menn-
ingu og kann t.d. að skála á fleiri
tungumálum,“ segir Robert og
hlær. Hann segist einbeittur í því
að læra íslensku. „Ég vil læra
þetta mál og geta talað það vel. Ég
held að ef ég tala íslensku verði Ís-
lendingar opnari gagnvart mér.
Þótt ég bjargi mér núna á ensku
finnst mér miklu betra að tala ís-
lensku, það er einfaldlega flottara
mál. Mér finnst mér ganga vel, ég
er þrjóskur, mig langar að tala og
á hverjum degi reyni ég að tala ís-
lensku í vinnunni.“ Þetta síðasta
segir Robert á íslensku!
Ótrúlega skrýtið landslag
Ísland hefur svo sannarlega upp-
fyllt væntingar þeirra. „Ísland er
fullkomið,“ segir Tom. „Þegar ég
kom hingað fannst mér landið frá-
bært og vinnan fín. Það eina sem
ekki er nógu gott er veðrið en ég
er frá fjallahéraði í Póllandi svo ég
þekkti svona veðráttu.“ Tom finnst
að nánast allt sé hægt hér, nema
aðgengi útlendinga að bankalánum
sé takmarkað. „Mér er sagt að
maður þurfi einhvern Íslending til
að gangast í ábyrgð fyrir sig, eða
eiga einhverjar eignir. Útlendingar
eiga ekki kost á þessu hérlendis,
en launin eru auðvitað miklu hærri
hér en heima. Leiga á húsnæði er
svipuð heima og hér þannig að
mjög erfitt var að framfleyta fjöl-
skyldu á þessum lágu launum.“
Tom, sem í hverjum mánuði sendir
drjúgan hluta launa sinna til Pól-
lands, segir markmiðið vera að fá
fjölskyldu sína hingað, en hann á
tvær dætur, 10 ára og sjö ára.
Hann segist reikna með því að búa
hér áfram og segir það ekki skipta
máli hvort hann fái íslenskan rík-
isborgararétt eða ekki svo lengi
sem hann fái að dveljast hér á
landi.
Robert segist ekki vera ákveðinn
hversu lengi hann verði hér.
„Kannski verð ég áfram um
ókomna framtíð. Fyrst fannst mér
Ísland vera eins og tunglið, ótrú-
lega skrýtið landslag. Ég sá engin
tré eða vötn, bara kletta og fjöll.
En núna líkar mér vel við landið,
það hefur einhverja töfra. Allt er
nýtt, ný reynsla, ný upplifun, hafið,
fjöllin og svo þessi bær, Borg-
arnes, sem ég kalla „Flintstone vil-
lage“ í gríni,“ segir Robert, en vill
ekki fara nánar út í það. Hann seg-
ist stefna á að flytja til Reykjavik-
ur, því honum finnst fulllítið um að
vera í Borgarnesi. „Svo tel ég að
ég eigi meiri möguleika þar og mig
langar í framtíðinni að komast í
vinnu sem tengist minni menntun.“
Aðspurðir hvað þeim finnist um
fjölgun útlendinga á Íslandi segjast
þeir ekki hafa velt því mikið fyrir
sér. Robert segir þó grundvall-
aratriði fyrir útlendinga að læra ís-
lensku ef þá langar til að líða vel á
landinu. „Ég hef ekki fundið fyrir
fordómum,“ segir Tom, „en ég vinn
auðvitað oft eins og þræll og einu
dagarnir sem ég á frí eru sunnu-
dagar. Þá fer ég oftast Hafn-
arfjallið, fer bæði á skíði og geng.“
Robert segist ekki hafa mikinn
tíma fyrir áhugamál hér, en hann
er í Margmenningarfélagi Borg-
arfjarðar og sækir tíma í Land-
nemaskólanum.
Þeir segja Pólverja ekki svo
ólíka Íslendingum þrátt fyrir mis-
munandi menningu. Þess vegna sé
ekki erfitt að aðlagast íslensku
samfélagi. „En hér vantar alveg
tré og það er fullhvasst,“ segir Ro-
bert. „Íslenskur matur er nokkuð
góður, en einkennilega oft sykr-
aður.“ Tom tekur undir það og
bætir við að íslenskar konur séu
mjög fallegar.
Ísland uppfyllir væntingarnar
Morgunblaðið/Guðrún Vala
Ánægðir Ísland hefur uppfyllt væntingar Tomasz Bialonczyk og Robert Krymkowski. „Ísland er fullkomið.“
Í HNOTSKURN
»Tom kom í byrjun árs enRobert sl. haust og báðir
voru þeir í leit að betra lífi.
»Þeir segja báðir að íslensk-an sé erfitt tungumál, sé
erfið í framburði.
»Pólverjar eru ekki svoólíkir Íslendingum þrátt
fyrir mismunandi menningu.
Þess vegna er ekki erfitt að
aðlagast íslensku samfélagi að
mati þeirra Tomasz Bialonc-
zyk og Robert Krymkowski.
Tomasz Bialonczyk og Robert Krymkowski komu til Íslands frá Póllandi og eru nú búsettir í Borgarnesi. Þeir segjast hafa
komið til Íslands í leit að betra lífi. Þeir segjast vera ánægðir og auðvelt sé að aðlagast íslensku samfélagi. Tom vinnur hjá
Sólfelli en Robert hjá Límtré-Vírneti. „En hér vantar alveg tré og það er fullhvasst,“ segir Robert.
Stykkishólmur | Miklar gatnagerð-
arframkvæmdir eru í miðbæ Stykkishólms.
Það er mikið átak að ráðast í það að fegra
þennan hluta bæjarins. Á þessu svæði var
malarstígur, sem ekki var skemmtilegur yf-
irferðar í blautri veðráttu.
Svæðið sem er verið að vinna við er um
4.400 fermetrar og nær frá Hafnargötu með-
fram Norska húsinu og Amtsbókasafninu að
Aðalgötu. Torg verður myndað á milli
Norska hússins og Amtsbókasafnsins þar
sem hægt verður að vera með uppákomur í
bænum eins og á dönskum dögum.
Áætlaður kostnaður er
um 50 milljónir króna
Að sögn Erlu Friðriksdóttur, bæjarstjóra,
er þetta stórt verk á mælikvarða Stykk-
ishólmsbæjar. Áætlaður kostnaður við verk-
ið er um 50 milljónir króna. Stjórn Norska
hússins tekur þátt í kostnaði.
Að framkvæmdum loknum mun miðbær-
inn fá mikla andlitslyftingu, svæðið verður
fallegra þar sem gömlu húsin mynda um-
gjörðina.
Erla segir að framkvæmdirnar muni
standa yfir í vor og sumar og er áætlað að
þeim ljúki þann 1. ágúst. Borgarverk er
þessa dagana að hefjast handa við jarðvegs-
vinnu og lagningu frárennslislagna vegna
gerðar nýrra gatna, göngustíga og bíla-
stæða. Fyrsti áfangi verksins sem lýkur 1.
maí er jarðvegsvinna á svæði sem afmarkast
frá Egilshúsi að Amtsbókasafninu. Síðari
áfanginn nær svo frá Amtsbókasafninu að
Fimm fiskum og verður jarðvegsvinnu við
þann áfanga lokið 1. júní. Um leið og fyrri
áfangi jarðvegsframkvæmda lýkur tekur
hellulagningarverktakinn Grásteinn til við
að helluleggja og malbika götuna, göngu-
stíga, bílastæði og torg. Ásamt því að hlaða
vegg sem afmarkar bílastæði við Egilshús
frá göngustíg sem liggur frá Egilshúsi með-
fram Frúarhólnum að Norska húsinu og
Ráðhúsinu.
Fólk er ánægt
Gengið verður frá götunni frá Hafnargötu
að Amtsbókasafninu með sama hætti og
Skólastígnum. Það er að segja: gatan og
gangstéttin verður jafn breið og Skólastíg-
urinn og með samskonar hellulögn. Við enda
götunnar á milli Norska hússins og Amts-
bókasafnsins tekur síðan við hellulagt torg.
Bílastæðin við Egilshús verða svo malbikuð
ásamt bílastæðum við Amtsbókasafnið og
götunni frá bókasafninu að Fimm fiskum.
Erla, bæjarstjóri, tekur fram að lokum að
fólk sem hún hittir er mjög jákvætt út í
framkvæmdirnar og allir mjög glaðir yfir
því að farið var af stað og að verkinu verður
lokið á skömmum tíma.
Bæjarmynd Stykkishólms breytist til batnaðar
Morgunblaðið/Gunnlaugur Árnason
Framkvæmdir Gamli miðbærinn í Stykkishólmi mun breytast þegar hægt verður að ganga um
hann á nýlögðum hellum í gömlum stíl. Framkvæmdirnar standa yfir í vor og sumar.